تونى راده من الدوام منشحنه من الحر بعد القطع المبرمج الى يحوشنا كل يوم نص ساعه دشيت البيت ولا تلفون البيت يرن
ترن ترن ترن ترن او ترن
ترن ترن ترن ترن او ترن
انا : بعصبيه من يتصل الظهارى الو
الحيين عزيزى القارىء ابييك تعيش معاى وتتخيل الموقف واتركز على الطرف الثانى الصوت الى وصلنى
الحيين عزيزى القارىء ابييك تعيش معاى وتتخيل الموقف واتركز على الطرف الثانى الصوت الى وصلنى
كالتالى وحده منعمه صوتها غصب لى درجه الملاقه ، اتنافخ بالتلفون اتفحفح ، وصوتها واطى ياااالله تسمع شتقول
دشت بالموضوع حتى ما عرفت بنفسها
دشت بالموضوع حتى ما عرفت بنفسها
اهى : هلا بنت عمى شلونك يالحبيبه
انا : منو انت
اهى: حبيت اخذ من وقتج فى موضوع اذا لج غاريه على الكويت وتحبينها
انا : مصدومه لى الحين حرانه من بره وميته عطش وهذى تقولى بنت عمىىىىىىىىىى
لالالالا لالالالالالالالالالا اكره هالنووووع
تفضلى اختى ورفعى حسج ما اسمع
تفضلى اختى ورفعى حسج ما اسمع
اهى : يالغاليه يالحبيبه على جم حاطيين مكيفكم
انا :نعم
اهى : على اى درجه يعنى
انا : احنا سنترال اختى مو مكيف
اهى : اى اى نفس الشى على جم
انا : شدرانى يمكن سبعين
اهى : البيت كله شغاله مكيفاته حتى الدور الى ما فيها احد
انا : اختيييييييييييي هذا تكيييف مركزى كل البيت
اهى : يا بنت عمى يالغاليه ليش جذى !! الدور الى مو مستخدمينها سكروا التكييف عنها
انا : فورت مانى قادره اكضم غيضى بنفجججر !! فى شى ثانى
اهى : اى اذا وايد مقصرينه علوه لا يصير بارد وايد لان يستهلك طاقه اكثر ويصرف كهربا
انا : نموت حر يعنى
اهى : بيتكم وبيتهم والبيت اليمكم لاحظوو ما قالت بيتنا عنها اهى !! نتكاتف عشان انوفر لهاوفى شى يالحبيبه
انا : شنو بعد شتبوون
اهى : طولى بالج معاى
انا بقلبى حمدى ربج مو مسكرته ومجابلتج وانا يايه من الدوام
اهى : بس حبيتج اتساعدينى بالتذكير وتتتصلين على ربعج واهلج وييرانكم كل الناس وتقولين لهم يسكرون الليتات بالغرف الفاضيه ويطولون على التكييف
انا : هسترت ضحك مت مت من الضحك على هالهيلقيه الى انا مضيع وقتى معاهاااا تبى اتشغلنيييييييييي ادقدق على خلق الله الظهارى اقولهم رفعوا على المكيفات وخيسو حر بعز الظهر وسكرو الليتات !!
اختى عن اذنج مشكوره على الاتصال واحنه احرص منج على الكويت نعرف نتصرف
يالله باى
يالله باى
اهى : انزين عطينى الارقام انا اتصل
انا : اختى مو من طبعى قلت الادب مع الناس بس انا مطره اسكر التلفون باى
وسكرته ولا تعليييييييييييييييييييييق تبى اتشغلنى بنت شقول
ما اعيب ولا اطنز بس هذا اوووفر اوووفر
حتى مو مختارين الناس الصح بالحمله
شهالهلاقه شهالاسلوب
حتى ما تعرف بنفسها
راهيه واسلوب زفت وما ادرى شنو
اتوقع مروا عليكم هالاشكال؟؟
هههههه
ReplyDeleteانا لما بدت النصايح
قلت لها انا مو من اصحاب البيت
ولما سألت اقدر اكلم احد من اهل البيت قلت لها كلهم طلعوا وخلوني
وسكرته
اشرايج فيني
بلا عوار قلب
اهما اللي بيعلموننا نشلون نحافظ على البلد
وما ادري ليش يتنهوصون وهم يتكلمون
ماعاش من يقثج ويرفع ضغطج ياكريزما
ReplyDeleteلا لا آنه بخلي نسكافيه اتعلق
بس اعطيج فكرة عن البيت الخط الثاني محد يعرفه لأن حق فاكس ومايدق علينا الا خالاتي او اختي الكبيرة يعني اذا استخدمناه ..بس الحين نزيد عليهم الصنف الثالث حملة ترشيد
يعني إذا دق اول شي نشوفه الساعه إذا س 2 او 3 الظهر قلنا حملة ترشيد .. لوووول وعاد تعالي شوفي كل مره يلقون لهم جذبه يجذبون فيها
:)))
--
والله العظيم بيتنا صككنا البيلرات لأن مانحتاجهم وخصوصا ان البايبات إذا ماني غلطانه حديد فيعني من الجو بروحه بيكون حاااار
عندج الليتات هم نفس الشي اللي فوق مانشغلهم دامنا مو بعازتهم .. بس عاد الصاله بنقعد ظلمه!؟
والسنترال صعبة صراحه نصكه نقصر مادري نطول عليه ممكن بس نصكه !؟ وكريماتي ؟ وكلونياتي؟
مش ممكن --> قلبت ;p
اللي بوصل له إن كل شي ممكن نسويه بس بالمعقول .. نقعد انفاقق على بو نوفر لها :)
والله اللي المفروض يوفرون المقيمين والعماله الجميلة .. لأنهم ماشين على المثل اللي يقول : مال عمك لايهمك خو كله جم دينار بيندفع ومرده بيذلف ديرته
جني اشتطيت اشوي ;p
هههههههههههه
ReplyDeleteأسلوبها قمة الهلالالاقه .. أشوه للحين ما دقوا علينا لأني ما أقدر أتفاهم مع ناس هذا أسلوبهم !!ء
علوا على التكييف عشان لا يستهلك طاقة أكثر ويصرف كهربا
!!!!!!
وأنتوا تمووتون من الحر .. بالطقاق اللي يطقكم !؟
لالالالالالا .. ينووو وقعدووو !!!!!؟
جان رديتي عليها : ترى أنتي أستهلكتي صبري وصرفتي أدبي .. حجوة زيادة وبقطع عنج الخط !!!!ء
هههههههه ... لالالا بعد بتشغلج معاها أدقيين على خلق الله : سدوا الليتات وخففوا التكيف ههههههه .. بعد جم يوم بيقولون لنا : لو سمحتوا تيمعوا في غرفه وحده وسدوا باجي ليتات البيت والتكييف .. وياريت بالليل تشبون شمووع أوفر ... حشااااا قاعدين في مخيم مووو بيت !!!!؟
ديرة من أغنى دول العالم يصير فيهااااا هذا كلة !!!!؟؟
عمااااار ياااا كويت
عمااااار ياااا كويت
عمااااار ياااا كويت
كاااااااااااااااااااااااااااك
ReplyDeleteكريزما
بنت عمي
:P
بصراحه البوست كله بصوب والعلم بصوب
ذبجني من الضحك
يازتلي وايد سالفة الغيره
الغيره صارت الحين باللمبة والكنديشن
يا زمان العجايب
ياقلبي يا كتــــاكت
يامنتا مليان وساكت
اللحين ذلين من صجهم؟
ReplyDeleteانا اقول الدولة
تصرف تذاكر واقامة مجانية لمدة شهرين لكل مواطن
للوجهة الي يختارها
ويظلمون الديرة ويسكرون المكيفات
ويا دار ما دخلك شر
الصراحة ما يستحون
والدور والباقي علينا
ما ندرى كم اثنين اسود ينتظر البحرين
واللي يعيش ياما يشوف
دومي بحب
تحياتي
انا ناطرهم يدقون
ReplyDeleteعشان يحرمون
هلا وغلا بالحلوه اللي مزعلينها ناس مايستهالون
ReplyDeleteكريزما
حبوبه من اللي باط جبدج يعل جبده تنبط انشاءالله
@@@
والله يالغالية وحده منهم اتصلت ..بس حسافه الوالده ردت عليها
وخبرج الوالده ماتبرد الجبد بالرد كلش
:)
بس تدرين لو يتصلون مره ثانيه جان وريتهم ان النبي عربي
ودمت يالغالية
بس بدون بطت جبد
:)
تصدقين انا محتر من هالسالفة
ReplyDeleteما يقولولى لى متى اهم جذى ؟
شنو هالديرة
بس اقول بنت عمي شلووووووووووووونج :))
وما ادرى من معلم بنات حواء
ان لفحيتى صوتج بالتليفون تقول حية كوبرا
بيقولون ناعمة
بس بالنهاية مجهود يشكرون عليه كوزارة وهذا حق لازم الواحد يقصه من نفسه لهم
loooooool 3ady e7na ba3ad dagat 3aleeeena :P bas la ana mineech chan a9eeka eb wayeeha :P LOOL wa etha dagaaaat mara thanya a7geerha 7agra wa7da :P ohma shakoo bel takeeef mako fayda feehoom ! el nas ya3ny etmoot 7ar beeel 9eeef 3alshan enwafeer ?? la2 feee amakeen wayeed keela shaba leeetatha lish ma e9koonha ?? LOOOL nafs el ma6ar wa el abraj :P wa borj el ta7reer ! keela leeetathoom maftoo7a bel lil lish 5al ewafroon a7san ma edgoon 3ala el nas el theeeher wa egooloon 9eekaw el mokayeef :S ( a9lan el abraj wa el ta7reer bel lil ma7ad e6alee3hoom wa e3aberhoom 5al e9koonhom bel 9ef :P )
ReplyDeleteThis comment has been removed by the author.
ReplyDeleteThis comment has been removed by the author.
ReplyDeleteالســـ عليكم ـــلام
ReplyDeleteيا بنت عمي لو انكم مقصرين على المكيف جان ما دقت عليج
ههههههههههههههه
________________________
الديرة ما فيها احد وهذول يقولون الكهرباء في ازدياد
ما ادري شنو يبون
اشوف هالمشكلة مو موجوده الا عندنا
كل دول الخليج ماعندهم هالمشكلة ما ادري ليش بس احنا
بس انا اعتد ان المسؤلين استانسوا على سالفة الحملات و الفلوس الي تطلع لهم من ورا هالحملات
.وكل يوم قاعدين يطلعون لنا بحمله
بس خلونا انقول حملة لزيادة المعاشات
تنقلب الدنية وتقعد
خليها على الله بنت عمي
_____________
طلب بسيط اذا تسمحين
ممكن اتغيرن الصورة الي خاطتها
لان العلم رمز للكويت و الكويتين
صباح الخيير
ReplyDeleteمداومه امبجر اليوم
:/ قبل استاف التنظييف
حالتى حاليا انسطال تام
بصحصح مع الكوفى وكومنتاتكم
:)
الملح وقبله:
لووووووووول
زيين سويتى شااطره
اهم لو يقولون معاج وزاره الكهربا والماى جان بتنحش
بس مصيبتها تقولى هلا بنت عمى
ههههههههههههه
اااخ
تعجبينى
:**
ريلاكس:
ريلاكس انتى وييينج حلييت التاااق
:/
شكله صايره سالفه :))
لووووووووووول اهم شى حمله ترشيد مه فى
VIP
ههههههههههههه
دامكم صايدين الوقت لا تردوون حقروهم
لوووول اى والله
كريمات
حمر
كلونيات قشنا قش
ههههههههههه
تلومينى بشعار الحمله من حبنا لها نخيس لها !!
ما طلع عبط
يا حلوج ويا حلو شطتج
انتى بكبرج عسل على قلبى
:*
دلى وميلى:
ReplyDeleteقمة الهلاقه بس
الا الهلاقه سنعه عندها
اقولج تقولى هلا بنت عميييييييييي دلى لحقى على
اييي والله استهلكت صبرى
انا اصلا اختبرت انى صبوره وفزت وبجداااااره
اى والله عماار يا كويتنا يا حبنا عماار وعلج عمار
:/
سليمان:
:))
اى والله تقولى بنت عمى
مو بنت عمججججججج ما اعرفج
لول
ذكرونى ايام البداله لما نتصل نبى رقم
يردون هلا بنت عمى
101
اى العلم تحفه خدم البوست من قلب
:)))
ايي والله يا قلبى يا كتاكت يا منت شايف وخامر وساكت
:)))
منور
يعطيج العافية على القصه هذي
ReplyDeleteانا عن نفسي ما مرو علي بس واحد من الربح اتصلو على أبوه
عاد أبوه شايب عمره 70 سنه
قالوله نفس الكلام
هلّق فيهم والله
زفهم وسكر السماعه بويهم
يقولون حمله ترشيدية
مكلفتهم 10 ملايين دينار
لو بانين محطة يديدة مو أحسن ؟؟؟
نيومى:
ReplyDeleteيسلم تمك يا نيومى
ايييي صاااجه
ونوفر لهاا
هههههههههه
اااخ يا قلبى ااخ
اسم الله عليكم يا اهل البحرين
والله يحفظكم
حبيبتى يا نومى
برااك:
حتى انا اتمنى
طلع حرتى فيهم
انا احتريت لما سكرته اكثر من ما اكلمها
انيي شلون تمالكت اعصابى!
فراوله :
ReplyDeleteهلا والله بفراوله
هههههههههههه
هذول حملة ترشيد الى شادين حيلهم على غلط
:))))
الكل متحلف فيهم
مشارى:
لحد يقولى بنت عمييييي
:))))
التفحفح يعنى سكسى طال عمرك
لوووول مساكين الى يغيرون صوتهم لما يتكلمون ماساة
مجهود يشكرون عليه !!!
اوكى شغلهم بس خل يسونا صح
مو ياذون خلق الله بهالاسلوب
غلط كل شى غلط
اكو احد يدق ما يعرف بنفسه؟؟
مشارى !!
حمله رفع ضغط العالم
loco:
maa gdaart askra bwayehaaa ma agdaaar anaa sheli emawtny 7araaah
eny 36et`haa mn waqty el thameeeeeeen
://
ee walaaah 9aaaaaaaaaj
ygolk hathool a3laam el q8 ma ye9er yskronhum
://
mo chethyyy
ako byot mreet 3lehaa kelha zenaah shabaa
7taaa na`7alhum mzayan bl letat lool ee hathol `7al ysakronhum aw yewafron lahaa :P
خسرتنى للابد:
ReplyDeleteمو هذى المصيبه الديره قاعد تفظى وهذول مشتطين
احس ما عندهم شغل
مو معقوووله جذىىىى
احنا ندرى وحريصين بدون هالقثا
العلم ما يشبه علمنا ولا له علاقه فيه
والبوست كله ضحك
لا حرفت ولا شى
يانى ايميل وحسيت يخدم البوست وحطيته هذى كل الحكايه
العلم رمز للكويت وانا مواطنه كويتيه غيوره على بلدها وتحبها
وجهة نظرك احترمها
بس انا ما قصدت الى انت اتفكر في
:)
حياك الله
physio_80:
يحلوه زين سوا فيهم
:))
مساكين والله حاشهم طشار ما احلموا فيه
بس اهم الى اييبونه حق نفسهم
:/
ايى والله وانت الصاج
مخاسير على الفاضى
خلها على الله سبحانه
9aaja 9aaja ana hal emnaafakh wetenehwe9 maar 3laiy ge6e3aaa ... ana broo7i atnarfaz mn el emnaafakh hanooob tenehwe9 way charisma ertefa3 thagh6e bel 7ar:P postich yabeelah mahafah e7err ele maye7tar:P
ReplyDeletehala bint 3amy ..
ReplyDeletehala okhoo galbi...
hala wild khali ..
ramz elhalagaa mal wa7id e6eg erguba weta3akaf wohwa egooool hal 7achee ge6a3 wo 3ugbha eroo7 yeftar bel 9aalah(skating) le3bat;hoom 3ad hatheee loool:P
شكشكاااا:
ReplyDeleteهلا هلا هلا هلالالا
لوووووووووووووول
ايى والله قطيعه ما ادرى ليش وما ادرى من قالهم ان التنهوص والتفحفح حلووو
تذكرت وحده معانه بالتلفون غييير ولما اتكلم رجل ايا كان يصيير غير
لول
حاله حاله
انا تقلب جبدى من هالاشكال
لووووووووووووووووووووووول
ههههههههههههههههههههههههههه
واى شكشكاا
اى اى ذكرتينييييي
اخو قلبيييييييييي
هههههههههههههه
واى موتنينى ضحك زميلى مجابلنى يطالع شفيها ينت هالى جدامى
لووووووووووووووول
اايى والله صاجه
رمز الرهات الهيلقى
لووووووول
ReplyDeleteتدري انا شنو قتلهااا
ههههههههههههههه
قالتلي خل بالكوا بعد من الخدم
قلت لها اكييد لا توصيين حرييص
اصلا انا ماسك خيزرانة والخاادمة الي تشغل اي شي يا وييلهاا
واصلا احنا كل البييت هاديين وقااعديين بغرفة وحدة
لا تحاتيين
لوووووووووووووووووول
ترستن:
ReplyDeleteلوووووووووووووووول
ههههههههههههههههههههه
زين سويت فيها
:))))))))))))
تذكرت البوست اللي قبل
ReplyDeleteمن حبنا لها بنخيس لها
الحمدلله نص الكويتيين مسافرين بهالوقت
وانا انشالله هالاسبوع بسافر واخفف عليكم من الاستهلاك
لاني حاس ان القطع قرب وقته
خصوصا ان الحراره صارلها ايام نعلق عندي بالسياره على ال50
لان الياباني مايزيد فوق ال50
بصراحة مدونة جميلة للغاية
ReplyDeleteاعجبت بها جدا
--------
قرأت المقال
وقد تبدو ان الحملة فكرتها عميقة وتخدم الوطن
لكنها بالنهاية تستلزم اشخاصاً قادرين على توصيل الفكرة من تلك الحملة بكل عوامل الجذب
والا كانت الحملة معولاً لهدم الفكرة
وعائقاً لتنفيذها بسسب اختيار الاشخاص الغير مؤهلين
تحياتي
:))))))))))))))
ReplyDeleteالحمدالله والشكر
يعني مالقوا احسن من هذي تتصل ترشد على استخدام الكهرباء
ومالقت وقت احسن من الظهاري
صج ماكو ذوق ولا سنع
ولو انا يا كاريزما
جان من البدايه قلت لها ماتعرفين تتصلين بوقت احسن
ولا انتى منتى عايشه بالكويت وعافه طبايعنا وان عيب ندقدق على بيوت اللوادم بعز الظهر
لعنة الله على هاللي عارفين نفسهم و شغالين بوق و نصب
ReplyDelete.. وإلا إحنا من متى جذي حالتنا ؟؟
و شكو توهم يفطنون على الكهرباء !!!!؟؟؟
كهرباء و حملات و ترشيد و بطيخ و بالليل الوزارات و المؤسسات ليتاتها ليه الفير تشتغل !!!!
و بيوت هالشيوخ ما تنطفي عندهم الكهرباء !!!
طلعوا سالفة الكهرباء عشان يلهونا عن بوقات ثانية ..
الله يغربلهم و لا يوفقهم آميييييييين
حدي اشتطيت .. لوول بس والله من الحره !!!!
--
لو أنا منج أسكره على طووول ..
;P
واااي موتيني من الضحك
ReplyDeleteهاهاهاهاهاهاااااي
اهم شي عطيني الارقام انا ادق
هاهاهاااااااي
ابييييه طماشه
والله انا كنت نايمه ودقوا وردت عليهم الهنديه .. الله يسلمج هالهنديه عندي من الغزو ...
المهم نزلت تحت
جان اتييني وتقولي
مدام
اليوم هذا وطنيه
سويي تليفووون
يقول سكر كله ليت
مال بيت
ماما دار
بيبي دار
ماكو واجد كهربا في كويت
شكلها هذي ماغيرها اللي كلمتج اهيا اللي مسولفه مع هنديتنا
لوووووووووووووول
واااي توني راده وعطشانه وحرانه الدااااد
والمشكله انج جاريتيها
تلاقينها قاعده بالبرااااد ويمها بطل ماي بااااااااااارد يسرسح على القلب وقلاص جاي عشان يعدل المزاااج
وتدق دق
واااي باطه جبدي ان تقولج دقدقي على الاوادم
لا وتبي الارقاااااااااام
والله لو يخلوون ميريوو تدق وايد اهون
بصراحة
ReplyDeleteهذي خوش طريقة للمغازل حق الشباب
الواحد يدقدق على بيوت الناس
اذا طلع صوت ناعم يتحرشون فيه
واذا طلع صوت خشن يقولون له وفر لها
:)
بعدين في شغلة غريبة
ليش الناس قاموا ينادون بعضهم
يا ابن عمي
أو يا بنت عمي
اللي أعرفه واللي نقوله دايما
أخوي أو اختي
ليش بعض الناس يدورون الألقاب البعيدة
حتى صفة الأخوة بيلغونها
ودمتم بحب وود
والله لو سائلتها إذا كانت كويتية وإلا لأ، لأني شبه متأكد إن بنت عمك مو كويتية، لأنها تشتغل الظهر، ومثل ما تعرفين إن الكويتيين الصبح ما يشتغلون شلون الظهر؟
ReplyDeleteأحلا شي ببيتنا
ReplyDeleteإنه محد له يخلق يرد على تلفون البيت
تلقين التلفون يرن ويرن ويرن
واحنا نتعازم منو يقوم يشيله لووول
.
.
واي وربي من كثر ما ذبحونا بحمله الترشيد حلمانه فيهم لووول
q8y8كويتى8
ReplyDeleteتخييل وهذا ونصنا مو موجود بالديره
عيل من يخلص الكهربا اذا نص الكويتيين بره
ولا يقولك بقى 4 بالميه من الطاقه الى اتولد الكهربا
لووول
لا انفذ بجلدك الله يحفظك
:)))
صاحب البوابه:
شكرا جزيلا لتواجدك وتعليقك
والحمدالله على كل حال
zozota:
:))
انا انبهرت ما استوعبت
حالتى كانت صعبه
وصفقتنى فى بنت عمى
ولا ادرى شالطبخه منو هذى وشتبى
بعدييين استوعبت انربط السانى
صوتها واطى وتنفخ
ولالالاى لا اذكرينى
لوووووووول
ما احس الا وانا ضغطى قاعد يرتفع من الى اسمعه وفورت
:)))
منوره حبيبتى انتى
احلى شي بالسالفة انها قاعدة اتفح على السماعة
ReplyDeleteيالللللللللللللله
غصب طييب يعني دلع وذرابة
مايلوووووق !
والله لو انا جان راقعته اب ويهها من زمان !
معلومة : تكلفة الصيانة السنوية لمحطة توليد الكهربا بالديره جم ومليون .. خنقول 3 ملايين .. 3 ملايين تنقط كل سنه حق صيانة هالمحطة الكحيانه
وتكلفة بناء محطة يديدة 4 ملايين وما يحتاي لا صيانة ولا عماة عين
هالحجي نقلا على لسان احد مهندسي وزارة الكهربا
و مادري شنو على الراوي - احلى شي اني نسيت الجملة -
طايحة ببطون فلان وعلان ! اااال ترشيد ااااال
breeze:
ReplyDeleteهلا والله
:(
اى والله من متى جذى من متى
اييييه وعمار يا كويتنا
شنقول الا حسبى الله ونعم الوكيل
هههه ما تنلامين يختى
لو من اول ما اتصدلت قالت معاج الوزاره وحملة ترشيد جان استوعبت
بس اهى استغفلتنى
لووووووووووول
what will be will be:
هههههههههههه شفتيها تبى اتشغلنى ادقدق معاها بنت شقول
لوووووووووووووووووول
اهم شى خدامتكم حفظت الدرس
:)))
الله فكج منهم
اييييييييييي مو انا لى ميته حره
لانى جاريتها وعطيتها من وقتى الثمييييييييين
لووووووووووول اى والله شكلها جذى لانها اتكلمنى باعصاب بااارده
وبكل هدووء
لوووووووول ايى والله شكلها يمها بطل ماى بارد ولالا
شكلها بغرفه بارده وتشرب تيركش
لانها رااايقه
لووووووووووول
يمكن ميريوو اسنع منها بالكلام
اتصدقين
:))
هههههه
ReplyDeleteيا حليلهم وصلت حملتهم للتلفونات
لو انا منج جان قتلها بنت عمي ترى انا مسكرة كل شي حتى التكييف مو مبطلته عايشة على المهفة
شتبين بعد
الله يساعدكم على الحر
سلوقا بلوقا:
ReplyDeleteلوووووووووووول
سلوقا ارحم حالنا روح احمل الرايه عنها وانت دقدق
:))))
من صجك سلوقا
سالفه بنت عمى وبنت قلبى من وعيت على الدنيا
معروفين هالفئه
هذول ملوت 101
وكتبة المستوصفات اكثر ناس يشتهرون فيها
اكلمك جد هذى ظاهره من قديم الازل
انت الى دمت ابحب
منور
فهد العسكر:
من اشوف صورتك ابتسم
لووووووووول اتهقى !!
هههههههه
يجوز والله
لا وانت الصاج
ماكو كويتيه ترضى ادقدق على خلق الله تقولهم خيسوا وموتو حر
وخل نوفر لها بعز الظهر
:/
شهد:
ReplyDeleteوالله زين اتسوون
مفتكيين
:)
اى والله بقى ياهل بالكويت ما يردد هالاغنيه اصلا
من قوة الحمله
هههههههههه
the voice within:
loooooooooool
اتفح وموطيه حسها يالله اسمع شتقول
سايحه ما ادرى شعلتها
ههههههههههههه
استغفر الله يا ربى ليش جذى يصير فينا لييش
حسبى الله ونعم الوكيل
خلج من هذا كله
الحمله هذى بكبرها جم كلفت؟؟؟
بالله لو بانين محطه توليد مو ابرك من هالحمله!!
بنت الكويت:
هلا والله
:)
ايى اوصلت اوصلت
الله يستر عسى ما يفترون يطقون بيبان البيوت
جان نكمل والكامل الله
لول
اى واالله
مو انا شالى موتنى حره الا لانى كنت سنعه معاها
:)))
تسلمين
من حبنا لها انوفر لها طال عمرج
ويرتفع ضغطنا لها بعد
كلشى فى سبيل الكويت يهون
اشوه انها دقت عليج وما دقت علي
ReplyDelete:))
اذا ما تبي عمرها خل تفكر تتصل
@@
ReplyDeleteيعني انا من أشد انصار الحملة
بس
هاللي صار لج غير مقبووول البتة البتة
اسمه ازعاج للناس .. بالله مريض نايم
بالله ابوووهم عسر و صرخ فيهم على هاللي داق حزة الغدااا
و بالله و بالله ما تخلص
!!!
غير جذي .. لو انا قالت لي ما في غاارية
قلت ويييييييييييييييييي
صار الغزووو
!!
يعني خير اختي بنت عمي و الا بنت خالي
مالج حق في هالاستجواب بالمرررررة
الاتصال اصلا ماله معنى
حدي عصبت .. غميضة ما عندكم كااشف رقم
:/
والله ما فيني غارية شتبيييييين انتي منوو اساسا تعرفيني اعرفج
اوووف صج ناس ما تعرف تتكلم
بس هم من حبنا لها بنوفر لهااااااا
و عيني ما اطيح عن هالعدااد اللي بالتي في يا وخيتي مسوي لي أرق عسى ما احلم فيه بس
;Pp
احلى شيء انه اللي
ReplyDeleteدقت تنفخ وتنافح عليج
تكون بلوغر
LoooooooooooL
وتقرا اللي كتبتيه
عنها :P
يا تن تن
يا تن تن
يا تنتحر
يا تنحرف
هاهاهااها
وبقلبها اتقول
وااااااي انا مليقاااااااا
هاهاها
انا اموت بسمك الزينة
كل يوم بطل على بلوقج
بس عشان اتونس بمنظرهم
حتى لو ماكو شغل
قصدي بوست يديد
هاهاهاها
بس سؤال
انتي زرعتي السمج اللي مصورتهم وحاطتهم ??? <<<>>> هذي اللي
دقت عليج عقب الصدمة
بانها مليقة
قامت تقط خيط وخيط
هااهاهاها
صباح الخير
ReplyDelete:)
بيرل :
لووول
يايج الدور انتى تزهبى لها خلج جاهزه
:))
احلى انج:
لووووووووووول
والله البته مو شى يا احلى انجنير
البتتتته
رفع ضغطى والله يا اوخيتى
انت ما فهمتى البوينت الى بتوصله من ورا الغاريه
تبى تصهى فينى الحماس الوطنى
لوووووووووووووووووول
هههههههههههههههههههه
ما تدرى انهى اقتلت فينى الروح الوطنيه من هلا بنت عمييييييييييييي
هههههههه
الله يكملج بسنعج
وخلينا يا بنت عمى انتكاتف وانخيس لها
:Pp
vancouver:
ReplyDeleteهلا بالى لفانى يا هلا به
lol
خل تنتحر
ههههههههههههههههه
انا بعد وايد احب سمج الزينه
بس ما اتوفق فيهم
كل ما يبت حوض وعدته وحطيت سمج يموت
:(
فقررت انى ما اربيهم
ماكو كثرى منقع بالاكويريم
وااايد احب اروح اقعد هناك اجابل السمج
:)
حتى لو بروحى استمتع
لوول
ايييييييييي
انا مربيتهم وحشرتهم كلهم بحوض واحد وجابلتهم
جان تطمر وحده ولقكتها بالكامره
حلوه الصوره صح؟
هههههههههههه
:**
للحين محد دق علينا
ReplyDeleteخبرج بالليل
فنر واحد وقاعدين عليه كلنا
عشان نشوف عشانا شنو
وبالنهار مهفات
واذا حيل حيل حر
نقعت بيجامتي ماي
ونمت
:/
قاعد نوفر
هذا الي ناقص يقطعون علينا الكهربا بالدوام
والله ما اقعد دقيقة وحده
alooooooooooooooooooooooo
ReplyDeletealoooooooooooooooooooooooooooooo
ولهت علي هالمكاااااان
صج إن تغير علي الوووك
بقااااا جنااااااااان
يهوس
خطيييير خااااااااااااالص
يسلملي هالذووووق
=====
حمله الترشيد
حطي كاشف رقم و أي رقم غريب لا تردين عليه و فكي عمرج
نون النسااء:
ReplyDeleteانت وييينج نووون
فقدتج
عبالى زعلانه منىىىىىىىى
:/
لوووووووووووووووول
عدل شغلج
من حبنا لها انوفر لها
عاد حلوه اضاءة الفنر
:))
تنقعين ابجامتج مااى
لالالالالالالالالا لالالالالالالا مو زييين
ههههههه
بس بصس لا اتوفرين لها نون لا يحوشج روماتزم اسمالله عليج
:))
لا ما يقطعونها
بس يسكرون السنترال اخر نص ساعه بس
:/
ريمه:
ReplyDeleteهلا هلا هلا وغلا
المكان وصاحبة المكان
وكلنا مس يوووووووو
اى اى نيو لوك
هههههههه
اى عيل شون عيل
ضرورى احط كاشف رقم لانى من الصامدين بالصيف فا بقزرها ارد على بنات عمى
;)
انا بفهم هاللي يدقون داقين حمله ترشيد ولا يهدون اغاني بكويت اف ام؟
ReplyDeleteمن صجي ترا الاسلوب
الصوت
والكلام له تأثير كبير على الناس
انا دقت وسولفت عنها على الغدا
ومن سولفت ويدتي كل يوم تتحراها متحلفه فيها
تخيلي يدق التليفون يدتي تركض بثوب صلاتها :دقت الكهربا؟
اقولها لا
انزين اذا دقت ناديني
وكل يوم هذي حالتنا يدتي ناويه تعطيهها ما عطاها ربها
وانشالله بتبرد قلبج
:)))
والي يضحكني لما تسأل:
عندج اي استفسار؟
مشالله مادري شقايله لي عشان استفسر بعد
!!
يا بعد قلبي انتي
علي على السنترال بس
انتي اصلا تحتاجين بدل قطع مبرمج وحر
\البي فيها بالدوام
:)
مساج الله بالخير اخيتي كاريزما
ReplyDeleteزين سويتي
و انا بعد ... داقة علي من صباح الله خير
بس طبعا ما قصرت فيها ... المفروض ان اللي يشتغل بهالشغلة يكون عنده على الاقل مبادئ فن الحديث مع الناس ..هذول مادري من وين يايبينهم!!؟
لوووول
ReplyDeleteعجبتني الصورة
مبروك علينا العلم اليديد
استكانه:
ReplyDeleteلوووووووووول
واى اتينن اتينن يدتج
دقوو الكهربا
هههههههههه
زوقه
يا رييت يدقون عشان اتبرد جبدها بعد عمرى والله
:))
ايي والله صدقتى الاسلوب والكلام له تاثير
وحتى الصوت له تاثير
شفتى اشلون
:/
عثمانى :
هلا والله بخوى عثمانى
فن الحديث فى بنت عمى واخو قلبى
:/
اى والله ما ادرى من وين يايبينهم يا خوى
اسيل:
هلا باسيل
لول
اسم الله علينا منه
عسى ما يصير صج
هههههههههههههههههه
اللهم لا شماته يا ربى انت عالم بالحال
كثير مزعجين ويختارون
ReplyDeleteيتصلون في اوقات غير مناسبة
اما الاسلوب فكثير سخيف
وصوت الفحيح كثير مزعج
هذي مو حملة ترشيد
هذي حملة تعذيب
الظاهر هذي نفسها اللي دقت على بيتنا ..
ReplyDeleteترن ترن ..
انا : الو
ترشيد: الو مرحبا
انا : مرحبتين
ترشيد : يعطيكم العافية .. عفوا على جم حاطين السنترال !؟
انا : ؟؟؟؟؟؟؟؟؟؟؟؟؟
ترشيد : الو معاي ؟
انا : معاك ..
ترشيد : على اي درجة سنترالكم ؟
انا : مادري يمكن على 65 !
ترشيد : حراااام علييييكم قصرو علييييييه !!!!!!!!!؟
الله يقطع سوالفج... قطعتي بطني من الضحك على (بنت عمج)... عاد أنا كلش ولا هالنوعية من الناس إلي تفح فحيح بالحجي... يعني حسبالهم جذيه حد الإثارة (مالت عليهم وعلى إثارتهم)ا
ReplyDelete.
بس حقيقة أول مرة أشوفج معصبة جذية... وسعي صدرج يا بنت الحلال... وهونيها وتهون
.
التصميم المقترح للعلم الجديد جدا معبر... والله يكافينا وياكم شر الحر والقطع المبرمج
:)
الوجد:
ReplyDeleteيا هلا بالوجد
ايى والله يا اختى حمله تعذيب صدقتى
:)
الحارث بن همام:
مرحبا فيك بزيارتك الاولى
:)))))))
بسسس هذا اهى
هههههههههه
اظاهر ماكو غيرها يا خوى
:))
حياك الله
بوغازى:
ReplyDeleteهلا ومسهلا
:)
ههههههههههههههه
اي عبالهم جذابين ويغرون
انزين انا بنت الحين
اتفحفح على انا شذنبى
خل اتفح على الرياييل
انا مالى شغل اتدلعلى بالتلفون لوعت جبدى
بوغازى ما خلت فينى اعصاب شفت اسلوبها؟؟
ينرفز الى ما يتنرفز
:/
:)
ضحكنى العلم موتنى ضحك
الله يحفظنا
منور يا بوغازى
This comment has been removed by the author.
ReplyDelete:)
ReplyDeleteالعلم اليديد وايد حلوووو تصميمه
واهم ما في الموضوع انهم امضيعين مزانيه الدوله على حمله فاضيه..
هذا حد امكانياتهم...
ما اقول إلا الله امرر اشهور الصيف على خير و ما تنقطع الكهرباه عنا
لاااااااااااا مو زعلاااااااااااااانة
ReplyDeleteفديتج انتي
ولكن
we have new babies in the family
twins :P~
لوووووووووووووووول
ReplyDeleteواي كريزما يارج الله
احتسبي يا وخيتي احتسبي الاجر
الله لا يبلينا و يطيحنا بهالنماين
عيل اتفحفححححح هاااااا؟؟
لووووووووووووووول
و بعدين شو هاللوك الحلووووو
كلك زوء مدام كريزما
:))
مداومه متاخر
ReplyDelete:/
صبااحو على جميييع
lady godiva:
اهلا وسهلا باول زياره
مريت بلوقج
مبروك افتتاح مدونتج وبلوقج
شكله بيشلع قلبى المكتوب مبين من عنوانه
:))))
اى العلم معبر
ههههه
اى والله لو بفلوس هالحمله مسويين شى جدى :/
اميين وخصوصا انى صامده هالصيفيه
:(
الاستاذ بلاليط:
مريتك امك وقريت موضوعك بس ما مدانى اعلق
اهلا وسهلا
الله يعين الجميع
:/
نون النساء:
ReplyDeleteهلا بالزين كله
صججججججججججججج
يختى ههههههههههههه
الحمدالله على السلامه ومبروك ما ياكم ويتربون بعزكم
احنا بعد فى عضوه يديده بالعايله
بنيه
:)
لا ما الومج عيل
هههههههه
الله يحفظهم
بيربل :
انت وييييينجججججججججج
ايييى والله يا بيربل جرت على حاله سكتى
اتفح على تنفخ وما ادرى شنوووو
استغفر الله لوعت جبدى
شفتى اللوك
حبيبتى انتى
احم احم
ااانسه لو سمحتاى
لوووووووووووووووووول
;)
charisma لووووووووووووول يا
ReplyDeleteصج صج صج مت من الضحك ... يعني من صجهم ماكو كهربه ههههههه الله يعينكم والله
بس صج طلعتي طيبه تردين عليها بعد .. انا لو منج اقولها ...
الو الو ... الوووو ماسمع طفت الكهربه يالله باي ... جك ابويها (يعني مو قصدي) ههه
اهيا اسلوبها زفت
ReplyDeleteواهيا عبدن مامور
بس ياربي شلون يبونه بالحر هذا نوطي على التكييف؟؟؟؟؟؟
غبااااااااااااء منهم
في اشياء ثانيه اوكي بس نوطي
مايصير بالحر هذا
ام النمل:
ReplyDeleteلوووووووووووول
استغفلتنى
ما ادرى منو الى داااق
اقولج تقولى هلا بنت عمى يا الحبيبه
ههههههههههههه
على ما استوعبت انا استيعابى بطيىء ام النملللللللل
ههههههههههههههههههه
ريتاج:
ReplyDeleteمنوره
صح اهى عبدالمؤمور مسكينه ما قلنا شى
بس الطريقه غلط والوقت غلط
الناس خلقه من الله اتنرفز من الحر والدوام
ادقين عز الظهر
واتنرفزين خلق الله
:/
اى والله ما يصير
الله كريم يعين الله
حياج الله
:)
الله يعينكم بصراحة ..
ReplyDeleteيعني مب من كبرها الكويت عشان تعانون من الكهربا ووو ..
شو السالفة ليش المشكلة من الأساس؟؟
مافي حرص؟؟ مافي تفكير؟؟ مافي مولدات؟
بعدين بصراحة لو مكانج ووحدة تكلمني جي الله يعينها من اللي بتحصله مني بصراحة ..
الله يعينكم والله صدق عورتوا قلبي :)
عادي هالشي يصير
ReplyDeleteموهذا نوع من الانواع التوعويه الترشيديه السكه
يبه اهمه عبدالمأمور مالهم شغل بس يتلقون الاوامر من فوووووق
خلونا نشيل قشنا ونقعد بره السكه بالحر والخيسه علشان نوفر :)
مادري يعني الحين الجو حار شلون بنوفر اذا جونا مايساعد
لااحول الله
عيون الحب:
ReplyDeleteحبيبتى انتى
خليها على الله سبحانه
الله كريم
شيماء الكندرى:
اييي مو هذى المصيبه
بره الحراره 60 شلون يعنى شنسوى
نموت عشان انوفر لها
ايييه الله كريم
بنت عمي !!
ReplyDeleteلو انا للاخير ..
بمكانج جان من زمان مسكره التلفون ..
والله عفيه عليج وصلتي معاهاويالله الكويت تستاهل
الهيلق صاروا ترس الديره يعني خلاص هذه مو ديرتنا وطبعا الفضل يعود حق حكومتنا وشيوخنا الاعزاء والي سووه بالتجنيس العشوائي بس عشان يغطون على التصويت بالمجلس - اما عن موضوع الكهربه فانا اقول الله يستر علينا لا نرد ننام على السطوح - بس انا عندي مشكله انها اذا قلتوا طولوا على المكيف قصدكم نزيد الحراره ولا ننقصها ؟؟
ReplyDeleteafyaa2:
ReplyDeleteهلا والله
هههههه
شسوييي
اخدعتنى هههههههه
والله حرام الكويت تستاهل كل خير بس ليش جيذى يسوون فينااااا
:/
حمودى :
هلا بحمودى
انا اقولك يا عزيزى انت
طولو على التكييف يعنى زيدوا الحراره يعنى خيسو
وطو على المكيف يعنى تقل الحراره يصير بر
مثل الجو
مثلا احنا بالكويت
الحراره 60
احنا ميتيين
:)
هههههه ادري البوست قديم .. بس لازم اقولج سالفتي معاهم
ReplyDeleteيغثوني لي شكلو يدقون كل يوم المشكله على الرقم الثاني اللي مافيه كاشف
ولما يسألون شنو نظام التكييف بالبيت؟ سبعينات ولا عشرينات؟ جم حاطين السنترال!!!؟
ياااربي وبعدين
انا اخر شي قلت لهم.. ترى احنا وايد متعاونين وامي تمشي وتصكك الليتات والتلفزيونات والكمبيوترات ورانا والسنترال كل ماعلينا عليه تنزله
تصدقين عقبها مادقو
ههههههه