Tuesday, August 28, 2007

مذكرات رئيسة قسم 2





شهرين من المواضبه والالتزام المتناهى بالعمل
ضبط اعصاب وصبر وشغل
انصاف بتقسيم العمل
لبحه مدير ، لبحة مراقب ، لبحة موظفين
الحفاض على الابتسامه
تحملت خداى محد تحمله
الخداى الى يحوش الموظفين بالحر والصيف
اغطى على الموظفين
كلمات متقاطعة على الريج ونهاية الدوام
اوووفر حبابة هههههههههه
اخ يا قلبى

بسسسسسسسسسسسسسسسس
اداااااااااااااااااااااااااااااااااد

كل عاام وانتو وانا بالف خير

الاربعاء اخر يوم لى برئاسة القسم

راايتى بييضه ما قصرت بحد
بس قصرت بنفسى

فجيييييييييييييييييييت

الكفااايه مافييييييييي بعد

بصكهم اجازه شهر ارمضان باذن الله وبعيش حياتى بصد

الى يونس بالموضوع انى غيرت الى محد قدر يغيره من الموظفين الى اقدم منى

غيرت سستم القسم ولغييت امور محد قدر يلغيهاا
انا اجتمعت مع اناا وقررت اغير

لوووووووووووووووووول انا كريزما لغيتهااا

وباخذ اجازه قبل لا يوصل مسئولى هههههههههههههههه

مو جبانه لا بس مالى خلق لغوه وصيحه

اجراءات عمل متخلفه لغيتها بس هذا الى سويته

...........................


اليوم على غير العاده صرت فتاانه

اى نعم شكيت موظف عند المراقب والمراقب صعدها المدير

لان استغفلنى وطلع بدون علمى وقط الشغل والشغل غلط

وصارت الصكه براسى

يوم ييت ادوره عشان يعدل الشغل ولا مو موجود

وين فلان وين فلان محد يدرى عناا

طبعا عندى ارقام موبايلاتهم كلهم

اتصلت
الوو
اهو : الوو هلا هلا كريزماا
انا : ويينك
اهو : اتريق
انا : وين اتريق بالوزاره
اهو : لا بره الوزاره
انا : المدير يسال عنك الشغل غلط ويبييه الحين
اهو : اتريق وارجع توا واصل الطلب
انا : مو المفروض انى ادرى انك بتطلع
اهو : اى قررت بسرعه بسرعه

سكرت التلفون ورحت للمراقب وقتله لما يرجع من ريوقه يخلص الشغل

وصااارت وصل الاخ يتزنقح

داش لى هلا هلا بالغاليه الحبيبه

قتله روح المراقب يبييك

جان يقولى افاااا

قتله انت الى خليتنى اسوى جذى

انزف زف طلع الريوق من جبده


مو نحاسه منى بس استغفلنى

ومو اول مره يسويهاا

دايما اغطى على موظفينى انا

بس هذا مصخها

بدع فينى بدع

وضاق خلقى انى ختمت رئاسه القسم بهالسالفه


ومن عواااده يا جمااعه

كل صيييف وانتو بالف خير

:)



at

39 comments:

  1. ЯeemaAugust 28, 2007 at 6:22 PM

    زييييين سويتي
    عجبتيني لما فصلتي العواطف عن العمل و الشغل و الإلتزام

    إللي عندنا كل باردين و آخر همهم الدوام


    الحين حضرت جزء من الكلمات المتقاطعه
    الأخ ما بقى أحد ما شلخه!!؛


    مالي حجوة وياج
    مالي حجوة ويا إللي يمنا

    يا ريت يحل بروحه بسكات!؛

    البنات حالين الشبكه كلها
    ليش متليقف و هاااب فيها مدام ما عندك معلومات!؛




    ما أقول إلا كفيتي ووفيتي
    وبيضتي الويه
    الله يعطيج الصحه والعافيه



    ------

    بديتي توصلين لهدفج
    مطقاقه و إلا صبة خرسانه؟؟

    هاهاهاهاها

    ReplyDelete
  2. 7osenAugust 28, 2007 at 6:29 PM

    زين سويتي فيه

    الشغل شغل مافيه غشمرة

    يبي يتريق لازم يقولج

    والله ززززين سويتي مثل ما قالت ريما

    الشغل مافيه عواطف


    :

    إجازة سعيدة إن شاءالله

    ReplyDelete
  3. charismaAugust 28, 2007 at 6:32 PM

    مسااء الورد يا ورد

    واى حرنى ريمه استغفلنى

    هذى حالتى معاه طول الصييف يدرى انى طيبه وقاعد يستغل طيبتى

    من صجى حترييت شهالاستغفااال

    ://

    فصلت عليه عدل
    والله خير الجماعه دقونى سلف
    لووووووووووول


    اتلومينى فييه
    شهالهبه القشره لوع جبدى
    ما سوت عليناا كلمات متقاطعه
    وكاج ييتى وهم انتى جابلتيه

    لووول

    دين والكلمات المتقاطعه كلها ممثلين ومغنيين
    شلك فيهااا

    لا ليش يحل بسكاات

    لالازم يجندنا كلناااااااااا عشان تكمل


    تسلمين يالغاليه

    لا لا صبه

    ما يهزك رييح

    هههههههههههههه
    :*

    ريمااااا

    المجبوووس يا ريما المجبوووس

    انتقم منى شر انتقاام

    هههههههههههههههههه

    تقولينلى فخد ديايه وقرفت عيش

    لوووووووووووووول

    ما ودى اقول شسويت اخاف يستاحشون منى البلوقيرز

    هههههههههههههههه

    ReplyDelete
  4. charismaAugust 28, 2007 at 6:33 PM

    حسين:

    هلا بالغالى

    والله يا حسين مو من طبعى بس صج حرنى

    استغفلنى وقط شغله وسوا غلط

    وكل شى يا براسى

    وين المزيزن يتريق

    نعممم

    :/

    احترييت

    ان شااءالله الله يسمع منك وتكون سعيده وارتاح فيها

    ReplyDelete
  5. 2 u ALLAugust 28, 2007 at 7:15 PM

    الحق حق وما ينزعل منه زين سويتي ...!! وبعدين ترى لابد من الراحه بعد عناء الشغل ..!! أنا اطلع الموظفين غصب علشان يرتاحون ويرجعون "فرش" ..!! وأحسن أجازه هي في شهر رمضان ..!! عسى الله يعوده عليك وعلينا وعلى جميع المسلمين واحنا بأتم عباده وتعبد ..!!؟

    ReplyDelete
  6. shakshakaAugust 28, 2007 at 8:17 PM

    kelish 3ad wala charisma ... zain sawaitay elwa7id yaskit marra maretain bes mo dayman entay 6ayba wo em6awfa eb kaifich mo eye weyestaghfilich la zain sawaitayyy;p maskeen layegra bes ur blog

    ReplyDelete
  7. عثمانيAugust 28, 2007 at 10:58 PM

    كا ..اشوف تعرفين تصيرين نحيسة

    :)

    هيهيهيهيهي

    اتغشمر معاج اخيتي كاريزما

    هيك بشر بدن هيك معاملي ..لانو إزا ما عملتي هيك راح يفرط الشغل من بين دياتك
    و إزا فرط الشغل من بين دياتك ..راح بئولو انو حضرتك مش خرج رئاسة إسم

    و هيدا الشي منا حلوي بحئك

    اقص ايدي اذا فهمتي شي ...حسبي الله على ايلي معلم الديكور..هالايام مجابلة ... وعوا الساني

    دمتي رائعة اخيتي الغالية

    ReplyDelete
  8. PurpleciousAugust 28, 2007 at 11:35 PM

    رايتج بييييييييييضا يا كريزما

    يستاهل
    هوا اللي جابه لنفسه
    ما عاااااااش و لا كااااااان اللي يستغفل كريزما

    يعني لو مسوي شغله عدل جان مشيناها له
    بس فووووووووق شينه قواة عييييييييينه
    !!!!!!!!

    عيني عليج بارده
    اي جذي خليج قوية



    اهم شي انج اجتمعتي مع نفسج

    "أنا اجتمعت مع أنا"
    لووووووووووووووووووووول

    يا حبي لج يا كريزما
    شوفي الجانب الايجابي من الموضوع
    و هذا التغير اللي سويتيه بالاداره شي وايد زين
    و اللي صار اليوم هذا اعتبريه "فشّة خلق" و مكافأة نهاية الخدمه كرئيسة قسم
    ههههههههههه

    استمتعي بالاجازة لأنج اكثر واحده تستحقينها
    و رمضان يالله من فضلك
    عسى الله يكتبلج عمرة قولي آميــــــــن

    ReplyDelete
  9. mtfa2elAugust 29, 2007 at 12:25 AM

    الله يعينج على اللبحة و الدوام
    بس اللي سويتيه فيه هالموظف ما اعتبرها فتنة
    بالعكس هذا اهو اللي يستاهله لأنه متيسب و المفروض ياخذ أكثر من هالشي
    مو معبر أحد الحبيب
    و رايح بو الشباب يتريق
    دم ضروسي اللي يخل بمسؤوليته نفس الشاب اللطيف
    يالله زين تسوين أخذي إجازة بهالشر الفضيل و الله يتقبل منا و منج و من الجميع

    ReplyDelete
  10. الزينAugust 29, 2007 at 12:28 AM

    :))

    والله طلعتى منتى هينه

    قشرة

    بس ماعليه

    في ناس ما تيي الا بالعين الحمرا

    ReplyDelete
  11. esTeKaNaAugust 29, 2007 at 12:50 AM

    وي يا زين القسم يوم انج صرتي رئيسته
    تروالي جزء من العساره احساس الانسان بالمسؤليه والواجب اتجاه كل هالناس اللي كنتي مسؤله جدامهم
    !!
    صراحة...يعطيج العافيه
    خطوة للامام في شخصيتج
    خطوة مميزة بأنج قررتي
    وتصرفني
    ومو متسحفه على هالتصرف لانه غلطان
    بس لو ناطرة شوي لي يوصل الطلب الله يهديج
    :))
    احلى اجازة برمضان
    ما راح تحسين بالوقت فيه يالله من فضلك
    الله يبلغنا رمضان واحنا بخير ويعينا على صيامه وقيامه يارب
    **

    ReplyDelete
  12. SHAHADAugust 29, 2007 at 1:15 AM

    أيووااا عااشت رئيسة القسم
    أحلا شي بالموضوع إنج أخذتي إجازة بشهر رمضان
    الواحد يتفرغ لأشياء لنفسه ولعبادة ربه بدل الدوام واللوية
    وهالموظف بصراحة يستااهل .. الشغل شغل .. بسهم استهتار وريوق ولعب كلمات متقاطعة لول
    بس الحمدلله إنج أديتي وظيفتج عال العال .. وانا متأكدة إنج ما قصرتي لأنج من النوع اللي يشتغل بضميير
    الله يكثر من أمثالج يالغالية

    ReplyDelete
  13. UnknownAugust 29, 2007 at 1:26 AM

    الشغل ما فيه عيب
    غلط يستاهل جزاءه هذا لو بقطاع خاص جان تفنش

    يا رئيسة قسم

    الا قوليلى شنو الدولة اللى من 42 حرف
    وتقع فى المحيط الهادى
    اذا لقيتها دقى على بيجر :p

    ReplyDelete
  14. vancouverAugust 29, 2007 at 1:32 AM

    ياااااااااازينها والله هالرئيسة
    اللي تعصب على حق وبسنع

    :))

    انا معاج وياج
    واللي مو عاجبة خل يطق راسة بالطوفة
    اهوه ما احترمج كصاحبة القرار
    والمسؤولة عن تنظيم امور القسم
    :\
    بما فيها نحشته هالبطيني
    :P


    انتي صح امية بالامية



    كفيتي ووفيتي
    والحين ريلاااااااااااكس ارتاحي
    ومبارك عليج الشهر مقدما



    وغني حق مكتب الرئيسة
    .
    .
    .
    .
    وداعية يا اخر ليلة تجمعنا
    ودااااعية
    هههههه

    ReplyDelete
  15. 5roofaAugust 29, 2007 at 3:42 AM

    حمدالله على السلامه
    و قرت عينج
    و مبرووك
    لوووول كل شي نقوله وااي الله يعينج انا اكره اني اصير مسؤله عن شي خلوني جذي مع المجموعه لوووول

    الله يوفقج ياااارب و ترتاحين بهالاجازه


    salamz sweetee...

    ReplyDelete
  16. TReSTeNAugust 29, 2007 at 4:43 AM

    اول شي انشالله تستاانسيين بالاجاازة

    وتستمتعيين جدا جدا

    وثاني شي

    اشوة انج مو مديرتي

    ههههههههههههههه

    جان من زمان متفنقش

    عااد مدييرتي اسمها رييماا

    هههههههههههه

    بس فيييها غبااء حبتييين

    وكل حركاات تمر علييهاا

    خصوصصا وقت الظهرية ماارد على الموباايل والعذر

    اصلي

    هههههههههههههههههه

    ReplyDelete
  17. charismaAugust 29, 2007 at 7:41 AM

    صبااح الخير
    ما ادرى ليش اليوم صداااع من صباح الله خير
    :(

    2 u all:

    لالا خووش مسئول
    وظفنى عندك :))

    اللهم امين



    شكشكاا:

    هلا هلا
    اطول بكيفى ويقول يالله هذى ما اتعصب
    استغلنى لى اخر يوم شكشكاا بدع
    بس انا اقول صيف ومرات يخف الشغل انسق بهالموضوع
    بس يستغفلنى ومن وراى
    لالالالالالالالالالالالالالالا

    :))))

    لا ما يقرون ولا يعرفون بشى اسم بلوق
    قليل جدا

    عاد اهو اكثر واحد يدش بالشاشه معاى لما افتح بلوق ولا ارد على كومنت
    لوووووووووووووووووول

    ReplyDelete
  18. charismaAugust 29, 2007 at 7:47 AM

    اسامه فودا
    اقصد عثمانى جبلة:

    ههههههههههههههههههههه
    ههههههههههههههههههههه
    ههههههههههههههه

    والله ما لالالاق الا عليك
    ههههههههههه
    منت هين بعد

    لوووووووووول
    واى لا الحمدالله ما فرط


    اسمالله على ايدك لانى فهمت كل شى
    ههههههههههههههه

    وبعدين كثر من القعده مع ايلى حجيييك يووونس

    ههههههههههه
    حافظك الله عثمانى

    ReplyDelete
  19. charismaAugust 29, 2007 at 7:53 AM

    بيربل:

    يا صباح الفل

    اى حرنى حرنى بيربل
    هههههههههههههه
    اى انا جتمعت مع انا ذكرت رقيه وسبيجه
    هههههههههههههه

    قراراتى بروحى لا يطوفج
    :))

    اميين يا احلى بيربل
    :*


    mtf2el:

    هلا والله
    وما خفي كان اعظم
    هذا حار الجمييع عندى بالقسم
    عاد اذا على شغله لا يشتغل
    بس وايد يتسيب
    ما تغفل عنا الا قاب
    بس الى يعجبنى فيه انا يرد اذا اتصلت عليه
    لوووووووووول
    يعترف ما يجذب


    امين تسلم

    ReplyDelete
  20. charismaAugust 29, 2007 at 8:11 AM

    زوزوتا:

    نور نور البلوق
    هلا هلا وغلا

    ههههههههههههه
    اى نعم
    اعجبج
    :)))



    استكانه:

    شيخة البنات
    شفتى خلص الصيف ولا ييتى عندى ساعدتينى
    لو بس خففتى عنى مع بوكلمات متقاطعه الله يهدييج
    :))

    وااى سكتى تقتلنى رهااته
    راااهييييييييي
    بس خذا جزاءه
    يستاهل

    حبيبتى يا ستكانه
    اميين اجمعيين

    ReplyDelete
  21. AnonymousAugust 29, 2007 at 8:40 AM

    gawach alla

    ReplyDelete
  22. charismaAugust 29, 2007 at 8:51 AM

    شهد:

    هلا بشهد
    سكتى يا شهد يننى

    يالله اقزرت وعدت على خير

    تسلمين حبيبتى



    مشارى:

    اى خذا جزاء ونص بعد
    حارنى من زماان عاد
    :))

    لوول وااى بس بس بس

    ReplyDelete
  23. charismaAugust 29, 2007 at 8:53 AM

    فانكوفر:

    هلا بالزين كله

    لوووووووووول
    اى والله ابطينى

    وااى فانكوووفر والله اليوم الصبح اقول بقلبى وداعيه يا اخر ليله تجمعنا
    ههههههههههههههههههه

    :**

    ReplyDelete
  24. charismaAugust 29, 2007 at 8:57 AM

    خروفا:

    حبيبتى يا خروفا تسلميين
    ولا انا احب المسئوليه بس شسوى

    :/

    ترستن:

    اهلا وسهلا سيد ترستن

    لووووووووووووووووووووول
    هههههههههههههههههههههه
    مسكينه رئيسة قسمك شكلها انت مطلع عينها
    ميننها
    :))


    واااى بدعت
    حرام علييك

    :)

    ReplyDelete
  25. charismaAugust 29, 2007 at 8:58 AM

    حمودى:

    :)

    تسلم يا خوى

    ReplyDelete
  26. NewQ8 BrideAugust 29, 2007 at 9:39 AM

    heheheh walah zeen saweetay elee el shgel heheehh

    good luck 7abeebte o enshalah testanseen

    ReplyDelete
  27. bo9ali7August 29, 2007 at 12:01 PM

    والله رئاسة القسم طلعت عليج اغلى من بيع السوق
    :P
    يالله عدت على خير

    ReplyDelete
  28. PearLAugust 29, 2007 at 5:02 PM

    اهم شي انج راح تفتكين من البلوة اللي ابتلشتي فيها


    بس زين سويتي
    اللي ما يستحي منج لا تستحين منه

    ReplyDelete
  29. SolaimaNAugust 29, 2007 at 8:43 PM

    قوه كريزما

    اول شي مبروك على رجعتج حق مكتبج ,وافتكيتي

    من اللغوه والصيحه

    ثاني شي زين سويتي فيه هذا،ولو كل مسؤول سوى مثلج

    جان ماصار حال البلد هالنمونه

    ثالث شي الاجازه بهالتوقيت متعه وتفرغ للعباده

    رابع شي عساج انشالله من الصايمين والقايمين والعايدين عليه

    خامس شي بتقرقعين هالسنه والا لا ؟

    ;)

    ReplyDelete
  30. DentalAugust 30, 2007 at 1:50 AM

    زيييين سويتي :)

    الواحد لما يعطي موظفينه ويه يمصخونها....... الواحد يطوف مرة مرتين بس مو كل مرة تسلم الجره :)

    و احلى شي عطلت الرمضان :)

    ReplyDelete
  31. 9ahba'aAugust 30, 2007 at 1:52 AM

    اثاريج مو هينه عاد الشخصية ما تلوق على الصورة
    عليج بالعافية

    و مشكوووووووووووووووووورة على السؤال

    ReplyDelete
  32. بنت الشاميهAugust 30, 2007 at 2:10 AM

    زاااااااااااااين سويتى فيه

    لان هذى عداله....وانت مسؤوله عنها

    لو الوضع بالعكس....شنو راح يكون

    تصرفه......؟؟؟؟؟؟

    راح يغطى عليج والا يفتن عليج


    واصلا انت ما فتنتى عليه

    انت قلتى الصج وهو يتحمل نتيجة تسيبه

    بس اختيار موفق اجازه برمضان

    احسن شيئ......ومبارك عليج الشهر من الحين......مستعيله وايد

    لووووووووول

    ReplyDelete
  33. AnonymousAugust 30, 2007 at 2:35 AM

    bil3x zeeeeen sawwiti feeh wallah:)

    kafoo charisma kafoo:)

    ReplyDelete
  34. qesat_5ayalAugust 30, 2007 at 2:47 AM

    يلا غدا الشر
    :)

    أحيانا تأخذنا العاطفة
    ونخشى النتائج

    لكن لو التزمنا بما يمليه العقل
    وبما هو صحيح

    حتى لو عارضناهم
    فسيعودون إلينا
    ويفهمون الصحيح
    إذا كانوا ممن يقدرون

    وإلا فلا حاجة لنا بهم
    :)


    عطلة سعيدة
    ومليئة بالإيمان

    ReplyDelete
  35. S H A HAugust 30, 2007 at 1:07 PM

    تستحقي اجمل اجازة بعد كل التعب و الضغط العصبي طول الوقت اللي فات


    سلام مؤقت

    ReplyDelete
  36. charismaSeptember 1, 2007 at 10:58 AM

    صباح الخير
    وسامحونى على التاخير بالرد

    new bride:

    منورتى فى وجودج
    ومشكووره وايد حبيبتى



    بوصالح:

    الحمدالله عدت على خير


    بيرل:

    اى والله بلوه وابتليت فيها
    بس اقدر اقولج انها زادتنى خبره
    بالشغل وهم بالتعامل مع الناس

    ReplyDelete
  37. charismaSeptember 1, 2007 at 11:04 AM

    سليمان:

    ههههههههه
    تسلم يا سليماان
    ان شاءالله اخذ هالاجازه
    ما تتخيل اشكثر احتاجها
    المفروض الى يصمد بالصيف يعطونى شهرين
    اجازه
    هههههههه
    انا اول من يقرقع افا عليك
    :))


    dental:

    بالضبط شافنى اطوف واتصدد ابييه يحس على دمه ماكو فايده

    اى والله احلى شى



    صهباء:

    هلا هلا وغلا
    منوره
    وولكم باك حبيبتى انتى

    هههههههههههه
    وااى هالزمن يغير الى ما يتغير يا صهباء
    :))

    حبيبتى ما نفقدج من شر يالغاليه

    ReplyDelete
  38. charismaSeptember 1, 2007 at 11:07 AM

    بنت الشاميه:

    والله هذا اشباها لو العكس بيقول وجنا العيييد

    علينا وعلييج حبيبتى انتى
    :))
    انشاءالله الله يحيينا ونصومه امين


    سالفة عجيبه:

    هههههههههه
    حاضرين
    ;)

    ReplyDelete
  39. charismaSeptember 1, 2007 at 11:12 AM

    قصة خيال:

    كلامج عيين العقل يا احلى قصة خيال
    :)

    صاجه وبالفعل لما رجع وانزف يانى يتاسف على الموقف الى حطنى فيه
    يعنى اهو مدرك بالغلط الى سواه

    اميين ان شاءالله الله يحيينى لى هاليوم

    مشكووره حبيبتى


    shah:

    تسلم
    وشكرا على التواجد

    حياك الله

    ReplyDelete