لى متى هذا حالنا !!

فازعه من الصبح عندى مرضيه لازم اصدقها ، العاده سايق البيت يصدقها هالمره مسافر

شااء القدر انى انا اروح اصدقها ، 7 ونص انا خاتمه الكرت وطالعه من الدوام ، 8 الا ربع واصله مبنى التراخيص

الطبيه بالسالمه ، لازم ارجع الشغل الساعه 8 ونص لان عندى اجتماع الساعه 9

وصلت المبنى ووراى سيكلين توصيل مطاعم انا سفطت وسفطو يمى يايبين طلبات الريوق

دشيت انا خبرى بهالمكان من سنييين !! المكان عباره عن جبراات مرقمين والحمدالله يتهم الفطانه حاطين على كل

جبره طبيعه العمل

شفت جبره التراخيص الطبيه دشيت ، فزت الاخت اثريها فازه حق الى وراى يايب ريوقهم

سكت انا قلت يالله ترحمن برحمته يواعه ووقت ريوقهم حاسبت الريال ودشت الغرفه

انا بقلبى ليكون بتريقون وانا بقعد انطر !! يالله كريزما نطرى شوى

نطرت الا هالى يايتنى تقولى تفضلى اختى قلت الحمدالله

خذت مرضيتى وقالتلى تفضلى استريحى ، قعدت بعد 10 دقايق نادتنى خذيت الورقه جان تقولى روحى الغرفه الى يمى

،،رحت الغرفه الثانيه الا ما فيها احد نطرت شوى الا هالى داشه بكوب شاى حليب ويمهم بقصم مسدح تفضلى حبيبتى

عطينى الورقه

عطيتها الورقه ختمين على الطاير جان تقولى روحاى جبره 10

بلعتها وخذيت الورقه بدون لا اسال ليش بعد جبره 10

امشى امشى ادور جبره 10 مااكوووووو هاااا شالسالفه

اسال واحد مار لو سمحت ويين جبره عشره

قالى ايييى جبره عشره مو مرقمه يعنى ما عليها رقم تلاقينها مدعوسه بالزاويه هنااك ويأشر على اااخر جبره واايد

بعيييد :(

امرى لله مشييت بهالحر والواهى لى اااخر جبره وفعلا ما عليها رقم دشيت الا طابور

السلام منو بيصدق هالورقه رد على واحد يمى قالى هالغرفه

دشيت الا بنتين بيدهم سندويش يعرطون وتتكلم واهى تاكل والحاله حاله ، تقولى امرى اختى

انا السلام ما يامر عليج عدو بختم هالورقه

جان تقولى اتفضلى استريحى الدكتور الى يدقق ويختم الورقه ما وصل

انااا شلون يعنى لى متى بنطر عندى اجتماع الساعه 9 !! جان تقولى ما يطول ان شاءالله

نطرت الساعه كانت 8 وربع

مرت عشر دقايق جان ارد لهم الا الجماعه يبخرون معمول يقلب الجبد

ها يا جماعه كلمتو الدكتور؟؟ متى بيوصل

جان تقولى والله اختى ما يرد انتى روحى دوامج لا تتأخرين ورديلنا

انا نعم !! شلون يعنى انا دوامى وايد بعيد عن السالميه اختى صعب على اروح وارد وبعدين حرررر وعندى شغل وانا

صعب اطلع من دوامى

جان تقولى ويي يا مسكيينه !! خنت حيلى الا وين الداومين انتى ؟؟

قلت بقلبى اى والله انا المسكينه الى قاعده انطر منكم شغل قتلها وين اداوم

جان تقولى متى يبدى دوامكم ومتى ينتهى

جاوبتها ،، جان تقولى الله والله متاخر تطلعون لا ما ينفع لى انا ادور دوام يخلص وحده ونص وين تعرفين ؟؟؟

!!انا لا مو من صجها هذى

الحين شلون يعنى بتصير الساعه 9 بيبدى اجتماعى

بديت افقد خلاص قمت انزرر من العصبيه وبدت النرفزه تبين

جان تقولى تدرين شلون تعالى تعالى

قتلها خيير شتبين

فتحت الدرج وطلعت ختم الدكتووور الى صارلى سااااااااعه الا ربع انطره

اختمتلى وقالتلى تفضلى

انااااا ما قمت اشوووف من العصبيييه

لو انتو مكانى شتسووووووووووووون

لو ما اخلاقى الى ردتنى جان علوووووم

والله من الحره والعصبييه ويهى احتقن وصاار احمرررررررر

قتلها الله يسااامحج داام الختم عندج بالدرج ليييييييييييييش منطرتنى وانتى تدرين انى متاخره!!!!!!!!!

ليش جذى

شنوو يعنى شهالحاله

وبعدين شنو يعنى جبرااات انخلص فيها معاملاتنا

ودامها جبرات ليش مو كل الشغل بجبره وحده بدال لا نحوس من جبره لى الثانيه

والله انقمت قلبى وضاق خلقى على ديرتى

:(