كانت رحله موفقه الحمدالله كنا فى شبه غابه فيها بحيره كبييره ، المكان قريب من الريف الفرنسى فعلا كسرة روتيين وصده عن العالم
راحه نفسيه انك تكون بأحضان الطبيعه مكان معزول بحيره وخضار وحيوانات ريفيه اليفه وجو عجييب ماشاءالله
صباحى يبدى ثمان الصبح اروح بالقارى اشترى الصمون من المخبر فرش والتوست وارجع اقعد بالبلكونه معاى كوب قهوه جبال البحيره واصفن على هالمنظر والله تحس عيونك تشرب المنظر سبحانك يا رب وبعد ساعه يطييح الريوق ، اذا انا سمنت فسمنانه من الريوق
توستهم غير وبيضهم غير وزبدتهم غير والمربى غير والكرواسون غييييييييير والبانكييك غييير ريوق مبدع
هههههههه ما ايوع الا حزه المغرب قريب الثمان يعنى
بعد الريوق ااخذ البواقى من التوست والصمون واروح البحيره البط والوز ينطرونى اقعد اجابلهم ، بعد ما اخلص اخذ
القارى وافتر فيه ساعه تقريبا الجو مو طبيعى خياااااااااااااال حاليا عندهم فصل الخريف ومعالم الخريف وااضحه احنا
الشكوه لله ما نشوف خريف
اهناك لا ... الخريف تساقط الشجر وتشوف الاوراق الصفره تتساقط وبرد ومطر وفجأه تطلع الشمس جنه ماصار شى فجأه مطر
الرين كوت جاكيتات المطر ما نقدر نمشى بدونهم
بعد هذا يبدى يومى تمشى وقوارب بالبحيره ، بولنق ، قولف ما ادرى شالسالفه وكله غلط العب هههههه بس احب ، اروح اتفرج عليهم يلعبون لانك تلعب على زوليه خضره سبحان الله الثيل خيال وريحته عجيبه ، نركب خيل ، انتمشى نمر صوب المزارع نشوف البقر بس ما لقيت ابقره ام جرس :P
العصر اقعد بقهوه كافيه على البحيره معاى روايتى كانت فوضى حواس الروايه وجدا ممتعه ان شاءالله بكتب عنها فى بوست ثانى اقرى
فيها انسى روحى بالقراءه ، مع كوب كابتشينو لا والله مو بس كوب يكبر المشروع لى تارت التوت وكوب ثانى وثالث لووول
مأجرين سياره مرات نطلع انتمشى حوالينا بالمناطق مرات ننزل باريس وما يحتاج اقولكم الطريج شلون صاير سبحان من
صور احس جنى اتمشى فى لوحه فنيه
نرجع مرات نطبخ عشا طبعا انا اعتزلت الطباخ لان خلص ارمضان ههههههههه الى يبى يتبرع يطبخ عشا كيفه لول
وما ايى اللييل الا انا ادور فراشى من التعب لانى افزع من الصبح وهذى اهى سبوع فى هالمنطقه والسبوع الثانى
منطقه اقرب وادفى من الى كنا فيها يم يورو دزنى ونفس الشى شقه على بحيره بس بالمدينه مو بالريف
ورجعنا بالسلامه
الكويت
ما وقفنا سوالف عنج وما نقول الا عمار يا كويت والله يعزج يا ديرتنا
الواحد ما يحس صج بالى عنده الا لما يسافر
الحمدالله لى الحين احنا بنعم نحسد عليها بهالديره
الحمدااااااااااالله على السلااااامة
ReplyDeleteوالله لــــج وحشــــــه
:***
شـــلون توم والعيال ؟؟
أشهالريل الزوغه اللي عندج
هههههههههه
أحلااااا من لبس بالطوو الجلـــد
:)
عيل بواقي ريوقج تعطينه البط؟
أشك أن في بواقي من ريوقج
ههههههههههههه
:)
الله على الطبيعه والجو هناك
بس والله الجو عندنا مستعدل
وعمــاااار يالكويـــت
WelCoMe BacK DeaR ....
:****
الحمد لله على سلامه الزعيمة
ReplyDeleteزعيمة المدونات الكويتية
طولتي الغيبة و لج وحشة وانا اخوج
ما بيصير هيك ؟؟
هيك ما بصير
طولتيها لكي كاريزما
أطعتي بالناس كلن
عموما .. من طول الغيبات ياب الغنايم
عاد نبي هالغنايم باسرع وقت
عوضينا عن فترة الغياب
حافظج الله
كريزمــــــــــــــــــــــا
ReplyDeleteالحمدلله على السلامـــــــــــــــــة حبيبتي مس يووووووووووو
:*******
واي عليج بالعافيـــــــــــــة مشاءالله صج خووووش سفره
ريوق و قواري و مناظر يالله من فضلك و هوا يرد الرووووووووح و مطره ما توقف و خيــــــــل و قهوة و روايـــــــــه و تارت التوووووت و بط و ووز توكلينهم و كابوتشينو و بقر بدون جرس هههههههه مربى و خضار بانكيك و كرواسون و رين كوت و بولنق و قولف و قوراب بالبحيرة
لوووووول جني كتبت تلخيص الرحلة
ديللي
لووووووووووول حرام عليج عليها بالعافية
يمكن بواقي ريوق توم و لا العيال
ههههههههههههههههههههه
:*
الحمد لله عليالسلامة قلت خل امر اشوف ردت ولا لا
ReplyDeleteالحمد لله كان رحلة حلوة واستمتعتي فيها
ان شاء الله دوم
اوووووووه عثماني سبقني
ReplyDeleteكريزما ترى أنا واصله قبل عثماني بس ييت بدش جان يدرعم و لا عبرني طقني بكوعه اللي ما يخاف ربه
ماكو اتيكيييييت ما يقول ليديز فيرست يا حافظ
اش هالدفاشة
هههههههههههه
الظاهر ليلحين بقلبه سالفة بوست فانكوفر لما فقصت ريوله و كاهو ردها لي الحين
:(
لووووووول
كريزما
ReplyDeleteفقدناج و لج فريه شكبرها
:)
و عليج بالعافيه سفرتج
و ترى حتى احنا عندنا خريف الحين
ماتشوقين الجو متعدل
ولكم باك
:)
كاريزما
ReplyDeleteترى اكو ناس حاطين دوبهم دوبي
الحين بذمتج .. هل انا يطلع مني الشي اللي قالته المدعوه بيربل؟؟
بعد اذا اهي دفشة .. تدرعم على البلوقات دعوم .. انا شبيدي؟؟
ثانيا .. اللي ما تخاف من ربها تتهم الناس زور و بهتان .. انا ماشي بحالي .. اهي اللي رزت زندها صوب كوعي .. حتى كوعي وارم الحين
اهي من تفخت براطمها و هي صايرة مو شي
حاطة دوبها دوب طياح ريوقج
حسبي الله على ابليسها
انا قررت احطها بلاك ليست
و انصحج تقطعين علاقتج فيها
والا نسيتي اهي شسويت في مسلسلها .. زوجات بائسات !!؟
ماني مسترسل بالكلام .. اخاف اخورة
:)
اقول قولي هذا
و السلام عليكم و رحمة الله و بركاته
الحمدلله على السلامة
ReplyDeleteعدت والعود أحمد
مع ان وصفج عيشنا بجو الريف الفرنسي بس اتمنى انج تنزلين البوست الياي صور من الرحلة تبرينا فيهم
ما سافرت هالصيف الا لدبي
مالج على حلف من رطوبتها وصلت الكويت
وتو ما نورت الكويت
ديللى وميللى :
ReplyDeleteالله يسلمج حبيبتى انتى
:**
سكتى اذا فى احد عفس الرحله فا معجبات هالتوووم يننونااا ويختج انا مات قلبى مع هالريال مشكله اذا ريلج حلو وايد يا تموتيين يا تموتين ماكو حل ثانى
:)))))))
لووووووووووووووووول
لا تحرجينى ديللى اهوو مو كل يوم فى بواقى ;pP
يوم وترك :))))
انا اشهد انا الجو تعدل وفرق على وايد بهالسبوعين بس
يالله ولهنا على القعده بره وحديقة سالفه والبريدات والتيركش
:**
عثمانى:
ReplyDeleteلووووووول من متى زعيمه لا ما يلوق لى الله يسلمك يا عثمانى ما قصرت
:)
اى والله اطعت اطعه بس ما استغنى عنكم ولهت عليكم كلكم
الغنايم يبتلكم شويه مناظر وابريدات بقراش بس قربو يخلصون لحق لا اتلحق
;P
حيالله عثمانى
:)
بيربل:
ReplyDeleteهلا هلا هلالالا وغله
الله يسلمج حبيبتى وانا اكثر ولهت علييييج :**
لوووووووووووووووول
بالضبط خوش ملخص
:)))))
لول بس عااد يوزو عنى تونى ياييييه لا اتفشلونى ههههههههههههه
:**
sweet revenge:
ReplyDeleteهلا والله الله يسلمج من الشر
:)
اى والله الحمدالله
تسلمييين حبيبتى ما قصرتى
أنا!!!!!!!؟
ReplyDeleteأنا المدعوة؟؟
الحين صرت المدعوة؟؟؟؟؟؟
الله يالدنيـــــــا يا عثماني
و بعدين لا تطلع علي اشاعات رجاءا
تافخه براطمي؟؟؟؟؟
هاو هاو هاو
يا عقايل الله
شقالولك شيماء علي؟؟؟؟
أنا بس تفخت خدودي
لووووووووووول
ماني راده عليك بخلي صاحبة البيت ترد أنا اترفع عن الرد كريزما
تأبى المروءة تأبى
ههههههههههه
يسلملي اللوك اليديد يسلملي البنفسج و الله
:*******
بيربل:
ReplyDeleteوييييييييييي يا بيربل يا حبيبتى سامحى ما عليه
يمكن ما كان قاصد ويا كوعه بالغلط
اعرفه الريال مسالم ترى
هههههههههههه اى شكلها وحده بوحده
خلاص الحين تصافيتو
الخيلاء:
ReplyDeleteهلا حبيبتى
ما تفقدين غالى يا رب
وانا هم فقدتكم
:*
الله يعافييج
اي اشوفه ماشاءالله فرق على للاحسن
:)
حمد لله على السلامة
ReplyDeleteعثمانى:
ReplyDeleteولييييييييييين
هااو اشفيييكم
يا عثمانى ترى هذى بيربل ما اقدر انا جذى لا اتحطنى بالنص وتقول شوفيها ترى بتطلع خسران انت
فيوززز عن البنت
صارت الحادثه قضاء وقدر وتداعمتاو خلاص حصل خير لا اتخلون ابلييس يدش بينكم يالله عاد يوزاو
لووووووووووووول
عثمانى بدعت
حرام علييك يالله عاد ما ارضى عليهاا
وين البراطم المتفوخه !!
ترى انت الى قمت اتبلى عليها
لا تافخه براطمها ولا شى الفقيره
تبينى انا اقطع علاقتى بالروح والريييه لالالالالالالالالالالالالا
يالله عاد ترى قمت اتخوره عثمانى كبرت السالفه واهى اصغيره اطالب باعتذار حق بيربل وانت الجانى ترى
تعوذ من ابليس يالله
zooz 3grbgr:
ReplyDeleteالله يسلمج من الشر مشكووره
:)
ان شاااءالله بس اضبطهم وبوريكم المناظر العجيبه
المهم غيرتى جو الحمدالله على سلامتج حبيبتى
منوره بهلها وبوجودكم
بيربل:
ReplyDeleteلول اى والله المدعوه يقول
افااا علييج بس مالج الا طيبت الخاطر
اهو خاره وداره وان شاءالله يرجع لرشده ويستوعب الكلام الى قاله
ما تستاهلين يا بيربل
:**
شاقنى البنفسج ههههههههه
وولهت على الشعر الطويل
;P
فهد العسكر:
ReplyDeleteالله يسلمك من الشر يا فهد
This comment has been removed by the author.
ReplyDeleteالحمدلله على السلامة
ReplyDeleteوعليج بالعافية
استانست لج .. :D
وي وي وي
ReplyDeleteيااااااااا بعد جبدي يا كريزما
يا خلف جداني و خوالي و عمامي و أهلي كلهم و الله
:***
الله يطيب خاطرج مثل ما طيبتي خاطري
أما عثماني ما أقوله الا
بوررريــــــــــــــه منك بورريـــــــــــــه
و لسانك ما يخاطبشي لساني لحد ما يتم الاعتذار الرسمي
و انا ترى كنت راح أكبر السالفه و أوصلها الى السلطات العليا في مديرية فانكوفر
بس كريزما عين السيح ما قصرت و بيضتها
و ظهر الحق
ظهر الحق
ظهر الحق
و يسقط عمي
هييييييي هييييييييي
و تسقط مرته
هيييييي هييييييييي
يسقط الاستعمـــــــــــــار
لووووووووووول
حمـــــــدالله على السلامه
ReplyDeleteواااااااااي شميت ريحه التوست :؛p
ياني مطر وبرد ورعد وريح من بوستج لوول
عندهم تشوفي الوان يديده للطبيعه غير البني والبيج والاصفر
دوووم بهالمزاج الرايق
ولاتطولين نبي بوست
واحلـــى بـــاك
الحمدلله على السلامه
ReplyDeleteعوري قلوبنا اكثر :)
ماكو صور ؟ :D
المهم انج ارتحتي واستانستي وغيرتي جو هذا اهم شي
يلا نبيج تردين بقوة :)
كريزمااااااا
ReplyDeleteالحمدلله على السلااااااامة
والله فاقدتج واااااايد
صج صج ولهانه عليج
:*
مايبتيلنا شوي من الجو؟
:)
ماسكه قهوتي بافتح النت
ReplyDeleteشاشوف نووووووووووور نوووووور يطلع من الشاشه
عبالي الجهاز خربان والا عيوووني فيها شيء
:O
اثاااااري القمر منور الشاشات والبلوغات كلها
:))))))))))
الللللللف الحمدلله عالسلااامه كرموزتي
وعليييج بالف عااااااافيه الأناسه وراحة البال
والله مستاااااانسه
من وصفج اشحلوه ماشاءالله
وبعد مايحتاي مجابله ويه توم القمر بالرحله
اشلون ماراح تستانسين
:Pp
الله يخلليلج كل احبابج ومرافقينج بهالرحله
.
.
انزين انا انسانه بصريييييه
لا لا مو من البصره قطييييعة
قصدي
بصريه من البصر
احب الصوووور
عاد اطالبج بصور لبعض ما ورد في بوستج
من مناااااظر خلابه.. واطعمه شهيه
ههههههه
شوقينا اكثثثر ..
وخلي دخله البلوغ بتذاكر
فيدي واستفيدي
لووول
--
ياحلو الخريف ترى قمت احب هالفصل مع الوقت
احسسسسسه رومانسي واااايد
لومه عفسه الهوا ساعات
--
we all miss u wallah
:****
----
كرموزه طرشيلي
شويه العيال اللي عاملين الشغب
ابيتهم يومين في امن الدوله
انسيييييهم اساميهم وحياتك
:P
عصماني وبربيل
انتوا مطلوبين للعداله بتتهمه اثاره الشغب والاخلال بالامن القومي
:P~
نسييييت اباركلج اللوك اليديد
ReplyDeleteالحلو حلو بالقصير وبالطويل
:)
شكلي بفج عجفتي واقصلي قذله مليت من الفرق وموضه يدتي
اشرايج
??
:Pp
الحمد ااااااااالله على السلامه
ReplyDeleteمن صج ولهت عليج.....شهالزين اللى يايبته معاج.....شبكتى المقرر
لوووووووووووووووول
شوقتينى على هالمكاااااان
بس صج كنت انت محتاجه هالسفره.....الحمد لله انج استانستي بسفرتج.....والجو فى هذه الوقت من اجمل الاوقات
شفتى الخريف عندهم ....شفتى لون الاوراق الصفره لونها ذهبي عجيب
الله يهنيج.....نورت الكويت
مره ثاااانية
ReplyDeleteسافرري سفرره ســنعة
شموديج الاربااااااااف
شنو طاقه 80 سنة
روحي استاااااااااانسي حفلات بحر اسواق هيصه ضجيج
ولييه حاااااااااطه رديت لعيونج ليش هم ضايق خلقح
حمدالله على السلامة
ReplyDeleteالحمدلله على السلامة
ReplyDeleteإن شاءالله تكونين استانستي وارتحتي
خوووش وصف
ونااسه الجو حلو
عليج بالعافية
ومرحبا بعودتج ياالغالية
:)
قصة خيال:
ReplyDelete:)
حبيبتى انتى الله يسلمج من كل شر
مشكوووره
الحمد لله على سلامتكم ^_^ نورت الديرة
ReplyDeleteويبتو معاكم الجو الحلو ؛)
بيربل:
ReplyDeleteههههههههههههههه
يا حبيبتى يا بيربل انا كنت بانصف الموضوع بس اهو خرب على نفسه بالنهايه قام يخووره ويتبلى عاااااد لى اهنى ونقطه كلشى ولا التبلى على خلق الله وهالمره علييج انتى لا ما قدرت
افا علييج ما عرفتى قدرج بس
:**
لوووووووووووول
ما تقدريين ما ترفعينها لى فانكوفر
انتى وياااه مطلوبيين عندهااا
انا سويت الى يملى على ضميرى والباجى عند فانكوفر
;pP
terkwaz:
ReplyDelete:))
الله يسلمج من الشر ما الومج وانا اكتب اشتهيييته
;//
اى والله جنتهم بالدنيا هالناس سبحان الله
تسلمييين ما قصرتى
منورتنى
:)
mo3ath:
ReplyDeleteالله يسلمك :)
والله فى صور اكييد بس يبييلهم فرز ومجابل
خل افضى بس
:)
اى والله الحمدالله
تسلم ما قصرت يا معاذ
نجمتنا:
ReplyDeleteهلا هلا وغله
:**
يا حبييبتى انتى ما تفقديين غالى وانا هم فقدتكم وولهت علييكم
:))
يااا لييت ينييياب
لول
:*
فانكوفر:
ReplyDeleteهلا بالى على اقبل
هلا وغله
:*
ههههههههه هذا نورج عاكس يا حبييبت كريزما انتى بعد عمرى والله
الله يسلمج من كل شر
:)))))
ايييييييييه الله كريييم سبحاااانه سبحاااااااااااااانه
الحمدالله على كل حال
امييييييين ولا يخلييج من حباييبج يا رب
:)
لووووووول والله عاد فييه 300 صوره بس يبييلهم قعده واايد حوسه
ان شاءالله افضى نفسى واختار جم صوره
والله استمتعت فى الجو خبرج يايين من غبره وارطوبه فينا فقره جو وهوى الريف نقى ونظييف ما يحتاج اقولج عاد انتى سييده العارفييين بالهجو
:)
ابلييس دش بينهم ابليييس اعوذ بالله منه
وبعد عثمانى ما ادرى شياااله قام يخووره ويدووره
ويتبلى على هالفقيرهما قالت شى حق كل هذا شدعواااااااااااااااا اعلنها حرب جنااابه
اخذيهم تصرفى معاهم بس يسلمج كونى حليييمه مع بيربلوووش
ما اوصيج عليها
فانكوفر 2:
ReplyDeleteهههههههههههه
الله يباارك بعمرج يا حبييبتى جانى حلوه حلوه بعوينااتج
:**
والله التغيير حلو وانا اخييتج انا بعد اقول غيرى العجفه
توكلى على الله
:pP
الحمدلله على السلامة
ReplyDeleteانا من اشوف هالممثلة اتذكرج
:)
بنت الشاميه :
ReplyDeleteهلا والله ابنت الشاميه هلا وغله
وانا ولهت علييكم وفقدتكم وفقدت سوالفكم
:**
اى والله منت احتاجها من قلب والحمدالله الله سهلها علينا واستانسنا
مثل ما خططنا مشت الحمدالله
شف شفت يا بنت الشاميه
فصل عجييب كانو سبوعين وشفت فصليين
شفت الشتا وشفت الخريف
الساعه من مكان لى مكان يفرق و يتغير الجو فيها سبحان الله
حبيبتى انتى منوره باهلها
:*
موك:
ReplyDeleteقول الحمدالله على السلالامه اوول دااش ازف اله يهديييك
وبعديين من قالك انا احب السوق والصييحه
انا غرامى الهدووء والصده عن العالم ما احب اسافر اشوف خليجيين وعرب و خزنى وخزك ولا ابى سووق
ابى الى وصفته بالبوست
لوول موك السفرات السنعه لك انا ابى السفرات هذى المو سنعه بعينك
;P
abu eldestor:
ReplyDeleteالله يسلمك
شكرا اخوى
حسين:
ReplyDeleteهلا بحسيين هلا
الله يسلمك من الشر
اى والله الحمدالله كانت موفقه
تسلم وما قصرت
:)
the.thinker:
ReplyDelete:)
الله يسلمك
منوره باهلها ما قصرت
سيكرت:
ReplyDeleteالله يسلمك مشكوور
:)))
حمد لله على السلامه يا جاي من السفر وحشانا الابتسامه وشك و الا الأمر
ReplyDeleteوعطني ولعه
كرررررووووز
ReplyDeleteحمداااالله علي السلااااامه
شخبارك انشالله بخير
شهالزين واللوك الحلو
تأثير السفره وااااضح
اهم شي استانستي وغيرتي جو
احب الهدوء وصوت المطر
عليج بالعافيه يا قلبي
:****
il7imdila 3al salamaaa! taw manawarat ildeeera walllah:*
ReplyDeletethe boss:
ReplyDeleteالله يسلمك ههههه
شكرا شكرا
صبا:
ReplyDeleteهلا حبيبتى انتى
الله يسلمج من الشر
انا بخير الحمدالله
:**
شكشكا:
ReplyDeleteهلا وغله
والله فرحتنى شوفتج
شلووونججججج
:))
الله يسلمج من كل شر
ومنوره باهلها ا
:**
كاريزمااااا
ReplyDeleteحبيبة قلبي
لج فريه كبر الدنيا وولهانة عليج حيل حيل حيل
:*****
الحمدالله على السلامه وقرت عينا
الحمداااااااااااااالله على السلااااااامة
ReplyDeleteلج وحشة كرزووومة
اثاري المطبخ ماخذج برمضان
:P
والقاري بعد العيد
بموت اعرف اشلون تسوقون قاري
مااااااااااااااااعرف اتوازن فيه
وبخاااااااطرييييييي
احس يشوّق
اخر مرة ركبته ايام الإبتدائي بو ثلاث تواير لوووووووول
*^__^*
الحمدلله على السلامة
ReplyDelete:***
مكـــــــــــــانج
فــــــــــــاضي والله
:** من غير شر
عليج بألأف و 600 عافية
يا حلو الطبيعة والبراد والمطر
و الريوق
الصحة والعافية
و الجووووو
بس الصراحة لج وحشة و لا تطولين مرة ثانية
فقدناج
وايد وايد :**
ليش يعني ؟؟
ReplyDeleteعلى بو اني ريال حطيتوا علي !!؟
:(
هو انتوا كلوكوا علية ولا ايه !!؟
انا بفوض امري لله
وحسبي الله ونعم الوكيل في اللي ظلمني
والحين انتوا يوم تبون تحكمون احد .. تحكمون فانكوفر هانم !!؟
خو هالمره من غير شي حاطه علي
مع ان ادري ان من داخلها خوش مرة
(ترى قاعد امدحج فانكوفر .. عاد يبين في عينج)
في الختام... كاريزما .. بيربل
مـا أحـبـكـم
:(
يا وحشين
الحمد الله على السلاامة
ReplyDeleteطل القمر
يا قمر
ونورتي بييتك ومطرحك
الحمدلله على السلامه وعوده موفقه
ReplyDeleteالزين :
ReplyDeleteهله بهالطله هلا وغله
انا اكثر والله
الحمدالله انج موجوده وبخير
:**
الله يسلمج من الشر قلبى
نون النساء:
ReplyDeleteحبييبتى انتى يا نون هلا بالطيب الغالى :**
ايي برمضان غرامى الطبااخ ههههههه وبعده بس توقف نفسى ما احب اطبخ
:P
لووووووووول من صجج نون هههههههه
انتى بس لا اتخافين وبتقدرين اتوازنين حدا سهل
لازم اتعلميين وناااسه ترى ورياضه وايد احبها انا بس بالكويت محرومه منها لا الجو يساعد ولا الوقت ولا المكان
:/
منو ينسى:
ReplyDeleteهلا والله
الله يسلمج من الشر حبيبتى
بعد عمرى ما تفقدين غالى ما قصرىى
وانا بعد فقدتكم واايد
:**
عثمانى:
ReplyDeleteانت بديت انت اتحمل
ولا نسيت ان الزمن ضدك تحول !!
ما تشوفشى وحش ان شااءالله
واخيتنا فانكوفر محكمتها عادله لا اتحاتى
ترستن:
ReplyDeleteاهلييين وسهليين
:))
الله يسلمك يا ترستن شكرا
لوطن اجمل:
ReplyDeleteالله يسلمك من الشر ومشكوور
:)
الحمدلله على السلالامه
ReplyDeleteولكم بااك يالغاليه وحشتينا والله
فرنسا وعالريف ؟ واو
ذكرتينا والله بايام الخوالي :P
هههه ايام خوالي طل
ايام كنت عنونه :$
المهم
شوي شوي على عثماني ترا كسر خاطري
ايهوا احلى لكويت وله باريس ؟
ReplyDeleteمرحب الساع
ReplyDeleteيبتيلي بطة
الحمداااالله علي السـلامه
ReplyDeleteيا هلا وياغلا
:**
نورت الديره بردتج
اشهاللوك الحلو صج فرنسيه ومأثر عليج الخريف
كاريزما ماتحسين انه الخريف فيه رومانسيه زايده
؟؟
:))
الله قاري ذكرتيني بعصر القواري
عندي قاري داثر ونسيت اشلون اركبه
:(
>>اربع تواير غيره ماعرفه اركب
وان شاء الله دووم انشوفج مستانسه
:)
الحمدلله على السلامة
ReplyDeleteو ولكم باك
نورتي
مكانج فاضي بين البلوقات
أهم شيء إنج استانستي
عاد نبي بوستات يديدة
سلامي لج :)
الحمدلله على السلامة
ReplyDeleteالحمدالله على السلامة و كل عام و انتي بخير
ReplyDeleteبصراحة رحلة موفقة
و عجبني الريوق اللي سولفتي عنه
و الله اشتهيت اتريق و الحين الساعه 2 الظهر
تحياتي
مانتوفاني
هذا حقيقه ولا خيال ؟؟؟
ReplyDeleteصج صج صج خليتيني اتخيل واعيش الجو
شسم المنطقه ؟؟؟
يبيلنا نقاهه
الحمدالله على السلامة
ReplyDeleteاكيد جددتي طاقتك
ما صورتي لنا جم صورة؟ :)
الف الحمد لله على سلاااااااامتج
ReplyDeleteنورتي البلوقات ^_^
selezya:
ReplyDeleteالله يسلمج من الشر حبيبتى وانا بعد فقدتكم
لووووووول يختى يا حلات العنونه
:*
عثمانى بدا والبادى اظلم
:p
kuwait master:
ReplyDeleteاكيد باريس
جنتهم بالدنيا هالاوادم
الحمدالله على كل حاال
عاجل:
ReplyDeleteيبت وززززز
:))
حيالله عاجل
نور:
ReplyDeleteهلا بالاحساس والرومانسيه
من شوفتج احس فيها
:))
هلا بنور
الديره منوره باهلها مشكوره حبيبتى تسلمين
قمة الرومانسيه حسيت فيها مع طبيعتهم
حتى وانا وحيده احس فيها سبحان الله
:*
elq87obi:
ReplyDeleteالله يسلمك شكرا ما قصرت
حياك الله
:)
ak-47:
ReplyDeleteالله يسلمك
شكرا
mantovani:
ReplyDeleteالله يسلمك
وانت بخير وصحه وسلامه
اى والله الحمدالله
:))
عوافى
شلالات:
ReplyDeleteهالله والله بشلالات
ان شاءالله تكونين بخير
والله خوش منطقه اسمها صعب
لووول بس اذا تبينه اقدر اطلعه لج حاضر
:)
ميرامار:
ReplyDeleteالله يسلمج مشكووره
:)
الحمدالله واشوه ردينا على هالجو الحلو بالكويت على الاقل الواحد يقدر يتحرك
ان شاءالله احط جم صوره
the.thinker:
ReplyDelete:)
الله يسلمك من الشر مشكوور
الحمدلله على السلامه
ReplyDeleteمدازز على باب المدونه
انا على بالي يايه من الحج !!!1
اشلون باغيسسسوا عس ..مريتي مول اوف يورب
لان حسب وصفج على طريجكم لانه خارج باريس ب 30 كيلو
التمشي فيه يونس
شلون خبزهم الصبح ..هم انا اروح بالقاري بس مو الصبح ..لا
انا زامي الساعه 6المغرب
لان خبابيزهم يخبزون الصبح والعصر
والخبابيز عندهم يسسسون كيك ..فرش مو مثلنا
ما عندهم الا سمسم
الحمد الله على السلامه
فمالله
يا هلا ومرحبا بمن حبا ودبا وركب القليلبااااااا....لوول
ReplyDeleteالحمدلله عالسلامه انا اقول وينج كل ما ادش وداعا رمضان
والله يا كارزما ان وصفج احس ان اشوف المنظر بعيني واشم ريحة الخضراا تبارك الرحمن عليج بملييوووووووووووووووووون عافيه وعسا االله يمتعج بالصحه والعافيه ويرزقنا جناته ...هاللي شفتي جنة الدنيا شلون جنة الآخره يالله من فضلك ..الله يجمعنا وياج فيها وكل من يقرا :)))))))))))
الحمدلله عالسلامة
ReplyDeleteوواضح انها خوش رحلة
تهدئة نفس بشكل كبير
--------
اي والله صاجه
ياحلو الكويت
كل عام وانت بخير يالغالية والحمدلله على السلامة
ReplyDeleteاشتقتلج واااايد واااايد
امبيه عيشتينا بالجو كأنا كنا معاج هناك لا وذكرتيني بأسبانيا لما سافرنا امبييييييييه طبيعه اتينن شي روعه سبحان الله جو هادي خو احنا الشاليه عالجبل وروعة الخضرة والضباب الصبح سبحان الله خياااااااااال
وذكرتيني بعد لما كنت اقوم من الصبح قبل الكل عشان احصل على الهدوء اللي ابيه وسط الضباب اقعد بالبلكونه واقرى او اكتب على حسب المود ذاك الوقت عاد والقهوة الحاررررررة معاي
وااااااااي شوصف شخلي
المهم الحمدلله استانستوا الله يونسكم بالعافية عسى الفرحة ماتفارقكم يارب
وعساااج دووووم عالقوة يارب
This comment has been removed by the author.
ReplyDeleteWell, well, well,
ReplyDeleteCongratulations!!!
Hava e nice day.
شسم المنطقه
ReplyDeleteوالله شوقتيني!!!!
يبيله نزورها مع الغالية
=)
اجار الدين كشمش :
ReplyDeleteههههههههههه
الله يكتبلنا حجه ان شاءالله
اييييييي مريته عجييب
اذا تقصد فالدىيورر
ما تسوقت الا منه يونس
:))
الله يسلمك من الشر
شكرا لمرورك اجار
بخور السوق :
ReplyDeleteهلا والله ابخوور السووق حيالله من زارنى والله
هلا بالى على اقبل هلا
:))
لووووووووول
اميييييييييييين اجمعيين يالغاليه
اى والله جنة دنى هذى والله يرزقنا جنات النعيم
ان شااءالله تكونين بالف خير
بحفظ الله حبيبتى
:*
kuwaitawy:
ReplyDeleteالله يسلمك من الشر
اى والله ولله الحمد
شكرا لمرورك يا كويتاوى ما اتقصر
انا سكره:
ReplyDeleteهلا بسكره
وانت بخيير وصحه وسلالامه حبيبتى
تشتاقلج العاافيه :)
الله علييكم بالعاافيه
اى سبحان الله عندهم طبيعه سبحان من صور وخلق سبحانه
تسلميين اجمعين يا رب
:)
artful:
ReplyDeleteوالله يا خوى اذا اتحب الطبيعه لا اطوفك مع ان ما احب الفرنسيين وفرنسا بكبرها ما احبها
بس هالمكان فعلا يستحق الزياره للى يبون راحه واستجمام وصده عن العالم
ان شاءالله اييب اسم المنطقه مو حافظته
عليكم بالعافيه
الحمدالله على السلامه
ReplyDeleteناطرين
والله مشتهي مكان رلاكس وراحه واستجمام بعد التعب مع الغاليه
والبحث جاري
فعلشان جذي قاعد أسئلج
=)