فرحه

اول مره احضر حفلة تخرج تكون مرتبه ومنظمه وحلوه بهالشكل

كانت حلفة تخرج اخوى الصغير من الثنويه ، جعدتنا :) الحفله كانت بالهاشمى

اشكر كل من نظم ورتب هالحفله

استمتعنا وايد

وحق المزيون الى تخرج اقول الله يوفقك يا حبيبى وشد حيلك بالياى

والله يسامحك ذبحتنى بجى هههههههههه

:**

********

مر اسبوع الديتوكس على خير

بس عانيت فيه وايد وصج قلتها حق نفسى شالله حااادنى

ما ضايقنى اليوع لانى ما حسيت فيه وايد

بس الى يتعب الصراحه عوار الراس والارهاق

تحس بخموول كله تعبان ومافيك طاقه

قزرتها نوم

النتايج اقدر اقول جيد جدا

الحلو ان لم ترجع تبى تاكل طبيعى ما تقدر

يحوشك عوار معده مؤلم

صغرت المعده وقل الاكل وهذا المطلوب

الحمدالله عالصحه والعافيه

:)