detox ..

نتايج هذا الرجيم شفته جدامى من كذا بنت والى شجعنى ان هالرجيم ينظف الجسم من السموم

ينصح فيه الدكاتره يسويه كل واحد مرتين بالسنه ومده سبوع

المهم هقيت المسأله هينه وبلشت ما حسيت بيوع كثر الدوخه والخمول

احس ما فينى حيل ولا طاقه وكله بنام والموود حدث ولا حرج كله ساكته

, طلعت اجتماع اليوم بالدوام مالى خلق اتكلم ولا فينى حييل اشرح شى ما ادرى شلون خلص اللاجتماع

رديت البيت ادور فراشى ، يالله هانت ما بقى شى

ما اعرف ابدى شى واقطعه لازم اخلص للنهايه

صديقه عزيزه على قلبى فاقدتها وعلى بالى

وكل يوم اقول بسال وتروح الايام الدنيا صايره لهوه ما ادرى على شنو

المهم اتصلت ومريتها طلعت معاها البنت وايد متغيره ومهموومه

واعرفها عدل اسم الله عليها ما فيها الا العافيه اقولها شتبيين

ردت على رد خلانى اصفن

تقولى مشكلتى مع نفسى انا مانى متصافيه مع نفسى

نفسى متعبتنى وايد ، دايما ضدى وانا بحرب معاها مانى راضيه عن نفسى

حسيت بشعورها الصراحه وتحوشنى هالحاله

اذا ضاقت عليك الارض بما رحبت

وضاقت عليك نفسك بما حملت

فأهتف يا الله

هكذا الدنيا