اليوم مو يومى

يالله صباح خير
امس يومى كان عجييب مع ان نادر ما استانس و وراى دوام
ونمت خوش نومه وقعدت نشيطه والجو اينن قلت يبيله ستاربكس
وغيرت فليفر الاتيه كل مره هيزل نت هالمره قلت لالالالا يبيلها راز بيرى

بداية التقبس من هالمرحله
وخذيتها وارتزيت على المكتب شحلييلى
اللابتسامه تارسه الويه والمود عال عال العاال
اطقطق بالجرايد وبعدين ايميلاتى وبلوقى
لما شرف الحلو المزيون رئييس قسمى
مر يمى سلام عليكم السلام
جان اقوله تقبل الله طاعتك لان الحلو ياى من العمره
قمت انا رحت خذيت لفة على البنات ولا القيامه قايمه بالقسم يا كريزما ويا طلابت كريزما شفيكم الا الحلو يبينى
اى خير انشاءالله
انا هلا بو فلان ناديتنى
قالى الحين انا اكلفج بشغل يو الاربعا ، قبل لا اسافر شلوووووووووووون تحولينه على زميلج اهو بكيفج!
جان ارد : قتله لا مو بكيفى بس الشغل شغله والريال عارف خطواته وكان مرضيه ويا الخميس داوم
جان اعطيه يكمل شغله خير يا طير
وبعدين الشغل فيه خطوات طويله لازم انبش بغراض الريال بمكتبه عشان اعرف اكمل الشغل والريال مقفل على شغله مو معقوله بنبش مكتب الريال عييب
الحلو : انا كلفتج انت ومو مهم عندى هذا مكان عمل مو مكان خاص وانت مكلفه بمهمه ما فيها خصوصيه وانا قايل مكاتبكم ما تعتبر من الخصوصيات عادى اى واحد فيكم فى سبيل العمل ينبش ويدور بدرج الثانى
انااا : لالالالالالا مو عادى
الحلو: عطيتج شغل وما انجزتييه وهذا لفت لج
انا : شتبى توصل له انى ما اشتغل يعنى قالى لا تبررين حق نفسج ، الموضوع ماهو هين
انا : انا لو ما اشتغل ما مسكت القسم شهرين بالصيف وانت مو موجود
هذا كله ما بين الحين ماسك على هالسالفه يعنى

كل هالحوسه الى مسويهه هالمزيزن عشان حزه التقاييم الحين وبس يبون يمسكون علينا الزله
ويخزنى واخزه جنه عتاويه يبينى اقول انى غلطاانه
قتله تبى شى بعد
قالى عادى الموضوع قتله انا ما غلطت

قالى خير انشاءالله
هذى الحجوة يعنى تهديد رسمى
قتله انا موظفه عندك من سنين جان تخنقنى العبره يوم قلت سنين وعليه على عمرى وشبابى الى راح هدر :( اشتغلت نفس ما اشتغلت التزمت نفس ما التزمت
ان حبتك عينى .. بس هذى ما قلتها

لووول هديته ومشيت ، اهو مو دااااقه ولالا بااطه الا ان شلووووووون انا قاعده ما عندى شغل واهو مسافر مستخسرها فينى انى قاعده الخميس بدون حوسه شغل
اى يا اخى مره بالاسبوع خلنى ارتاح احنا حكووومه مو كل يوم كراف
عندى جم شغله كان الخميس سويتهم وريحت اصلا نفسيا رااحه اذا اهو مو موجود

وكان الله غفورا رحيم
النهايه قالى فى اجتماع بخصوص هالموضوع

رتبيه اذا سمحتاى مع زملائج راح نجتمع الخميس

واااى قمتنى وعفس مودى ويومى متنكد اليوم كله منه

ولى الحين انا اكتب وعاقده النونه

كل شى قاعد يعتفس واخبار مو زينه قاعد توصلنى

وتهاوشت مع اثنين يعزون على

وبسسسسسسسس

:/

ولالا حتى بروفايلى قالبلى افغانستاان جنسيتى

وحدى مستعسره وبقعد على افغانستان

مو يومييييييييييي