كنت اسولف مع زميلتى بالدوام عن السالفة الى قلت لكم عنها
عن صديقتى الى حبت واحد اصغر منها ويبى يتزوجها والقصه انتو اتعرفونها
المهم صديقتى فلّت عن الولد لان ما ينفع يكونون فرندز الولد يحبها بجنون واهى
هم اتحبه بجنون فما تنفع العلاقه تصير صداقه ، استحاله وهذا الشى اللى انا ما احبه
واخاف منه ، الحين الاجانب الوحده فيهم لى انفصلت وتطلقت عادى
اتمشى حياتها مع زوجها كفرندز يكملون صداقه وخصوصا اذا بينهم عيال
احنا الله خير ههههههههه عارفين الوضع انتو شلون؟؟؟
المرااد من هالمقدمه انها إلفتت نظرى .... صديقتي وانا اسولف لها
عن القصه ان البنت تعبانه من فراق حبيبها الى يصغرها
فردت على بكلام قعدت وصفنت افكررر
تصدقون إصدقت بللى قالته
اهى محرومه منه ، بعد ماكانو 24 ساعه مع بعض بالتلفون، جان تقولى
كريزما لا تلومينها اهى مو بس اتحبه لالا اهى تعودت وجود ه ، تعودت
ان يكون موجود بحياتها وترى قطع اى عادة بالحياة تتعب الانسان مو
بس بالعلاقات الانسانيه اى شى تعتادين عليه وتقطعينه تتعبييين
بس تاخذ وقت وبترد وتتخطى هالشى وخصوصا اذا العقل مناقض القلب يعنى
اهى مقتنعه انه لا يصلح كزوج ، فعطيها فتره .. بتتعب وايد وما الومها بس الزمن ينسيها
كل واحد فيكم يتذكر شى اعتاد عليه واقطعه
ابييه كلامها صح ، وايد امور بحياتى احسها مالها داعى ومقتنعه انها مالها
داعى بس تعودددت عليهاا ، مانى قادره الغيها او اقطعها
بس لو اقعد افكر القاها اريح لو انها مو موجوده بس العاده اهى الى مخليتنى اخلى هالامور
كل وحده وواحد فيكم يتذكر شنو متعود عليه وما يقدر يلغيه
مع ان الاحسن والاريح ان مو موجود بس اعتاد الامر
اطلعون بلاوى
60 comments:
قولي لها
وداوها بالتي كانت هي الداء
حب جديد مع واحد اكبر
بعدين يصير خير
الله يعينها اذا تعوّدت عليه ترى القلب ما يقدر ينسى خلّانه مو بس أحبابه
لأنه على قولتج تعوّد .. واذا الانسان تعّود على شي خلاص يصير جزء من حياته ويمكن توصل لي درجة انه يبجي عليه اذا فقد هالشي يسوى كان أو ما يسوى
الله يعطيج العافيه على هالموضوع اختي
ويسلموو ^_^
صباحووو
عندي القدرة إني أسوي بلوك علي أمور وايده بحياتي و من ضمنها قلبي
و عقلي
إنسانه مخيرة وليست مسيرة
;)
في أمنية
كتبتها شاعرة إماراتية
تقول :
ولربما جاء الربيع مبكراً
وخاتلني دون أن أراه
لأجتاز الشتاء مجدداً
في انتظار ذلك الذي تسرب
من بين أصابعي.
الأهم ان لا تتوقف
في ركن الإنتظار
وتستمر حياتها
بالنسبة حق الأشياء المُعتادة
وايد
الموبايل
ما أحبه كلششششششش
بس ما اقدر اطلع من البيت من غيره
تحسباً إذا ضعت ولا شي
هذا على سبيل الأشياء
أما البشر
ما أقدر
اذا انقطعت عنهم برغبتي
عادي
بس غصبا علي
أتعب وااايد
وممكن استمر بحالة كآبة لفترة طويلة
وهالشي كلش مو حلو
لأ،ه ياخذ من عمرج
واتمنى صديقتج ما اتمر فيه أبدااااااااا
كله مسألة تعود
ومردها بتتخطاها
الله يعينها
صحيح اذا تعودنا على شي بحياتنا صعب
إنا نبعد عنه أو نتركه بسهوله
العادة مشكلة كبيرة
حتى بالاشياء السيئة احيانا
بس بالنسبة للعلاقه مه إنسان وخصوصاً أذا كان حبيب تصير اصعب بوايد
وأحيانا ما نقدر نتخطى هالمرحلة
الموضوع ينن مثل اصحبته لوول
تبني الصج انا نوعي ما اتخلى عن شي و لي تعودت علي وييي الله لا يوريج يستمر بحياتي هالشي حتى لو ضارني
ماقدر اني اخليها يعني عقلي و قلبي مو مقتنع انه يهد هالاشياء واعطيج مثال يعني من ابسط الاشياء
سيارتي
لووول معاي من خمس سنين و اقولج الصج ماتت السياره اصلن خلاص قضى عليها الدهر و توقف و يانه على المكيف حاار و عافستني
و الوالد العزيز يقولي اشتريلج غيرها انتي روحي نقي السياره الي تبينها بس مو قادره
تعودت عليها
معنه ضارتني و مؤذيتني بس مو قادره
يعني شوفي هذا و انا الي متعوه علي جماد لو كان شخص صعبه
انج تتعودين على سوالف و اسلوب و غشمرة شخص معين و بعدين تفجين فجاه حتى لو عقلج مقتنع قلبج دايمن ينكر الشي
thanks 3ala el great topic
salamz...
عاجل :
الحب مو بالمخباة الله يهداك
هذا من الله بعد
:)
كاريزما
احنا كعرب عموما ما نقدر نكون اصدقاء بعد الانفصال عن من نحب
عاطفتنا دايما تجرفنا
حتي بعض الافلام الاجنبية تلقين اللى يحبون بعض ومنفصلين بلحظة ضعفة ينجرفون ناحية بعض بدون ما يحسون
الموضوع كله ينصب على ان الانسان مو بس متعود
ولكن البعد يهدى النفس لو كان فى اخطاء ويخلى الواحد يغفر حق اللى جدامه
ولكن فى حالة صديقتج مع اللى كانت تحبه واهو اصغر منها
ما اعتقد من الاساس ان سبب مقنع
انا نهائيا ما اقتنع بالعمر كحاجز
موضوعج حلو وحساس يحتاج قعدة
:)
اعجبتني الفكرة
لان مؤمن فيها حيل
وصدقيني اذا حصلنا شي يسد الفراغ الي رااح يسببه ترك هالشي بنتركه بسهولة
بس اهم ي البديل المناسب
خصوصا بالتعود اما بالنسبة للحب
صراحة ماعندي فكرة ماجربت احب ولا جربت اهد الي احبه
جربت اتعود اييه
غييره لا
اتوقع صعب ان اثنين بينهم قصة ان يكونون بس ربع خصوصا اذا مشاعر الحب بعدها موجودة و حية بالقلب. انا مادري شنو قصتهم بالضبط بس وايد في حريم اكبر من رياييلهم و عايشين بسعادة. و عموما ما في شي يضمن نجاح الزواج حتى لو الواحد راعى كل شي.. السن، الفارق الاجتماعي..الخ!! فا برايي المفروض يسئلون نفسهم اذا صج مسالة وقت و كل واحد اكيد بلاقي شخص ثاني يكمل حياته .. او اذا صج في حب و انهم يناسبون بعض و المشكلة بس بالسن! يعني مو سهل ان الواحد يلاقي احد يناسبه و يحبه و يكمله! مو كل يوم الواحد يلاقي هلاشي.. و برايي اذا الواحد لقى اللي يحبه بقلبه و عقله فالمفروض ما يخلي اي شي يوقف بويها.. حتى لو كان فرق العمر
الحين شنو الموضوع؟
أنا تعودت على القهوة
و بالاجازة حاولت اني اقطعها
الله لا يراويج يا كريزما
راسيييييييي
عواااااااار يومين
لكن صبرنا و تحملنا
بس ما قدرت بسسسسس
من رديت الدوام و انا رديت لها
مالي غناة عنها يا ربي شلووووووووون اهدها هذه حبيبتي
الحين كارفيني بالدوام ما عندي وقت أشرب اتصدقين
!!!!!!
انزين انرد على الاوادم
لااااااا اتعود على أحد انا
اووووووووووووه
امووووووووووووت
لما اتعود على شخص و احبه و فجأه يروح
لألألألألألألألألألألألألأ
ما اقدرررر
و يبيلي فترة على ما انسى
خصوصا اني ما احب التغيير المفاجئ
ما اعرف احقر مشاعري كلششششش
لا لا بس ييبولي قهوة ما اقدر صدعت
آنا متعودة أول شي آكله الصبح الحلو
وإن قطعته أحس يومي يعتفس وكأنه ناقصني شي
ومن الناحية العاطفية
الناس إلي أحبهم وتعودت على وجودهم بحياتي وفجأة يطلعون
راح أتأثر شديد التأثر
وإن مر الزمن ونسيت ورجعت أتذكر راح أتأثر مثل تأثري بأول لحظة برحيلهم
خوش موضوع
وإذا كان الفارق لايذكر بين المحبين
أوكي ما من مشكلة
بس
إذا الفارق كبير
هنا
تكمن المشكلة
والله يسهل على رفيجتج بإذن الله
ممكن اختلف مع صديقتك
!!
مهو احلى بارت من الحب
اهو التعوّد
..
لما ما اقدر انام الا لما اسمع صوتها
ولما اقوم من النوم على صوتها
:ولما تقول لي
تغديت
شقاعد تسوي
متى بتطلع
عيونك لا تطالع
منو خط ثاني
شكلك اليوم وايد حلو
بشوفك
احبك
امووت فيك
..
كل هالاشياء يا كاريزما
..
كنت اتمنى لو انها ماخذته
..
وبالنهايه ادري انه بنتعود
في كل الحالات
فقدان الاعزاء صعب
لو عند الله نقول اهون
راحو عند اللي احسن منّه
بس يكون عايش وحسّه موجود بالدنيا
صعبه
:(
من شب على شيئ شاب عليه
وايد شغلات متعودين عليها بس تضرنا
أول شي تطري علي السيجاره
والحمدلله ماني صوبها
مع إني من صغري ربعي كلهم
يدخنون .. أبوي كان يدخن
والمكين ياته فتره إذا بيدخن يطلع
بالحديقه والحمدلله بيتنا
فريش ما فيه دخان
بالنسبه لزميلتج .. آنا
مع تركه إذا أهم عارفين
بأن علاقتهم ما راح تتطور
بس ليش ما تاخذه؟
أو ليش ما ياخذون بعض؟
hehehehehehehe
إي والله شنو تاخذه؟
جنه شي محطوط برف جمعيه مو إنسان
لوووووول
التعود على أي شي
يمكن تركه بسهوله بتوافر
عنصرين مهمين
العقل
الإراده
خصوصا إذا كانت العاده اللي
نتكلم عنها ضاره وليست إيجابيه
Thanks for the great post :)
مساء الحب
اول شى انا متعوده عليكم كلكم واحبكم كلكم ولا اقدر اقطع من هالمكان
ههههههههههه
عاجل:
يا سلام عليك با بوالافكار
:)
سهالات الحب بالمخبه
:))
u_sf:
وانت الصاج
فقد الشى مو بس بالعلاقات الانسانيه متعب
الله يعافيك اخوى ويسلمك من كل شر
ريماا:
صبااحو يا امر انت
اختلف معاج ريما
متعب انج اتعودين على شى وتتركينا صدقينى
وعينى بعينج لى رديتى اذكرج
;)
:***
نون النساء:
هلا بنون هلا
الحياة بتستمر شئنا ام ابينا
بس بتتعب اكيد
والله يعين
مسالة وقت
الذكرى تبقى والالم يروح باذن الله
صح الموبايل عاده قشره
انا ما انام الا بيدى الموبايل امسح مسجاتى والجات الى ماله داعى
لما ادوخ وانام
هذى عاده فينى
ههههههه
اتصدقين معاي وحده بالدوام ماره ابنفس الموقف؟!! امممم بس ما تم الفراق ليلحين والكلام قاعد يزيد عنهم واهما نايمين بالعسل !!!....الله يهديهم..:)
=====
انا معاج ابسالفه التعدو ساعات نتعود على اشخاص ونحسب ان هذا حب !!
zozota:
حبيبتى انتى
اكيد باذن الله تتخطاها
الله يعين كل وحده مرة بحالتها
:**
حسين:
منورنى
:)
هذا الموضوع الى مره قتلك عنا فى احد بوستاتك بكتبا ومو قادره
اتمنى وصلته بالطريقه الصح
!
ان نتعود على شى ونقطعه شعور متعب
لو هو ابسط شى
الله يعين كل انسان قطع حبيب او عاده يحبها
انا حاليا اعانى من قطع السكر بالمشروبات
هههههههه
مو تعبانه
الا منتلفه
الشاى ماله طعم والقهوه اتييب اليهد
بس ابى اقطع لازم اقطع
://
خروفا:
هههههههههههه
ويا زين هالطله
لووووووووووول
ما الومج
انا ما هديت سيارتى الا بحادث عينها عيان
://
بس الحمدالله انا سليمه والسياره سكراب
الله لا يقوله ويحفظج من الشر حبيبتى انتى
وبوكى الى احط فلوسى فيه
عفى عليه الدهر
افشل اطلعه من كثر ما انه دثر
ويشترولى بواكه غيره كهديه
بس ارد على القديم
ههههههههه
لما اختربت صكته ولا قام يتسكر
جان اطر اغيره
:(((
اى فقد الاوادم الى تحبينهم يحطم
:(
حبيبتى انتى
حافظج الله
مشارى:
صح يمكن احنا الشرقيين صعب نكون اصدقاء بعد الحب القوى
بس اختلف معاك بالعمر مشارى
حياك الله بيتك ومكانك
:)
tresten:
هلا وغلا باخوى اترستن
فقدتك مالك حس من غير شر
تتوقع اذا احد سد الفراغ بتهون المساله؟؟
مو كل مره الدنيا تحط البديل الصح
وصعب بديل عن حبيب او صديق عاشرته سنين
صعب
صج
يا بختك
:))
والله لا يبلييك
دام دخلت كلمة متعوده
عيل ماكان حبها قوي
وكان حب شمسي
لووول
اسمحيلي حب التعود هذا مااعتبره حب
وبعدين شنو يعني اصغر منها ؟؟ بالعكس المفروض مايكون حاجز العمر بينهم لو كان حبهم كبير بيتخطاه
وسالفت التعود على شخص ماعرفها اعرف اني احب هالشخص اي لكن تعود دي لعبه ياماما
اعتقد الحب أكبر من التعود بحد ذاته
اذا سالفت تلفون 24 ساعه
يعني اذا كلمت ثاني 24 ساعه بتنسى ؟؟
الموضووووع أصعب بوايد من جذي
ومو
بهالبساطه
الله يكون بعونها وهذي أصعب فتره
والله يعوضها خير
أما الأشياء اللي تعودت عليها ماقدر اخليها
المكان
مثلا أروح لكافيه معين
والله ودي أغيره
بس تلقائي تلاقيني رحت له من غير ما حس
وأحلا شي لما نبي نتيمع انا ورفيجاتي
نقول وين بنروح ؟؟
ونرد على روحنا طبعا وين أكيد ب ....:)
ماكو فايده خمس سنين بهالمكان
طلع بعد مليون كافيه وانا مصره عليه
يمكن لأني عرفت المكان والاقي معامله ختصه لي فحسيته مكاني؟
بس ياربي ودي أتذكر شي غيره
مو انتي قلتي نبي فضايح ؟؟
عاد انا متروسه بس مادري اشفيني موراضيه اذكر!!
سلمي لي عليها وقوليلها خصوصا هالفتره خل تبطل أغاني حزاينيه
وتسمع اغنيه حط النقط على الحروف قبل ما نطلع سوا عالروف
أو بحبك ياحمار
فتحس الدنيا تافهه وعبيطه وتكره الحب
واحتمال تكرهج بعد لوووول
المشكلة لما الواحد يتعلق او يتعود على شي
حتى لو ما كانت تحبه
مجرد انها تعودت عليه صعب انها تبعد عنه
وايد اشياء الواحد متعود عليها مثل ما قلتي ومالها داعي
بس دام انج متعودة عليها صعب تقطعينها
وشكثرها بحياتي الاشياء اللي مالها معنى بس متعودة عليها :)
نعناعه:
اتفق معاج
صعب الحبيب يكون صديق صعب
والله مو بس بالسن
حتى الاهل معصلقين
ماكو قبول لا من ناحيتها ولا من ناحيت اهل الولد
كونا صغير وايد على البنت
://
اهم مقتنعين الى سوو
بس تعبانين من الفراق
وبالنهايه نصيب يا نعناعه
التوافيج من الله
اغلب الى اعرفهم ماخذين اصغر تعبانين بحياتهم
بيربل:
هلا وغلا
ولكم بااك
:**
لووول
الموضوع انج تقطعين عاده تعودتى عليها سلمج الله
هذا الموضوع
:))
انا تعودت على الشكر
والحين بديت اقطع
وتعباااانه
لايعه جبدى
ما استطعم الجاى ولا القهوه
:(
وااى ما الوومج حبيبتى انتى
عاد القهوه الى استحاله نقدر نقطعها
://
الله يكون بعوونج
اااه على هالاوادم
مشكل مشكل
شربى قهوه شربى وانا بعد احتاج قهوه
مانى نايمه الظهر
وتعباانه ابى اناام
بس عندى شغل
فما الالاك الا القهوه
:/
الماس:
هلا حبيبتى
اى عاداتنا الغذائيه مشكله
ههههههههه
انا حاليا احاول اقطع اشكر
:/
والكاكاو احاول اقلله
والناس فقدهم يذبح
:/
ويسهل على الجميع اميين
مناف:
اهلا اهلا سيد مناف
احنا ما نتعود الا على الى نحبه
بكل شى
بس مرات هالشى غلط
ومظر
اى تعال قطعه
تعتفسسسس
الله يا سلام
عورت قلبى
اااخ
:((((
الله يكون بلعون ويرحم حالنا يا مناف
امين
charisma
بيني و بينج
ما عرفتيني عدل لي قفلت قفلت
يمكن أبجي
يمكن كل شي
بس أدري ماراح أموت
الدنيا تمشي
محد ضاع لأن تعود علي أحد
و ساعاتالله يرزق بإللي أحسن منه
و كل شخص بالحياة له أشياء متعود عليها
ما ننسي
بس ما أخلي هالشيء يأثر فيني
يمكن مرت بحياتي أشياء و دست علي قلبي حييييييييييييييل
و بيدي محد قاللي سويها
بالنهايه عدم الإرتباط راحه
ما أحب الظروف تخليني تتحكم فيني
عيني بعينج
الكبير يدلل والصغير يعلل
هاهاهاها
همدوول:
هلا عزيزى همدول
صدقت
فعلا من شب على شى شاب عليه
صاج
شى اهون من شى
اهى مقتنعه بس تعبانه من فراقه
اهو شى العقل مقتنع
اهم شى
يهون شوى
:)
تسلم
q8ya:
هلا بكويتيه
ههههههههههه
الله يوفقهم للخير والصالح
فعلا مرات نتوقع ان حب
وحتى اذا اقتنعتى ان لا تعالى عاد فجى عنا وشوفى شيصير
q8doll:
:)
مرات الظروف تجبرج اتخلين عن حبايبج
وام ان كان بحياتج حبيب فانت تعودتى وجوده
مو تعودتى حبه
اهما يحبون بعض
بس الظروف اجبرتهم واهم مقتنعين
يوخرون
لا حرام حبهم ماكان عاده
بس اكيد وجوده تعودت عليه
المهم خوش خطه عطيتينا
خل اقولها عنها
:))
وجنج انا وشلتى
عندنا مكان كلالا نحب نتيمع فيه
هههههههههههه
ذكرتينى
:))
بيرل:
هلا حبيبتى بيرل
والله الحال من بعضه
يبيلنا جرد بيربل
:))
ريما:
يا بختى مرتين شفت هالنك الحلو
:**
بينى وبينج
ما اعتقد احد يعرفج كثرى انا
ههههههههه
ريماا ريمااا
قلتيها بنفسج
بتبجين
بتتعبين
هذا الى انا اقصده
بس اذا نبى نقطع نقطع
اكييييد عايشييين
بس احنا اوادم
نفقد نحن
نوله
نذكر
نبعد اى بس لا تقولين ما تحسين ولا تتاثرين
هذا قصدى
والله الدنيا ماشيه
وياما شفنا ياريمه وانت اكثر انسانه عارفه بالى مر على وعليج
ههههههههههههههههه
انا اشهد
:**
يقول عباس العقاد
""
ليس أصعب على النفس من تغيير ما اعتادت
فالموت نفسه لا صعوبة فيه
لولا أنه يغير ما تعودناه
""
انتهى
إذن يجب أن نملأ الفراغ الذي تتركه العادة
وإلا سنتعب كثييييرا
ودمتم بحب وود دائمين
قوة كريزما
موضوعج فلللللللله
بس انا لي راي مختلف بعد اذنج
يعني اذا ما تعودنا على شي او شخص نحبه، ماراح نبلعه او نتقبله
يعني التعود جزء لا يتجزأ من الحب للشخص او الشيء
و سلامتج
التعود والأشتياق والتضحيه هم قمة الحب وأحلى وأعلى مراحله ..!! وعندما يكون "لحبيبك" جزء كبير في حياتك اليوميه ..!! تصبح الحياه صعبه بدونه ..!! وأسأل مجرب ولا تسأل طبيب ..!!؟
deerti wi ahli wi sadeegati,
hathi ilashya ili ana mit3awdah 3leeha bas ma7romaaaaaah minha bisibat il'3orbah:(((
سلوقا بلوقا:
سلوقا
هااى
يا مطول الغيبات
ان شاءالله تكون بالف خير
اى والله
انا اشهد
صعب ملىء الفراغ الى تتركه العاده
سلوقا
متعب الوضع
:/
حافظك الله عزيزى
رفلكش:
هلا حبيبتى
صح كلامج
اذا ما حبينا ما تعودنا عليه
بس فى عادات مضره
وانت مقتنعه انها مضره
بس صعب قطعها
على سبيل المثال شرب القهوه على الريج الصبح
شرب الشاى مع الاكل
امممم
تعود التدخين
رجل تعود وجود نساء بحياته
والعكس
يعنى هذى من الامور على سبيل المثال
تحبينها بس صعب على المتعود قطعها
2 u all:
مساء الانوار
اى والله صدقت يا خوى
هذى الدنيا
والله يجعل ايامك كلها سعاده
:)
سالفه عجيبه:
هلا وغلا
يااا بعد عمرى انتى
الله لا يطول الغربه وتتخرجين وتردين ديرتح بين ناسج وحبايبج
:(
عورتى قلبى
الله يوفقج يا سالفه عجيبه
:*
صبــ الخير ــاح
يا ضحـــكة عمر من قلبي أغليها
صبــ الخير ــاح
يا شمــــعة عسى الله لا يطفيها
صبــ الخير ــاح
ودنيا الحب كثر ما اشتقتلك فيها
:)
شوفي حبيبتي كاريزما
أنا ما أتعود على شي ألا اذا كان مريحني
يعني ما عندي شي متعوده عليه وموو مريحني !!ء
وأذا فقدت الشي المتعوده عليه ومريحني ... أحس بقمته وكدر
وصديقتج مردها تنسى .."وتعود"على عدم وجوده
:)
مشتااااقين
:**
umm... alh y3eenhum both walh :S
inshala ma3aa il wagt ebynson
ديللى وميللى:
يا بختى انا بهالصباح الى اصبح على كومنتج
:**
ولهاان انا بالحيل ولهان خليتى وقتى انتظار
الليل ماهو ليل ونهارى ماهو نهار
اسم الله عليج من القمته والكدر
حبيبتى انتى
الله يردج بالسلالامه ولهت عليج والله يا ديللى
كل ما اينى مسج منج اقول الحمدالله ان فى مسجات وتلفون
ولا جان شحالنا
:**
حطى بالج على نفسج
ام النمل:
هلا فى ام النمل صباح الورد
الوقت كفيل ان ينسى اكيد
الله يعينها صح لمن تتعودين على شي وفجأه ينقطع او يصير شي وتتخلين عنه يكون هالشي موهين يعني صعب حيل حيل
يمكن شي يغطي على شي ثاني وممكن تنساه مع الايام وبمرور السنين والاشهر والايام يكون كذكرى عاديه للغايه
خل تفتح مدونة
وتاكل يوميا من كنفجي
راح تنسى لون بشرتها بعد
loooooooooool ashwaa fe a7ad yet3alag bel ashyaa2 kethree
tslmeen 5aytoo
o 5a6aaj el soo walaw enha met2a5raa lool
salamz siis...
العاده
او التعود
هو قانون نحن اخترعناه
وبايدينا ننهيه
موضوع مختلف ورائع
مساج الله يالخير ياوجه الخير كله
اتصدقين كريزما قعدت افكر بموضوعج
وهل فعلا انا من النوع اللي اذا تعودت على شي مو مريحني افقده اذا راح
ماانكر اني اكون مرتاحه وايد بس مرات ماتهون عليج العشره
ومرات بعد اتكونين متعوده على اشخاص بس ماتدرين انج تحبينهم وايد الا اذا راحوا عنج
اهني اتبين غلاتهم
مثلج انتي يوم
تركت مكاني
وايد فقدتج وعرفت انج غاليه علي وايد
انا اوافقها الرأي
بس ما نقدر انعمم هالفكره
لأن في امور تعلقنا فيها اكبر من مجرد تعود
خاصه في الامور العاطفيه
وموشرط تكون الحاله حاله فقدان حبييب
لا
فكري لو الواحد فقد ام او اب
لا نقدر نقول انه كلن متعود عليهم
و ايظا في علاقات الحب الحقيقيه
سؤال: ليش الجماعة داخلين بحياة البنت وصاحبها؟
خلوهم بروحهم، وإلا شرايكم نسوي تصويت ونقرر بعدها يصيرون ربع وإلا يفلون العلاقة، ماني فاهم إحنا شكو بواحد حب بنت أكبر منه ووحده مو عارفة شلون تقرر مستقبل علاقتها
عموما شخصيا حالوت أقطع الشيشة وما قدرت، كل مرة أقرر اقطع اكتشف إني محتاج راس شيشة علشان أمخمخ على الموضوع
شيماء الكندرى:
هلا وغلا
الالا ما قلتيلى الورد من له
هههههههههه
صحيح كلامج ممكن شى يغطى على شى
واكيد الوقت لى مر والايام كفيله اتنسى
:)
عاجل :
اهلا وسهلا
تفتح بلوق ممكن نقول اتلهى عمرها
تاكل كنفجى كل يوم
لالالا
بديت اشك فى نواياك عاجل
:)))
خروفا:
هلا بالى لفانى يا هلا به
خطااج ولا صابج حبيبتى
هههههههههه
اى وايد الى يتعلقون فى اشياء بحياتهم
وايد مثلج
:)
براك:
هلا ابراك
تتوقع احنا اخترعناه؟؟
وحتى لو احنا اخترعناه
فشقينا روحنا بتركه
:/
سالفة قلبى :
هلا بالزين كله هلا
مسااج الله بالنور والسرور
:*
الاشياء تهون عن فقد البشر يا سالفة قلب
وعسانى ما افقدج من شر يا حبيبتى انتى
وماكو فكه منى
لو تتركينى انا اييج
ما اتخلى عنج انت من يحصل مثلج؟؟
احمد ربى الف مره انج بدنيتى
:**
flirty:
قاعدا اقرى الاسم اتاكد انت
وينك فييه ؟؟
اختفيييت
شلوونك دير
ان شاءالله تكون بخير
:)
صح
بس وجود شخص اتحبه بحياتك بشكل مستمر متعب فقده
حتى لو ان مقتنع بتركه
لانك مو بس تحبه
لا اعتدت وجوده
وفقد الاب ولا الام
قضاء وقدر
بس هم جزء من حياتنا ونتعب بفقدهم
بس سنه الحياة
لا حول ولا قوه الا بالله شبنسوى
بس اكيد بنتعب
مفهووم
واااضح
;)
فهد العسكر:
انا يبت السالفه عشان ادش بالموضوع
وكون السالفه انا منزلتها بوست من قبل
كطرح لمشكله اجتماعيه
لا اكثر ولا اقل
واكيد البنت مو واقفه على قرار منا احنا
وصدقنى ما انزل شى الا ماخذه الاذن منه
وحلمك علينا شويه
:)
الشيشه على الزقاير
اعتبر الى يقطعها سواا انجااز يكتب فى تاريخه
اقتنع اول من داخل
وشوف لك بديل يسد مكانها
وبتقطعها باذن الله
مسألة إني أقطع إنسان أحبه
يمما حدها صعبة
الله يكون بعونها
وهي صح السالفة تعود
وإن شاء الله تجتاز هالشي بس أكيد بعد معاناة
بس لازم تجتازة إذا كان عندها إرادة : )
Just wanted to wave & say Hi ;)
heelloooo
t9degeen eshtagt lsawalfej loool elyom gemt men el nom o yete fe baly gelt sh5barhaa we5ayty cahrisma
loool sha5bareej???
salamz sweete 6amnena 3aleej...
مساء الخير
صدقج والله!!!
يوم نتعود على الشي نحس مستحيل نقطعه مع انه ماله لزمة في حياتنا.. يمكن يكون عذرنا العشرة!!! بس بعد
بس العشرة مع ناس ماتستاهل حرااام
تسلمين والله
موضوع شدني حيل...
ما اعتقد ان السالفه سالفه تعود بس جزء منها صح
و اعتقد صعب الواحد يحكم في مثل هذه المواقف عشان جذي قالو اسأل مجرب !!
و انا طبيب ;) و لا بعد اسنان
شهد:
هلا بشهد
استمرار وجود اى شخص بحياتج
وخصوصا اذا اتحبينا تتعودين وجوده
ان شاءالله مع مرور الزمن نعتاد على قطع اى عاده نحبها
حمدوول:
اهلا وسهلا :)
ما قصرت يا حمدوول واصل
خروفا:
ياا بعد عمرى انتى
:*
ويا بختى اذا ييت على بالج اول ما قمتى من النوم
يااا بختى
:)
انا عال العاال
بخير الحمدالله
حبيبتى يا خروفا
الله لا يحرمنى من هالمحبه
:*
الفجر البعيد:
يا مساء الحب
حيالله الفجر البعيد
وانت الصاجه
العشره ما تهون الا على عيال الحرام
واكيد اذا انسان ما يان منه الا كل خير ما نقدر نقطع عنا
الله يسلمج ويحفظج من كل شر
dental:
:)
عندنا طبيب اسنان اهنى بينا
حياك الله بزيارتك الاولى
واكيييد المساله اكبر من تعود
بالسالفه الى تكلم عنها بالنسبه للبنت
بس اهى مدخل لموضوع العاده بحياتنا اليوميه
وصعوبة التخلص من التعود لامر ما
على الرغم من انه ماله لزمه
ومرات يكون مضر
بس صعب قطعه
وحياك الله مره ثانيه
والله بما اني من اللي يوالفون فأقدر أقولج اني وااايد صعب افارق احد متعوده عليه بس كل شي بالتدريب عندج مثلا الرجيم اللي معذبني انا اعز شي عندي الأكل بس بما ان المسأله تعود فأنا بديت اتعود على فراقه خلال الأسبوع على أمل اللقاء يوم الخميس :P
اللي هو يوم الفرييييييييي
اللي اكون فيه من الفجر في قمة السعاده والإبتسامه شاقه الويه
جني شطيت وايد عنكم؟
صراحة الموضوع صعب موبس بالحب حتى بالاشياء العادية وكل هذا سببه الاساسي هو العاطفة وخاصة البنت فمن الصعب تترك شي تعودت عليه واني اعاني من هاي المشكلة لكن مع كل الاشياء فدائما احاول قدر الامكان ابتعد من احس انو تعودت لكن بعد صراع مع نفسي طبعا وهلشي دائما يعانون منة الاشخاص الاحساسين
Post a Comment