لو درت الدنيا ولفيت ما القى مثلج يا بلادى

كل عام وانت بخير ياكويت

بداية اسبوع سعيده :)

لبيه ياللي وحدك ان قلت لبيه

يذبحني لبيهك ويذبحني الصوت

وإن طاح قلبي ميتن فيك خليه

ياحي قلبن طاح وياحيه الموت !!" "

"ماقلت أحبك لجل وقتي أسليه

لا والذي نجّا نبيّه من الحوت

والحب لو هو سر وأقدر أخبيه

ماقلت أحبك حتى وشفاتي سكوت !!" "

"لي ناظر(ن) ماغير شخصك يمليه

كنك دواي وشوفتك طب منعوت

وأن ضاق بالي أذكر اسمك واغنيه

وأتخيلك عل وعسى طيفك يفوت !!" " "

أهواك وهمي كيف قلبك أهنيه

من كثر ما أسمك في هالقلب منحوت

حتى الخطأ لو جاني منك أمشيه

وأن ما مشا أخلق له أعذار وثبوت !!" "

"وش الذي يخطر في بالك وأسويه

لو حتى في وسط البحر أبني بيوت

ياللي البحر لو جا في بالك تحليه

مريت صوبه وأمتلى سكر وتوت !!" " "

ولبيه ياللي لو طلبني ألبيه

للعاصمه حافي ولو دربه خبوت

لين أندهك (روضه) وتردين لبيه

وأطيح من طولي ويهدني الصوت

كلمات هالاغنيه عافستنى شسوى؟؟؟

ترى هذا قلبى الى بالفرييزر

لبيه

I wish .....

.....................

ربى اشرح لى صدرى

خلنى بحاااليييييييي ما ابى شى

:/

مسئولى بو زفت الى طلعت منه و انتقلت قسم ثانى، بس بما ان ماكو اماكن بالاداره انا لى الحين بمكتبى

عنده وحضرت جنابه مسوى على حمله تطفييش راسم على مكتبى وما يقدر يقولى قومااى

قاعد يلعب لعبه وصخه جدا جداا ما تلييييق فينييييييييييي قام يشوه سمعتى ويتبلى عليي انى اعرقل سير العمل بقسمه

اناااااااااا اعرقل سير العمل اناااا من حلالاتك وااى فينى حره ليش الظلم والتبلى يا ويله من ربه الظلم ظلمااااات

شاكينى للمراقب ان لازم تقوم من هالمكتب تروح مكان ثانى

مالت حتى مالت اهو سلام ما يسلم كلام ما يكلمنى واناا هاديه بطبعى مالى حس والله

استغفر الله

بس والله ما اقووووووووم لو على قص ارقبتى وبشوف يا انا يا هو

ما ادرى لى متى هذا حال النظام الحكومى بديرتنا حالتنا كل ماله وبالنازل


تكدس بالموظفيين وفوق هذا هم يقبلون طلبات تعيين واذا تكلمنا قالوا مو بكيفنا هالطلبات تيينا من فوق


انزين وين يقعدوون الحاله كسييفه قمت احس بقمته بالدوام وصلنا لى حاله الى تعز عليك نفسك


ثلاث واربع موظفين بمكتب وبارتشن هاا ، كراسى ماكو صار مخاامط على الكراسى


عادى توصل الدوام ما تلقه كرسيك عاادى زى الورد !! وفوق كل هذااااا تلقه قطاوه اتمشا


والنهاايه فيراان ، لقيت واحد يتمشى بدله مبكره وببيونه ساكب ، سالت منو الاخ قالولى مسئول القوارض


يشرف على حمله صييد الفيران ترى الى اقوله مو ضحك


انا اكتب ومو مستوعبه الحال الكسيف الى وصلناله ، مكانه واايد زيين وشغله وايد حلو بس المكاان ضاااج


نبي مكان اكبر



اهم يتراواالهم تجمعات هذول الموظفين قاعديين ماكو مكااااااااان

!!!








شداخاات فيرااان ولالا كل يوم شايره بوحده من البنات


هههههههههه شر البلية ما يضحك







فى موقف ضحكنى يوم طق المطر من جم يوم


وعليه الجماعه ما صدقوا اسمعو رعد وبرق طلعو طاساات عبالهم بينزل ابردى


انا ما ضحكنى الطاسات كثر ما ضحكت من ويين ياييبيينهم طاسات بلاستك الواان ههههههههه


ضحكنى منظرهم مصففيين يم بعض ما ردنا انفقرناا ووقف المطر
:))




بعد هالفش الخلىء اهديكم هالاغنيه





احبك لا تقول اشلون


كثر ما اتغير احوالى


كثر ما جيت فى بالى


خيالك يرسم البسمه على شفاهى وياخذنى الى اخر مدى بالكون




وطن عمرى

ما بعد برد الشتا الا نسمات الربيع ....

على انى متفائله فى 2009 بس بدايتها ما اتبشر ابخير

دايما اقول الواحد لازم يتفائل بالخير ويلاقى خير ان شاءالله

قريت له وايد بفتره غيابى واخترت هالمقطعين يلخص الكلام الى كنت كاتبته بهالبوست ومسحته

ما لقيت كلمات اتعبر عن ولهى لكم

فقدتكم وايد بس اخباركم توصلنى

*********

صُن النفس واحملها على ما يزينها

***

تعش سالما والقول فيك جميل ولا تولين الناس الا تجملا

***

نبا بك دهر او جفاك خليل وان ضاق رزق اليوم فاصبر الى غد

***

عسى نكبات الدهر عنك تزول ولا خير في ود امرئ متلون

***

إذا الريح مالت ، مال حيث تميلوما أكثر الإخوان حين تعدهم

***

ولكنهم في النائبات قليل

*******

اذا المرء لا يرعاك الا تكلفا

***

فدعه ولا تكثر عليه التاسفا ففي الناس ابدال وفي الترك راحة

***

وفي القلب صبر للحبيب ولو جفا فما كل من تهواه يهواك قلبه

***

ولا كل من صافيته لك قد صفا اذا لم يكن صفو الوداد طبيعة

***

فلا خير في ود يجيء تكلفا ولا خير في خل يخون خليله

***

ويلقاه من بعد المودة بالجفا وينكر عيشا قد تقادم عهده

***

ويظهر سرا كان بالامس قد خفا سلام على الدنيا إذا لم يكن بها

***

صديق صدوق صادق الوعد منصفا

روائع الشافعى

*************

ابعتذر

بعتذر .. عن كل شي .. الا الهوى .. ما للهوى عندي عذر

..

ابعتذر .. عن أي شي .. الا الجراح .. ما للجراح الا الصبر

..

ان ضايقك اني على بابك أمر ليلة ألم

...

وانى على دربك مشيت عمري و أنا

..

قلبي القدم.. ابعتذر .. ابعتذر

..

كلي ندم

..

عن كل شي .. الا الهوى.. ما للهوى عندي عذر

..

اتصدقي ... ماخترت أنا أحبك

..

ما احدٍ يحب اللي يــبــي

..

ياحبى المر العذب

..

سكنتى جروحى غصب

..

ليت الهوى و انتى كذب

..

كان اعتذر لك عن هواي

..

ما أقول أنا .. كوني معاي

..

ان ضايقك اني على بابك أمرفى ليلة ألم

...

وانى على دربك مشيت عمري و أنا.. قلبي القدم

..

ابعتذر .. ابعتذر .. كلي ندم.. عن كل شي

..

الا الهوى.. ما للهوى عندي عذر

بدر بن عبدالمحسن

*******

صبحكم الله بالخير

:)

بيات شتوى :((

امر بحاله بيات شتوى .. حاله ركود على صدمه مخلوطه بمراجعة حسابات

صايره مالى خلق افتح الاب توب مع انى بمووت واقرى لكم حدى ابى بس مانى قادره

ولهانه عليكم وايد والله يعلم ... احتاج ابعد شوى

اشوفكم على خير

ليه كذا

وداعا 2008

غريبه شلون هالسنه مرت بسرعه مرت بحلوها ومرها

احلى شى بالسنه الى فاتت انى غيرت قسمى وافتكييت من الى ما يتسماااش ، و كسبت ناس وخذوا مكانه بقلبى ومانى متحسفه على احد خسرته ، الله يذكرهم بالخير

احرص على اى شخص يطلع من حياتى يطلع بسلام وذكر طيب ، ودايما انتعلم من هالدنيا

نفس عميق نبدى ان شاءالله سنه يديده

اتمنالكم كل خير فيها

حايشتنى حاله ركوود وصفنه احس نفسى هاديه ومالى خلق شى

اللايام الى فاتت قضيتها جبال البحر من الاربعا لى اليوم الاثنين كنت بالشاليه

احس انى انتعشت بعد هالاستراحه

____________

قصه سمعتها من وحده نقلا عن اذاعه القران الكريم القصه وايد اثرت فينى مانى قايله خلاصه القصه كل واحد يقراها

يقعد مع نفسه يفكر بالدنيا

ريال كويتى صارله ثلاث ليالى يحلم باسم شخص سعودى وعنوانه وان بوديه الحج على نفقته ، وكانت الايام هذى قبل

الحج بجم اسبوع تعجب هالريال الكويتى وراح لشيخ يفسر حلمه ، قاله شى غريب انى احلم باسم شخص وعنوانه وانى

اوديه الحج!! قاله الشيخ اسال عنه اذا عندك فضول بهالمساله واذا انت مقتدر وودك اتوديه الحج فيزاك الله خير

قام هالريال وعزم ان يدوره راح الرياض وصل واخذ سايق يوديه المنطقه الى حلم فيها وعلى العنوان وسال ولقى البيت

، طق الباب وطلع له ريال قاله هذا بيت فلان الفلانى قاله اى معاك انا صاحب البيت !! الكويتى ما صدق

قاله القصه ، قاله صارلى 3 ليالى احلم باسمك وعنوانك وانى اوديك الحج والحج بعد يوم ، انت حجيت جان يضحك

الرجل السعودى ، قاله انا زين اصلى ! بس خلنى اشاور الاهل دش وشاور اهله ، توكل على الله وراح يحج مع الرجل الكويتى

بالطريج انزلو يصلون فى ابيار على ، نوا الحج واحرم لبس احرامه تيدد يصلون ركتين ميقات اهل المدينه

وهى سنه

بعد الركعتين رفع السايق راسه ورفع الكويتى راسه السعودى ظل ساجد!! طال سجوده لم حركوا لقوه متوفى !ز

توفا ساجد سبحان الله !! الكل يتمنى هالموته موته يحسد عليها

رجع الكويتى بيت الرجل السعودى يبلغ اهله فتحت زوجته وقالها الى صار وسالها

قالها يا اختى انا بسال سؤال زوجج شكان يسوى عشان الله اطعمه هالموته !

قالت زوجى ما هو ملتزم ولا له امور كثيره بالدين وفعل الخير وكان يشرب ومأذينا بس له ميزه وحده بس

جارتى امراه كبيره بالسن وارمله ، زوجى ما يدخل على باى غرض من الجمعيه وغيره الا تنقص وجاب لها ودايم السؤال عنها

اذا ناقصها شى يعنى متسخر لها

وكانت هالمراه المسنه الارمله دايما تدعيله بحسن الخاتمه ، حتى لم تزورنى تطلب وتدعى ان الله يسخره لنا ويطعمه

حسن الخاتمه !!


الله يرزقنا حسن الخاتمه اجمعين

وكل عام ونتو بالف خير
:)