الاسم : فضيلة الأستاذ الدكتور السيد نوح .
Monday, July 30, 2007
خبر احزنى ..
الاسم : فضيلة الأستاذ الدكتور السيد نوح .
Sunday, July 29, 2007
ركود افكارى
من بدا الصيف وانا اخبص ، اكلى كلش مو منظم
نظامى الغذائى فوضى فوضى ما يعلم فيها الا الله
مو عاجبنى حالى حسيت جنى ااافه امشى واكل ما ادرى شالسالفه
وزنى كل ماله ويزييد ، زرررر عقلى على نفسى خفت
وصلت لى حاله ماكو كونترول على نفسى وكل ما اقيس بالميزان وزنى قاعد يصعد
قلت لا ما يبيله الا انظم اكلى
اول مره اجرب نظام الوجبات الغذائيه الى توصل البيت
فكرت فيها عشان تنظيم الاكل
احتاج انزل 4 كيلو وارتاااح هذول الى هامينى ومخلينى احاتى
وبديت ما غير قواطى ادش وقواطى تطلع
يسمونى كاريزما قوطى
اعتزلت الناس والطلعات لانى ما اقدر اقاوم الاكل احب الاكل انا
وبما ان ارادتى ضعيفه فما اطلع ابرك
صج ان اكلهم لذيذ ومرتاحه بس التقييد والتزام على وحده مهيته مثلى ما ينفع
تعبااااانه من التقيييييد ما احب النظام انااا
احب اكون حره بكل شى على كيفى محد يردنى لى وره
المرراد
حايشتنى حاله كسل وخمول ومالى خلق شى
كل متنحه وما ادرى وين الله قاطنى اجابل هالبكسات الى توصل
دوام بيت اطلع امشى ساعه وارجع البيت
والله خييير اعتزلت الحياة الاجتماعيه و التشره والتزعل ووينج وما نشوفج شغاااااااااااااال
شسوى بعمرى بس المهم ان فى نتيجه نزلت 2 بسبوع وايد ممتاز بس بقى 2 يعين الله
Tuesday, July 24, 2007
أغار
Friday, July 20, 2007
...........
والله فاضي جاي تحكي لي همومك
و أنت تحسبني أنا من الهم فاضي
بس تدري شلون آنا ما راح ألومك
ما حد في عيشته يا عمري راضي
خلني فـ يومي أعيش وعيش يومك
والقدر لا ما عليه أيّ اعتراضي
و إن كان ماضي قلبك منسيك نومك
منهو فينا يا حبيبي ما له ماضي
اضحك ودنياك تضحك في قدومك
خليّ شمعات الأمل بالعمر تاضي
والمتاعب لا تطيح من عزومك
واعتبر موضوعها خالص وقاضي
كلمات : فيصل بن خالد
شووف الوروود واتعلم شوف شوف شوف وشوف شوف شوف
Tuesday, July 17, 2007
أعزائى المشاهدين :/
برنامج يوم الخميس الساعه عشر تلفزيون الكويت
عسى ماشر ترا تعبناا ، ما يصير الى يسونا فينا مو كل من تصلح ان تكون مقدمة برامج
بلعنا الى قبل بس too much
الى شاف البرنامج يدرى انا شقاعد اتكلم عنا
بنت الحلال ما ابى اقول عنها شى
بس تلفزيون الكويت ارحمونااااااااااا
مع انى ما اطالعه بس هذا الوقت بالذات الكل متواجد
ودايما تلفزيون الكويت بالزواير يوم الخميس صار مثل العرف ينحط عليه
طقوس اغلب العوايل كونه مضمون ما يحط خرابيط
والعايله متيمعه بس ترا استاثمناا حرام جذى
ويوم ارحموا حالنا غيروا المذيعه حطو منيره عاشور
الله المستعااان
وبما ان قاعدين انتكلم عن الانسه ما ادرى السيده ورود
بحط لكم صورتين عباره عن وردتين روز فى مزهريه
صورناها بشوكليت بار
ابى اتقولون لى ايهى الاحلى
الاولى ولا الثانيه
يهمنى رايكم يا جماعه
انا مصوره وحده واخيتى الحبيبه دلى وميلى مصوره وحده
ابى اشووف ايهى الاحلى بعدين بقولكم انا اى وحده واهى اى وحده
هههههههه
شاكره مروركم الكريييييم
Monday, July 16, 2007
tears ...
دمعت الفرح اتعورنى ودمعه الحزن اتعورنى
استغرب من الناس الى ما تهزهم الدموع
ردود الافعال غريبه مع هالمنظر
اهلى مثلا لما يشوفون وحده فينا تبجى ردود الفعل تصير اضحك
يعنى الوالد يدش على الدار يلاقى دموعى اربع اربع يصرخ اشفيييييييييييت لوول
بعد قلبى ابوى ناشف ما يعرف يعبر عن مشاعره صح
مع ان فيه حبابه وحنيه ما حصلت بس ما يتحمل يشوف دموعنا يبينا كله نضحك
ورياييل مجرمين دمعه المره ولا تحرك ساكن فيه
ورياييل يقولك الحريم ادعل بس يبجون فتعود على هالمنظر
اذكر مره مسكتنى صديقتى وقالتلى عزى دموعج خليها غاليه
مو على كل شى تنزلينهم!
اقعد افكر يا ربى مو بيدى صعب انسوى كونترول على دموعنا
وناس اتلقط دموعج دمعه دمعه عشان لا يطيحون بالارض
حلوه الدمعه تغسل العين والقلب وتريح
امسح الدمعة قبل تقضي علي دمعتك تغرق صباحي في مساي
Friday, July 13, 2007
يا بنيه
****
في ناس بالدنيا مكسبهم ذهب وألماس
والقعدة معاهم لو من ورا شاشة
Tuesday, July 10, 2007
أحب أنا صغيرون
رديت عليها طبعا
بس معقوله يتغير هالشعور ؟؟
واعرف نماذج تزوجو اصغر منهم ما تم الزواج الا ما ندر
Friday, July 6, 2007
حملة ترشييييد
ترن ترن ترن ترن او ترن
الحيين عزيزى القارىء ابييك تعيش معاى وتتخيل الموقف واتركز على الطرف الثانى الصوت الى وصلنى
دشت بالموضوع حتى ما عرفت بنفسها
انا : منو انت
اهى: حبيت اخذ من وقتج فى موضوع اذا لج غاريه على الكويت وتحبينها
انا : مصدومه لى الحين حرانه من بره وميته عطش وهذى تقولى بنت عمىىىىىىىىىى
تفضلى اختى ورفعى حسج ما اسمع
اهى : يالغاليه يالحبيبه على جم حاطيين مكيفكم
انا :نعم
اهى : على اى درجه يعنى
انا : احنا سنترال اختى مو مكيف
اهى : اى اى نفس الشى على جم
انا : شدرانى يمكن سبعين
اهى : البيت كله شغاله مكيفاته حتى الدور الى ما فيها احد
انا : اختيييييييييييي هذا تكيييف مركزى كل البيت
اهى : يا بنت عمى يالغاليه ليش جذى !! الدور الى مو مستخدمينها سكروا التكييف عنها
انا : فورت مانى قادره اكضم غيضى بنفجججر !! فى شى ثانى
اهى : اى اذا وايد مقصرينه علوه لا يصير بارد وايد لان يستهلك طاقه اكثر ويصرف كهربا
انا : نموت حر يعنى
اهى : بيتكم وبيتهم والبيت اليمكم لاحظوو ما قالت بيتنا عنها اهى !! نتكاتف عشان انوفر لهاوفى شى يالحبيبه
انا : شنو بعد شتبوون
اهى : طولى بالج معاى
انا بقلبى حمدى ربج مو مسكرته ومجابلتج وانا يايه من الدوام
اهى : بس حبيتج اتساعدينى بالتذكير وتتتصلين على ربعج واهلج وييرانكم كل الناس وتقولين لهم يسكرون الليتات بالغرف الفاضيه ويطولون على التكييف
انا : هسترت ضحك مت مت من الضحك على هالهيلقيه الى انا مضيع وقتى معاهاااا تبى اتشغلنيييييييييي ادقدق على خلق الله الظهارى اقولهم رفعوا على المكيفات وخيسو حر بعز الظهر وسكرو الليتات !!
يالله باى
اهى : انزين عطينى الارقام انا اتصل
انا : اختى مو من طبعى قلت الادب مع الناس بس انا مطره اسكر التلفون باى
وسكرته ولا تعليييييييييييييييييييييق تبى اتشغلنى بنت شقول
Thursday, July 5, 2007
مغيب الشمس
يؤسفنى انى اقول انى من الناس المقله الصراحه بالاذكار مو دايما احرص عليها ويمكن اكثر شى احرص عليها وقت الشده والبلاء والخوف استعين فيها ، سبحانه لا ملجىء منه الا اليه سبحان ،الله يعلم ان ماهو عمد بس لهوه هالدنيا ، كل ما ذكرتهم ارجع اقراهم واحرص عليهم والله المستعان
يمكن الدافع ورا حفظ الدعاء ولا الاذكار والحرص عليه هو الاجر والفايده من وراه
بس فى ادعيه سبحان الله من تسمعها تنحفر بقلبك حتى بدون ما اتفكر ليش احفظه لا تدرى شنو اجره ومتى اقوله
دعائين من سمعتهم بدون ما احس حفظتهم ودايما ارددهم
مع صلاة المغرب
اللهم هذا اقبال ليلك وادبار نهارك واصوات دعائك فغفر لى
يا جماعه كل دعوه تنقال وقت دخول صلاة المغرب لين الاقامه فى هالوقت لك مثلها مع هالدعاء اذا قلت
هالدعاء سمعته بالحج فى يوم عرفه ، قالته لى وحده كانت قاعده يمى
ومع صلاة الفجر
الدعاء الثانى سيد الأستغفار :
عن شداد بن أوس رضي الله عنه عن النبي صلى الله عليه وسلم
ومن قالها من الليل وهو موقن بها فمات قبل أن يصبح فهو من أهل الجنة
.رواه البخاري
اكيد كل واحد فيكم عنده اذكار وادعيه مقربه لقلبه ، غير الاذكار المتعارف عليها يوميا
Monday, July 2, 2007
ماكنتوش تاقى
مع الاكل دايت كوك مع اكسترا ايس
ماهو طبقك المفضل؟
مجبوس لحم بالفقع مع اجار ثوم اليبل ودقوس متعتى فى هالوجبه من كثر ما استلذ واستمتع فيها ما اتكلم ولا التفت على
ماهي اجمل هدية حصلت عليها في حياتك؟
هاند بوكيه كله بيبى روز ابيض
اتحب ان تهدي اصدقائك هدية من اختيارك ام تعطيهم المال ليختاروا هديتهم؟
امممممم احب اذا اهديت تكون هديتى مميزه
أتكذب؟
اكذب عشان انقذ موقف كذب ابيض ،اكذب اذا بصلح بين اثنين ، غيره ما اعرف وايد اتوهق بالجذب لان يبين على ويهى
جسمك طبيعي من الناحية الرياضية ام تعاني من الضعف او السمنة؟
لا الحمدالله والشكر راضيه عن جسمى لانى اتعب عليه
اتأكل الوجبات السريعة؟
اى والله اكل بس مو بكثره
متى اخر مرة زرت فيها شاطئ البحر؟
كم دولة غير دولتك زرت في حياتك؟
من هو اعز اصدقائك؟
العزيزات والقراب من قلبى وايد الله لا يخلينى منهم يا ربى
كم ساعة تستخدم الأنترنت في اليوم؟
اتفتح بريدك الألكتروني أولا ام تزور مواقعك المفضلة اولا؟
البريد اول
اتعمل؟
اتخاف من المرتفعات؟
اتخاف من الظلمة؟
ماهي هوايتك؟
Last movie you saw in a theater?
What book are you reading?
شيكاجو
Favorite smell?
Favorite sound?
موج البحراحب اصوات الطبيعه
Worst feeling in the world?
What is the first thing you think of when you wake up?
Favorite fast food place?
ماكدانولد
Future child’s name?
بدر
Do you drive fast?
يستحيل وايد اخاف السرعه
What was your first car?
شفر القديمه الاصطول واسفطها بعيييد بالجامعه عشان محد يشوفنى لوووووووووووووول
If you could dye your hair any color, what would be your choice?
احب الالوان الطبيعيه
اجابل الالعاب الاولمبيه وقت الاولمبيات بس بعدها ما اجابل شى
اعشق الليل لما الدوام الى يردنى
Favorite place to relax?
راحتى مقابل البحر