Monday, May 25, 2009

يا علها خيره .....




إنسى الزعل .. إنسى اللي راح



..



إنســى الألم .. إنسـى الجــراح .. طمني بس



طمنـي بـس .. طمنــي خّلني أرتاح



طمني قول .. صبري راح .. طمني بس



اوعدني لو تغيب .. عن بالك ماأغيب



اوعدني بالسـؤال لو يعني البعد طــال



اوعدنيي بكلمتين .. مـو أكـثر كلمتين



أرضي فيهم حنين .. عمره سنين .. طمني بس




حبيبــي .. أنا بإنتظـار .. ياحبيبــي



حبيبــي .. أنـا بإختصـار خايف حبيبي



خايف غدر الزمان .. يطوي الحب اللي كان



وأسمع إنك نسيت .. ومن عمـرك إنتهيت



ايه خايف من الزمــان .. ياخذ مني الأمـان



وأعيش بعــدك غريب .. في هالحــياة




تدرى الهــوى فيه الغروب



وشـموع نشعلــها وتذوب



بصمت وندم .. صمت وندم



تدري الكــلام له ألف باب



وبحر السكوت خوف وعذاب وألم



وآه وألــم .. آه وألــم

Friday, May 22, 2009

non stoop ;//




بحياتى ما مر على ازعاج لى درجه التشبع والمقدره على التعايش معاه

شهرين وداشين الثالث انام ونصحى على اصوات المكاين والحفريات بالفريج ، الجماعه بادين قطعه قطعه بالمنطقه

قطع ياخذون فيها شهر واقل ، وقطع لا لالالا يبسطوون بالاشهر


انا ما اعترض لشى فى اصلاح وتعديل بالعكس بس ترى احنا اوادم نحتاج نرتاح مو معقوله شغل متواصل 24 ساعه

نقوم على صوت المكاين تطلع من باب البيت اتشوف ابويهك عماال يخرعووون :( اصبحنا واصبح الملك لله على اكوام

من التراب ادوس التراب واستعسر يدش بريولى وتنتلف عزكم الله النعال حتى مو حاطين ممر نمر منه وقيله وطيين سمنت صخر وصاخه

ومناظر سيايير اول مره اشوفها عن قرب خلاطات ونساف تريله كرافات والنهايه يابولهم جبرات عشان 24 ساعه

يكونون يم شغلهم

بعد ما انعدى التراب ادور سيارتك ويين مقطوطه لازم نعبر شارع ثانى عشان السياره

تركب سيارتك تسكر الباب تحرك اتبعد شوى عنهم تسمع صوت المكاين براسك :((

نرجع من الدوام نبى انام ايضا على صوت المكاين وعلى هالحاال شهرين تقريبا والحين الجماعه شالو قشهم بس المكاين تشتغل

والى يحرنى بالموضوووع يشغلونها بوقت راحه اللاوادم وييك اند الجمعه والسبت ومن الصبح ويسكرونهم بوقت الى

الناس تطلع المغرب وترد تشتغل وقت الى الناس تبى تنام من ال12 بالليل الى الفير

الرحمهههههه ما سوت علينا تصليحاااات بس ما نبى انا راى حتى لو تطول المده بس يوقفون وقت راحتنا

انا لم اعترضت قالولى يشتغلون 24 ساعه عشان يخلصون بسرعه


بس انا اشوف يريحونه وتطول المده وايد ابرك


_______________

مقولة بعيد عن العين بعيد عن القلب

ليش مو راضيه تضبط معاى

:(






Sunday, May 17, 2009

مبروووووك


اهنى المرشحيين بالفوز فعلا كانت مفاجأااة هالمره منها الى يفرح القلب ومنها الى يكدر




واهنى اول دخول للمرأه الكوييتيه البرلمان ومتأكده انها قدها واقدووود وانها بتثبت جدارتها




الله يوفقهم ان شاءالله




:)

Thursday, May 14, 2009

للكويت ...



ودى اكتب بوست لاهل الكويت ( الكويتيين ) بس بيوم 16/5 لا نصد وننحاش


اذا انا وانت وانتى انحشنا من بصوت منو بيبقى


على فكره انا اول وحده قلت مانى مصوته وبسنا تعبنا وملينا وموقاعدين نشوف نتيجه اتفرح


المجلس يقمت القلب ويعطييك احساس بخيبة الامل


الزين صوته ما يطلع والشيين يلعلع والنهايه ينحل ونرجع من يديد اداد لنا


بس شنسوى امرنا لله هذا المجلس للكويت احنا الى نبيه فلا انخلييه للناس الى تهدم الديره الناس الى لا ذمه ولا ضمير


تصويتنا بهاليوم بيأثر لا نتساهل بالصوت الى بيسافر والى بينحاش الشاليه والى يقول حر


خل يطلع الحس الوطنى الى فينا هذى ديرتنا لا نتركها ، نتوكل على الله ونسوى الى علينا


والباجى على رب العالمين


اتمنى لكل مرشح اتهمه الكويت لكل مرشح يخاف الله بهالبلد التوفيج والنجاح



وانا باك