Tuesday, July 29, 2008

You're all I've ever wanted and my arms are open wide........







Hello




I've been alone with you, inside my mind.







And in my dreams I've kissed your lips, a thousand times.







I sometimes see you pass outside my door.







Hello! Is it me you're looking for?







I can see it in your eyes, i can see it in your smile.







You're all I've ever wanted and my arms are open wide.







cause you know just what to say and you know just what to do







And I want to tell you so much....I love you.







I long to see the sunlight in your hair







And tell you time and time again, how much I care.







Sometimes I feel my heart will overflow.







Hello!I've just got to let you know







Cause I wonder where you are, and I wonder what you do







Are you somewhere feeling lonely, or is someone loving you!?.







Tell me how to win your heart, for I haven't got a clue.







But let me start by saying... I love you.







Hello!?Is it me you're looking for??







Cause I wonder where you are and I wonder what you do.







Are you somewhere feeling lonely, or is someone loving you.







Tell me how to win your heart, for I haven't got a clue.







But let me start by saying...







I love you.







Lionel Richie - Hello.
















LOVE IS DIFFICULT TO FIND ..........



EASY TO LOSE ....



AND HARD TO FORGET ........



Sunday, July 27, 2008

لا حول ولا قوة الا بالله

أول مره اسافر على طيران الخلييج واااخر مره بأذن الله

ليش سافرت على الخليج لان حدنى الزمن الطيارات كلها فل وسفرتى تقررت حزة الحزه

وابى بس ويك اند ولا حصلت الا على الخليج

طارت بأمان الله بس بالرده قعدت ا تشهد، مطبات هوائيه خبصتنى والطياره لها سوابق

والله خييير قاعد يمى واحد يسولفلى عن سوابق الطياره

اختى ما تدرين ان هالطياره طايحه مره بالبحر وماتوا كل الى فيها !!.ت

انا : لا والله صج

اهو : اى والله ما تدرين !!! يقووولج ما عااش ولالا واحد كلهم ماتوا

انا : احقره واتصدد جنى ما سمعت ولا ابى اسمع قعدت اقره واسمى واهو يتبوسم

عدت على خير الحيين يييينه بنهبطططططططططط

والا الاخوان الحلوين الى يمى يسولفوون عن الاسبوع الى فات
الطياره هبطت مرتييين على الرن وي وردت اطير فوق

يعنى بما معنااه اتشييل وتشدخ

انا بقلبى لا مو من صجهم

والثانى يزييد يقوله ولالالا فاتك المره الى فاتت صار عطل بمحرك الطياره
هبطنا رواسى !! بوز الطياره تحت وكلنا

طايحيين لى جدام ومشانه بمحاذاات البحر عشان


لى طاحت تطييح نكون قراب من البحر


انا اللهم طولج يا رووح عاد هذى سالفه الحين اتسولفونها !!! ولالالالالالالالالالا
يطالعنى يبينى ادش بالموضووع ويعلى

حسه يعنى التفتى


اسمعه يقول نشوف دخنه الطياره من الجام ونشوف ماى البحر قرييب منا

طبت على خير لالاعت جبدى وريحه خااايسه امشى وارش بهالكلونيا الى بيدى ما سوت على ويك اند

ننزل ندش مطار الكويت حدث ولا حرج بالزحمه واللويه ودايخه والناس ليل طبت 9 ولا طلعت من المطار الا قريب 11

الا ربع

*****************

ياا الله صباح خير


داومت متأخر اليوم امشى بروح مكتبى الا بين مكتب والثانى اشوف دخنه بخارتطلع من تحت المكاتب عدييت مكتب
مكتبين الا دخنه شايله

هاا شالسالفه شهالدخنه من تحت المكاتب

قعدت على مكتبى دقيت على المطبخ يدق محد يرد ابى مااى بسوى قهوه

قالولى البنات اغلى ماى نعم

ولا اثرى الجماعه ييايبيين معاهم غلايات وكل وحده تغلى مايها تحت المكتب هههههههههههه

الا استااف المطبخ مسويين اضراااب ماكو مطبخ

يوم سألت الا مو معطينهم معاشاتهم من 6 اشهر الى ما يخافون الله مو حرام جذى

الخبر بجريده الراى اليوم

Monday, July 21, 2008

انا غريبه ؟



فى موضوع ابى اتشاركونى فيه بالصداقات والعلاقات الاجتماعيه
وايد اسمع من الى حوالى ويعرفونى انى انسانه غريبه
اشلون قادره اتحملين س من الناس وتستمر علاقتج فيها كل هالسنين
اشلون عندى صداقات متنوعه يعنى عندى صديقات متحررين للابعد الحدود وعندى صديقات متدينين هم لابعد الحدود
والاثنين ما اقدر استغنى عنهم بحياتى لان بينه عمر



الى يهمنى بالانسان او الانسانه الى تكون معاى طول العمر ولا اخسرها قلبها!! القلب النظيف عندى اهم من طريقتها بالحياة ونظرة الناس لها ما تهمنى !! الى يهمنى راحتى النفسيه معاها الى يهمنى معدنها الى يهمنى وقفاتها معاى ومواقفها



كل انسان وسلكه وطريقته بالحياة اهم شى انى ما اتأثر وثابته بسلكى وقناعاتى بالحياة
الى يعرفنى من سنين يعرف سلكى وطريقتى ما تغيرت اوكى نضجنا كبرنا اهتماماتنا تتغير تفكيرنا يتغير بس قلوبنا نظيفه الحمدالله
انا ما اتدخل بحياة صديقاتى اهم شى انى ما انافق واصفق للغلط واسكت الغلط اقول غلط لانى احبها واختلاف الرأى لا يفسد للود قضيه مثل ما يقولون ، ممكن انا شرق واهى غرب بالتفكير بس نحب بعض ومحافظين على استمرار علاقتنه تتوقعون ليش؟؟


الى قربنى من هالبنت ومستمره معاها كل هالسنين شى انتو ما تشوفونه
ما عليكم منى الحين بس حبيت اوضح الموضوع واعطى فكره لجم سؤال ودى اعرف اجابتهم معاكم واسمع وجهات النظر




مقدمه طويله عشان سؤالين
هل تستنكرون علاقات البشر بهالطريقه الى تكلمت عنها ؟؟
هل انت من النوعيه الى تحكم على الوحده من صداقاتها واذا اى على اى اساس ؟؟

Sunday, July 20, 2008

نفس عمييييييييق ... Back


حايشنى ملل مو طبيعى من كل شى

احتاج كسره روتين بأقرب وقت ممكن

***

من القرارت الصعبه الى تمر على قرار السياره اليديده

الفتره الى فاتت كنت حدى محتاره وبحوووسه على هالقرار

ما ادرى شاخذ !! تقلص القرار بين سيارتين والله لايوارييكم

استخرت والنهايه توكلت على الله وشريت السياره

مو هنى السالفه

السالفه انى صايره قزيزه ما اهيع

كله بالشوارع احوس هههههههههه

صرت سايق البيت اخلص كل المشاوير المتعطله من وناستى بالسياره

بتقولون هذى بحد ذاته كسره روتين

بقول يمكن بس ما ادرى ناقصنى صوت غاب عنى

Friday, July 18, 2008

HAPPY BIRTHDAY REEMA :**




كل عام وانت بخير وصحه وسلامه والله لا يخلينى منج


الصوره وايد اعجبتنى متنقصتها لنا بيربل

شكرا بيربل اتنقصلج العافيه

:)))

Tuesday, July 15, 2008

Friday, July 11, 2008

الاكيد انى انا الى ما اشتهيت !!





سهل علينا انواسى الغير وانهون وانخفف عليهم بس لما توصل المسأله لى عندك
توقف عاجز ولا تقدر اطبق كلامك الى كنت تنصح فيه غيرك عليك انت
اضحك على نفسى الموضوع حله بيدى وسهل

ولا يتطلب كل هالتعب بس شقاعد يصير !ؤ
شعور بايخ انك تكون ضعيف جدام مشكله انت عارف حلها
فى شى بداخلى ما اقدر اسوى كنترول عليه بسهوله !!ؤ


النسيان
مرات اقول ليت كل الى ابى انساهم وابعد عنهم جرحونى قبل لا يمشون
كل الى مروا على بحياتى وانتهوا بجرحى واتركوا ذكرى اليمه نسيتهم

واذا ذكرتهم بسرعه القى عقلى يبعدهم وفرقاهم عيد بس المشكله
بالى راح بذكرى حلوه المشكله بالى راح ولى الحين احتاج وجوده وابيه
المشكله بالى ما شفت منه الا كل خير بس الدنيا ابعدته
ابعدته الظروف ابعده القدر كلهم بالنهايه يتساوون بعدم وجودهم بحياتى
الله يذكركم بالخير



اغنيه بشريط عبدالمجيد اليديد يقول فيها
ياما حاولت الفراق وما قويت
كنت ابى انساه لكن ما نسيت
ما عصانى قلبى بعمره ولكن
الاكييد انى انا الى ما اشتهييت


ترى صج اذا القلب ما اشتهى ينسى ترى ما ينسى لو تمر الايام والسنين ما ينسى
والى مشتهى ينساه ينساه ولو يمرذكراه ما يأثر
وحاليا قلبى مو مشتهى ينسى






Monday, July 7, 2008

ابتسم !!





ليش ابتسم ؟؟

مانى فاهمه!!ؤ

Wednesday, July 2, 2008

صابك غرور والغرور لما يصيب مشكله !!!





فى ظاهره اسمها حديثين النعمه اتوقع مرت على الكثر ، هذول سلمكم الله الى اييهم الخيروالفلوس والحريه من عدم فجأه ، وتنطلق ويصير لهم صييت بعد ما كانوا متحسرين بحياتهم .. فتلاقيهم مو قادرين يسوون كنترول على روحهم والناس تنفر من مقاعدهم وملعوزين الى حواليهم فى انا وانا وسوينا وحطينا ورحنا ويينا وكل الى يعرفهم شكانوا اول وشصاروا بلاحظون التغير ويقولون الله ارحم
هالناس اذا قعدت معاهم اتحمد ربك ،و ودك تكفخهم بكبر ما عندك ... بس المشكله الى تحبهم وتدرى فقلوبهم طيبه اتحاول تبلعها
وتجامل وتبتسم !!!ؤ


***********


فى ظاهره يديده الحيين طاافحه بالمجتمع اهى ظاهره حديثيين الشهره
هذى الحاله كسييفه جداجداجداااا هذول الى مالهم وجود بالمجتمع خذولهم جم شهاده وقاموا يطلعون بالتلفزيون والصحف والمجلالات وعااشو دور الشهره
تلاقيهم يمشون ويتلفتون ويتبوسمون حق خلق الله
فتستغرب من الوضع !!! وتقول شفيها فلانه ولا شفيه فلالان يمشى ويتلفت ويضحك
تكتشف بعدين ان لهم برامج تلفزيونيه ويحطونهم بالصحف والمجلات
بحضورهم يبون الكل يسكت الا اهم الى يتكلمون
ويبدون بالمقاعد يعيشون الدور ويسكتون الكل بس اهم الى يتكلمون
بس اهم الى يفهمون وبس اهم الى خذوا شهادات
هذوول ما ودك بس تكفخهم بكبر ما عندك لالالا
هذوول ودك تحذفهم من الدريشه

********************


العيال كبرت

اليوم دمعه انزلت من عينى ما انساها لان كانت غير، اول مره تنزل من عينى دمعه شعورها واحساسها ياخذنى الى شريط يمر جدامى شريط طفوله بنت قاعد تكبر جدام عينى واسمع سوالفها من واهى صغيره والسوالف مع كل سنه تتغير وتنضج لما يه اليوم الى اتسولفلى امها انها كبرت ومعالم البلوغ قاعد اتبين عليها !!! انا مو مستوعبه ان الياهل فزت وكبرت وصارت مره
ما حسيييت بنفسى الا شريط طويل مر على بذكرياتى مع امها القريبه من قلبى وروحى
وعن كل سالف سولفتلى اياها عن ابنيتها ... اااخ يا قلبى اسم الله عليها الرحمن الرحيم :))
السنين تركض يا ام يوسف والله يبلغج فيها عروس ويحفظها من كل شر