Wednesday, May 30, 2007

مقتطفات ليليه عسره






مانى قادره انام وايد امور مكدرتنى هاليومين




مشكله فى ناس ما فيها سنع ولا لباقه بالتعامل وتوصيل المعلومه


همجيين ودفشيين لى درجه انهم يجرحون ويمشون ولا همهم احد






ناس فجأه تهب فييك وفجأه بدون اى سبب يوخرون ! عشى ماشر؟؟




ناس همها بالدنيا جنطه وبدله وجوتى وانتو بكرامه، فلانه لبست نفسى وفلانه شرت مثلى


تدز مسج الساعه 1 بالليل


فلانه: انا مانى قادره انام وحدىمقموته وانت السبب


انا ارد بالمسج مخترعه ليش عسى ما شر شفييج


فلانه : سمعتج اليوم تقولين انج شاريه بدله من المكان الفلانى


انا ارد : انزيين !!


فلانه: ترى انا عندى مثلها وشاريتها قبلج! ولا احب احد يلبس نفسى بليز وتعرفين البدله غاليه وفرحانه فيها وابى البسها بالاستقبال




انا: اوكى بس انا موديل يديد توا نازل يعنى مانى صووبج




فلانه: لا بس كلكشن الصيفى حق هالماركه كله نفس الستايل




انا: لا تنقمتيين ولا يضيق خلقج ناماى مرتاحه ما يصير خاطرج الا طيب


بتلبسينها بروحج وبتميزين ان شاءالله


افا علييج بس




طبعا انا رديت عليها جذى لانى لاعت جبدى من السالفه ولاعت جبدى من الماركه بكبرهاااا




ابييييييييييييييييه يا ناااس ابيييه شنو يعنىىىى هالاوادم


مو قادره تناام ومقموته عشان بدله ويا ريت مثلها لالالالا بس نفس الماركه


والله ما اقول الا الله يعينهم على نفسهم








وحده معاى بالدوام تمووت على ريلها


ما حجوتها الا فلان حط وفلان ياب


وتنقصت حق فلان ويبت حق فلان


وسوالى وحطلى ويابلى


مالنا حجوه الا هالفلالان


والفلالان تزوج عليها


ولالا مغربيه




والبنت تموت عليه مو مقصره معاة بشى


الحين اهى طالبه الطلاق


متصله على وحده تبينى اتدخل


وتعالى يا كريزما قنعيها ما تتطلق عشان اليهال و هذى نزوه فى وجهة نظر المتصله


طبعا انا رديت انى مالى شغل بالموضووع ولا اقدر ارد المره عن قرارها ولانى مدخله




استغفر الله يا ربى






متى استوعب انا الى باعنى ابيعا؟؟


ليش كلا اذكر الناس الى خسرتهم


مشكله هالقلب


مشتركه فى منتجع مثل شاليهات انا مشتركه سباحه بس
كل يوم اروح اسبح مع صديقتى
يوم اليمعه الى فات وصلنا الا ممنوع الدخول
مسكره البوابه
موقفين مصااكه عند البوابه
افتح يا اخى
ممنوع يا فندم
ليش عسى ماشر
اليوم فقط للجاليه اللبنانيه
اى اوكى بس احنا مشتركين
سورى يا فندم
صديقتى تنط شنوو لبنانيين !! ترى احنا كويتيين
رحنا الاداره واشتكينا
النهايه دخلنا
احنا دخلناااا ولا شنشوووووووووووووووف
تفصخ ومايوهات بكينى ورقص على الطاولات مفاصيخ وناس مسدحا تان
انا والى معاى اطلعت اعيوناااا
هااو وين قاعديييين احنا بالكويت!!!
تقولى امشاى بس مسبحنا خليهم عنج هذول جنتهم الدنيا
المفرح بالموضوع ان اليوم لما دشينا الا متغير ستااف الاداره
ولا المباحث كانت بالحفله وعفست الدنيا علي روسهم
لما سالنا ليش مباحث طلع الخمه كانو سكارا
طبعا الى قالنا مشرفه المسبح
لان احنا مسبحنا نسائى فقط وبعييد عن هالصيحا
شى حلو ان المباحث متنبها ونشطه
بس على منوو نشطه
ايييه الله كريم


اصدقون ارتحت انى فرغت


تصبحون على الف خير

كل عام وانت نور دنيتى


كل عام وانت بعافيه
الله لا يحرمنى منك
ولا من ضحكتك
ولا من خفت طينتك
ولا من ويهك البشوش
يا حبيبى
يا نور عينى
ابيك تدرى انى بهالدنيا عشانك
وانى مقصره وايد بحقك
وانى مهما عطيت ما اوفيك قدرك
سامحنى على كل يوم طاف ضيقت خلقك فيه و كدرتك
احبك

Friday, May 25, 2007

شى يخرع !





فى شغله قاعد تصير معاى من فتره وكلا اقول حق نفسى صدفه واقنع نفسى انها صدفه

بس قاعدا تتكرر بشكل غريييييب ومع ناس بحياتى ما تخيلت انى اكون قريبه منهم بيوم من الايام
مرات نسمع فى ناس من واحنا اصغار بس الاسم يلقطه مخك وعقلك يظل مميز الاسم على الرغم من بساطه الشخص او انه شخص مو زين او ما يعنيلك بس عقلك يميزه ويحطه بهالة يصير عليه زووم

وهالشخص بعييد كل البعد عنك اوكى
ادور الدنيا وهالشخص المميز الى انحط براسك يكون اقرب الناس لك

صديق عزيييز وقريب حيييل


مثلا

الى مراو بحياتى وتميزوا ، سواك بالشكل تميز او اسم مشهور يتكلمون عنا بمقعد او شفته بالجامعه

اسم شخص ابوه مشهور ونسمع فييه ،، فجأه تكون انت واحد من هالعايله تشوف الشخصيه المشهوره جدامك وانت عزيز عليهم من معزه البنت او الولد الى ينتمى لهالبيت
بنت احب ويها عليها زوم من ايام المتوسطه ، فجاه القاها جدامى وتصير زميله بعد كل هالسنييين الى مرت القاها تتوظف معاى بنفس الاداره وهالشى توه من جم يووم بعد كل هالسنين الى مرت
واحد معروف عنا وعن جماله وانا من الناس الى قلت عنه وااى يا كرها مغرور يصير لى موقف معاه ويصير صديق!!
الغرييب انى من احط زوووم على احد فجأه القاه صديقى وقريب منى حييييل بس بعد مده طويييله
وعلى فكره صارت حتى هنى مع بلوقيرز
لووووووووووووووووووول
وحده من البلوقيرز صارت صكه بينى وبينها هوشاا الى الناس اتفاكك هههههههههه وايد تدخلوا عشان يطيحون الحطب
ههههههههههههههههههههههههه
والحييين اموت اموت عليهاااا تصير قريبه منى تعرفنى واعرفها وهى من الناس الى كان عليها زوووم
مع انى ضد فكره انى اكون صداقات بره البلوق مع بلوقيرز لان
البلوق متعته بتواصله وصداقاته داخل البلوق مع كل البلوقيرز من يطلع بره يفقد حلاوته الصراحه
وتتحسف ليش عرفته تقول ليته بلوقيرز استمتع بكلامه وسوالفه مع كل الناس بالبلوق !!
بس لانى انااا حطييت زوم على بعض الاشخاص فجأه صاروا قراب منى لى درجه اطلع واروح وايى معاهم
وهالشغله الى اتكلم عنها ترى والله تصير بدون ترتيب ولا تخطييط
فجأه اهى قريبه حييل او اهو قريب حييل
فجاة يكسر قيمك ومبادئك ويدش
شى يخرع الصراحه
حتى طريقة التعارف اتضحك حدهاا وتصدمنىىىىىىىىى
ابييه فى احد صار معاه هالشى !!
ان يلمح شخص يحط عليه زوم اى شخص سواء زين او شين او مشهور ومعروف بين الناس
وادور الدنيا يلقاه صديق وعزيز واقرب الناس؟؟؟

Tuesday, May 22, 2007






شهالسالفة الى هابه بديرتنا ؟

يعنى شنووو يموت الكويتي مطعون

قمه بالبشااعه

وضحيتها شباب بعمر الورد

الاعمار بيد الله ونعم بالله

بس جرايم الطعن زااايده

ما عدا شهر على طعن الخدامه حق البنت المسكينه واهى نايمه :(


خدامه اذبحت بنت طعن مليون طعنه ليييش

متهاوشه معاها وحرتها !!


ولد ينطعن من ايرانى والسبب خزه !!!


وغيره وغيره ......


لى هالدرجه ارواحنا لعبه

لى هالدرجه ما قام ينعمل لنا حساب

شهالاستهانه بالارواح

شهالاستهانه بالعقووبه


اى مو لان ماكو عقوبه هذى حالتنا

ذبحتنا على بيزه!!


ماكوو رادع يخرعهم


الاجانب لاعبين لعب فينا

انعدم الامن

قام الكويتى يمشى بديرته خايف

الكل قوت شووكته بديرتنا

واحنه الى ننطمس ونندقر


اذاا نخز اجنبى ننطعن

شهالسااالفه العميه



شقاعد يصيير

:(



Saturday, May 19, 2007

سوالف الستينات والسبعينات واول الثمانينات





ما قدرت اعدى هالايميل بدون ما اتشاركونى فيه وااى ضحكنة ضحك ، والى عاش هالايام بيحس بالى اقوله ههههههه





وطبعا مواليد الخمسينات داشين معانا بالحسبه

تذكرون لما اييلك واحد مليق من العايله اكبر منك ويقولك تبي اسويلك ساعه وانت تمدله ايدك ويقوم يعضك ذيج العضه اللي توارص منها.



تذكرون لما كنا نصور فوري عند مصور الجمعية وطبعا غصبن عليك الخلفيه زرقه مو بكيفك ولازم تمشط شعرك بالمشط اللي عنده كله شعر وبعدين يقصلك الصورة بالآله اللي عنده ام ذراع والاطراف مشرشره يعني يكون حركه.



تذكرون ايام حصة الموسيقى قبل كان الدرس لمدة سنه عباره عن تــــــــــافــــــــــــاتيــــــــــي فـــــــــــي تاتي والصفقه بصبعين بس .... صج كان منهج صعب.



تذكرون لي شفت واحد عنده سيارة مرسيدس كان يحوشك فضول الا تبي تعرف شنو اكو بالصيدليه اللي ورى بالسياره ونقعد انطلطل بالسياره واخر شي يطلع( بلاستر وباندج)



تذكرون اول يوم دوام بالمدرسه كانوا يسلمونا الكتب كلهم مع بعض وصافينهم من الكبيييييييييير لي الصغير وطبعا الكبير كتاب العلوم وكانوا يربطونهم بحبل عشان ما ينفلون مع 6 كشاكيل-



تذكرون المعجون الصغير اللي ريحته تبط الراس ومعاه عود لونه احمروكنا نبطله بالمقلوب ونرعصه ونلف العود عليه وننفخ عشان نسوي
تفاخيه وطبعا لاتفاخيه ولا قالها الله لين تطلع بلاعيمك منه.



تذكرون لما كانوا الاولاد يلعبون كره مبارات بالفريج واذاكان واحد من الفريق ناقص لاعب بعد ما يبيله قولجي دفاع هجوم ماشاءالله قرندايزر مو قولجي وطبعا كان اللعب لــــــي اذان المغرب اول ما يقول الله اكبر


تذكرون لما كنا نشوف افتح ياسمسم وانتأثر بكعكي اللي ياكل بسكوت ونشتري بسكوت كاكاو ونقعد ناكل مثله والوالده تصارخ من قمة راسها قطيــــــعه شنو هالشفاحه من لاحقكم خخخخخ.



تذكرون يوم الجمعة ... نقعد من الصبح علشان نسمع أغنية في عالم الشعوب قصائص لا تنتهي وعالم حلو بهي يسكن في قلوب في قصص الشعوب.



تذكرون لما كانوا بالصيف يسبحونا من الطشت والمغرافه الزرقه او الحمره لوول وانت تتنافض من البرد وتنطر متى يكتون عليك ماي اي بطل الدوش وفك عمرك....ياسلام على سياسة ترشيد المياه منذ القدم.



تذكرون تيلفون بوقرص اللي يخيب ثناك وانت تتصل وياااااااويلك يطلع الرقم مشغول لان مافي ريدايل والله يعينك لي بغيت تدق مكالمه حق
خدامتكم تلاقي اصابيعك اتعربك.....صج كانت معاناة بالعيشه.



تذكرون لما نرجع من الزواره كنا انتناجر منو اللي ينسدح ورىبالسياره صوب الجام ويطقها نومه لي البيت لالا ويتحرش بخوانه ينزل ريله عليهم يعني يكون حارهم لوووووول



تذكرون لما كنا نربط الشرشف او الفله على رقبتنا يعني يكون سوبرمان ونصعد فوق الكبت وانط على الدواشق واخر شي طاب غلط ومنكسره ايدك....

تذكرون شريط الشراغي الاحمر اللي اذا اخترب المسدس ماله مايبيله كلام حًول على كعب الوالده وكمل عليه بالكاشي والا على عتبة الباب اخر شي الوالده مكمله عليك بالكعب لووووووول


تذكرون لما كنا نحط قوطي السانكست بالفريزر عشان يثلج مع العصير الطوالي بونصين وكل ماتروح تبي تاخذه تلاقي الوالده منزلته تحت وماثلج.....راحت الفرحه.



تذكرون لما كان الاولاد يغسلون الحوش بالويك اند قمة الوناسه يمسك المساحه يعني يكون بيساعد واخر شي طايحله سكيتنج على الكاشي لوووووول وبالليل رايح الاميري.


تذكرون لما كنا نستقبل الحجاج عند الحدود من زود الفرحه واللهفه على الصوغه واخر شي جم مسواج وقحفيتين والكاميرا الحمره وسياده والبنات قطعه خام مالت هنود وساعه مينتها صغيييييييره.


تذكرون لما كنا نحب عبدالرحمن العقل ونروح مسرحياته السندباد والزرزورر والف باء تاء ولما الحرامي يكون وراه نصرخ من قمة راسنا ورااااااك وراااااااك واهوا يقول وينه وينه يميييييين يميييييين....ياعيني على الاستهبال.



تذكرون عزايم قبل والصماط المفروش على كبر الحوش اللي علىصورة ميوه ( فواكه ) وريحته لازم ريحة مطبخ وقاعدين على المده اللي لي قمت تلاقي ريلك كلها شخوط من المده....ياخي شنو هالزهد بس.


تذكرون لما هبينا في اغنيه البحريني سليمان الزيمان ولييييييييي في ربوووووووع الشمال غرام حي وزنبقه طاهره وحاطين المسجل على قاري منتزه الخيران وحد الصوت العالي وطيحله فراره بالمنتزه



تذكرون لما يبلشون الشباب يدخنون زقاير كل واحد حاط باكيت بمخباته ولافه بكلينكس عشان ما يبين من الدشداشه الصيفيه ولي شاف واحد من الربع يدخن يسأله السؤال المعهود (ها فلان تكنها ولا ما تكنها ) لووول شدعوه شي زين عاد ..وكان لازم مالبورو احمر شعار الرجوله.


تذكرون ايام الدراسه قبل يعني يكون بنشد حيلنا بالدراسه ونشتري قلم فسفوري اصفر ولا برتقالي عشان نظلل على الشي المهم اخر شي مظللين
على كل الكتاب وين الشي المهم مادري لوووول.


تذكرون ايام الكشخه قبل كانت عباره عن سيارة هوندا بيضه اكورد باب واحد ولازق على الرقم من ورى شعار نادي الكويت يعني كووول وولد العاصمه والمشط بالدرج اللي على قبضة يد حق الجاكسون وحاط بالمسجل فرقة الدانه ولا عبدالكريم.

تذكرون لما تطوروا الشباب بالطلعه عقب سوق الديره والعماره البيضه قاموا يروحون الصالحيه ويدشون محل محل ويتطمشون حجي هذا بجم وهذا بجم) لين يطردهم راعي المحل لما يعرف ان المخباة مافيها الا 1.500 حق الرده يا بالتاكسي ولا وانيت.



تذكرون اول ما يبوق الصبيان سيارة الوالد كانت الريل اليمين على البانزين والريل اليسار على البريك من الثواره .... ولازم طبعا يمر على الربع بالفريج ايتشيحط عليهم....واديلوووووو بريك وبانزين


تذكرون لما كانت جائزة البيبسي سياره بالمغاطي مالت البطول كنا الظهر نروح الحوش الوراني ونبطل السحاحير كلها وبعدين نرد نسكرهم اي كلام جود الغازات كلها طايره ومتبخره وصاير ماي مايوه.



تذكرون لمايقول الاستاد ان هذي الصفحات ملغيه ايوااااااااااا تعال شوف التشخط اللي على الصفحه من فوووووووووق لي تحت ولا انشقها خير شر من الكتاب.....شدعوه هالحقد عاد......


تذكرون لما اتهاوش مع ولد جيرانكم وتقوله وخرعن بيتنا وعن رصيفنا يقولك مو رصيفكم هذا رصيف الحكومه
كلام منطقي الصراحه , لووول ويقعد يحوس جبال بيتكم ويمر يمك ويقولك ماحشتك ماحشتك خخخخخ.



تذكرون كمبيوتر صخر 170 لما حنينا على الوالد عشان يشتريه عشان يساعدنا بالدراسه اخر شي محولين على لعبة الاميره ام الخواتم ورامبو اللي يطير الطياره ولي دش الوالد حطينا شريط بنك المعلومات يعني استفاده لوووول.


تذكرون لما يروحون الصبيان السوق مع الوالد يشتري لهم خامات حق العيد ..اخر شي شاري طاقه كامله نفس اللون وتشوف باول يوم العيد من الوالد لي الاخو الصغير نفس الدشاديش (تقول فرقة التلفزيون لوووووووووووووووووووووووووول.)



تذكرون لا بغوا الشباب يشيلون حديد قبل يعبون قواطي نيدو اسمنت ويحطون بينهم بايب حديد وهووووووووبا واخر شي منكسر ه ظهورهم....
لووووووووووول.


تذكرون المسجله السوده مالت استاد الانجليزي لي دش علينا فيها قمة الوناسه اليوم ليسيننج يعني مافي اسئله ورووووح سكشن فايف.....
ترررررن تررررررن سكشن فايف.....هاي سوبر فالكون ههههههههه.



تذكرون السشوار البيج بو جنطه بيضه تقول لاب توب مع الهوز جنه خرطوم طياره ( تشغله قبله بيوم عشان يصير حـــار.)..لوووووووووول


تذكرون الكشكول الادعم اللي في صوره بابا جابر الله يرحمه ومن ورى صوره بعير والمسجد اللي بالضاحيه .


تذكرون لما نقلد رقص مايكل جاكسون ونسوي حركه الرجعه وحركه الايد اللي على الجام ونغني بيييييييييييلييييييييييه بييييييييييلييييييييه شنو بيله مادري لووول.





وااى تسلم اييد الى كتب الايميييل وسعت اصدورنااا




Thursday, May 17, 2007

4 u .....



When I need you.......Just close my eyes and I'm with you

And all that I so want to give you

Its only a heart beat away
****

When I need love.....I hold out my hands and I touch love

I never knew there was so much love

Keeping me warm night and day
****

Miles and miles of empty space in between us

A telephone can't take the place of your smile

But you know I won't be traveling forever

Its cold out, but hold out and do like I do
****

When I need you.....Just close my eyes and I'm with you

And all that I so want to give you babe

Its only a heartbeat away...
****

It's not easy when the road is your driver

Honey, that's a heavy load that we bear

But you know I wont be traveling a lifetime

It's cold out but hold out and do like I doOh I need you.
****

When I need you.....I hold out my hands and I touch love

I never knew there was so much love

Keeping me warm night and day
****

When I need you.....Just close my eyes and I'm with you

And all that I so want to give youIts only a heart beat away
****

Oh I need you.
****


كل واحد فينا يطلق شريط ذاكرته ويشوف وين تلقط هاللأغنيه




.Celine Dion

Friday, May 11, 2007

مقتطفات لذيذه من روايتى 2


ذاكرة الجسد

أحلام مستغانمى



خلصت منها وابى ادون الى عجبنى بالروايه

كانت راائعه ما تتخيلون شكثر استمتعت فيها

دايما ربعى واهلى يقولون انى اعطى الشى اكبر من حجمه اذا عجبنى

بس انا فعلا اتذوق المفردات واتعمق بالكلمه واستلذ فيها

والقراءه تفرق من شخص لى اخر بطريقة القراءه





على حافة العقل والجنون.. فى ذلك الحد الذى تلغيه العتمة والفاصل بين الممكن والمستحيل
كنت اقترفك كنت ارسم بشفتى حدود جسمك

أرسم برجولتى حدود أنوثتك

أرسم بأصابعى كل ما لا تصله الفرشاة


لم يكن لأحدنا وعى كامل لينتبة الى ان العشق اسم ثنائى لا مكان فيه لطرف ثالث

ولذا عندما حولناه الى مثلث، ابتلعنا كما يبتلع مثلث برمودا كل البواخر التى تعبره خطأ



أما الذين يبدو عليهم فائض من الايمان، فهم غالبا ما يكونون قد أفرغوا انفسهم من الداخل ليعرضوا كل ايمانهم فى الواجهة لأسباب لا علاقة لها بالله


نخب ضحكته سكرت ذلك المساء

نخب نبرتة المميزة الى لا يشبهها صوت

نخب حزنه المكابر ذلك الذى لا يعادله حزن

نخب رحيله الجميل نخب رحيله الاخير
بكيت ذلك المساء ذلك البكاء الموجع المكابر الذى نسرقه سرا من رجولتنا


هكذا التاريخ دائما عزيزتى وهكذا الماضى.. ندعوه فى المناسبات ليتكفل بفتات الموائد نتحايل على الذاكرة، نرمى لها عظمة تتلهى بها بينما تنصب الموائد للاخرين


سئلت اعرابية يوما : من احب أولادك إليك؟قالت: غائبهم حتى يعود ، ومريضهم حتى يشفى وصغيرهم حتى يكبر

لا اذكر من قال : ليس الفضيلة تجنب الرذيلة ، الفضيلة فى ألا تشتهيها!!

Sunday, May 6, 2007

طاب خاطرى :)


طاب خاطرى
يحلوها من كلمه ويحلوها من مرحله هالمرحله الى نوصلها مرات ( طاب خاطرى ) !! شعور غريب يحوشنا بس

مريح لاقصى الحدود ا قدر اسميه ارتقاء النفس الصراحه افف شنو هالمرحله مريحه

وشعورها يحسسك انك انسان راقى وعقلك كبير ولا تبى شى من احد
لمن يطيب الخاطر من شخص بينك وبينه شى ايا كان الشى وهالانسان عزيز عليك تطلب منه الشى

مره ومرتين وثلاث بس على مر الايام ومع المده تمل

وما يصير الى انت تبيه وطلبته ، سواء كان قاصد او غير قاصد ، لما اييك يوم وتلاقيه سوا الى انت طلبته وتلبح عليه من سنين بس خلالاص جوود انت واصل لى مرحله اسمها طاب خاطرى

يظل هالشخص عزيز وغالى بس طاب خاطرى من هالشى الى كنت ابيه !!
ما ادرى اذا فهمتو قصدى ولا لا
مثال :
مسئول كلا يوعدك ويصفصف حجى بس ما تشوف فعل

توصل لى مرحله بس يطيب خاطرك ما يهمك وانت حدك مرتاااح وناسى الموضوع فلما يصير الشى بعد مده خلالالالاص ما عاد يهمك ولا يأثر فيك لإن طاب خاطرك


علاقه بصديق ولا حبيب ولا زوج لج احتياجات وما قاعد تصير سواءعن قصد ولا مو عن قصد لما تصيير عقب فتره من حنتج واحتياجج ما اتأثر ولا لها طعم ؟؟ ليييش لان طااب خاطرى

بس توصلين لى مرحله تبينه بس ما اطالبينه بش ولا تبين تخسرينه يطيب خاطرج وانت تضحكين ومرتااحه
الشعور الى قاعد احس فيه والى خلانى اكتب هالبوست ان طاب خاطرى من اشياء واايد كنت احتاجها

بس حاليا طااب خاطرى وانا اضحك وسبحان الله هالمرحله نمر فيها كأن

الله يمسح على قلبج تروح حرقه القلب يروح الاهتمام بالموضوع و التفكير فيه

الله يلهيج وينسيج ويمسح على قلبج

والى كان اول يضايقج والى كنتى تبينه حيل الحين يمر مثل النسمه على القلب

هذا الارتقاء بالنفس وهذا ما انسميه طاب خاطرى
وعلى فكره اذا انقالت اتعور الطرف الثانى اتعوره حيل لما اقول بس يا فلان او يا فلانه ما ابى هالشى انا طاب خاطرى

ومع ابتسامه سعاده ورضى ههههههههه تجوى بالكويتى يعنى تكوى بالفصحى لووول اى تذبح

احسن انا مو شريره بس خل يحسون اشوى هالاوادم الى اقدر اسمهيهم انانيين ومزاجيين وعديمين احساس
والا ما ادرى شعلتهم



اسفه انى سببت ضيقه بس فعلا انا طاب خاطرى وانا مرتاحه


:)

Thursday, May 3, 2007

انشودة المطر





عيناك غابتا نخيل ساعة السحر.

أو شرفتان راح ينأى عنهما القمر

عيناك حين تبسمان تورق الكروم

وترقص الأضواء .. كالأقمار في نهر

يرجه المجداف وهنا ساعة السحر...

كأنما تنبض في غوريهما النجوم

وتغرقان في ضباب من أسى شفيف

كالبحر سرح اليدين فوقه المساء

دفء الشتاء فيه و ارتعاشة الخريف

و الموت و الميلاد و الظلام و الضياء

فتستفيق ملء روحي ، رعشة البكاء.

كنشوة الطفل إذا خاف من القمر

كأن أقواس السحاب تشرب الغيوم..

وقطرة فقطرة تذوب في المطر

وكركر الأطفال في عرائش الكروم

ودغدغت صمت العصافير على الشجر

أنشودة المطر

مطر

مطر

مطر

تثاءبي المساء و الغيوم ما تزال.تسح ما تسح من دموعها الثقال

:كأن طفلا بات يهذي قبل أن ينام

بأن أمه - التي أفاق منذ عام

فلم يجدها، ثم حين لج في السؤال

قالوا له : " بعد غد تعود" -لابد أن تعودو إن تهامس الرفاق

أنها هناكفي جانب التل تنام نومة اللحود

،تسف من ترابها و تشربي المطر

كأن صيادا حزينا يجمع الشباك

ويلعن المياه و القدرو ينثر الغناء حيث يأفل القمر

المطر

المطر



بدر السياب

_ _ _ _ _ _ _ _ _ _ _ _ _ _ _ _ _ _


Every night in my dreams I see you, I feel you


That is how I know you go on


Far across the distance And ...... between us You have come to show you go on

Near, far, wherever you are


I believe that the heart does go on


Once more you open the door


And you're here in my heart And my heart will go on and on


Love can touch us one time And last for a lifetime


And never let go till we're one


Love was when I loved you One true time


I hold to In my life we'll always go on


Near, far, wherever you are I believe that the heart does go on


Once more you open the door


And you're here in my heart And my heart will go on and on


There is some love that will not go away


You're here, there's nothing I fear And I know that my heart will go on


We'll stay forever this way You are safe in my heart And my heart will go on and on


Celine Dion



ابدى الويك اند بذكرى حلوه لكل شى جميل مر بحياتى

نهايه اسبوع جميله

استمتعاو بالى بقى من الجو الحلو


CHARISMA