Saturday, December 29, 2007

يااك الذييب


محتاره فى موضوع ودى اكلمكم فيه واسمع رايكم


اتعرفون هالايام استقبال الحجاج وباليوم نفتر على اكثر من 3 بيوت


المهم حووسه وزحمه والشارع ، بالبيت الى فيه استقبال يسكر الشارع بالفريج من العالم والسيارات


فى منطقه كيفان كان البيت


وزحمه الناس تصفط باول الفريج وتمشى لى داخل اسهل حتى حق الطلعه ، البيت تقريبا سابع بيت بالفريج يعنى درب


تونا منتصفين الطريج ، عند البيت الرابع تقريبا الالا صراااخ شايل


ومرينا يم سياره صافطه فى بيت من البيوت وواحد داخلها يحرر السياره بطريقه غرييبه مغبر على خلق الله والسياره
قديمه واطلع دخاان بنى غامج حشرناااا ، الحريم تلثموا


انا مع خالتى وبنات خالتى مستغربييين مرينا يم السياره الا دااس الحبييب حرق ريل خالى من قوة الدوووسه بس ما


نقدر نروح مكان لالالازم نمر عليه عشان ندش البيت الى فيه الاستقبال


ما نغفل الالالا نزل الريال الى داخل السياره


وعيينكم ما تشوف الالا النووووووووور


الريال ريال كبير بالسن اعطييه 55 سنه ولابس بنطرون وجاكيت وكشته قااايمه هالرفع فوق راسه


اهوو نزززل وقااام يصرخ باعلى حسه


تخيلوا ريااال ويصرخ باعلى حسه والريال بعافيه يخرع وعيونه جاحضه وملامحه اتوحش


نزل من السياره جاان يصرخ باعلى حسه وخرااو عن بيييتى


لا اتقربوون يم بييتى هذا بيييت اشرااف بييت حماايل بييت ناس ايااويييد وخروا عن بيتى لا اتنيسوونا يالنيسسسين


يالحرييم يالمنافقااات


احناااا طلعت عيونااا وقام يركض ورا الحريم ويصرخ لحد يقرب من البيت يالمنافقات يا زباااله


انتوا بالدرك الاسفل من النار ، جهنم وبأس المصييير


والله يا جماعه ما جذبت عليكم ويسبنا سب وحرام الى كانوا يمشون كلهم حرييم كبار وبنات الكل صافط باول الفريج


ويمشى من الزحمة


ويطلع هالريال ويسفل بالامه


الكل خاف منه قام يتفل ويسب والصراحه صووته يهز هز من قوته


انا قمت ارجف مو هذى السالفه


السالفه ان بيده سياره


ركب سياارته ورجع ورااا وقام يبتون فاتح الجام يقول لادووسكم كلكم وافك العالم منكم ومن شركم يا حرييم يا زباله


مينوووووووووووووون رسمى


هذاا يعرض نفسه والناس للخطر ، مال مصح مو مال يتهيت بالشارع ومعاه سياره


لو ريال حار امسكه واذبحه على هالسب الى سبه خلق الله


تدوكرنا حتى 777 محد فكر يتصل من كثر ما انحاتى لحد يموت ولا يصير فيه شى ، واحدنا خايف على الثانى


عفسنااا ما وصلنا حق البييت الى نااشف دمنه ‘ متيبسه عظامنا من الخوف


عاد هذى حاله


الصراحه مو هاين على الى صار ولا هاين على الموقف ، ولا نى قادره انسى ودايما اتخيل هذا شبيسبب بالمستقبل اذا
ظل مهدود يسرح ويمرح !


انا بنت كيفان ، ومتربيه فيها ادرى ان كيفان فيها مينن وايد


بس مسالميين ما يسوون شى بس يلحقون بالجمعيه بس


الله يرحمه ويقمد روحه الجنه جان اتعرفونه يا اهل كيفان والى عاش طفولته بكيفان بالثمانينات


صالح المينون الى بالارنب الجائع والجمعية بكيفان يحوس


قزرناها واحنا يهاال يلحقنا واصراخنه شايل منه اذا رحنا الجمعيه


بس كان مساالم بس شكله الله يرحمه يخرع شوى


بس هذا الى شفته مو مال يتهييت مال مصح عقلى


المراد شسويييي ؟؟ شورونى اشتكى؟؟ ابلغ عنه ولا اكلم اهله ولا شسوى ؟؟


بيده سياره لا تنسون ويكره الحريم ؟؟


هاا ابلغ عنه ولا اخليه يولى ؟


ها يا بناات ؟؟ شرايكم :))


الله يشافى ويعافى كل مينون


والله ما اطنز هذا امر الله بس الى يشكل خطر على الناس، فيه مصح للامراض العقليه حق اشكاله


__________________




وكل عاام وانتوا بالف خير بمناسبه السنه اليديده


واتمنى انها تكون سنة فرحه وابتسامه


وتتحقق الامانى والاحلالام


بحب وسلالام


وعام يديد عليج يا كويتنا الله يحفظج من كل شر


ويهدى هالناس لخير وصالح هالبلد


امين


هابى نيو ير


:)

Wednesday, December 26, 2007

I'll be there




I swear by the moon and the stars in the skyand


I swear like the shadow that's by your side


I see the questions in your eyes


I know what's weighing on your mind


You can be sure I know my part


Cause I stand beside you through the years


You'll only cry those happy tears


And though I make mistakes


I'll never break your heart


And I swear by the moonAnd the stars in the sky


I'll be there


I swear like the shadow that's by your side


I'll be there


For better or worse


Till death do us part


I'll love you with every beat of my heartAnd I swear


I'll give you every thing I can


I'll build your dreams with these two hands


We'll hang some memories on the wall


And when (and when) just the two of us are there


You won't have to ask if I still care


Cause as the time turns the page


My love won't age at all


And I swear (I swear) by the moonAnd the stars in the sky


I'll be there (I'll be there)I swear (and I swear) like the shadow that's by your side


I'll be there (I'll be there)For better or worse


Till death do us part


I'll love you with every beat of my heart


And I swearAnd I swear (I swear) by the moonAnd the stars in the sky


I'll be there (I'll be there)I swear (and I swear) like the shadow that's by


your side


I'll be there (I'll be there)For better or worse (better or worse)Till death


do us part


I'll love youWith every single beat of my heart


I swear I swear I swear




والله العظيم


I'll be there dont worry sweet heart ..........

Saturday, December 22, 2007

كلمة احبك




بدايه علاقه لا تعنى الحب من اولها ، وفى رأيى وحتى باقوى القصص الى قريتها بالعلاقات العاطفيه و الانسانيه عامة



العشره والعمر اهى الى اتولد الحب الى يعمر ويقوى مع السنين



اما اذا بدت بحب وغرام فتكون فتره وتنتهى مو شرط تنتهى العلاقه بس يبدى الفتور والملل يدش ويبدى الكلام ماله



طعم و فى اى موقف قوى يتطلب هالحجى الا انت ملييت وانت تطحن وتعيد وتزيد ويصير ماله تأثير ولا قيمة



المراد من هالكلام ان عندى قريبه صار لها ست اشهر مخطوبه وكل ما اسالها هاا يا فلانه متى تملجين تقولى لما احبه



ولما يقولى انا احبج



الصراحه ضحكتنى قتلها عيل منتى مالجه وبتفليين



يا حبيبتى انتى لالالاحقه على كلمه احبج بييج انشاءالله وقتها ويومها وبتملين منها



اهم شى انتى متقبله الريال ، اخلاقة زينه ؟ جان تقولى اى



شرح و مريح لما تقعدين معاة ؟ قالت ايه ، متقبله قييفته ؟ قالت اييه بس بعد شماله هالحجى توكلى على الله



طرا على عبدالمجيد عبدالله



يقولك ، القلوب هى الى تحكم ماهو انت او انا .. اى والله




تنتظر كلمة احبك شايفك مشغول فيها



كل شي في وقته حلو ليش مستعجل عليها ؟بكره هي اللي تجيك



وتمر كل لحظه عليك انته بس طول لي بالك وكل شي بوقته حلو



في ثواني في دقايق في شهر ولا سنه ، القلوب هي اللي تحكم ماهو انته او انا



وينولد حبك وحبي واعشقك يا روحي قلبي انته بس طول لي بالك وكل شي بوقته حلو



خلنا نفهم بعضنا قبل ما نهوى نضيع ما بعد برد الشتا الا نسمات الربيع



واوعدك كلمة احبك منها ما يمل قلبك انته بس طول لي بالك وكل شي بوقته حلو




قرة عينكم برجوع الحجاج والله يعوده علينا بالعفو والعافيه





Tuesday, December 18, 2007

عيدكم مبارك


اللهم فى هذا اليوم يحج الناس لك بابدانهم واحج لك بقلبى
فأسألك الجنة ومرافقة نبيك والسعاده فى الدنيا والآخرة
أنا ومن أحب
اللهم اميين
الله يسهل على حجاجنا ويتقبل منهم ويردهم لنا بالسلامه
عيدكم مبارك
:)

Saturday, December 15, 2007

وصلنى ايميل على التحقق من صحة الروايه الى نشرتها بأن لا يجوز نشرها
وفعلا تم التاكد منها والروايه ضعيفه
فسحبتها واعتذر يا جماعه
ويزاك الله خير يا صاحب الايميل للتنبيه

Tuesday, December 11, 2007

Love is life












سؤال طرح فى يمعه مع صديقاتى






هل ممكن ينولد حب بدون تواصل ؟؟






يعنى هل ممكن الواحد يحب وحده وتتولد مشاعر تجاها بدون ما يشوفها ويكون بينهم تواصل










يعنى يلتقى فيها ويتبادل النظرات معاها او ان يحس بوجودها او على الاقل جات معاها










يتعرف عليها عن قرب يعرف شلون اتفكر










تاركه لكم الاجابه بعرف ردود الافعال











______________________________________________________





كل واحد فينا يحب يسمع كلام حلو وخصوصا من حبيب


يعنى كلام الحب ممتع للطرفين


بس لازم نعطيه قيمه


ان انترجمه بالافعال


وننطر اى فرصه تمر عشان نثبت كلامنه


واذا مرت الفرصه ولا استغلها الحبيب


فهذا تنبيه


ان الكلام الى ينقال كلام فاضى ولا له معنى



_____________________________



احس كل ما اكبر كل ما ينرفزنى كلام الحب


ما ابى اسع ابى اشوووف


ابى احس


ابى فعل

عشان اصدق واستمتع بالكلام واقدره



وارجع اذكر عمرى واقووول


طاااااااب خاطرج يا كريزما لا تنسيين ان طاب خاطرج





Friday, December 7, 2007

يوم متميز من فجره ..




سبحان الله فى الصبر.... مو كل انسان له القدره ان يصبر
دايما اقول شلوون فلان صبر كل هالسنين على هالمصيبه ، فى مصايب تهد جبال ويتحملها العبد المسكين
الله يبلينا بهالدنيا عشان يختبر صبرنا
وَبَشّرِ الصّابِرينَ (155) الّذِينَ إذَآ أصَا بَتتهُم مُصِيَبَةٌ قَالُوا إنّا للهِ وَإنّآ إلَيهِ راجِعُونَ (156) أُولئِكَ عَلَيهِم صَلَواتٌُ مِن رّبِهِم وَرَحمَةٌ وَأولئِكَ هُمُ المُهتَدُونَ ... البقرة 155-157
واجر الصبر كبيير الله يضاعف اجر الصابر لا يعلم اجر الصابر الا الله سبحانه

الله يجعلنا من الصابرين ، حبيت ابدى بهالفقره عشان كل واحد فينا مبتلى خل يكون على يقين الله معاه وان له اجر كبيير من وراء هالابتلاء وانها بتفرج ، الامل حلو وبيى يوم وبتفرج وانت المستفيد لان الله معاك

اليوم انا بقمة السعاده صبرت 9 سنين وفرجت اليوم تاريخ 6 /12/2007
من احلى ايام حياتى صاار باخر هالسنه ، عاد من فتره كنت افكر باحداث هالسنه من دش حياتى ومن طلع منها
والاحداث اى صارت بهالسنه واذكر هالبلوه واقول الالا هالبلوه على قلبى قاعده

تعبت واشتكيت وتذمرت ويأست وبجييت واحترييت من قلبى وانقثيييت حيييل وقعدت ادعى ربى من قلبى واتحسب ،
واحاول افك نفسى واستعين بالناس وسبحان الله بالخيره وكل ما اقول تفرج ترجع وتقفل مره ثانيه
واقول يا ربى انت اعلم وارد اذكر نفسى صبرى يا بنيه ان الله مع الصابرين، والخيره ما ندرى شصالح فيه بس ابن
ادم عجول صبر سنين يذبح وهنى ربى يختبر قوه الانسان بالصبروقوة الصبر تختلف من انسان للاخرالله يرحمنا برحمته

ويارب اكون من الصابرين :(

بس فرجت وما تتخيلووون سعادتى :)

واليوم غير كان غير بكل شى كان متميز من صبحه ليين مساه كان غير

من امتع لحظاتى لما اخفف على حبايبى واواسى حبيب بضيقته واقدر ارسم بسمه على ويهه واتحلى على هالويه المبتسم

من امتع لحظاتى لما اسوى فعل بعفويه والقى مردوده كبييير وانا سويته بعفويه ولا عملت حساب ردة الفعل هذى اهنى تخنقنى العبره

من امتع لحظاتى عيون اطالعنى بحب بدفى بتقدير ما تبى من وراى الا روحى الصافيه وقربى

من امتع لحظاتى مسج غير متوقع من انسان غير متوقع يقولج الله لا يحرمنى منج ، ويحسسج انتى شتعنين بحياته

من امتع لحظاتى كسر حاجز حقير فرضته علينا الحياة واوصل لدنيا ما يعلم فيها الا رب العالمين

من امتع لحظاتى لما اعيش روحى بدون قيود

من امتع لحظاتى لما احس بغلاتى عند حبايبى

من امتع لحظاتى قعده صافيه من ناس قريبه من قلبى هدوء وراحة بال

من امتع لحظاتى حلم احلم فيه من سنين ويتحقق بلحظه

من امتع لحظاتى لما القدر يجمعنى وبحب كبييير مع ناس كنت اشوفهم من بعيد وابتسم ولا كنت افكر بيوم انى ممكن
اتعرف عليهم ولى كل هالمعزه هالحب منهم

من امتع لحظاتى قعده مقابل البحر اكلمه واشم ريحته

من امتع لحظاتى حظن دافى احس ما ابى اوخر عنه واحس براحه وامان فيه


فينى واايد بس كفايه لى هنى

الله لا يحرمنى من كل حبايبى من قلبى احبكم وعساكم دوم مرتاحين ومبتسمين
____________________________________

you made my heart sing and my soul dance
for you.....................

اهتم فيني
حط بالك علي

سكني بروحك و عينك و قلبك

حافظ على اهل القلوب الوفيه
مو كل يوم تلاقي واحد يحبك

♥♥♥

لو قلتلك زعلان
جبلي هديه
لو قلتلك مابيك
قولي احبك

لاتزعل ان كدرت جوك شويه
قلبي طفل و يحب يلعب بقلبك

♥♥♥

انا لك و ودي تكون انت ليا
يا شين غيباتك
و يازين قربك

ابسط حقوقى
انك تحس فيا
و احس اني
في كل الاوقات جنبك

الله لا يحرمنى منك

Sunday, December 2, 2007

منسيه منسيه





فينى طبع احب اغنى ، واذا الاغنيه حلوه حتى لو مو حافظه الكلمات
اغنيها لحد يسالنى شلون




تصير كلماتى والحاان الاغنيه




المهم ما ادقر عمرييييي واغنى




وطبعا هالمود ما ايينى الا بمكانيين




مكان مجهول صعب اصرح فيه




والمكان الثانى بالسياره




عادرى ما ارد على تلفونى عشان مندمجه بغنيه عااادى




زيي الورد




وهالايام طاريه على اغنية منسيه حق عايشه المرطه الله يرحمها




وااايد احبهاا هالاغنيه كلماتها تعور القلب وادندن فيها هالايام بزوده لانى حاسه انى منسييييه




اغنيها بروحى بس اليوم وانا اطقطق بالاب توب طرت على قلت خل اسمعها






اناا سمعت كلماتها الا انا عاافسه الدنيااا الكلمات بشرق وانا اغنى بغرب




لوووووووووووووووول




والله فشله فشله اكتب الكلمات الى كنت اغنيها




اغنيها وكل مقطع .. اقول يا بعد عمرى واتفاعل ومرات احس بالكلمات جنها عنى




مرات احس انى منسيه وانا بوسط حبايبى اتوقع الكل يمر بهالشعوور




الحيين مو هذى سالفتييييييييي




سالفتى انا الكلمات الاصليه مو تعور القلب لالالالالالالالالالالا




اتبجييييييييييي

بكتبها عشان الكل يعرف شكثر عاانت هالكاتبه او الكاتب الى كتب هالكلمااات





لا حرام واايد جذى على الوحده تتحمل




والله




يالله اخذو الكلمات وحكموا
وايييييييي




واول مره ادرى ان الكوراال مو كورال مع عايشه المرطه الكورال مساعد مطرب




لان الكورال بغنيه منسيه يكمل الكبليه ما يكرره ولا يعيده
بيربل بتفهم شقاعد اقوول
لوووووووووووووووول




ههههههههههه




عجييبييين ضرورى تسمعونها




والى تعبانه نفسيا ما انصح تتفاعل وتسمع الاغنيه بتتعب




اليي تبى اتوسع صدرها وتاخذها ضحك وتستمتع بالطرب وصوت عايشه المرطه




خل تسمع




ويااحلوها من بساطه ويا حلوها من كلماات ويا زينه من لحن




حتى بكلماتهم بذاك الزمان عفوييين




بسييطه اللهجه عاميه كويتيه بحححته وقريبه من القلب حيييل بالصميم اييك المقطع





منسيه منسيه




يا عونت الله ولا لى عندكم طارى




منسيه منسيه




ولى الله هو الى عالم ودارى



اناا كله يتراولى انى بدنيتى بروحى



لا لى خل ولا والى يشاركنى الهوى روحى



منسيه منسيه منسيه



شوقى غنه ..وصف ايام الصبر




شوقى جنه .. يامر اقليبى امر



تامرنى انا تامرنى الاشواق




انا الاشواق اتحدنى على التفكير



قلبى عز عليه الفراق




لو عنى جاة احاتى



قااال اهوه.. كنت اتمنى انا الجيه




قلت اشوه يعنى انا مانى منسيه

الله يانى نسيت الى حصل




:(




خنقتنى العبره حراااااااااااااام
قص عليها بكلمه طارة من الفرحه



؟؟.!انا قلت ولهانه
.. انا من الاول .. قلت ما وصل



قلت انشد انا انشد انا ..واسولف له عن الاشواق والحيره




ويسمعنى وانا اوصفله شسوت فينى الحيره





قال اهوه انا كنت اتمنى الجيه



قلت اشوه يعنى مانى منسيه



منسيه منسيه ولا لى عندكم طارى



ولى الله هو الى عالم ودارى











اييييه لك الله يا كل محب اتعب الكلماات

بييلز قولولى خداى اول مو موجود الحين فى بناتنا وشبابنا صح؟؟؟
ماكو بنت جذى الحيين
ترى بزعل وايد اذا فيييه