Monday, December 29, 2008

وداعا 2008



غريبه شلون هالسنه مرت بسرعه مرت بحلوها ومرها



احلى شى بالسنه الى فاتت انى غيرت قسمى وافتكييت من الى ما يتسماااش ، و كسبت ناس وخذوا مكانه بقلبى ومانى متحسفه على احد خسرته ، الله يذكرهم بالخير



احرص على اى شخص يطلع من حياتى يطلع بسلام وذكر طيب ، ودايما انتعلم من هالدنيا



نفس عميق نبدى ان شاءالله سنه يديده



اتمنالكم كل خير فيها



حايشتنى حاله ركوود وصفنه احس نفسى هاديه ومالى خلق شى



اللايام الى فاتت قضيتها جبال البحر من الاربعا لى اليوم الاثنين كنت بالشاليه



احس انى انتعشت بعد هالاستراحه



____________



قصه سمعتها من وحده نقلا عن اذاعه القران الكريم القصه وايد اثرت فينى مانى قايله خلاصه القصه كل واحد يقراها



يقعد مع نفسه يفكر بالدنيا



ريال كويتى صارله ثلاث ليالى يحلم باسم شخص سعودى وعنوانه وان بوديه الحج على نفقته ، وكانت الايام هذى قبل



الحج بجم اسبوع تعجب هالريال الكويتى وراح لشيخ يفسر حلمه ، قاله شى غريب انى احلم باسم شخص وعنوانه وانى



اوديه الحج!! قاله الشيخ اسال عنه اذا عندك فضول بهالمساله واذا انت مقتدر وودك اتوديه الحج فيزاك الله خير



قام هالريال وعزم ان يدوره راح الرياض وصل واخذ سايق يوديه المنطقه الى حلم فيها وعلى العنوان وسال ولقى البيت



، طق الباب وطلع له ريال قاله هذا بيت فلان الفلانى قاله اى معاك انا صاحب البيت !! الكويتى ما صدق



قاله القصه ، قاله صارلى 3 ليالى احلم باسمك وعنوانك وانى اوديك الحج والحج بعد يوم ، انت حجيت جان يضحك



الرجل السعودى ، قاله انا زين اصلى ! بس خلنى اشاور الاهل دش وشاور اهله ، توكل على الله وراح يحج مع الرجل الكويتى



بالطريج انزلو يصلون فى ابيار على ، نوا الحج واحرم لبس احرامه تيدد يصلون ركتين ميقات اهل المدينه



وهى سنه



بعد الركعتين رفع السايق راسه ورفع الكويتى راسه السعودى ظل ساجد!! طال سجوده لم حركوا لقوه متوفى !ز



توفا ساجد سبحان الله !! الكل يتمنى هالموته موته يحسد عليها



رجع الكويتى بيت الرجل السعودى يبلغ اهله فتحت زوجته وقالها الى صار وسالها



قالها يا اختى انا بسال سؤال زوجج شكان يسوى عشان الله اطعمه هالموته !



قالت زوجى ما هو ملتزم ولا له امور كثيره بالدين وفعل الخير وكان يشرب ومأذينا بس له ميزه وحده بس



جارتى امراه كبيره بالسن وارمله ، زوجى ما يدخل على باى غرض من الجمعيه وغيره الا تنقص وجاب لها ودايم السؤال عنها



اذا ناقصها شى يعنى متسخر لها



وكانت هالمراه المسنه الارمله دايما تدعيله بحسن الخاتمه ، حتى لم تزورنى تطلب وتدعى ان الله يسخره لنا ويطعمه



حسن الخاتمه !!


الله يرزقنا حسن الخاتمه اجمعين



وكل عام ونتو بالف خير
:)

Tuesday, December 23, 2008

ومن الحب ما قتل !!!


الموضوع الى بتكلم عنه الهوايه

... انا خبرت الهوايه شى يحب يسويه الانسان ويلقى نفسه وراحته فيها


يلجأ لها بوقت فراغه ، ينحاش من ضغوط الحياه ، تكون متنفس له ومتعه

الى معجبنى اهم اصحاب الهوايات الخطره الى عواقبها تكون حياتهم !!ز

اليوم بس بعد 3 ايام غيبوبه يصحى شخص كان بالعنايه المركزه والسبب ان عضته حيا !!ز

من ويين يت الحيه ؟ اخونا هاوى يربى حيايه عنده فوق ال100 حيه بالبيت !!ز

! طبعا الله لا يوريكم حال الاهل!! عضته كوبرا سامه ما شال السم منها، كان موديها البيطرى بطعمها لفت على ايده وعضته

قدر الله ولطف بالحال ووصل لهم مضاد من بره نسيت الدوله لان بالكويت ما نفعت المضادات الى عندنا

والحين الحمدالله صحى وهو بخير !ز

وصديقه يربى تماسييح !! ز

والى يربى اسوود ونموور

عسى ماشر شفيهم الشباب ، وبعدين وين الاهل ؟ ولدى يربى حيوانات خطره عندى بالبيت واسكت؟؟

! شهالهواياات !! هذول مو بس عليهم خطره !! حتى على الغير

ادش حق الحيايا ولا اسود ولانمور صقور تماسييح ويين المتعه !!! اقعد على اعصابى احاتى لا يهجم على ويموتنى !!ز


______

اليوم بس اغنيها وايد على بالى وتحمل اجمل ذكرياتى

صوتك يناديني .. تذكــــر .. تذكر ..

تذكرتذكر الحلم الصغير .. وجدار من طين وحصير

…وقمره ورى الليل الضرير .. عند الغدير

..وإن هبت النسمة تكــــسر .. تذكر ..آآآه آآآآه تذكر !!

..جيتي من النسيان .. ومن كل الزمان اللي مضى واللي تغير

.. ناديت وخانتني السنين اللي مضت راحت

.. ناديت ماكن السنين اللي مضت راحت

.. كنا افترقنا .. البارحة .. والبارحة صارت عمر .

. ليلة ابد عيّت تمر ……

يا جمرة الشوق الخفي ..نسيت أنا وجرحك وفي

..يتذكر الحلم الصغير وجدار من طين وحصير

..وقمره ورى الليل الضرير ..عند الغدير ..

ان هبت النسمه .. تكســــر تذكر ..

آآآه آآآآه تذكر !!..جيتي من النسيان ..

ومن كل الزمان اللي مضى واللي تغير .. ..

ريانة العود .. نادي الليالي تعود ..

بشوق الامل بوعود .. بوجهي اللي ضيعته زمان .. في عيونك السود

..يالبسمة العذبة .. عنك الصبر ..

كــذبة ..وفيك العمر موعــــود

..اشتقت للحلم الصغير .. وجدار من طين وحصير ..

وقمره ورى الليل الضرير .. عند الغدير ..وإن هبت النسمة تكســــــر

تذكر ..آآآه آآآآه تذكر !!

..جيتي من النسيان .. ومن كل الزمان اللي مضى واللي تغير ..

المبدع الشاعر بدربن عبدالمحسن


Wednesday, December 17, 2008

النصيب ..



ياللي تجهل رقة الحب الحقيقي



....اللي تتلذذ في تحيري وضيقي



لاتظن الصمت في عيوني اسي



لاتفكر انتظر منك الوفي



انا حبيت الهوي فيك للهوي



والنصيب هو اللي جابك في طريقي



رقة الاحساس عند العاشقين



ابتسامة فرحه في نظرة حنين



التفافة شوق في لحظة لقا



انتعاش الروح من لمس اليدين



ماهي بالغض اللعوب



في التجني عالقلوب



كلمات / الامير فهد بن بندر بن خالد






ما ادرى ليش استثقلت هالاسبوع كان وايد ثقيل طينه

Monday, December 15, 2008

سوالف وتحلطم :/


بدش بالسالفه من اخرها لين اولها



الحيين سيارات الاسعاف الى بديرتنا الحبيبه معقوله ما فيها



Navigation aw GPS



يوم الوقفه ام صديقتى طاحت عليهم ، اختبصوا ودقوا على الاسعااف الاسعااف خذت ساعه وربع ما شرفت !!! لم اتصلوا الاهل ويين



الاسعااف الالالالالا الاسعااف ضايعيين مو داليين البيييييييت وترى الاسعاف تابعه للمستشفى القريبه من المنطقه !!



الحين اوصلت الاسعاف بالسلامه تقول صديقتى اركبت مع امها ، امها خلالاص مو قادره تتنفس يقولها مسكى حق امج



الكمام على ما اطلع عدتى !!! ويسالها اهى الوالده شفيها بالضبطططط !! ياااا سلالالام عليكم يا سلالام



الاخ الى يسوق يدوح بالمنطقه يفتر يفتر تقولى دار راسىى يا كريزمااا ، جان تقوله صديقتى شفييي هذا لى الحين نفتر بنفس المكان جان يرد اختى يا ريت اطلعينا من هنى



الا الحبييب مو صايد المخرج من المنطقه ، البنت اتصلت بخوهاا واخبصته لان المسكيينه ما قالت له ، ويا جدامهم



يطلع الاسعاف



بختصاار نموت بالاسعاف !!!



السالف الثانيه



اليوم رايحه استقبال وحده من الاهل فى رويال حياة واهى مستشفى بالجابريه ، وصلت يم المستشفى الا نااار وادخنه ابيييه المستشفى



تحترقق !! لم قربت الا المدرسه الى مقابله المستشفى فيها سيااره شاابه ناار من جدام المكيينه تااكلت ويمهاا اكثر من ست سياييير يعنى اذا



وصلت النار البانزين شبت كل السيايير اتوقع



انا خفت امر قلت عسى ما تنفجر قمت دقيت 777



دشييت المستشفى وبسطت سوالف شربت جاى، شربت جاى اخضر ، شربت ماى بين كل استكانه قول بو ربع ساعه



لوووووووول اى اى بسطت وحلييت وشربت قهوه وطلعت الالالالا السياره لى الحييييييييين تحترق ما رديت من نفس الطرييج غيرت



مسارى هقوتى انفجرت



ههههههههههه



المطافى ما شرفت ولالالالالالا المصييبه متيمعيين حواليها هنود وبنقاليه ما ادرى ليش !! شكله مشروع انتحار



والله طول هالمده عبالى عندنا نافجيشن بالاسعاف والمطافى انا اقوول ليش يطولووون



هالسالفتيين نرفزونى لان عواقبهم وخيمه ، تطرق للموضوع الزميل





تحدييييييييييييييث

ما اقدر ما احدثثثثثث ابيييه

رحت المستوصف جدامى 40 واحد قلت ارد البيت ارتاح وارجع

رديت البيت غيرت وكتبت بوست ونزلته

رحت المستوصف الا صديقتى نفس الحال وجدامها 15

قتلها تعالى دخلى معاى جود انا قرب دورى

دشينا انا ارتزيت يم الدكتور اقوله الى فينى وابى مرضيه !! انا التفت على صديقتى الا زهيوى وراها على

الطوووووووووووووفه شكببببره ، صرخت صرخه الدكتور نقز ( الدكتور ريال كبير ونظاره نازله على الخشم يالله

يشوف المسكين) جان يزفنى قالى شنو داينصور !! اقصااه زهيوي

دكتوررررررر بلييييييييييز طقه ، الزهيوى نزل على الارض يفتر وانا افتر ورا الدكتور وافر كرسيه لوووووووووول والله

بدون لا احس هههههههههههه

قالى ما اطقه حرام ما سوالى شى كافى ان سوا جو خلانى اضحك الساعه الحين 10,30 وانا من اللاربع

هنى اكرف !!! يعنى انا ارقوز!!! قتله دكتوور هذا مستووصف

شنو يعنى زهيوييييييي

صديقتى قالتلى انا متعوده على هالحال طلعى بره انا اييب اورقتج !! طلعت انطرها بره

اليوم عجييب سالفه المستشفى والحين الزهيوى خل يخلص اليوم على خير العاده انا اثلث

الله يستتتتتتتتتتتر

Friday, December 12, 2008

Full moon .......




اصحى تزعل لو تفارقنا.... وبعدنا وجيت مرة عنك اسأل... آآآه اصحى تزعل

ماتهون أيام حبك حلوة كانت ولامرة تبقى انت في حياتي أحلى حب وأحلى عشرة

وانت برضو تبقى الأول وانت برضو صدق الأول

واصحى تزعل مني تزعل بس اصحى تزعل آآآه مني تزعل

يااااه ياااه يازماني اللي تغير من بقابك ماتأثر يااااه ياااه يازماني اللي تغير من بقابك ماتأثر

شلت جرحي بكل طيبة ليت تفهم أو تقدر إني بسأل والله لأسأل عنك وأسأل

آآآه اصحى تزعل ماتهون أيام حبك حلوة كانت ولامرة تبقى انت في حياتك أحلى حب وأحلى عشرة

Saturday, December 6, 2008

عيدكم مبارك


الحج عرفه !

-فقد ورد عن أبي قتادة رضي الله عنه أن رسول الله صلى الله عليه وسلم سئل عن صوم يوم عرفة فقال: (يكفر السنة

الماضية والسنة القابلة) "رواه مسلم".ز

أنه يوم مغفرة الذنوب والعتق من النار والمباهاة بأهل الموقف ، ففي صحيح مسلم عن عائشة _رضي الله عنها_ عن

النبي صلى الله عليه وسلم قال: (ما من يوم أكثر من أن يعتق الله فيه عبدأ من النار من يوم عرفة، وإنه ليدنو ثم يباهي

بهم الملائكة فيقول: ما أراد هؤلاء؟).وعن ابن عمر أن النبي صلى الله عليه وسلم قال: (إن الله تعالى يباهي ملائكته

عشية عرفة بأهل عرفة، فيقول: انظروا إلى عبادي، أتوني شعثا غبراً) رواه أحمد وصححه الألباني".

تقبل الله طاعتكم وكل عام وانتم بخير
:)
منقول

Wednesday, December 3, 2008

من قواعد السعاده ..


لا تكره أحدا مهما أخطأ فى حقك



لا تقلق أبدا و أكثر من الدعاء



عش فى بساطة مهما علا شانك



توقع خيرا مهما كثر البلاء



وأحسن الظن بربك



اعط كثيرا ولو حرمت



ابتسم ولو قلبك يقطر دما



لا تقطع دعاءك لأخيك بظهر الغيب ، فإن دعاء إخوانك المحبين بظهر الغيب يصلك دون علمك



ولا تقل يا رب عندى هم كبير ، بل قل يا همى عندى رب كبير



اسعد الله صباحكم



كلمات وصلتنى مسج اليوم الصبح من انسانه عزيزه على قلبى و تنقصته لكم



درب السلامه لحجاجنا الله يحفظكم ويتقبل طاعتكم