Thursday, August 30, 2007

اخر طلب




فينى طبع مع الاغانى اعيش الدوروخصوصا اذا الاغنيه كلماتها حلوه اندمج حدى


مرات تسمع اغنيه على انها حلوه بس تمر مرور الكرام ومرات


تمر اغنيه تييك بالصميم ، تسمعها مره ومرتين وثلاث تحس كلماتها قاعد اتبرد قلبك


كل مقطع تقول اى والله اى اى اى ايييييييييييييييي

وهذى الكلمات حسيتها داوت الى فينى وعزتنى وعطتنى ثقه بعد الى مريت فيه


مثل يقول ما تعرف اقديرى الا لما اجرب غيرى

ومثل يقول من عافنا عفنا لو كان غالى

ومثل يقول الا ما يعدنى راس مال ما اعده خساره

ومثل يقول عز نفسك الناس اتعزك


مرات بعد فوات الاوان تحس انك كنت مع الناس الغلط

عطيت الناس الغلط ، فى ناس دشو عزيزين وطلعوا عزيزين

فى ناس دشوا عزيزين وطلعوا ما ودك تذكر يوم عرفتهم

ناس ادش وتطلع ما تحس فيهم


ناس ادش بطيب تجرح وتطلع


ناس ادش ما تقدر الثقه الى تعطيها اياه

اصدقون ما اذكر ناس دشوا حياتى ما اغليتهم؟؟

ناس الدنيا تجبرنى اطلعهم مع ان لهم بصمه وذكرى حلوه

وناس لازم اطلعهم لانهم خطر على حياتى

ناس افعالهم اطلعهم

ناس ما اقدر اتعامل معاهم او بالاصح فشلت بالتعامل معاهم
ناس ظروفك ما تسمح بوجودهم
سبحان الله بهالاقدار الى تييب ناس مو على البال ولا على الخاطر تكسر كل الحواجز وادش غصبن عليك
ولالا وانت تضحك بعد هههههههه سبحان الله



تغيرت للاحسن باذن الله مرتاحه مع نفسى عرفت شبى عرفت من الاحق فى ان ينوجدون بحياتى



فى طبع غريب ما اعرف اصير بحياة احد ما يغلينى


مهم عندى اكون غاليه بحياة الناس الى احبهم مهم جدا اكون قريبه من القلب


مهم جدا احس بغلاتى


غريب هالطبع فينى


مو شرط بالكلام ، التعامل ، الاهتمام ، التقدير


حلو الانسان يعرف قدره عشان يحط نفسه بالمكان الصح



ما يعطى نفسه حجم اكبر من الازم بحياة اى شخص




بس بدت افكارى اتفلت هههههههههه احس بدت الخواره




انسكر الموضوع بهالاهداء لكم



كل الى دشو حياتى وطلعوا الله يذكركم بالخير وذكرونى بالخير ما ابى شى ثانى

بريّحك مني خلاص وأغيب عن عينك

مادام هاذي رغبتك لازم أحققها

وبطلبك آخر طلب الله لا يهينك

قللي أحبّك حبيبي بخاطري أسمعها

آخر طلب ..

إذكر لقانا كيف غيّر لك موازينك

هاللحظة تكفي عالأقل أبيك تذكرها

ليلتها كانت شمعة تضوي بيني وبينك

ويوم انطفت إنت الهوى اللّي هب وأخمدها

آخر طلب ..

بغيب عنك كثر ما كنت بيدينك

وعلى كثر ما كنت كذباتك أصدقها

وإن شفتني لا تقول شخبارك ووينك

حتى عيوني حرام إنّك تطالعها

وآخر طلب ..

خذ ذكرياتك والمحبة وشوقي وسنينك

معاك روحي أنا مابي أضيعها

وإنسى المودة وكلّ شئ بيني وبينك

إنت بحياتي غلطة لكن ما حكررها


Tuesday, August 28, 2007

مذكرات رئيسة قسم 2





شهرين من المواضبه والالتزام المتناهى بالعمل
ضبط اعصاب وصبر وشغل
انصاف بتقسيم العمل
لبحه مدير ، لبحة مراقب ، لبحة موظفين
الحفاض على الابتسامه
تحملت خداى محد تحمله
الخداى الى يحوش الموظفين بالحر والصيف
اغطى على الموظفين
كلمات متقاطعة على الريج ونهاية الدوام
اوووفر حبابة هههههههههه
اخ يا قلبى

بسسسسسسسسسسسسسسسس
اداااااااااااااااااااااااااااااااااد

كل عاام وانتو وانا بالف خير

الاربعاء اخر يوم لى برئاسة القسم

راايتى بييضه ما قصرت بحد
بس قصرت بنفسى

فجيييييييييييييييييييت

الكفااايه مافييييييييي بعد

بصكهم اجازه شهر ارمضان باذن الله وبعيش حياتى بصد

الى يونس بالموضوع انى غيرت الى محد قدر يغيره من الموظفين الى اقدم منى

غيرت سستم القسم ولغييت امور محد قدر يلغيهاا
انا اجتمعت مع اناا وقررت اغير

لوووووووووووووووووول انا كريزما لغيتهااا

وباخذ اجازه قبل لا يوصل مسئولى هههههههههههههههه

مو جبانه لا بس مالى خلق لغوه وصيحه

اجراءات عمل متخلفه لغيتها بس هذا الى سويته

...........................


اليوم على غير العاده صرت فتاانه

اى نعم شكيت موظف عند المراقب والمراقب صعدها المدير

لان استغفلنى وطلع بدون علمى وقط الشغل والشغل غلط

وصارت الصكه براسى

يوم ييت ادوره عشان يعدل الشغل ولا مو موجود

وين فلان وين فلان محد يدرى عناا

طبعا عندى ارقام موبايلاتهم كلهم

اتصلت
الوو
اهو : الوو هلا هلا كريزماا
انا : ويينك
اهو : اتريق
انا : وين اتريق بالوزاره
اهو : لا بره الوزاره
انا : المدير يسال عنك الشغل غلط ويبييه الحين
اهو : اتريق وارجع توا واصل الطلب
انا : مو المفروض انى ادرى انك بتطلع
اهو : اى قررت بسرعه بسرعه

سكرت التلفون ورحت للمراقب وقتله لما يرجع من ريوقه يخلص الشغل

وصااارت وصل الاخ يتزنقح

داش لى هلا هلا بالغاليه الحبيبه

قتله روح المراقب يبييك

جان يقولى افاااا

قتله انت الى خليتنى اسوى جذى

انزف زف طلع الريوق من جبده


مو نحاسه منى بس استغفلنى

ومو اول مره يسويهاا

دايما اغطى على موظفينى انا

بس هذا مصخها

بدع فينى بدع

وضاق خلقى انى ختمت رئاسه القسم بهالسالفه


ومن عواااده يا جمااعه

كل صيييف وانتو بالف خير

:)



Sunday, August 26, 2007

احتاج البحر



صباااح البسمه الحلوه على الكل

موضوع كتبته كان بعنوان ان تعتاد على شى

قلت بالكومنت ان ودى اقطع الشكر او السكر بالقهوه والجاى بس مانى قادره

متعوده عليها بالسكر

يانى ايميل من متابع من بعيد قالى تبين تتعودين على طعم القهوه والشاى بدون سكر ؟

قالى سويى قهوتج الصباحيه او اشتريها ولا تحطين سكر

جابليها وتذكرى احلى اوقات مرت بحياتج وانت تشربين

بس لازم تكون فعلا اوقات ما تنسى وفعلا فعلا تحبينها وما تنسينهاا

كررى العميله لمده اسبوع

بتلاقين نفسج حبيتى القهوه والجاى بدوون سكر

بينى وبينكم ما صدقت

بس جربت :))

وفعلا انا الحين اشرب القهوه الصبح بدون سكر

:)

جربوها وقولولى

Wednesday, August 22, 2007

دنيا


{ربنا لا تؤاخذنا إن نسينا أو أخطأنا ربنا ولا تحمل علينا إصرا كما حملته على الذين من قبلنا ربنا ولا تحملنا ما لا طاقة لنا به واعف عنا واغفر لنا وارحمنا أنت مولانا فانصرنا على القوم الكافرين} (البقرة الآية: 286).
{ربنا لا تزغ قلوبنا بعد إذ هديتنا وهب لنا من لدنك رحمة إنك أنت الوهاب} (آل عمران الآية: 8).





مرات احنا نييب الشقى حق روحنا




بكل شى




وخصوصا بعلاقاتنا مع الناس




مع الاسف النفوس تغيرت




وانعدم الامان




نروح بريولنا للى يشقينا




ونصد عن الى شارينا




ونجرح بالصميم




وعشان شنو !




عشان وهم




عشان اطبق كلام معدوم بهالزمن




عشان صداقه




تطلع بالنهايه مصلحه




انانيه




استغلال




كل واحد يفكر بنفسه وبس




مافى انسان قلبه عليك ويخاف عليك ويقدرك




ويحترم ذاتك




ماكو تقدير للثقه الى تعطيها الناس




ولا احترام للوعد




الدنيا صارت اتخرع




الواحد يوقف مكانه




واايد واااايد ابرك




ااسفه




اسفه على نفسى




نفسى الى اذيتها وتعبتها




نفسى الى رخصتها




نفسى الى تعبتها مع الناس




نسيت ناسى




نسيت بيتى




نسيت انا




يمكن مانى متمكنه من الكلمات الى ودى اقولها




بس احس انى بقول وبقول




تاركه نفسى تكتب




احس قاعدا اخبص بالى يطلع




وبالى اقوله




بس انا وعدت نفسى ولا كلمه تطبعها ايدى بمسحها




كل كلمه تنطبع بتنزل لكم




ابيكم تقرونى




هذى انا كريزما




تعبانه حيل




حاسه انى ضايعه




حاسه انى مقصره حيل




مقصره مع ربى




ومقصره مع اهلى




ومقصره فى بيتى




لهييت بالدنيا




لما يانى طراق




صحانى من الغفله الى انا فيها






الله يعينى ويقدرنى اعوض واصلح الى سويتا بيدى










على خدي احط ايدي واحاسب روحي بروحي




واقول بيدي جرحت ايدي وزدت جروحي بنوحي




صحيح ان الهوى بلوى يعذب من جهل امره




صبرت وعزت السلوى .. طبعت وهمت في بحره




قولون الهوى غربة وانا به صرت شقياني




عثرت وطحت في دربه ، هدم ما كنت انا بانى




على خدى احط ايدى واحاسب روحى ابروحى




وقول بيدى جرحت ايدى وزدت اجروحى ابنوحى






____________________________________________________________________

صديقه حبيبه قريبه لقلبى

اقولها الحمدالله على سلامتج يالغاليه

وخطاج السو

اجر وعافيه يا رب



Saturday, August 18, 2007

مو لكل مجتهد نصييب :)




تحديث على البووست من صاحبت الشاااان
خاالتى ههههههههههههههههههههههههههههه

عشان تعيشون الحدث ترى السالفه صارت بشهر رمضان الى فات

يعنى كاانو صاايميييين


متنقصة لكم هالسالفه الصراحه من سمعتها الحين بكمل السنه تقريبا


والله والله ولى يومكم من اسمعها اضحك نفس الضحك الى ضحكتا اول ما سمعت السالفه
السالفه سالفة ام صديقتى الى احبها واموت عليها
طالعه ام صديقتى الضحى مع يارتها بيروحون مشوار وهذى الياره مو كل مره تطلع ، طلعتها ناادرة جدا المهم بالطريج ولا يشوفون سياره صافطه على الجنب وفيها ريال كبير مع مرته


الريال الكبير اهو الى يسوق ومرته يمه
بعد عمرى خالتى شافت هالمنظر جان تقول حق سايقها اصفط اصفط وعلييااا عليهم ، اشوفين ياا ام صالح جان تقولها اى اى وعليا اشفيهم ام صالح اهى الجارة ، وانزلت خالتى تركض حق المره
السلالام عليكم ، هاا خطاكم السو عسى ماشر
والالالا المره بالسياره تفحححححط تبجى بجى ريلى ما ادرى شفيه اظاهر جلطه ماسك قلبه ومو قادر يتحرك
جان تقولها وى وى خنت حيلى يالله يالله نزلوا وقعدوا ورا واناا اسوق فيكم اوديكم المستشفى ، راحت تركض حق ام صالح تقولها بوديهم المستشفى وعليا يكسرونالخاطر ، انخلى مشوارنا يوم ثانى ان شاءالله


انتى ام صالح ردى البيت وخل باشا ايينى المستشفى
انزلت المره وريلها ، قعدت ورا وريلها انسدح بحظنها
اركبت خالتى جدام يالله يالله بسم الله الرحمن الرحيم


وادوووووووووس بانزين الا القيير على اا ار !! واطييير السياره ورااا بسرعه مهوله


وتكفخ بسيارتهم الى قاعدا فيها الياره مع السايق ، واتشوحهم لوووووووووووووووووول


واى مانى قادره اكمل البوست من الضحك ما اشوف الشاشه لول
المهم طشرت الامه والزمت برييك قوى الى كودت الريال المريض ومرته بالارض
اوقفت السياره جان تلتفت عليهم اااسفه اسسفه سامحونى الريال المريض رفع رااسه وتفل عليها تفله
الى خالتى تبريد حيلها الفقيره
بعد عمرى يا خالتى محشومه


جان يصرخ الريال المريض ، دااامج ما اتعرفييين اتسوقييين شهاللقاااافه


جان يقول حق مرته طلعى قومى خل ننزل ثول بلى ثول
ترى هذا الريال المريض صحى!!من الصدمه
خالتى مصدومه ياهه السايق ماما ماما انت زينه ماما شفيييج انا يشوووف انتى يجيى مثل طياره
جان تقوله عمى بعينك يوم شفتنى يايا مثل الطياره جان وخرت
جان يقولها ماما انت يسوق بسرعه
نزلت خالتى يا بعد عمرى تركض حق هالفقيره الى بالسياره الا ميته خوف وقلبها يرقع
وسيارتهم انعينت انخفست من جدام ولا تندق سلف هههههه
قامت خالتى اتصلت على ولدها لان سيارتهم لازم تنقلص
يتصلون عليه وما يرد ، شوى الا واقف لهم وانييت
جان تركب اهى وام صالح وخلو باشا عند السياره
ههههههههههههههههههه
ويودون ام صالح الطبيب لان تعورت من عظم الضربه ، والريال خذا مرتا وذلف البيت ما فيه شى
النتيجه ام صالح رضوض بالرقبه ولبسوها طووق على ارقبتها
والسياره اسحبوها وتكليفها 300 دينار
لووووووووووووووووووووووووووووول
يا بعد عمرى يا خالتى مو لكل مجتهد نصيب ، نصيبج عند رب العالمين




هههههههههه

Friday, August 17, 2007

للتذكير يا حبايب




احنا على ابواب شهر رمضان




ان شاءالله الله يحينا لى رمضان ويطعمنا رحمة وعفوه وغفرانه وعتق من النار امين




فى شهر احنا غافلين عنا شهر بين رجب ورمضان




شهر شعبان




ابى اتكلم عن هالشهر الفضيل الى يجهل فضله الكثير منا



عن أسامة بن زيد رضي الله عنهما أنه سأل النبي صلى الله عليه وسلم فقال: يا رسول الله لم أرك تصوم شهر من الشهور ما تصوم في شعبان، فقال صلى الله عليه وسلم : «ذلك شهر يغفل عنه الناس بين رجب ورمضان، وهو شهر ترفع فيه الأعمال إلى الله تعالى فأحب أن يرفع عملي وأنا صائم» .. وسؤال أسامة رضي الله عنه يدل على مدى اهتمام الصحابة الكرام وتمسكهم بسنة النبي صلى الله عليه وسلم ..وبالفعل كان النبي صلى الله عليه وسلم يصوم شعبان إلاّ قليلاً كما أخبرت عنه عائشة رضي الله عنها في الحديث المتفق على صحته ..ولا بدَّ من وجود أمر هام وراء هذا التخصيص من الصيام في مثل هذا الشهر وهذا ما نبَّه عليه النبي صلى الله عليه وسلم بقوله : «إنّه شهر ترفع فيه الأعمال إلى الله تعالى» .فإذاً أعمال العباد ترفع في هذا الشهر من كل عام، وتعرض الأعمال يوم الإثنين والخميس من كل أسبوع فأحب النبي صلى الله عليه وسلم أن ترفع أعماله إلى ربّ العالمين وهو صائم لأنَّ الصيام من الصبر وهو يقول: {إِنَّمَا يُوَفَّى الصَّابِرُونَ أَجْرَهُم بِغَيْرِ حِسَابٍ} [الزمر:10]فشهر شعبان شهر عظيم عظمَّه رسول الله صلى الله عليه وسلم فحري بنا أن نعظمه وأن يكثر من العبادة والاستغفار فيه تماماً كما جاء وصح عن النبي صلى الله عليه وسلم في ذلك .في هذا الشهر ليلة عظيمة أيضاً هي ليلة النصف من شعبان عظَّم النبي صلى الله عليه وسلم شأنها في قوله : «يطّلع الله تبارك وتعالى إلى خلقه ليلة النصف من شعبان فيغفر لجميع خلقه إلاَّ لمشرك أو مشاحن» ..



يا ربى عينا يا ربى عينا


عينا على طاعتك وعبادتك ورضاك يا رب


المشرك لا يطّلع الله عليه ولا يغفر له الذنوب.


.وكذلك من كانت بينهما شحناء وعداوة لا يغفر الله لهما حتى يصطلحا


..سبحان الله يستصغر النّاس مثل هذه الأمور .. .. لذلك ترى اليوم في مجتمعنا ظهور هذه الصفات الذميمة بين أفراده.. وخصوصاً الذي يعمرون المساجد يبغض بعضهم لمجرد أمر حقير لا يستحق أن يذكر


.وإنّي لأذكرهم بحديث النبي صلى الله عليه وسلم هذا .. والمطلوب منهم أن يقولوا سمعنا وأطعنا ..وليكن الذين هم على شحناء وعداوه على علم ودراية بخطورة هذا الأمر وأنَّ الشحناء والبغضاء بين أخوة الإيمان سبب في عدم قبول صلاتهم، وعدم قبول أعمالهم، وعدم تطلع ربّ العزة والجلال إليهم في ليلة النصف من شعبان ..{يَومَ لا يَنفَعُ مَالٌ وَلا بَنُونَ(88)إلاَّ مَن أَتَى اللهَ بِقَلْبٍ سَلَيمٍ(89)} [الشعراء88-89].. قلب لا يحمل حقداً ولا حسداً ولا غشاً على أحد من المسلمين ..



محد خالى وانا اول وحده ببدى


اعفو عن كل من ظلمنى


واطلب السماح من كل انسان ضايقته


بقصد او غير قصد




لله سبحانه




والله يتقبل منى ومنكم صالح اعمالنا ويرحمنا


ويرضى عنا


ويحسن خاتمتنا


امين امين
بالاستعانه بمنتديات فرح

Monday, August 13, 2007

أن تعتاد على شى !






كنت اسولف مع زميلتى بالدوام عن السالفة الى قلت لكم عنها


عن صديقتى الى حبت واحد اصغر منها ويبى يتزوجها والقصه انتو اتعرفونها


المهم صديقتى فلّت عن الولد لان ما ينفع يكونون فرندز الولد يحبها بجنون واهى


هم اتحبه بجنون فما تنفع العلاقه تصير صداقه ، استحاله وهذا الشى اللى انا ما احبه


واخاف منه ، الحين الاجانب الوحده فيهم لى انفصلت وتطلقت عادى



اتمشى حياتها مع زوجها كفرندز يكملون صداقه وخصوصا اذا بينهم عيال



احنا الله خير ههههههههه عارفين الوضع انتو شلون؟؟؟


المرااد من هالمقدمه انها إلفتت نظرى .... صديقتي وانا اسولف لها



عن القصه ان البنت تعبانه من فراق حبيبها الى يصغرها




فردت على بكلام قعدت وصفنت افكررر


تصدقون إصدقت بللى قالته


اهى محرومه منه ، بعد ماكانو 24 ساعه مع بعض بالتلفون، جان تقولى


كريزما لا تلومينها اهى مو بس اتحبه لالا اهى تعودت وجود ه ، تعودت


ان يكون موجود بحياتها وترى قطع اى عادة بالحياة تتعب الانسان مو


بس بالعلاقات الانسانيه اى شى تعتادين عليه وتقطعينه تتعبييين


بس تاخذ وقت وبترد وتتخطى هالشى وخصوصا اذا العقل مناقض القلب يعنى


اهى مقتنعه انه لا يصلح كزوج ، فعطيها فتره .. بتتعب وايد وما الومها بس الزمن ينسيها


كل واحد فيكم يتذكر شى اعتاد عليه واقطعه


ابييه كلامها صح ، وايد امور بحياتى احسها مالها داعى ومقتنعه انها مالها


داعى بس تعودددت عليهاا ، مانى قادره الغيها او اقطعها


بس لو اقعد افكر القاها اريح لو انها مو موجوده بس العاده اهى الى مخليتنى اخلى هالامور


كل وحده وواحد فيكم يتذكر شنو متعود عليه وما يقدر يلغيه


مع ان الاحسن والاريح ان مو موجود بس اعتاد الامر


اطلعون بلاوى

Sunday, August 12, 2007

ذكريات من الماضى






Have You Ever Really Loved A Woman?

To really love a womanTo understand her

- you gotta know her deep inside

Hear every thought - see every dreamN' give her wings when she wants to fly

Then when you find yourself lyin' helpless in her arms

Ya know ya really love a woman

When you love a woman you tell her that she's really wanted

When you love a woman you tell her that she's the one

Cuz she needs somebody to tell her that it's gonna last forever

So tell me have you ever really - really really ever loved a woman?

To really love a womanLet her hold you - til ya know how she needs to be touched

You've gotta breathe her - really taste her

Til you can feel her in your bloodN' when you can see your unborn children in her eyes

Ya know ya really love a woman

ChorusYou got to give her some faith

- hold her tightA little tenderness - gotta treat her right

She will be there for you, takin' good care of you

Ya really gotta love your woman...


love awomen



Bryan adams


بداية اسبوع موفقه للجميع

Wednesday, August 8, 2007

وينا فيييه !!!


تحديث على البوست
القصه تعددت روايتها وما يندرا منو الصاج
البوينت الى ابى اوصله والى كل الروايات اثبتت ان فعلا فى بنات يتأجرون عشان يطقوون
ندور ارقامهم حق الى يحتاجهم هههههههههه

اليوم الصبح زميلتى بالدوام اتسولف على


كريزما سمعتى سالفة بنك ال... لازم احط ... لان فضيحا


قتلهاا لا شالسالفه ، جان تقولى واحد من الموظفين بالبنك حب زميلته وصارت بينهم علاقه


وطاحت عليه زوجته !!


قامت وأجرت حريم ... يتحبلون حق البنت بعد ما يخلص دوامها


وعند سيارتها ويغسلون شراعها ويطقونها طق سنه بساعه كسروها تكسر حرولوها لما اغمى عليها ! وانحاشوا
النهايه استخبرت ادارة البنك اجبرت الريال على تقديم استقالته والبنت مكسره الشكوه لله
ابيييه يا جمااعه شرايكم بالحجى هذا
وينااا فييه !!!! احنا وين قاعدين ؟؟؟


وصلنا لى مواصيل مافيات وتأجر !!!! ولالالا بنااات ، بالله هالبنات شلون قايلين الى يتاجرون؟؟


مصاكه ولا مسترجلات ولا شنو بالضبط


وتتوقعون جم ياخذون هههههههههه ،، اللهم لا شماته


انا طلعت عينى مو مصدقه ان وصلنا لى هالمواصيل اوكى استوعب رياييل يتاجرون عشان يطقون بس بنااااااات لا جايده
وبعدين جان كسرت ريلها مو بنت الناس
وبعدين شهالبنات المنقزز !!
انا اقول حق كل بنت تضبط حالها احسن لها وتحترم نفسها
لا اييها ما يا البنت
الحين خلالالاص البنات استخبروا ان فى حريم يتاجرون للطق
لووووووووووووووووول

والله احتريت السالفه تحر والمستوى الى وصلنا يفشل
ابى اهلق من هالسوالف بليز


وياماا حنشوووف
المنظر اهداء لكم

Monday, August 6, 2007

مذكرات رئيسة قسم



من حطونى رئيسة قسم بالنيااابه وانا تعيسه لانى تدبست بالمكتب لا ازر ولا افر

ولالالازم انتى بالمكتب من الساعه 7.30

عين المراقب عليج وعين المدير عليج وهاات يا شغل من نصبح لييين اخر الدوام

احس انى بدواااامه مرات يفتر راسى وفووق هذا كله لازم اجامل

ولازم الروح الحلوه ولالازم اللباقه والابتساامه عشان اكلف الموظفين الى بقسمى بشغل

اداريهم مدارات احاتى لا اضايق احد ما الومهم صيييف وحرر الواحد ماله خلق يسوى شى
طبعا انا ما ارتزيت بمكتب رئيس القسم قاعدا بمكانى احنا بارتشن وجدامى زميل الكفاح الله يحفظه

من يوصل لييين نطلع يحل كلمات متقاطعه وتخيلوووو انا بعز معمعتى

اهو : كريزما ممثله سويه من 4 كلمات

انا : والله ما ادرى فلان ما اعرفهم
ارد اندمج يرد
كريزما شوفى هالمغنيه هذى شسمها
انا : اى هذى ديانا كرازون
اهو : ديانا كروون
انا كارازووووووون
اهو اى اى كرازوون هذى شتطلع بعد
انا : ما ادرى ما ادرى اقول شرايك تمسك هالمذكره اتسويها
اهو اى يالله خير ان شاءالله
واسم الله عليييه بدقيقه يخلص الشغل ويرد يمسك الكلمات المتقاطعه

لما يت صديقتى يا بعد قلبى جابلته حلتله اياهم ههههههههههههههه
وصلنا لى اخر الدوام احنا اخر الدوام 2 الا ربع نسحب الكراسى ونتيمع بس نوصل حدنا ويوقف استيعابنا متبرمجين على هالحال
شوي ولا مكييينه شكبرهاااااا عرض الباب ورفيييعه داشه عليناا
الى تغسل الزل بماى وصاابون
وينجلوون غرفة المراقب ويكودون الاغراض جبالنا
عشان يغسلون زل الغرفه وعماال يتكودوون ولووويه
اهم شغلوهاااا وعينكم ما تشوف الالا النوووور احنا انسولف ماا نسمع بعض من ازعاج المكييينه
وزميلى بو كلمات متقااطه ... دوله على حدوود اسيا تتكون من خمس كلمات
وانا لالا لالالالالا مو من صجااا جابلت الكمبيوتر ما عبرت من صجى

مجابله النت البلوقات بس بس ما اعبرررررر
وااااااى بس بس بس ازعااج وكلمات متقاطعه اتحسسنى انى فاشله ولا عندى ثقااافه
جان يقوم واحد من الشباب ويقوله رفيييييييييييق بسسسسسسسسسسسسسسسس
ليش ما يشتغل بعد الدوام ازعاج راس عور
جان يقوله ما يصير ماكو كهربا اخر دوام
هههههههههههههههههه
بس عادى احنا ننلج وروسنا تفتر علشان بعد الدوام ماكو كهربااا
جان تقوله وحده من البنات انزين انت اذا خلصت تعال عندنا غسل الزل اهى خاربا خاربا
جان يقول ما يصير لازم مذكره رسميه
لوووووووووووووول


لا تعليق


مذكره رسميه عشان فراش يستخدم مكينه المراقب حق الموظفين


كاان يوووم

من هواياتى

عشاان الذييب
ما انكر يالذيب ان جذاب بس يخرع

ياا راايق



ذكرنى بخشيم الفار ههههه




عجيبه القعد شى




يا عينى




سبحان الله




وااو








يتقاسموووون هههه








هذا خطيييره








امااان الصوره








الله لا يفرقهم


واايد واايد احب هالعاالم





وايد احب اجمع صور حيوانات غريبه ، واستمتع بمتابعة عالم الحيوان وعالم البحاار






سبحان الله فعلا عالم عجييب






شاركونى بهالصور























Saturday, August 4, 2007

so nice ....







Its always nice to be invited to dance





even if dont have the right shoes .....







miss u

Wednesday, August 1, 2007

وطن النهار



ااااه يا وطن يالى انولدت من جديد

ما نقدر نعدى هذى التاريخ بدون وقفه

نسترجع فيها االامنا

نسترجع ذكرياتنا بهاليوم

نذكر الشهيد

نذكر الاسير

نذكر التعذيب

نذكر التشريد

نذكر القصه بلعومنا افف شنو كانت اتعور

ما نسينا وما راح ننسى

الله يستر عليج يا الكويت ويحفظج من كل شر

يحفظج بالأيادى السخيه

يحفظج بالصدقه يحفظج باهل الخير

يحفظج بدعاء امهاتنا ويداتنا

الله يدفع عنا كل أذى يا رب

وطن النهار