Saturday, March 31, 2007

تحصل بأحسن العائلات



هى : الووو كريزما بصارحج بموضوع
انا : خير شفييج ! فيج شى
هى : كريزما طلعت احبه
انا : هااو من تحبييين وااى مالج قفله متى حبيتاى ما مداج
هى : كريزمااااااااااا انا احب ضارى
انا : نعممممم اى ضارى ، ضارى صديقج
هى : بكل حزن اى اى اى
انا : انا من جذى اخاف من صداقت الرجل بالبنت
هى: ممكن جب وسمعينى انا لما افتح قلبى واشكى ما ابى مواعظ خلاص طاح الفاس بالراس كريزما لا تقولينلى ائيد وما ائيد وتخلف مجتمع ، اعرفه من سنين وانت تعرفينه زين
انا : تفضلى طال عمرج
هى : ضارى صديقى بالمدرسه من 20 سنه من الابتدائى لين الجامعه وانا الحين تخرجت وتوظفت ولى الحين ما انقطعت عنه، تعرفينه شكثر يفهمنى ويحس فينى وينصحنى ولا عمرى خشيت عنه شى والعكس ، والله يشهد ما شفت منه شى غلط غير الاحترام والمعزه اوكى ؟ بحياااااته
ولا عمره كلمنى عن بنت حبها او تعرف عليها
الحين طابقلى مع بنت وعلى اساس انا صديقته فا الاخ يستشيرنى ويسولفلى
كريزما اول الايام كنت اتقبل واساعده وارشده خبرج اهو عبيط بسوالف البنات
لما صارت الصجيه ويبى يواعدها يشوفها
شافها مره ، ويانى يسولفلى عن الى صار وانا قمت اغلى
يكلمها 24 ساعه وكل ما اتصل ويتنق
انا : انزين كملى
هى : كريزمااا حسى فينى بموووت
انا : كملى ما ابى اقاطعج
هى : شافها مره ثانيه وقالى ان بقى يبوسها
انا : لوووووووووووول يبوسهاا ؟؟ وقالج لووووووووول لا ين ضارى
هى : ااى اى انا بمووت شسوى انا اغاار عليه كريزماا شسوى والله مستحيه من روحى ومنه
كريزما : سوات الله ابرك بعد شتسوين ، الحين الريال صديق لا اكثر ولا اقل ، كان يمج من سنين ليش ما حسيتاى بشى تجاهه
هى : ما ادرى ما ادرى كان عادى ما احس تجاها الا ان صديق دراسه وصديقى بالحياة وبس بس
كريزما : سمعينى الريال تعرفينا ما عاش ولا حب ، خليه يجرب الحب ويعيش لا تصيرين انانيه
هى : مانى قادره وشكل الموضوع قاعد يتطور عسى ما يخطبها انا اعرف ضارى وايد جد ولا يحب يلعب ، يعنى اذا حب يتزوج ما عندا خرابيط
هى : كريزما احبه احبه بموت من الغيره ما ابى يروح منى هالريال لى انا محد يفهما كثرى شسوى ، كلمييه انت وقوليله انى احبه
انا : ههههههههههه نو وى ينيتاى



شرايكم ؟؟

البنت اعرفها زين والولد اعرفه وادرى انهم ربع وفرندز بس

الحين هذى حبته هههههههههههه شالحل مالنا حجوه الا ضارى و ياطلابت ضارى ، من صجى مانى عارفه اتصرف شتنصحونى فيه بهالموقف؟
معوره قلبى صج

Friday, March 30, 2007

I WILL MISS U :(




I will miss u katkot yst3b6


bl salamaa ya rb

Sunday, March 25, 2007

سبحان من أبدع فى خلقه




























احرص لما اسافر اقعد يم الدريشه عشان هالمناظر الى تشوفونها
اعشق منظر الغيوم ، سبحان الله اشكالها غريبه تتشكل وتتلون
تحس نفسك تغوض بالغيمه وتطلع ، جنك تسبح
حبيت اتشاركونى هالمناظر الى اوصلتنى من شخص عزيز على قلبى يدرى شكثر اعشق هالمنظر

Thursday, March 22, 2007

من الكويت نبدأ والى الكويت ننتهى ‘‘


صارلى فتره اشوف بوسترات هالحملة الوطنيه الى منظمينا شركه

VIP group


كل ما اشوف البوستر اترحم على هالعمالقه الى موجودين بالبوستر

واقول بقلبى هل بينعادون ؟؟

بيينا جيل مثلهم ؟

الشيخ جابر الاحمد

عبدالعزيز الصرعاوى

جاسم الصقر

محمد القحص

على الجسار

عبداللطيف الشايع

صالح الشايع

عبدالله المطوع

مبارك الحساوى

عبدالله النورى


ناس اتركوا بصمه فى التاريخ الكويتى واكييد امثالهم وايد

فى بعضهم اعرفهم واعرف الى قدموا للكويت

وبعضهم ما اعرفهم

بس انا متأكده ان ما تم اختيارهم الا من عطائهم وحبهم للكويت


الله يرحمهم ويقمد روحهم الجنه

ويطرح البركه بعيالهم واحفادهم

وان شاءالله يطلع منهم من يكمل مسيره ابوه ويده



حاولت ادور بوستر الحمله بروحه ما لقيته
بليز الى يلقاه يعطينى اياه احطه

ست الحبايب يا حبيبة




الكلمات ما توفيج حقج
الله لا يحرمنى منج يا رب
والله يقدرنا على طاعتج ورضاج يا رب

Saturday, March 17, 2007

ايبون تائبون عابدون لربنا حامدون

منظر شروق الشمس الخميس الفجر



فجر الخميس




ثلاث أيام لقيت فيهم الراحه والسكينه والطمأنينه والامان


كأنك مفصول عن العالم مفصول عن الدنيا وبلاويها وهمومها


كأن دوش غسل كل الى فينى من هم وكدر ورجعت من يديد


اهو استشعار من داخل النفس


صفاء مع رب العالمين


تشكى همومك تشكى ضعف حالك


تشكى النااااس وبلاويها


تشكى وتشكى وتشكى


تحس كأن هم وانزاح



لا قعده جبال البحر



ولا منظر احبه قدر يسوى او يحسسنى بربع الاحساس



والراحه الى حسيتها هناك



صارلى ست سنين مو رايحه عمره



اول ما دخلت الحرم وادموعى اتصب لما شفت الكعبه



ابى اقول اللهم صلى على سيدنا محمد اللهم افتح لى ابواب رحمتك



ما عبرت بس قلتها بقلبى ، دموعى وشعورى ما ادرى كل شى اختلط



كش شعر ينبى حسيت بالكعبه فاتحه ذراعها بتلمنى



احسها اترحب في عباد الله احسها تتكلم تقول وينكم طولتوا الغيبه



الحمدالله والشكر

الله يتقبل منى ياااااا رب ويهدينى ويصلحنى



مقتطفات

براااك ذكرتك بالطياره لووووووووول اهى مطبات هوائيه حاشتنا انا تشهدت والله قلت بنموت
لو انت معاى شبتسوى هههههههههههههه



2 u all اذكر قتلى كتبى عن شروق الشمس فى بوستى الى كتبته عن غروب الشمس
ماكو اروع ولا احلى من شروق الشمس وانت قاعد جبال الكعبه
عجييييييييييييييب ، اصلى االفير واطوف واقعد انطر الشروق
يا ليت الكلمات اتوصل لك شعورى
سبحان الله


الى موتنى ضحك ليش الكويتيين يتخاززون جنهم عتاويه بالسفر ههههههههه


الى وسع صدرى هناك طراروة الحرم يحليييلهم ، عصاباااات
بس حدهم خف طينه اينينووون هههههههههههه







Sunday, March 11, 2007

مودى اليوم ( بونوره ) كلمات فوق الخيال

لما اسمع كلمات اغانى هالانسان افكر بالشاعر الى خطها وكتبها
شنو هذا !! خيال عجييييييب
سبحانه من عطاهم هالقدره بالتعبير والخيال والابداع
اليوم من اصبحت وانا اردد كلمات مذهله
فتحت على صفحة محمد عبدو فى سالميه نت وسبحت فى بحره
واحتاج ادون هاليوم فى بوست عشان اقراه بين فتره وفتره
باختار مجموعة حسيت انها تعكسنى والقى نفسى فيها
باختار الحب المفقود بحياتى
بختار ضياعى
باختار حزنى
باختار نفسى
باختار الى ما اقدر اكتبه
بختار انا
كريزما
أقرب الناس
أقــرب الـنــاس, إنت يا نـظـر عيني,
و أبـعـد النـاس, إنت و إنت في عيني.
منـك أحـلى محبة,عــاشــهـا قـلـبـي,
و منك جرح الهوى,يـامـا تـلاعــب بـي.
أقرب الناس إنـت, وأبعد النـاس, إنت...
العنا
أثر المفارق صعب .. غيمة سواد وليل أنساك هذا صعب
.. لا مابقى بي حيل يا عيونك الظلما ..
مافي الجفا كلمه ومال الغياب اللسان.
. ..اتصوري مره نسيتك .. وابتسمت واتصدقي ..
اني على البسمه ندمت و الأكيد اني بكيت .. ما ابتسمت
أبسألك .. وشهو الشبه ..؟ بين النهايه والأخير كلها نفس المصير
وأبسألك .. من قال لك ان الهوى جرحه عذاب وأجمل أيامه غياب
عمر الحزن ما يلبس اثياب جداد مثل الهجير ما يعرف أنفاس البراد
انت نسيتى
لـوتـدريـن وش انـــا مـنــه خـايــف انه باقي لك من الذكرى حسايف
اخــــــــاف ذكــــــــرى الالـــــــــم اخـــاف ذكـــرى الـقـلـم والـــورق
اخـــاف يـحـكـي الـسـطـر والارق
يــاذكـــر الـصــحــاري والـجــفــاف
ياياسي اللي الباقي واللي طاف
مـاعــادشــي يـربـطـنــي فــيـــك غـيــر الـشـقـا ان كـــان يـرضـيـك
حـتــى السـنـيـن الـلــي عـطــت حـتــى الــدمــوع الــلــي بــقــت صـــــــــــــــــارت تــــــــخـــــــــاف
صـــــــــــــــــارت تــــــــخـــــــــاف
بنت النور
أنا لك يا بريق الماس .. أنا الألماس وانت لمعة الماسة وحساسة
وقلبك موطن الأزهار وأنا اللي يعشق الأزهار وغيري يقطف احساسه
ولكن ما يهم اللي تولع في غرام الورد إلا ما نسيته وردة سقاها بلهفة أنفاسه
أنا يا وردة العشاق ونار الحب والأشواق
أنا أول من عرف قلبك وأول من سمع نبضك وأول شخص لك إشتاق
يا بنت النور يا عقد من الوله منثور
شبيه الريح
شبيه الريح وش باقي من الالام والتجريح..
وش باقي من الاحلام.. وش باقي من الاوهام..
غير اني ألاقي في هجيرك فيّ.. وألاقي في ظلامك ضيّ..
وأوقد شمعتي في الريح.. شبيه الريح..
شبيه الريح انا ما اقدر اكدر صفوك العاصف..
شبيه الريح انا من لي سوى احساسك الجارف..
بقايا زيف اشواقي .. سما أمطار أحداقي.. شبيه الريح وش باقي..
عذبة انت
عذبة أنت كالطفولة كالأحلام .....
..كاللحن كالصباح الجديد كالسماء الضحوك .
. كالليلة القمراء .......كالورد .. كابتسام الوليد
أنت أنت .. أنت ما أنت؟ ...
.أنت رسم جميل عبقري من فن هذا الوجود
أنت تحيين في فؤادي ما قد مات .......من أمسي السعيد الفقيد
مذهله
مــذهــله ماهي بس قصة حسن رغم ان الحسن فيها بحد ذاته مشكلة
مذهله .. كل شي فيها طبيعي ومو طبيعي أجمل من الأخيله
طيبها .. قسوة جفاها ضحكها .. هيبة بكاها روحها .. حدة ذكاها تملئك بالأسئله
.. .. مذهله يابدايات المحبه .. يانهايات الوله
هالحسن سبحان ربه .. ظالم وما أعدله
أعذب من الأمنيات .. عالم من الأغنيات
يا أجمل الشعر البديع .. من آخره لين أوله
مذهله .. تملئك بالاسئله هي حقيقه أو خيال
.. هي ممكنه ولا محال
هو سهلها صعب المنال ..
أو صعبها تستسهله مذهله
.. تملئك بالأسئله
ليه كل مُعْجِزّ .. مر هذا الكون فيها له صله
ليه كل شي فيها ..
تظن انك تعرفه. تجهله ليه كل لا معقول فيها .. ورغم هذا تعقله
ليه عمري .. ما لقى لبرده دفا .. إلا دفاك
ليه أنا عيني تشوف وما تشوف إلا بهاك
يا أجمل من الأخيله ..
هذا جواب الأسئله كي تكوني في عيوني ومن حنيني بس فيني ومو بدوني
مذهله مذهله مذهله

Wednesday, March 7, 2007

TAAAAAAAAAAAAAG

el tag wama adraaak ma el TAG
2 u all 3shaank bs aw 3shan ma aby aredk hehehheheh bs 10 waaayd shgool aw sha7chyyy


بتكلم عن 10 امور بحياتى الخاصه والله المستعااان وبطلوا سوالف التاق :)
1- طبع خايس فينى اوصل لى مرحله الانهيار من الخوف
2- مانى قد افعالى ، واذا تدودهت يوقف مخى ما عندى سرعة بديها
3- حساسه لى درجه اللوعه
4- رومانسيه لى درجه محد يفهمنى ويستوعبنى وميننا ربعى بهالسالفه ، اذا ما كو رومانس بحياتى انا اخلق لى رومانسيه
5- اذا حبيت شى ابالغ فى وصفه من حبى له
6- اذا يانى صداع احب اطق راسى براس اى واحد جدامى وايد ارتاح ، ادربييه
7- احب البحر ، البحر شال بلاوى منى ، البحر سكينه ، البحر ريلاكس ، البحر صديق ، البحر ومنظر الغروب يقتلنى
8- حاسه الشم وايد قويه عندى امشى واشمشم
9- احب الفصلات والينون احب اعيش طفوله مع ناس معينين ، احب اتجرد من شخصيتى مع ناس معينين
10 - ام دمييعه ، دمعتى على طريف ابسط الامور اتبجينى ، صديقتى اتسولفلى عن عيال اختها بالمدرسه ان عندهم حفله ويغنون اغانى وطنيه ويرقصون ، فا اهى اتمثلى شلون يرقصون ويغنون جان اقعد ابجى
لوووووووووووووول ليش ما ادرى بس اليهال نقطه ضعفى
11 - بزيد وحده هههههههههههههههههههههههههههههههههه
ما احب اعاشر يهال
اموت عليهم بس من بعيييد ما اتحمل البجى والصراخ والحنه
بس غرامى ريحه اليهال وخصوصا اول ما ينولد
:)

Saturday, March 3, 2007

طوارىء مستشفى مبارك





الى بتكلم فيه ملينه واحنه انعيد وانزيد فيه ، اكيد هذا مو اول بوست ينكتب بالمستشفيات الحكوميه

بس انا الاسبوع الى فات مريت بتجربه مع هالمستشفيات اللانتيك الى بديرتنا

مرات يحدك الزمان ويقطك عليهم ، الله هم لا اعتراض

اختى سوت حادث واهى تمشى بالممشى دعمها واحد واهى عابره من شارع لى شارع

اتصلوا فينا من موبايلها وقالوا ترى البنت بالمستوصف عشان الاسعاف تاخذها المستشفى

رحت انا اول وحده المستوصف الا اختى بغرفه الممرضات ويمها الدكتوره ننطر الاسعاف اتشرف من مستشفى مبارك

يت الاسعاف بعد نص ساعه

ركبت معاها الحلوين المسعفين يسالونها تقدرين تركبين بروحج ولا انركبج يالسرير !! هذا اول الخير

بدا يرتفع ضغطى ، قتلهم تسألون وحده مسويه حادث هالسؤال !! البنت مو قادره تتكلم ودمها ترس ويها

قتلهم انت صعدوها يمكن نزيف داخلى فيها يمكن شى !!

ونفس السالفه واهى تبى تنزل !! ها اختى تقدرين تنزلين ولا انزلج !! لا يناو

دشينا المستشفى ، قالى انت سوى اوراق الدخول ،قلت له اخوى حادث سياره قالى لازم بطاقه مدنيه !! نعم !!! اخوى
البنت من الشارع ماخذينها !! والصراجه ما قلت حق اهلى انا ييت معاها ولا عندى بطاقه ، قالى اتصلى على الاهل يجيبون البطاقه !!

شنو يجيبون وما يجيبوون !! خليته يقرق ودشيت ورا اختى الطوارىء


اهنى تبدى البلاوى الى اتخلى الانسان يبجى على الكويت والكويتييين


دشيت الا جنا عنبر !! الطوارىء عباره عن غرفه كبيره وسراير محذفه بدون تنظييم وكل اجانب

ادور اختى وينها الا محذوفه باااخر الدار ولا حواليها ولالالالا دكتور والبنت داشه حادث سياره ! يعنى المفروض الف دكتور حواليها

قمت اصرخ من قمت راسى وين الدكتووور اختى مغمى عليها ولا اكو احد يمها

ترد على السستر الهنديه بكل برود

انت لا يصرخ الحين دكتور يجى !! يا عينى عليج ، قتلها انا اناديه وينااا

شرف الدكتور بعد ربع ساعه من دشينا

الدكتور مصرى ، قتله دكتور الحقنى اختى سوت حادث وراسها كلا دم اخاف نزيف داخلى دكتور

جان يزفنى ، قالى انا اشوف شغلى مش انت اتعليمينى

انطميت وسكت ، صحت البنت اتألم واتون ، جنها من قلبى الونه انا قمت اصيح ، جان يقول تتحول اشعه

نطرنا ربع ساعه ثانين عشان ايون البورتر يوصلونها الى دار الاشعه

سوينا الاشعه

وين الدكتور ؟؟؟ نطرى لما اى

وننطر نص ساعه على ما يوصل الدكتور يشوف نتيجه الاشعه والبنت اتألم

يا الدكتور طااااير على حاله ثانيه قتله دكتور النتيجه !! قالى عندى حاله غيرها ؟؟؟

مر على حالتين وبعدين يا حق اختى ، الا انا ناشف دمى

شاف قال لا مافى نزيف بس رضه قويه

وباجى الاشعه مش من اختصاصى ما اقدر اشوفهم

نعم ؟؟؟ عيل من اختصاصه

قالى دكتور عظام !! قعداى نطراى على ما يشرف دكتور العظام!!

انزين عطوها مسكن البنت تتالم قالى لا لازم ما تتخدر عشان انعرف وين الالم

وننطر نص ساعه على ما يشرف دكتور العظام

ولما وصل يفتر على الاجانب اول بعدييييييييين الكويتيين

اهوه يفتر وانا امشى وراه جنى اطر منه يقولى اوكى انا قاى !! اى تعاااال يقولى حالتين وقاى

هاو هذا حادث مو لعبه !! الى قاعد يفتر عليهم ما فيهم شى موجودين من زمان مو حوادث سياره !ااه يا قلبى

لما وصل وشاف الاشعه جان يقول اااه مسكينه كسر بالكتف وشلخ بالرجل

والبنت تتالم طول الساعه ونص

يعنى لو من الاول شايفينها مو جان وفر هالالم على البنت !!



شهالحاله الى احنا فيها ، ليش جذى

وغير الوصاخه بالغرفه غير الاكل الى بقصادير يفترون فيه على المرضى

غير الخموره والريحه الخايسه غير السراير الوصخه

كلا اجانب واحنا يعاملونا بنزره وازفت معامله


انا بس ابى اطلب طلب واحد ! الكويتيين خلولهم طوارىء بروح مو مع الاجانب

ويصير لهم ستاف خاص لهم غير الاجانب

بعدين طوارىء دكتور واحد بس!! ما يصيير ما يلحق

يعنى حاله ادش حادث سياره تعاملونها مثل الى ياى بطنه يعوره من بيتهم !! شهالحاله الى احنه فيها

وبالنهايه لما يينه ناخذ الدوا دفعونا 5 دنانيير عشان ما عندها بطاقه مدنيه!! والبنت مجبسه وداشه حادث سياره


لا تعليق