Wednesday, May 28, 2008

LOVE -- is a trick of the Heart to Fool the MIND!


عدنا من جديد



********




هالايام الكل ما حجوته الا مسلسل نور ويا طلابت نور مع صديقاتى نور مع اهلى نور مع امى نور


حتى الامهات هابيييين كل وحده فينا امها اجابل نور بالخش والدس ههههههههههههههههههههههه


عاد بالنهايه قررت اشوف شسالفه نور ... ويا ليتنى ما شفت


بالضبط صارلى اسبوع من بديت اتابع وعرفت كل القصه

والحين واصله الحلقه بالخمسينات مو هاذى سالف

السااالفه كلها فى مهند ابيييه رديت مراهقه غصبن على مو بيدى

ارهقت على كبررررررررر


المسلسل ذكرنى بمراهقتى وروايات عبيييير


سويت لى طقوس مع المسلسل الالالا وهى مطارة زعتر او زنجبيل ودارسين


وهدووووء ولالالا نفس الساعه العاشره مساءا


لما يخلص المسلسل تحطين راسج وتنامييين حق الدوام


وهذى حالتى واتمنى ما اطول هالحاله لان بنصدم بواقع مرير عقبها


هههههههههههههههههههههههههههه


Monday, May 19, 2008

peace



اجازه من كل شى روتينى
الدوام
الديره
الناس
فاصل اسبوع

القاكم على خير
زيونه كل ما اسمعها اذكرج
اهديكم هالاغنيه بما ان مودى عبدالمجيد اليوم

Friday, May 16, 2008

{ويمكرون ويمكر الله والله خير الماكرين}

تحديث
حسيت انى ابى اكتب من حر ما فينى ، بتكلم فى امو مضايقتنى من الى اشوفه من هالناس
يعنى الواحد غصبن عليه يحتر ويتضايق الموضوع خارج عن نطاق انى حساسه ولا مو حساسه

ليش تسمعين لهم ولا ما عليج منهم !! الموضوع انك تطلع من طورك من طريقة تفكير الناس وعلى اى بيصوتون

يعنى ذاك اليوم كنت فى استقبال وبما ان الناس مالهم سالفه ولا حجوه الا الانتخابات فكانت السوالف كلها عن الانتخابات

وكل وحده تقول من بتعطى وعلى اى اساس بتعطى

الاولى : ولا انا بعطى فلان لان اكلهم لذييذ وقزرناها ناكل منه ما قصر !

الثانيه : انا بعطى فلالان لان اينن شكله حلووو

الثالثه: انا بعطى فلان لان ما قصر خيره سابق والسوق بدون محلاتهم ما ينبغى

الرابعه: بعطى فلان لان اخو صديقتى واعرف مرته واهله

خامسه: بعطى فلالان لان متحرر ما احب الدينين

سادسه: بعطى فلان لانى مفتاح عنده ومعطينى مبلغ محترم

ليتكم شايفين ويهى شلون منصدمه من الى اسمعه

علينا العوض ومنا العوض لا بالله كدينا خييييير

ترى مو قاعده ابالغ، ما اقول الكل جذى ، فى حريم وبنات واعين ومثقفين بس لا نستهون فى هالنوعيه ترى وااايد غير

الى شفته بعينى اسمع سوالف واايد عن هالنوعيه

وبعدين بدت المسجات التخريبيه تنتشر ، لا نخلى الشيطان يلعب براسنا اى مسج تخريبى لا تنشره

**********

ما اذكر اول قبل سنتين لما افتر بالبلوقات كان ينقمت قلبى ويضيق خلقى مثل الحين ، الحاصل انى

كنت افتر على الجميع بدون استثناء الى اوصله اعزيه بالشيخ سعد ، لان ابونا كلنا وابى ادعيله كثر ما اقدر

قبل لا اعزى لفت انتباهى جم موضوع لهم بالاسفل قعدت اتقرى كان عن الانتخابات وانصدمت بطريقة طرحهم

انحدار المستوى بالطرح الى يخلى الانساان حيوان !!!!! مانى فاهمه الصراحه

انت ضد س من الناس تكلم ليش انت ضده عشان كيت وكيت وكيت بس نرتقى بطريقة الطرح ، ليش هالاسلوب مانى

عارفه ، حاولت اتفهم نوعيات هالبشر ما قدرت ، والادهى والامر الكومنات المؤيده من ناس كنت اعزها واحترمها

واحترم فكرها ، انت شبى تستفيد لما تحط عيال الناس وتسويهم حيوانات

واتشكك فى ذممهم وانت على قولتك ما اتعرفهم ولا قابلتهم بيوم ، على اى اساس تقول هالكلام ، لله فى الله ما ادانيه اوكى
يا اخى لا ادانيه ، تحصل وايد ان ما نبلع ناس لله فى الله ، بس نحترمهم نحترم شخصه نحترم فكره اى كييفه ، انت منت مجابله ولا
انت مناسبه شكو فيه !! ومنو انت وشلون تعطى نفسك الحق انك اتنزل من الناس بهالطريقه !! ل

الا اذا فى عداوه شخصيه احنا ما انعرفها وهذا اسلوبك وطريقتك بالهجوم هذا شى ثانى

والله ضاق خلقى اول ما كنا جذى كنه شويه وكلنا متواصلين الى يتفق معاى والى ما يتفق بس كنا نحترم بعض

انقدر بعض على اختلاف توجهاتنا وافكارنا اندش ونعلق وننقد والمحبه والاحترام موجودين

الحين ما ادرى شقاعد يصيير صاير هالعالم الكل ينهش بالثانى ويجرح فيه عالم صار مقزز كل ماله واييب ضيقة الخلق

حلاته الواحد يقظب ارضه ويدور بمستوى حبايبه والناس الى تحترم بعضها تحترم النقد واختلاف الرأى والفكر وتفهم

وادرى بتقولون لى كل واحد حر بالى يكتبه ولا ادشين وشعلييج وخليج بحالج

اى والله اناا الى اسفه انى نزلت نفسى وقريت الى ما يسرنى وتوووبه

بقول صح اى كل انسان حر وحر وكل انسان يعكس نفسه بالى يكتبه
ربعى وصديقاتى كل وحده فينا توجه ، الدين دين والفاصخ فاصخ والليبرالى ليبرالى والى ما يدرى وين الله قاطه بس كلنا
نحترم بعض وخوات دنيا ولا عمرنا جرحنا ابعض ، واذا تكلمنا بالانتخابات صراخنه شايل كل وحده اتشد صوبها بس
بالنهايه احنا حبايب وكاهى السنين والعمر يثبت

خلالالاصة الحجى ..... اتمنى التوفيج للجميع ، بس الدنيا ادوور وخافوا ربكم

عندكم اهل وبيوت والله عالم بالنواياه لا انت ولا انا

*******************

بالختام اتمنى التوفيق للى قلبه على الكويت الانسان النظيف الى يخاف الله الى يكون قد الامانة الى يوكلها الشعب له

اللهم وحد على الخير قلوب اهل الكويت واجمع كلمتهم

اللهم ولى عليهم خيارهم ولا تول عليهم شرارهم واجعل ولايتهم فى من خافك واتقاك واتبع رضاك

اللهم امين

Tuesday, May 13, 2008

بجنات النعيم يا بابا سعد

::يا أيتها النفس المطمئنه..ارجعي إلى ربك راضية مرضية...فادخلي في عبادي..وادخلي جنتي ::





اللهم ان الشيخ سعد العبدالله فى ذمتك وحبل جوارك وانت الغنى عن عذابه

اللهم اغفر له وارحمه وعافه واعفو عنه ووسع مدخله

واغسله بالماء والثلج والبرد ، ونقه من الذنوب والخطايا

كما ينقى الثوب الابيض من الدنس

اللهم انا نشهدك اننا رعيته قد سامحناه عن اى مظلمة لنا عنده

يا رب ثبته عند السؤال واحشره مع المتقين الاخيار اللهم اميين

***

ما شفنا منك الا كل خير

الله يرحمك يا بابا سعد

بجنات النعييم يااا رب

Sunday, May 11, 2008

................. !!!



اسمع عن العين وشلون اذا صابت البنى ادم اتودره ، بس عمرى ما حسيت فيها اذا صابتنى

انا وايد تصير فينى بلاوى ويقولون لى عين بس انا ما اصدق ، المهم لاب توبى يديد ما صارله شهر وكان شغااال من

اروع ما يمكن ، شافته وحده انا ادرى ان عينها حاره ، شافته جان تقولى واااااااى اينن ولووونه عجييييب يشوق كريزماا

وطول ما انا اسولف معاها عينها على الاب توب ، انا وقتها ما حطيت ابالى ، البنت اطلعت من هنى مسكت الاب توب

الماوس ما يتحرك ، اسكره وارجع افتح نفس الشى ، يااا شلوون كان زيين بسم الله الرحمن الرحيم سكرته قلت انام

ومن اصبح افلح ، اصبحت والحمدالله فتح معاى ، ابطبع بالوورد ما يشتغل وديته حق واحد اعرفه يصلح كمبيوترات ضبط الوورد ، رديت البييت الوورد ما يشتغل ولا راضى يتعرف على اللايقو واذا حطيت فلاش ميمورى ما يتعرف
عليه

واللانتى فايرس البرنامج علق يعنى ابدااع لا راضى يشبك على النت ولا فى شى صاحى قلت انا عليه كفاله ليش ما

اوديه الورشه واطيير فيه شويخ شافه قالى لازم فورمات ويسويله فورماات ولله الحمد يشتغل الحين ، نزلت البرامج الى ابيها وكانى اليوم اول يوم من اخر بوست ادش النت ، ولهت عليييكم بفتر اتقرى مواضيعكم الى فاتتنى


*******


ودام انى اتكلم عن العين ، هذى صورة شاليه زميلى بالدوام
مسويين عزيمه عشا لان شاليهم يديد ، يقول بعد ما خلص العشا وافتلوا الرياييل نمنا

وقعدنا الصبح الالالالا شنشوووف سقف الشاليه متبطط ومحفوره رسمة عييين بالنص فصورها وهذى صورتها الى تشوفونها ، ويقول هالصوره من ثانى يوم يعنى اول يوم يقول كاانت وااضحه كأنه مرسومه رسم!!.س


*****


سبحان الله بهالعين ، خل انخلى ذكر الله ديما بلسانه على كل شى والله الحافظ

Wednesday, May 7, 2008

دعوه للخيال وتغيير المود





بما ان الجو حدا تعيس وعاافس مودنا ومو مخلينه نشتغل

فنغير الموود شوى باستراحه مع محمد عبدو

ثم نعود للاشغالنا



هذه دعوه لكى يا حبيبتى تخيلى ان وااحد تحبيينا حيييل مجابلج يغنيج هالاغنيه


فى مكااان تحبونا اثنينكم


ولك يا زميلى البلوقير تخيل انك مع وحده تحبها حييل تسمعها هالكلام وتشبع غرورها
وتستمتع بخجلها الاخاااذ



كلمات الاغنيه لازم تنكتب للى ما عنده وقت يسمع اغانى



(عذبة أنت)...


عذبة أنت كالطفولة كالأحلام ....


...كاللحن كالصباح الجديد كالسماء الضحوك


.. كالليلة القمراء .......كالورد .. كابتسام الوليد


أنت أنت .. أنت ما أنت؟ ..


..أنت رسم جميل عبقري من فن هذا الوجود


أنت تحيين في فؤادي ما قد مات .......من أمسي السعيد الفقيد


وتبثين رقة الشوق والأحلام .....والشدو والهوى في نشيدي


يالها من وداعة وجمال ....وشباب منعّم أملود


أنت روح الربيع تختال في الدنيا .....فتهتز رائعات الورود






الله حااشنى براااااااااااد

Monday, May 5, 2008

هدف سنى بتمريره شيعية !!



ما أقول الا
الي بالجدر يطلعه الملاس
******
مقال ناقله فؤاد الهاشم عن الكاتبه اقبال الاحمد
نقلا عن سيده كويتيه كانت حاضره ندوه انتخابيه للمرشح
طلال الغانم
وبعد ما تقرونه
اهديكم هلاغنيه

غورقت عيونى وانا اشوف عبدالكريم يغنى

يا حلالاته من زماان والله يانى شعور ودى انط ادخل بالكليب ارجع لذاك الزمان

ذيج الوحده ذيج الروح وحدتناااااااااااا




Saturday, May 3, 2008

حزايه قبل النوم





اهم ست صديقات ساكنين بمنطقه وحده ، جييران حبايب وعلى قلب واحد ، يحبون بعض وايد


كلمه وحده عاداتهم وتقاليدهم وحده على اختلاف جنسياتهم


بس الى يختلف بالموضوع رياييلهم


كل وحده زوجها امشيها على هواه وامره




الاولى : ريلها حاكرها حكره اهى وعيالها مو قادين يتنفسون لا حس بالبيت ولا خبر ما تشوف الا الاولاد الى يطلعون
ويدشون بناتها مالهم حس ولا خبر ، بس ولله الحمد الحال بدا يتعدل شوى نوعا ما بعد وفاة زوجها الاول
مع الزوج الثانى بدت شوى تتحسن الاوضاع بالبيت

وبدوا يتنفسون شوى






الثانيه : هذى المرأه واايد على نياتها ولا لها راى زوجها كاتم على انفاسها وكل شى له بروحه ،مخلى عياله وزوجته منتفين
مالهم ظهور بالفريج ولا حس ولا خبر الداخل مفقود بهالبيت والطالع مولود يا سااتر




الثالثه : تفكك بالاسره ، ابناء عاقين ، اقدر اقولكم الثالثه زوجها له نظره مستقبليه يتطلع لجدام ويطمح بالتقدم

عنده هدف وقاعد يسعى له ، وبيته قاعد يرمم ويعدل فيه وبدا يبين بالفريج




الرابعه : هالبيت طينة يينه العيال ماكو اطيب من قلبهم تربوا على الطيبه واللسان الحلو ادش بيتهم اتحس برااحه وحبابه

اتحس انك ابيتك من حبابتهم ، بس على قدهم بسيطيين جدا وكل واحد فيهم يطمح للاعلى

بس الماده قاصره عندهم




الخامسه : زينة الفريج هالبييت عجييييب هذى الزوجه تحضضت بريال سنع ، ولما توفه زوجها الاول الله رزقها بواحد كمل زينها وسنعها

عيالها حايفيينها حووف الله مرهى عليهم وبيتهم كل ماله يحلو ويطلع له صييت بكل المناطق بالبلد




الساااادسه : الساادسه كانت زينتهم كانت نورهم كانت احلاهم بس طفت لما توفا ريلها

احزنت عليه حزن اهى وعيالها ولى الحيين عايشيين على ذكرى ، هذى المرأه عيالها بدوا يتفككون

بدا الطمع بدا الجشع يدش بيتها ، بدا التفكك يظهر بدوا العيال يلعبون بحلالهم ويتناتفونه والعيال واحد يبوق من الثانى

كلمن يالله نفسه ، نسوا بيتهم نسوا امهم ، والى حوالين امهم قله والباجى ينهشون

تزوجت ريال ثانى بس ما جابلها ولا جابل عيالها لاهى عنهم ورافع ايده ومخلى كل شى بيد المرأه

وهالمره المسكينه لا حول ولا قوه ، شتبدى وشتلحق




والله المستعان


توتا توتا خلصت الحدوته

تصبحون على الف خير