Tuesday, March 10, 2009

على هالحال تجمعنا الصدف امرار .. ليالى طوال وبالخاطر حكى واسرار




مثل جمرهـ بكفي نارها وقّاد


مثل جرحٍ لبس فيني ثياب جداد


مثل حِـس المطر حبك

يجي فجأه بلا ميعاد


يجيني في سكون الليل


يجيني ويل


يجيني مثل نجم سهيل


عيونه تحضن عيوني وقلبه صاير ٍ لي مهاد


نعم مره نعم ثنتين نعم ألفين نعم مليون


أحبك لو يصير الكون حسود وعاذل ٍ مجنون


أحبك ليش لاتسأ ل


أحبك لنّك الأجمل بعيني يابعد عيني


نعم والله أبي حبك


واحلف إني أنا احبك


ولكن بيننا حاجز وخوف وبرد وعالم همها دايم تدوس الورد


نعم أبغاك تكون العشق بأوراقي


وابيك الحرف وابيك تكون لي مدادي


أبيك الناس وابيك إحساس وابيك تكون لي معنى


وابي أحياه واقعنا


يامشغلني وانا توي أعرفك توْ


أنا ودي تشيل من عالمي هـ ( اللـو )ز


تكون أقرب من عروقي إلى عروقي


وتصبح ضحكه في شروقي


وكل اللي تبي بي سَـوْ


أنا روحك


أنا بوحك


أنا اللي في هواك آهيم وابني عالي صروحك


أنا منك وانا صدقك وانا ظنك وانا المكتوب في دنياك وغيري مادرى عنك
أنا بسمة علت سنك


أنا تاج الوفا المحسوس


وطوق العاشق الملبوس


وزهره مشرده في الريح تبي تلمك


تبي الدنيا تكون عيون وانت النون وتضمك !ياقطرة ما


أنا لي رأي في حبك


يقول إنك لقلبي مزون


روت كل العطش فيني


نبت بأرضي ثمر حبك


شجر تين وشجر ليمون


وصار الجمر في كفي


مواسم زهرها يكفي ربيع وصيف


وريشة وسيف


وصار حبك بعد شفي


وكتبن ساكنه رفى نعم اهواك نعم اهواك نعم اهواك


واظن الحب مايكفي


لأنه عاجز ومسكين


لأنه ماتْصَلـه سكين


لواحد ماعرف هالحب إلا الحين


لواحد ماجرى دمّه في قلبه لين هو شافك


وصرت النبض فى عروقه


وصرت الأرض


وصرت الجو فى عيونه


وصرت الضي


ياسدرة وفيْ



نعم مره نعم ثنتي ننعم ألفين نعم مليون


أحبك واكسر الحاجز وادوس الخوفـ وادّفي بردي العاجز


وأهديك رغم أنف الزمن قلبي


واحبك زود...! ؟

الشاعر على عسيرى

Thursday, March 5, 2009

يرجى الانتظار المشترك لديه مكالة اخرى !!

شنو احساسك اذا اتصلت على شخص ولقيت عنده خط ثانى
.
.
.
الى يضحك ان فى سالفه وصلت الى المخافر والسبب
خط ثانى
.
.
فى ناس ما فيها صبر

وفى ناس تشك

وفى ناس تحن

وفى ناس اتوتر

وفى ناس اتشكل على الخط


ترى هذا موبايل يعنى طبيعى ان يكون فى خط ثانى

ليش النرفزه !!

اهديكم هالاغنيه اتمنى لكم ويك اند سعيد