Thursday, April 12, 2007

يا سااتر


ليش الكويتيين مو سمحين وبسرعه يعصبون
مانى فاهمه شهالحراره الى فيهم
كل واحد يمشى عاقد النونه والويه معفوس
ولا تقوله ادنى على وره كلاك
..................................
داشه الكلينك ، قاعده انطر دورى
طق الباب ريال اجنبى مسكين على غرفه الطبيب ودخل
ما اسمع الا صرااخ من داخل الغرفه وادرى مو الدكتور لانى اعرفه
انت اشفييك عمى ما تشوف ، ما تشوفنى قاعد ! اطلع براااااااااا انطر الدور
لول والله انا طلعت عيونى وبعدين مت مت ضحك شهالحراره
انزين خير يا طيير اشصار ليش الصراخ
هذاك الفقير قال اسف سكر الباب وطلع حتى ما قال اشيبى
........................
نييكم حق التخسبق الصبح بالشوارع
الحين الشارع مخطط وفى لاينات والناس انتام على بعض
محد يمسك خطه كل واحد يعر على الى يمه
الى دايخ مو شبعان نوم
والى ما يستوعب من الصبح فاصل ، ترى انا من هالنوع الى ما استوعب من الصبح
الحين الى حاصل طريق المغرب السريع مو مخطط ماسحين العلامات الارضيه ما ادرى ليش
وتعالو شوفااو المصخره بالشارع
لووووووووووووول هرنات وكل واحد فاج الدريشه معصب شراره مطلع لى نص ذراعه ويأشر على الثانى
والناس سايحه على بعض ، كل واحد يسير على الى يمه
يعنى انا بالدول الغربيه مرات نمشى بشوارع مو مخططه كل واحد ماشى بدربه
احنه ليش العصبيه و والفوضى ؟؟ الواحد ما يوصل الدوام الا موده زفت من العصبيه والصراخ بالشارع !!
............................................................................................
طالعه بالدوام رايحه سيارتى بالمواقف
ولا واحد ماسك الى يغسل السيارات وطايح فيه زف
انت غبى ما تفهم يالى فعلتك ويالى تركتك
والمصيبه يم سيارتى
كسر خاطرى بس الريال مصك مو مال حتى التفت اشوف شالسالفه
بس اسمع والله يقوله اشهاللقافه مغسل السياره من قالك ؟؟ الحين انا قتلك غسلها
والمسكين هذاك يقول سامحنى يا عمى اخوى مريض وانا ما اعرف السيارات !!
جان يقوله ما اتعرف السيارات لا اتغسلهم
الحين انا بقلبى اقول اشدعوه كل هاللويه كل بس عشان غلط وغسل سيارتك
خير يا طير ؟؟ يمكن رزقته الله كاتب له هالدينار عطى اياه وانت ساكت
مانى فاهمه ليش هالعصبيه والنرفزه اى شى زين مو شين الى صار فى سيارتك
..........................................................................
وحده اعرفها تقول كا ما اطلع مع ريلى ايام الملجه اغلب المرات نرجع متهاوش ريلها بالشارع
ليش ولا بالمطعم !! ليش يلتفتون يطالعون مرتى
لووووووووول والله انا يضحكونى اى خير يا طير خل يطالع
بتسكر عيون الناس
شدعوه
...............................................................

مصرى متعين عندنا بالدوام كل الموظفين يناديهم اهلا يا بش مهندسه واهلا يا استاذه انا يقولى يا دكتوره هههههههههههههههههه ليش انا دكتوره من بد الناس وبدوامنا الكسيف لا احنا مهندسين ولا دكاتره كلا اداريين
ههههههههههههههه يحليله بس بييلا يوم بينمسك بقوله انا ليش دكتوره ؟؟ اشمعنا ههههههه

................................................................


رساله الى كل واحد مشلوط وصدره ضيج


يا جماعه وسعوا اصدوركم وطولو ا بالكم ترى مو زيين


ما تسوى عليك هالاعصاب ، ترى كل من صحتكم


ترى انا اتكلم وثلاث ارباع اهلى مشلوطين وحاريين


اعصاااب الله هم يا كافى


وحريم العايله الاغلبيه فاجيين


فاذا الواحد معصب وتييله وحده فاجه اخته ولا مرته عادى تنذبح بالغلط


هههههههههههه


:)

قولولى انا صح
ان اغلب الكويتيين فيهم حراره زياده عن اللزوم واعصاب
؟؟








34 comments:

barrak said...

انا ادعوهم لرحلة ارتبها لهم مقابل النورماندي
وحولين بحر المانش
بس يومين واذا واحد عصب احلق شواربي
مع اني حلقتهم خلاص احلق حواجبي

بعدين تعالي
من وين مطلعةمشلوط؟

Purplecious said...

لووووووووووووووووووووووووول
لووووووووووووووووووووووووول
لوووووووووووووووووووووووووول
وااااااي كريزما البوست حدا يضحك
ههههههههههههههه
أي والله صاجه حارين و جان زين على شي يسوى
كله أشياء سخيفة
ياخي اصبر انطر ليش العيله الدنيا ماهي طايره
ـــــــــــــــــــ
فقير اللي بالكلينك حرام أنا لو مكانه ابجي
هههههه
ــــــــــــــــــــ
اما الشارع الصبح انا الحمدالله ما تصادفني زحمة وايد و اشوى المغرب مو طريقي انا الرياض
و انا بعد نفسج ما استوعب من الصبح
ــــــــــــــــــــ
مسكين هذا غاسل سيارته سوى فيه جذي عيل شلون لو أحد داعمه شسوى؟ بيذبحه اكييييييييد
ــــــــــــــــــ
لوووووووووووووووول
شنو لا اطالعون مرتي؟
لوووووووووووووول
اي والله شنو الناس تمشي مغمضه
هههههههه
ــــــــــــــــــ
بدعتي بهالبوست يا دكتورة حددددددددج وسعتي صدري
لاااااااازم
ضنوني ضنوني)ضروري ضروري) تسألينه اشمعنه انتي دكتورة
ههههههه
ـــــــــــــــــ
"اذا الواحد معصب وتييله وحده فاجه اخته ولا مرته عادى تنذبح بالغلط "
لوووووووووووول
عاد انا حديييييييييي فاجه
بروووووووووود مو طبيعي
بس استانس على المشلوطين
ودي أتزوج واحد مشلوط مو فاج مثلي بس اتهقين ممكن يذبحني؟ لا يبى هونت مابي بس مابي واحد بارد نفسي شنصير؟
هههههههه
ههههههههههه

bo9ali7 said...

اتوقع الاسباب وايد
بس واحد من الاسباب الرئيسية للعصبية بالكويت هو الجو الحار جدا
والله مو قاعد اتغشمر

عفطي said...

اول شي اشارك (بوصالح) الراي ان من حرارة الجو الناس يصيرون حارين....

انا عن مو بس حار الا شرارة انا بالعشرينات و فيني ضغط
و السبه العصبية..مع ان محد من اهلنا عصبي

الله يبعدكم عنها

charisma said...

barrak:

اترتب رحله حق ثلاث ارباع الكويتيين برااك
هههههههههههه
لووووووووووووووووووول
حلقت الشنب يا برااك
هههههههههههههه
لا يا معود لا تحلق حواجبك الله يخليك
:))))

الى ما يعرف مشلوط مو كويتى
نسحب منه الجنسيه

purplecious:

الكويتى لو هدوما اتعاسره شقها
هههههههههههههه

هذى المواقف الى مرت على من جم يوم
هذا غير الارشيف الى عندى
بس ذكرت هالجم موقف

لوووووووووول
اى والله يا دكتووره
يحليله

لا بمسكه السبت بساله وتييج الاخبار
:))))

بيربل ترى هم انا فاجه
لوووووووووووووووول

بس انا انصح كل حار مشلوط ياخذ فاجه
اتهديه
لان اذا الحار خذه وحده اعصاب مثله بينفجر البيت
محد يهدى الثانى
يسمونا البيت العسر
ولا الفاجه تاخذ فاج
هم مو زين
يموتون بمكانهم
ههههههههههههه
:)))

حبيبتى انت

charisma said...

bo9ali7:

الجو الحار
اممممممم
والله يجوز يا بوصالح

:)


عفطى:

يا سااتر يا عفطى حرام عليك
توك اصغيير


الله يحفظك

ReLaaaX said...

صااااااااجه ياختج صااااااااجه بكل كلمة قلتيها




سكتي آنه وأمي قعدنا ذاك اليوم نحلل القضية يحليلنا كل وحده تقول سبب هالاعصاب



اللي بدووون مبالغة حتى اليهالوووه قامو يعانون منها





فكانت المشكله بسببين


اما الجـــــــو



أو




الأكـــــــل




فيهم شي !؟

Unknown said...

والله الصراحة بوست جدا يشرح الصدر

الفلفل
البهارات عموما

الجو الخارجي

الزحمة

شوفى واحد دوامه طريجه ما فيه زحمة راح تشوفين ان حالتها غير
وشوفى واحد برة الكويت وقاعد بالبراد
وشوفيه شلون منشكح :)
عوامل كلها تؤدى الى العصبية :)

el_assel said...

hi charisma
هو انا اصلا ما اتعملتش مع كويتين قبل كده بس انا بحس انهم ناس طيبين قوي
وبالنسنة لهدوء الاعصاب ده
لو ك واحد عمل اللي انتي بتقولي عليه حنكون في عالم مثالي لا يمكن يتحقق

بنت الشاميه said...

العصبيه عند ريايلنا عجيبه...كل واحد عصبيته غير عن الثانى

اول ما تزوجت اشوه فهمت ريلى بسرعه وعرفت انه من يقوم من النوم الصبح ما يتحاشى فاذا قال هذا احمر اقول له ايه احمر لو اقول شئ ثانى ما نفتك

فالظاهر كلهم جذى من صباح الله

اما عصبيتهم بالسيارات ترى حتى الحريم ما يقصرون

واذا تبين تنزفين خليج تنتظرين سيارة طالعه من الموقف علشان تاخذين مكانها وتسدين الطريج .......حطى قطن باذانج من الهرنات ومن الزف

بس المغرود غسال السيارات والله يكسر الخاطر عاد شدعوه هالزف فيه

ارحموا من فى الارض يرحمكم من فى السماء

انت ما تشوفين الكاميره الخفيه المصاروه يموتن من الضحك من سعة صدرهم
اما الخليجين كل تنتهى بالطق

مساكين كلهم مشلوطين

لازم يتسبحون بماى بارد علشان يبردون

هههههههههههههههههههه

صح يا دكتوره

Almas said...

أهلا يا ست الكتكوتة أأصد ست الدكتورة

أتقشمر معاج

شوفي يا حياتي .. الناس مو كلهم مثل مثل .. لكن بعضهم ياخذ راحته عالآخر ويمد شوية .. لأن ضامن إلي جدامه ما راح يرد

ف من أمن العقوبة أساء الأدب

الله يهديهم

وبعدين شخباري إلي يطلع إيده من الدريشة يعني إشارة

آنا يلفتون نظري بالشارع وأقعد أضحك لأن الحركة حييل قديمة

بوست ممتع

Flirty said...

والله يا ابنيتي شوفي خل اقولج

مسأله ان فينا حراره ... فينا حراره

اللي مديون واللي مهظوم حقه في دوامه و اللي مرته نسره والحاله حاله

بس خل اقولج بالنسبه للاجانب
ترا يحرون
هليلق و فوظويين واذا صار لهم مجال اركبو على روسنا

و اقووووول
لا ادافعييين عنهم ترا والله احمق عليج تراها واصله عندي و بدون سبب

مفهوم :)

engineera said...

اي والله صاجه! كلا معصبين وما يتحاجون! ومو بس الرياييل في حريم اخرعون!! مره شفت وحده اتسب ريال في الشارع لأن خذاموقفها و ما شافها طاقه اشاره!! ما يبقى مسبه ما يبقى صراخ! والله انا استحيت لها! اكو اسلوب أفضل! وساعات الناس ما يستحون يعني وحده ابتطلع من الموقف وياها يهال و أغراض و عربانه يطقون هرنات يدودهونها ويدووهون اللي بياخذ الموقف بس انا احقرهم .. الواحد اذا ما فيه صبر كيفه في بيته وبين أهله الناس مو مجبوين يتحملون عصبيته!
والله الدنيا ما تسوى الصراخ والحراره وكل شئ له حل!
ومشكوره وايد على هالبوست الجميل!

SHAHAD said...

أعتقد حرارة جونا تلعب دور كبير
لأني مي تو عصبية بالزحمة
خاصة وإن كنت متأخرة
بس عصبيتي كلها تحلطم لول
بس والله خوش مواقف يا دكتورة : )

Яeema said...

أهم شي الكل قام يفتي
هههههه
هههههههه


وااااي بس صج الشوارع إتدوخ الصبح
أحب أطلع إمبجر عشان هالناس إللي مو معترفه بشي إسمه بريك
مبتونه و بس




أما إللي يطالع مرته يتهاوش
هذا ينعاف تاليه


يا أخي إشفيها شاورما بو صلاح؟

أما إللي درعم
حالته صعبه من الطشار إللي حاشه


بس ترا الأجانب فيهم فوضي



يييه دوري و بفتي

الأسباب للعصبيه
1- الإلتزاملت الماليه
2- ضغوط العمل
3- طبع
4- محد وقفه عند حده و هفه علي صماخه لما يعلي حسه علي خلق الله
5-فيه النومه و مو مشتهي يروح الدوام

6 - يقولج من بعض الدراسات إللي يدقدق حرنات فيه نوم من أنواع ضغوط الحياة المدنيه

يعني لو كان زراع و إلا حداق جان ماصار مشلوط


و الله ودي أفهم ليش ما الناس تنام مبجر و إتقوم شبعانه نوم و ما إتعصب من صبح الله خير؟

Яeema said...

كلامي كل بدليات
فججي إنتي عاد
هههههه
هههههه
ههههه

san3a_wa_laken said...

ee 7ada 9aa7 kalmch .. 24 sa3aa el naas a39ab .. wa en ma 9irti nafs'hom yaglon 3andch boord :S

Warda said...

المشكله هذي يا من


الأكل 1

الجو 2

جريدة الوطن 3

محمد دغيشم 4

نوره عبدالله 5

اسامه فوذه 6

حليمه بولند 7

أماني البلوشي 8

مجلس الامه 9

القروض و بورميه 10


:)

Mother Courage said...

lol

الصراحة ماقدر اتحلطم عليهم

i'm guilty with charge ;-p

charisma said...

relaaax:

اى والله صاجه يا ريلاكس حتى اليهال تطبعوا بهالطبع
اتهقين من الاكل
الجو يمكن لان الى يحوشنا بالصيف لواهيب جهنم الله يرحمنا
بس الاكل شفى يا حسرتنا
:)))


mishari:

تسلم يا مشارى

هههههههه الفلفل ؟؟
والله يجوووز

الزحمه اى تلعب دور بالعصبيه بس وقتيه يعنى وقت الزحمه تكون عصبى بس بعدين باجى يومك؟؟
لا ما اعتقد لها دور بان الواحد يكون عصبى

:))
ما ادرى ليش عندى احساس انك وايد فاج وكلش مو عصبى وبالك طويل وسدرك وسيع


el_assel:

اهلا وسهلا
:)
ههههههههههه
من ناحيه طيبيين طيبيين الحمدالله
بس شوى اعصاب زياده عن اللزوم

يا ريت نكون فى عالم مثالى اتمنى

اهو الانسان الى ما يعصب يكون انسان مش طبيعى
كلنا انمر بظروف او مواقف تخلى الانسان يكون عصبى

بس الفئه الى اتكلم عنها
يكون طبيعته اعصاب
دمه حار
:)

بعيد عنك يا اخى

حياك الله

بنت الشاميه:

ههههههههههه
هههههههههههههه
صااجه صاجه
عندى من النمونه الى عندج منها
اى والله لو يقولج احمر تقولين اى ولو ان مو احمر
لوووووووووووووووووووول
موتينى ضحك تذكرت الحلوين الى بحياتى
اااه
والله لو ايدهم اتعاسرهم قصوها
ههههههههههههههه

بس والله يا بنت الشاميه
يهبلون بعصبيتهم
ودايما تلاقين هالعصبى اطيب قلب وحنووون
سألينى عنهم
:)))

اى والله يتسبحون بماى بارد ويشربون عصير ليمون هم يروء اعصابهم
:))))

عدل يا بش مهندسه

charisma said...

almas:

:)))
اهلا اهلا

اكو حراره طبع مو قصده يسىء الادب بس اهو الريال حار بطبعه
فرده فعله تكون جذى بون وعى منه
عرفتى قصدى

انا هالنوعيه اموت عليهم من الضحك واحبهم
لانى معاشرتهم نص اهلى جذى انا
هههههههههه
بس لا يشوووفج وانتى تضحكيين
تروحين فيهى
هههههههههههههههه

اما الى يطلع ايده من الدريشه هذا مصخره
ما يبرد جبده الهرن ولا الفلشر
ما اتييب راسه الا ذراعه
هههههههههههههههههههه
تحمدى ربج هذى بلوه بعيد عنج
:))))

flirty:

الله حلوه يا ابنيتى
ههههههههه

ادرى ان فيكم حراره شنسوى فيكم

اى والله صاج حرام تكسرون الخاطر

ما ادافع بس اشدعوه
الفقير دش بالغلط شدراه

:)


engineera:

لا عاد البنت تحترم نفسها احسن لها
هذى عاد مو متربيه الى تصرخ جدام الله وخلقه وتعلى حسها

صااجه والله كلامج عين العقل

اى والله كله من صحتهم
ضغط وسكر
والسبه هالاعصاب
الله يحفظهم بس ويهديهم

حبيبتى مشكوره

charisma said...

شهد:

اتفق معاج الزحمه اتنرفز
واطلعج من طورج

بس دايما اتعوذ من ابليس
واقول اللهم طولج يا روح
بس مرات خلاص يطفح الكيل

اهم لو يضبطون اعصابهم
ويطلعونها لين يطفح الكيل وايد ابرك
ههههههههههه
عصبيه الريال غير عن المره وعليا علينا


ريما:

هههههههههه
يختج شسوى ريمه

انا هم احس بنفسى لى طلعت امبجر
اوصل الدوام مرتااحه
بس لا اتاخر لو خمس دقايق ادشين الدوام مودج زفت

صاجه والله


اى مسكينه هذى
اذا بالملجه جذى شلون بعد الزواج
يعنى يبين انا يغااار يا الله من فضلك اشفييج
:))))))

والله حاله


لوووووووووول
افتى حبيبتى افتى

لا صاجه ترى فتاويج اغلبها صح

ومو كل واحد يقدر ينام امبجر يا ريمه
وانت اخبر
:)))

لا ماكو بدليات فهمت
ههههههههه

charisma said...

san3a_wa_laken:

hehhehehehe ee walaah ygolon 3nch fachaa , anaa ethaa 9ar mwqef aw bdat el a39ab awa`7er leanaa shofty aw brody y`7alehum y39bon akther
fa a7ashem 3mre lol


warda:

loooooooooooooooooooooooooool
loooooooooooooooooooool
loooooooooooooooooooooooooool

mwateny the7kkkkkkk
7alema aw nouraa ee momken
osamaa a3eza anaa hehehheh

el bajee atefq m3ach lol

mwateny the7k
:*

brava valentia:


heheheh
la hal no3eyah 2 much 9ara7aa
:)))

7yach alah

3ateeja said...

ما فيهم الا دلع وشحاطه ...
ولا ليش ما عمرج وعمري وعمرنا كلنا شفنا كويتي معصب على لبنانيه
؟؟؟؟؟؟؟؟؟؟؟؟؟

charisma said...

3ateeja:

loooooooooooooooooooool
hehehhehehhehehhehehhehe

موتينى ضحك ايى والله صااااااااااااااجه
هههههههههههههههههههههه
لا بس فى فى ترى يعصبون على لبنانيه
ولا ابشرج فى الى ما يحبون المياعه فى لا اتحاتين
هههههههههه

الله يوسع صدرج يا عتيجه ضحكت من الصبح عاد حدى مستعسره كنت

ام الحفيز said...

كريزما

الله يهداج مقيوله الهون ابرك مايكون....اهم بس الريايل مشلوطيين ؟؟ لا اعيوني اكووو حريم يادافع البلى جباريت....شوفيهم بالصالونات على دينار يتخانقون مع الفليبينيه ولو هم بلندن جان تدفع الهلا والبلا ولسانها بالعته وبدون حجوووه، بس قوتهم على المستضعفين الله ارحم...بس ما اقول الله يرحم البيت الي فيه التربيه اساس

sologa-bologa said...

عدل كلامج
يا دكتورة

:))

وبالاخير يقولون ليش يحوشنا
ضغط وسكر

كلا من هالأعصاب اللي ما أدري على شنو


ودمتم بحب بلا أعصاب وتوتر

tweety said...

كاريزما

أنا أعيش بعايلة مشلوطة كلهم أعصاب وضغط عالي ولا عمرهم تكلموا بهدوء

ودوامي في مراجعين دايما ايون بدال لا يسألون شنو اجراءات المعاملة أو يسألون يعصبون ويطلعون حرتهم فيني

يعني انا شسوي بعمريييييييييييييييييييييييييي !؟؟

ليش ماكو هدوء ليش الاعصاب على ادنات الدون عاد انا مشكلتي بسرعة اتنرفز تخيلي الصوت العالي يوترني حتى لو كانت وحدة اتكلم بالموبايل بصوت عالي وهذيله زايدين الله يسلمج

سامحني توني اشوف البوست اللي قبله
كل عام وانتي بخير وسعادة و...جم عمرج!؟
:p
أبي أشوف في أحد حاس بمعاناتي لوول

charisma said...

ام الحفيز:

صدقتاى الله يرحم البيت الى فيه التربيه اساس

ام الحفيز انا ما اتكلم عن قليه التربيه فى ناس حرام متربين بس مو منا المسكين فى حراره زياده عن اللزوم
الى الفئه الى اتكلم عليهم
ما فيهم الا العافيه بس عصبى ماله شغل بالتربيه

وقطيعه البنات الى تتكلمين عليهم هذول فئة الهيلق
هذول المأسااة عاد المتحركه
ههههههههههه

منورتنى يا ام الحفيز


سلوقا بلوقا:

هههههههههه
اهلا اهلا

اى والله كله ضغط وسكر
الله يهديهم بس

حياك الله
والله يبعد عنك كل عصبيه
:)

charisma said...

تويتى:

انت بتصيرين مشلوطه واعصاب بالوراثه
هههههههههههه
الله يعينج حبيبتى انتى

علقل اهلى اتحملهم اهلى يا حيل الله محد يختار اهله

بس المراجعيييييييييييييييييين

انا اقولج الى يعصب خزيه
خزيه خلى يحترم نفسه
ولا اقولج نفسى عليه وقوليله اذا سمحت تكلم عدل وهد اعصابك

والله حاله
الله يعينج
ويعين كل واحد يتعامل مع عملاء


حبيبتى انتى
وانت بالف خير وصحه وسلامه
عزيزه وغاليه يا تويتى

ام الحفيز said...

كريزما

انانانانا الي هي انا مشلوطه تشلوط بس احكم عقلي قبل قلبي يختي انا اخاف من العقووووبه الدنيا دين مثل ما تودين تووودان وربج مايطق بعصا يمهل ولا يهمل الله يكافينا شر انفسنا اللهم امين

عــــــابره said...

ايه صح ليه عموما اهل الخليج عصبين

يمكن حراره الجو .. والخلق الضيق ؟؟

charisma said...

ام الحفيز:

يحلوج والله انت
لو كل انسان يحط ربه جدامه وجدام تصرفاته جان احنا بخير يا ام الحفيز

الله يهدى ويصلح الجميع

امين اجمعين


my sold:

اظاهر اثبتت الرؤيا ان من حرارة الجو هو السبب
:)
منوره

Anonymous said...

صدقتي..هناك نوعيات كثيرة مثل هالبشر اللي قابلتيهم و نقابلهم كل يوم..
ما أدري ليش هذه العصبية و التفاهة..يمكن هالحرارة من الجو و المعبوج بالمجابيس ؟ أم من سطحية التفكير و الأخلاق الشكلية بس !

بس بخلاصة الموضوع..للأسف الكثير يعاني من إضطرابات نفسية تنعكس على تعامله مع الناس الى جانب قلة التربية و الوعي الإجتماعي.


اللي يبط الجبد..إن حتى لو حاولت ان تجعل أعصابك ثلاجة و تتغاضى عن هذه الأمور..لن تستطيع الصمود طويلا بسبب خبالهم و عصبيتهم !