Saturday, September 8, 2007

انت رحت بس خالد بقلبى يا عمى

بتكلم عن شخص الكلمات ما توفيه حقه

طيبه ما مرت على بحياتى

وجه سمح بشوووش سفرر النور يطلع منه ما ودك اتشيل عينك منه

ما عرفت الحنان الا منه ، ما حسيت بحضن دافى مثل حضنه

اذا سلم علينا لازم يحضنا وخصوصا احنا البنات بنات اخوانه وبنات خواته

يبينا كلا مبتسمين يحب يسمع منا ، اذا تيمعنا يفتر علينا وحده وحده يسمع منها ويشييل ماكان عمى وبس لا كان اخوى وصديقى وابوى وعمى

علمنى واايد وسبحان الله جنا حاس ان ما راح يطول

عليمنى الى يكفينى العمر كله

كان وايد يلازمنا جنا حاس ان ايامه قليله بهالدنيا ولا يبى يضيع عمره الا بين اهله ما عند ربع وايد ودواويين

كل قاعد بينا ويشوف شناقصنا وشنحتاج

مسخر روحه لنا


علمنى احب اهلى

علمنى انام مو شايله على احد

علمنى التواضع

علمنى اقصر حسى

علمنى الحشمه

علمنى افرض احترامى

علمنى امشى وراسى تحت

علمنى اتبع السنه بكل شى

كنت استحى الم ابوى ولا عمامى

عمى ياخذنى بحضنه جدام الناس ما يهمه ، ابوى ناشف شوى ما يعرف يطلع حنيته الا بالنزر ، ابوى حتى لى شاف
دموعى يزفنى ليش تبجيين

عمى ما يتفاهم الا بالحضن

علمنى اتنقص حق حبايبى ، دايما يدش بيده شى

علمنى احب لاهلى وخواتى وحبايبى الى احبه لنفسى

علمنى اللجوء لله

دايما الطيبيين يروحون بسرعه

اللهم لا اعتراض

اليوم ذكرى وفاته اهو مع اسرته زوجته وولده

حادث سياره والله خذا امانتهم


كانت فاجعه ، الحمدالله على كل حاال

بس ما حبيت اعدى هاليوم بدون ذكره

الله يرحم موتانا وموتى المسلمين

امين

36 comments:

بنت الكويت said...

الله يرحمه ويغمد روحه الجنه

الانسان الطيب الله ياخذ امانته بسرعه عشان اهو يحبه

وشخص مثل عمج صح جسديا مو موجود بس تحسين روحه دايما معاج

والله يخليلج والدينج يارب

Anonymous said...

الله يرحمه ويجعلها اخر الاحزان انشاله

Q8DOLL said...

آآآه يا كاريزما
قلتيها
الطيب ما يعيش وايد بهالدنيا
عسى الله يرحمه ويرحم زوجته وولده
ويصبر قلب أحبابه
صعبه تفقدين الصدر الحنون اللي تحطين راسج عليه وتحسين بأمان
ربي يعوضج بإنسان يخاف عليج ويحترم ذاتج ويعطيج الحنان اللي تستاهلينه
عمج الله يغفر له علمج الحنان وعلمج اشياء حلوه
عسى الله يهني من يحصل عليها
عليج بالدعاء له
والصدقه ياكاريزما
لا تنسينه بالصدقه دايما لو بمبلغ صغير وايد
الله يأجرج عليه ويأجره
والله يحفظج يارب واتمين بهالاخلاق العاليه اللي قريتها عنج

qesat_5ayal said...

الله يرحمه

Neyoma said...

الله يرحمهم

Яeema said...

مثواهم الجنه
بإذن الله

الله يرحمهم برحمته

نون النساء said...

الله يرحمه يا كاريزما
ويغمد روحه الجنه


ويجعل من قبره روضة من رياض الجنة
قولي آمين


الله يصبر قلوبكم يارب

7osen said...

يقولون إللي الله يحبهم ياخذ أعمارهم واهما صغار

الله يرحمة ويرزقه بالجنه إن شاءالله

بوستج وااايد أثر فيني

الله يهنيج ويسعدج إن شاءالله

PearL said...

الله يرحمه يارب
اهوه و اهله



بوستج وايد مؤثر

ويكفي انه هالذكريات موجودة بقلبج قبل عقلج

shakshaka said...

alllah yer7amhum enshallla weghamid ro7hum elyana alahuma ameeeen:)

allaah e9aber ahalhum enshallla ..


charisma ana barra elmawthooo3 bes tara mn 9ijjjy walhana 3laich;* heheh

Warda said...

الله يرحمهم

و يغمد روحهم الجنه

DiLLi O MiLLi said...

وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ
الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ
أُولَئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَئِكَ هُمُ الْمُهْتَدُونَ


اللهم أسكنهم فسيح جناتك واغفر لهم وتجاوز عن سيئاتهم .. اللهم ابدلهم داراً خيراً من دارهم وأهلاً خيراً من أهلهم واسكنهم الفردوس الأعلى




الله يرحمهم ويصبر أهلهم في مثل هاليوم اللي ذكراه أليمة .. ويمسح على قلوبهم .. اللهم آآآميييين

AseeL said...

الله يرحمهم برحمته

bo9ali7 said...

الله يرحمه

nadeyah said...

الله يرحمهم برحمته الواسعه
يا بخت من ذكربخير ,,, عند الناس اللى يحبونهم ويتصدقونلهم ويستغفرون لهم

mtfa2el said...

عظم الله أجرج
و الله يرحمه و أهله و يخلي مثواهم الجنة

Aldenya said...

من كلامج بينتي لنا مدى روعة أخلاق وصفات عمج الله يرحمه

الواحد مايملك غير الدعاء والدعاء والدعاء

كثري من دعواتج له وإن قدرتي سوي عمل صالح وخلي ثوابه يكون بإسمه

وربي يرحمه ويغفر له

مقيولة

الطيبين يروحون بسرعة

بنت الشاميه said...

عورتى قلبى

الله يرحمهم ويغمد روحهم الجنه


اجر وعافيه

الزين said...

أخييييييييييه يا كاريزما

والله عورتي قلبي

وانا قلبي اصلا مجروح من فراق اللي راحت واتركتني

ورمضان على الأبواب

اول رمضان لنا من غيرها

رمضان اللي طاف كنت في بيروت وياها

الله يعين قلبي

ويصبرني يارب

الزين said...

اسمحى لي

انا فكرت بمصيبتي ونسيتج

الله يصبركم يارب

ويرحمهم ويوسع منازلهم يارب

:*

Purplecious said...

الله يرحمهم و يغمد روحهم الجنه

انا لله و انا اليه راجعون

What Will Be , Will Be .. said...

allah yer7mhum o y`3amed arwa7hum ilyanna ya rb ..

PinkOcean said...

الله يرحمهم ويتقبلهم بجنانه يارب ويجعلها خاتمة أحزانج

سويلفاتي said...

والله وفيج الخير يا كاريزما
الله يرحمهم برحمته ويغمد ارواحهم الجنة
ويصبرج على امره وقضاه

U_SF said...

الله يرحمه ويرحم زوجته وولده

عسى ربي يغفر لهم ويتوب عليهم

اللهم نقّهم من جميع الذنوب والخطايا كما ينقّى الثوب الأبيض من الدنس

الله جازهم بالحسنات احسانا وبالسيّآت عفواً وغفرانا

اللهم أبدلهم داراً خيراً من دارهم وأهلاً خيراً من أهلهم
وقِهِم فتنة القبر وعذاب النار

اللـــــــــه يرحمهم انشالله

esTeKaNa said...

يا بعد روحي يا كريزما
بجيتيني والله
:(
الله يرحمه وعساه بجنات النعيم
اذا كنتي فعلا تحبينه تحري اوقات استجابه الدعاء ولا تنسينه بكل صلاه
ورمضان على الابواب
ادعي له كثر ما تحبينه

متابع بعيد said...

الله يرحمهم ويرحم موتى المسلمين
ثقي تماما انه الآن في دار احسن من داره
وأهل احسن من اهله

انا لله وانا اليه راجعون

physio-80 said...

الله يرحمه انشالله
و إنشالله اتلاقين معاه بالجنه
(بعد عمر طويل انشالله)

إللي الله يحبهم يخلي ذكرهم بالدنيا حتى عقب ما يروحون عنها

الله يرحم مةتى المسلمين أجمعين انشالله
و يجعلها لكطم آخر الأحزان يا رب

Unknown said...

رحمة الله عليه ويتغمده بواسع رحمته

وهذا حال الدنيا كلنا ماشين على هالطريج لكن الغفلة

عثماني said...

رحمة الله عليهم جميعا

هي كذلك الدنيا

5roofa said...

الله يرحمه و يقمد روحه الجنه
ياقلبي يا كرزما وااي قطعتي قلبي الله يصبرج و يمسح على قلبج
حاسه فيج و شعور فقدان الغالي صعب
الله يرحم موتى الجمييع

T.C sweetee...

salamz...

SHAHAD said...

ربي يرحمه ويغفرله ويغمد روحة الجنه ،، الحمدلله إنه ترك أثر حلو يقلب اللي يحبونه ،، هو راح وربج أخذ أمانته بس باقر بأعماله الطيبة باقي بذكراه الحلوة باقي بكلماته اللي للحين لها الأثر على قلبج ،، الله يرحمه يااارب

salfa3ajeeba said...

Ameen ya charisma,

a7la shay thikrah il6aybah:)

allah yr7omah oho o 3aylitah wi yiskinhom fsee7 jannatah

charisma said...

الله يرحمهم ويسكنهم فسيح جناته
ويرحمنا برحمته ويحسن خواتمنا
ماشاءالله مرت سنتين على وفاتهم وجنه امس
:(

مشكوريين وايد وايد
عورنى قلبى مع كل كومنت
من كل قلبى مشكورين
ويزاكم الله الف خير

والله يرحم اموات المسلمين
الله لا يخلينى منكم

charisma said...

زوزتا

عورتى قلبى
الله يرحمها برحمتة
حااسه فيييج والله
:(
:*

vancouver said...

حبيبتي
كارييييييزما

الله يرحمه ويسكنه فسيييح جناته


سبحان الله
وانا اقرا اللي كاتبته
اقول بنفسي اشلون البني ادم
ماااااا ينفعة بالدنيا غير الذكر الطيب بعد مماااااته

هذي الثروة يا كاريزما مو اي شيء ثاني