ماكو شى معين فى بالى ، تاركه ايدى تطبع بروحها ودى اسولف لكم من زمان ما سولفت
هالويك اند كانت احلى بدايه للجو الحلو بالديره داخل
احب شمس الشتا استمتع فيها لى درجه ما اعترف بالنظارة الشمسيه بالشتا الا وقت الظهر
ونظارة الشتا جامها فاتح عشان لا يحرمنى من اشعة الشمس
اول شى سويته لما طلعت اليوم اخذت نفس عمييييييييييييق
كان مشروع غدا بره ، او ما شفت الجو جان اقول البحر ابى اى مكان جبال البحر
ورحت تغديت جبال البحر الجو خيالى والبحر عجيييييييييييييييب
حسيت الكل محتفل بهالجو لى درجه حتى الزورى بالبحر سوالى احله استعراض
اول مره بحياتى اشوف الزورى بالهالحاله هههههههههه كاان مينووون ، كأنه استعراض دولفن ما كانه زورى كااان وااو ، ينط بره الماى يناقز شكله يموت ضحك
كان شيطااان هديت اكلى وجابلته :)
وصانى صديق بقراءه روايه للكاتب غازى القصيبى بعنوان حكاية حب
اتنقصلك العافيه استمتعت بالروايه كانت وايد حلوه
:)
قبل لا ابدى بفقره من الروايه ودى اتكلم عن موضوع النقصه والتثوب والفرق بينهم
طبعا اتوقع انها كلمات كويتيه بحته
والكثير يجهلهم وما يعرفهم واذا سمع ما يعرف معناهم ، وبقول حق هالناس تراكم فاقدين متعه كبيره
( كل زين اشاهده وانتم بعيد منوتى ليتك معى )
لما ادرى ان عزيز على وحبايبى القراب منى يحبون شى معين ايا كاان ويمر على بيومى
اثوبه له !
يعنى اقول يا ريت فلان معاى ويشوف او يذوق او او او
ومرات نقول بتنقص له منه
يعنى اييب له اشتريله اذكره فيها واييب له من الى يحبه لبس او اكل الى اهو
عورنى قلبى الحين والله وانا اذكر حبايبى الله لا يخلينى من كل انسانه وانسان ذكرنى بالشى الى احبه وثوبه لى
وتنقصه لى وبقولهم اتنقصلكم العافيه يا ربى
وايد اسويها ووايد يسوونلى نفس الشى
وهالشغله حتى مع زميلاتى وزملائى البلوقرز تصير واايد
لانكم قراب منى ويوميا نتواصل
حكايه حب
جانيت! كيف يمكن أن تجتمع فى امرأه واحده كل المواصفات الى يعتبرها رجل المواصفات المثاليه للمرأه؟
الجواب فى العين التى لا ترى.
عفوا؟؟
العين التى يعميها الحب لا ترى سوى الكمال
انا اشهد
لكل الحبايب
