Monday, October 15, 2007

روحانيات رمضانيه





دايما اذا مسكت كتاب تستوقفنى كلماته وحروفه وسطوره

اتاثر واتفاعل والقى نفسى مرات وبعض المرات اعيش الدور

احب ادون ما استوقفنى بكل كتاب


دائما رفيقى برمضان كتاب الله القران الكريم

سبحان الله كل مره اختم كتاب الله تستوقفنى سطور وكلمات فيه غير الختمه الى قبل ما ادرى ليش فى طبعى ادون الايه القرانيه وبعد ما اختم اقارن ما استوقفنى هالختمه والى فاتت ، القاه مختلف تماما
فعلا دايما الانسان يتفاعل ويتاثر مع الى يحس فيه من داخله وقاعد ، يفكر فيه ومتاثر منه


وايد انا افكر فى موضوع الحلف بالله الى على السانه على كل حجوه استغفر الله مو استهانه بالله بس مرات بدون ما نحس والله العظيم و والله العظيم استغفر الله مرات صج ومرات جذب مو قصدا الواحد يحلف بالله جذب بس مرات نيتك من داخل غير الى انت تقوله



استوقفتنى .....


لَا يُؤَاخِذُكُمُ اللَّهُ بِاللَّغْوِ فِي أَيْمَانِكُمْ وَلَكِنْ يُؤَاخِذُكُمْ بِمَا كَسَبَتْ قُلُوبُكُمْ وَاللَّهُ غَفُورٌ حَلِيمٌ
"
لَا يُؤَاخِذكُمْ اللَّه بِاللَّغْوِ" الْكَائِن "فِي أَيْمَانكُمْ" وَهُوَ مَا يَسْبِق إلَيْهِ اللِّسَان مِنْ غَيْر قَصْد الْحَلِف نَحْو وَاَللَّه وَبَلَى وَاَللَّه فَلَا إثْم عَلَيْهِ وَلَا كَفَّارَة "وَلَكِنْ يُؤَاخِذكُمْ بِمَا كَسَبَتْ قُلُوبكُمْ" أَيْ قَصَدَتْهُ مِنْ الْأَيْمَان إذَا حَنِثْتُمْ "وَاَللَّه غَفُور" لِمَا كَانَ مِنْ اللَّغْو

"حَلِيم" بِتَأْخِيرِ الْعُقُوبَة عَنْ مُسْتَحِقّهَا



البقره ايه 225

تفسير الجلالين


الحمدالله ان الله عالم بالنيات ويعطى كل انسان على نياته


موضوع ودى اتكلم فيه يختلف عن الى قبله


دايما الواحد فينا اذا صكت فيه الدنيا وانقمت ووده يبجى يدور من يفرغ عنده طبيعتنه البشريه ترتاح بالتفريغ

مرات اتفرغ عند حبيب ولا زوج ولا صديق انت ممكن تكون غلطان بس انت اخترت الشخص المناسب فى نظرك


بس ادور الدنيا واييك يوم وهذا الانسان الى فرغت عنده بضعفك بيوم من الايام يعايرك بعيوبك ويجرحك فيها وبالصميم


ترى محد معصوم من الغلط بس احنه بشر نغلط ونحس بالغلط ونتعدل ونرد نغلط وهكذا


خلاصه الى بقوله


يشكى العبد للعبد وينفضح وربى يعلم وساتر من اوله ان نشكيله !


سبحان الله ما ادرى ليش ما نستوعب هالشى

انا اول وحده اذا صكت فينى الدنيا ادور انسان قريب منى

وانسى ان ربى ساتر وعالم ما بالنيه

انسى ان الشكوه لغير الله مذله

اى والله مذله

33 comments:

7osen said...

السلام عليكم

اول شي أشتقنالج وااايد واشتقنا حق سوالفج

:

موضوع وااايد مهم موضوع الحلف بالله

فعلاً الله سبحان وتعالى رحيم بالعباد
لما قال إن الله مايحاسبكم باللغو في أيمانكم

وصج مثل ما قلتي في ناس على طول على لسانه والله العظيم بالصج والجذب

:
اما الشكوة طبعاًدائماً وأبدا الشكوة لله وحده

لكن الإنسان إللى يلقى من يشكيله ويفهمه إنسان محظوظ

وأكبر غلط إنك تشكي لإنسان مو كفو

:

موضوع واايد مميز

تحياتي لج عزيزتي

Hungry-Healthy-Happy said...

والله يا كاريزما إن موضوعج يه بوقته
صاكه فيني الدنيا بشكل مو طبيعي
و مو عارفة شسوي



Thanks

charisma said...

وعليكم السلالام والرحمه

تسلم يا حسين انا اكثر والله

مرات نشكى للانسان الكفو ترى
بس يظل انسان
وتظل نزعه الشر فيه
وبردها لك
;/


joli:

هلا وغلا
اسم الله عليج الرحمن الرحيم
اقولج شتسوين ؟؟
عن تجربه
صلى ركعتين
واقرى لو صفحه من القراه
وقولى الى مضايقج لربج

وبعديييييييييييين
اذا تحسين ان تبين تتكلمين مع احد فكرى زين واختارى صح
:**
وتفرج يا جولى تفرج يالغاليه
:)

magnoonah said...

الحمدلله على السلامه

واي وناسه احس كان اجواء رمضان ما انتهت عندج

وصج وايد ناس تحسينها تتكلم من دون تفكير او احساس لدرجه صار عندهم ذكر الله شي عادي وحتى لو يحلفون ومو قاصدين الجذب تلاقينهم يذكرون اسم الله مع الكلام كانهم يستشهدون بشي ماله اهميه



وفعلا كلامج الصح مو كل الناس تستاهل تفتحين لها قلبج وتشتكين لانه الدنيا تدور وما في شي يظل على حاله


سعيده بعودتج

تحياتي
:)

Mamloo7a Q8ia said...

اول شي نور البلوق برجعتج لنا يا ضحكة القلب وعسى ما تنقطعين عنا من شر


خوش موضوع فعلا الواحد لازم يبدي يدرب نفسه على انه ما يتعود على الحلف بالله في كل شي ولازم ننتبه لهالشي
واكيد ان ربي سبحانه وتعالى ان شاء الله بيحاسبنا على نياتنا

وصاجه يا ضحكة قلبي اكبر غلط انج تشتكين حق الانسان الغلط وعلى ما قلتي اشكي لربج احسن لأن الشكوى لغير الله مذله

الوجد said...

كثير اشتقنا لك


الموضوع كثير حلو


وان شاء الله نتجنب هالعاده

ونتجنب القسم بالله


في كل شي



اما موضوع الشكوى لغير الله مذله


هو فعلا مذله اذا كان الشخص


اللي نشتكيله الشخص الغلط

Anonymous said...

صح كلامج عن سالفه الشكوا عشان جذي انا مهما كانت علاقتي باصدقائي يظل الي يصيرلك افضل في وقت الضيق
:)

Barrak said...

كل عام وانتي بخير

وهذي نعمه من ربك ان اجواء رمضان للحين نحسها

الحمد لله

Unknown said...

البداية كانت رمضان انشاء الله ونستمر على طول باذن الله

Kuw_Son said...

أول شي كل عام و انتي بخير

و تقبل الله طاعتج و عيدج مبارك :)

--------------------------

جزاج الله خير على نقل االآية و توضيح المراد منها ..

----------------------------

قولي آمين ..

ان شاء الله ما تصك فيج الدنيا و لا تحتاجين و لا تعتازين لأحد تشكين له ..

و ان صارت لا قدر الله .. ربج ستار و رحمن و غفور ..

الله يوفقج :)

rwatan said...

قواك الله و مشكوره.... معلومه لها من الفائده الكثير

5roofa said...

سلااام يالغاليه

امبي والله كلامج صح
تي عرات لي صحكت فيني الدنيه كله اتحلطم و ابجي و اني بروحي و من هالحجي الي ييي لي عر المزاج لوول

بس تصدقين لي بجيت على سيادتيي و شكيت لربي احس جنه ايد تمسح على قلبيي

ربي يمسح على قلب كل مهموووم

يعطيج العافيه خيتووو

salamz sweetee....

charisma said...

magnoonah:

هلا حبيبتى الله يسلمج من كل شر
اييي لانى ما نزلت بوستات فى ارمضان لوول وفى جم شى فى بالى فنزلته للذكرى
هههههههه

فى ناس جنهم يهال كلا والله العظيم على كل شى

على قولتج مافى شى يظل على حاله

تسلمين
:)

الملح وقبله:

منور بوجودكم وفيكم :**

دايما اقولج اياها داايما
وعلى نياتكم ترزقون
الحمدالله والشكر يا مملوحه
الله عالم ما فى القلب

والشكوة والتفريغ صفه فينا صدقينى بدون ما تحسين تلاقين نفسج اتفرغين
بس اختارى الصح
:*

charisma said...

الوجد:

هلا بالوجد
:)

ما نتجنب بس انحط بالنا

انت قلتيها اذا شكيت للانسان الغلط

ومرات يكون الانسان الصح يا الوجد
بس شتقوليين
:/

سعيده بتواجدج


حمودى :

هلا بحمودى هلا
امممم
والله مرات القريب عله يا حمودى
الله يخليلك اهلك وحبايبك
:)

charisma said...

براك:

والله بما انى اجازه فانا لى الحين احس اجواء رمضان
لى الحين نومتى مقلوبه
:))

الف حمد وشكر لك يا رب

منور يا براك


مشارى:

اهلا وسهلا
انشاءالله الله يثبتنا ولا يلهينا يا مشارى

charisma said...

kuw_son:

:)
اهلا وسهلا سيد خالد

وانت بخير وصحه وسلامه

امييييين
بس مع طبعى هذا هههه ما اعتقد
الدعوه اتينن وما قصرت
اميين اميين

اجمعيين يا رب
:)

rwatan:

حياك الله
وشكرا لمرورك


خروفااا:

يا هلالالالا وياا مرحبااا بمن حبا ودبا
هلا بخروفاا هلا

هههههههههه
عادى كلنا بالهوى سوا
الله يهدينا يا خروفا امين
:**

mowa6en said...

الموضوع كان رمضاني بس ما يمنع انه نعلق ، لان العبره بالأعمال وليست بالمواسم .

وعجبتني قوله لعلي بن أبي طالب .. كونوا لقبول العمل أشد اهتماما منكم بالعمل ، ألم تسمعوا لقول الحق عز وجل ((إنما يتقبل الله من المتقين ))

وشكرا


مواطن

Selezya said...

قوه :)
شلونج انشالله تمام

تسلمين على هالموضوع ..

برايي
كتاب الله لو بتطلعين منه كلمات استوقفتج بتلقين نفسج طلعتي الكتاب كله كتاب عظيم بكل النواحي
وسبحان الله

--
الشكوى لغير الله مذله
في اغلب الاحيان اوافق بهالشي
ولكن ترا للحين في ناس قلوبها نظيفة وتسمع للشكوى وتحافظ عليها وبالعكس تحل مشكله الشاكي ولا بيوم من الايام تردها له
وبهالشي يكون الاغلب بس مازال فيه البعض اللي مايتوافق معاهم هالمثل

تخيلي نفسج بهالموقف ويالج احد صاكه في هالدنيا وشكالج .. تتوقعين يوم من الايام بتردينها له ولا بتعايرينه؟؟


:)

ويعطيج العافية

U_SF said...

الناس للناس .. والكل بالله

وصحيح اختي كريسما .. الشكوى لغير الله مذللللللللله .. ايي والله مذله

ونادر ما تلقين انسان تشكين له ويرمي شكواج ف بير ماله قاع

الله يطمّن قلبج ويريحج من كل هم انشالله : )

مشكوره على نقل الآيه .. فذكّر فان الذكرى تنفع المؤمنين .. يزاج الله خير


الله سبحانه وتعالى شيقول :

يقول

(( لو اتاني بقراب الأرض خطايا لا يشرك بي شيئا .. أتيته بقرابها مغفره ولا أبالي ))


وانا أقول .. ولله المثل الأعلى
يعني لو اتيين حق انسان وتشكين له تلقينه اذا صار بينكم مشكله قام يعايرج بأسرارج وبشكواج له

الله المستعان


الله يحفظج يا كاريسما ^_^

Najmah said...

كاريزما
صدقتي والله

الشكوى لغير الله مذلة

قبل فترة قريت عبارة عجبتني وكتبتها:

قال الأحنف بن قيس: شكوت إلى عمي وجعا في بطني فنهرني وقال: يا ابن أخي إذا نزل بك شيء فلا تشكه إلى أحد فإنما الناس رجلان: صديق تسوؤه وعدو تسره
والذي بك لا تشكو إلى مخلوق مثلك لا يقدر عن دفعه عن نفسه ولكن اشك لمن ابتلاك به فهو قادر على أن يفرج عنك

وصدق الشاعر اللي قال
أأشكو للعبد وهم صغار .. وماذا استفيد من الصغار؟
ومن يشكو الظلام الى ظلام .. فلن يحظى بتأييد النهار


يعطيج العافية على هالموضوع :)

charisma said...

moowa6en:

اى رمضانى لانى كنت اجازه الله يسلمك وودى ادون جم شى فى بالى عشان اذكر
:)

المقوله عجيبه
وتسلم للافاده

حياك الله

selezya:

يا هلا ومسهلا
:)

صح كلامج بس فى ايات سبحان الله توقفين عندها اتخليج تتفكرين تشدج حيل

مو كل الناس مثلى ومثلج
:/
مرات يخيب ظنج فى ناس وتتحسفين ليش قلتى

الله يعاافيج يا رب
:)

charisma said...

يوسف:

هلا بيوسف

تسلم على هالدعوه الحلوه
اجمعين ياخوى

ونعم بالله
اى والله صدقت

حافظك الله
:)


نجمه:

هلا بنجمه هلا
:)

يا سلام يا نجمه
اى والله
ونعم بالله

تسلمين حبيبتى
:)

mtfa2el said...

يعطيج العافية و الله بوست حلو
سبحانه عالم بالسراير

esTeKaNa said...

يا حبي لج يا الغاليه
ويا كثر ما اشتقت لج
:**
تدرين كل يوم اسئل نفسي وما بعد رمضان؟
شنو تعلمت من رمضان؟
وفعلا قرايه القرآان بتدبر يخليج تكتشفين الكثير من الايات اللي فعلا تقرينها بروحج قبل عيونج وتبقى في بالج وايد ويزاج الله كل خير على الايه وتفسيرها



وبالنسبه للشكوى...ماحد ينكر حاجته للناس ،بس اللجؤ للرحمن فيه راحة نفسيه عجيبه،كافي اليقين بالاستجابه واليقين انج راح ترتاحين عقب كل شكوى


الله يحفظج يا الغاليه ويشرح صدرج دنيا وآخره:**

ReLaaaX said...

ياسلااااااااااااام عليج ياكريزماااااا

وربي يت هالاية بوقتها :))))


ماشالله عليج وعسى الله يريح قلبج مثل ماريحتي قلوبنا يااغلى كريزما


ومثل ماقلتي الشكوى لغير الله مذلة

nadeyah said...

كنت كاتبه تعليق قبل يومين وعلق معاى وعصبت وسكرت الصفحه

والحين رديت بعلق ونسيت شنو كتبت

بس بقول لج فقدت بوستاتج فى رمضان والله يتقبل منا ومنج صالح الاعمال
وتعلمت درس ان الشكوى لغير الله مذله ولو بشكى لاى شخص شنو بيسوى لى ؟ يسمع لى ؟ يخفف عنى وبعدين ليش ما اناجى ربى افرش سيادتى واصلى وادعى واتقرب من الله وراح الاقى الراحه مع ربى

والعباد الله يغنينى عنهم

SHAHAD said...

صدقتي الشكوة لغير الله مذلة
سبحان الله ، دايما نلجأ للمخلوقين وننسى الخالق
وهو أرحم لنا منهم
وهو اللي يستر علينا ويغفر لنا
بس لما نلجأ لله سبحانه نحس براحة مو طبيعية ، سبحان الله
انا نفسج إذا قريت القرآن أحب أتأمل بمعانيه ، أحس رحمة الله وااسعة بعباده

بوست راائع
اشتقنا لبوستاتج يالغالية

خسرتني للأبد said...

الســ عليكم ــلام
اي و الله صاجة يا اختي الكريمة
اشلونج كريزمة شخبارج
بعض الساعات الواحد يدور في كل ماكن على من يساعده او يجيره او ياخذ بايده
و ينسى او ينسيه الشيطان رب العالمين

Fahad Al Askr said...

عيدك مبارك، ممكن؟

Shaima'a Alkandari said...

القرآن الكريم خير كتاب نقرأه بحروفه نور ومواعظ وعبر
خير رفيق اتخذتي غاليتي

للاسف نرى اغلبية الناس يحلفون بالمولى عز وجل بالصدق والكذب
مو اي شي نحلف عليه
لي ضاقت فينا الدنيا الاجمل ان نتوضئ ونقرأ كتاب الله لانه يريح الانسان

بوست جميل ورائع استمتعت بقراءة نبض حروفك

charisma said...

متفائل:

ونعم بالله
حياك الله متفائل

استكانه:

حبيبتى انت
انا ولهاانه علييج اكثر والله
ما بعد رمضان الله يثبتنا ان شاءالله

وانت الصاجه يا استكانه

اجمعين حبى


ريلاكس:

هلا وغلا
:)
حبيبتى انتى
:*

charisma said...

نجديه:

هلا حبيبتى اتمنى تكونين بالف خير
وخووش صوره وايد حلوه
:)

عاادى تصير معاى وايد هالحركه اتنرفز
ولا اذا كنتى من قلبج كاتبه ومشتطه
:))

اى والله انا بعد ما تشوفينى بلشت بهالبوست اثار رمضان
:))


اى والله الله الغنى ونعم بالله


شهد :

هلا بشهد

صاجه بس ابن ادم وطبعه
هذا الصح بس مرات بدون ما نحس اندور القريب ونفرغ الى فينا

حبيبتى انتى تشتاقلج العاافيه

charisma said...

خسرتنى للابد:

وعليكم السلام والرحمه

بخير تسلم على السؤال ما قصرت

اى والله وهذا الى اقصده

فهد العسكر:

افا عليك ممكن ونص

من العايدين والفايزين يا فهد

:)


شيماء الكندرى :

هلا بشيماء
:)

حبيبتى انتى
وانتى يفرحنى تواجدج