Saturday, January 19, 2008

سيكتبنا التاريخ



فاتحه الصفحه وما ادرى شبيطلع ، شعور انى بفرغ و بسولف

عاد شنو الله يعلم ! تاركه ايدى تكتب ... برد و تكسر كسل

الدوام غصب ننشلع من فرشنا اكل ومرعه، مواجيب اجتماعيه ثقيييله

الواحد من يدش البيت ما يبى يطلع منه ..وهاابه هبه بالبنك ، قاطعه العشا واكل بنك اصدقون ضعفت على هالطريقه

جربوها ...


امس بشوكليت بار متيمعين انا وصديقاتى وفصلنا على الاوضاع الى

بالديره السياسيه والاقتصاديه اجتماعيه ، انغمس بهالفوندو وكل وحده

جدامها طلبها لان الفوندو يصير شير للكل وتمخمخ وشغل عدل ، فيزييد التفلسف مع المود العالى ودفااااا واحنا 6

بنات وتخيلوا المزاج والفصله شلون تصير ... المهم وصلنا

بالكلام الى ان الكويت ودول الخليج طفره وبننتهى هههههه ومن

صجنا انتكلم ومن صجنا تعمقنا دول فقييره تعتمد بقتصادها على البحر

والتجاره يطلع لها نفط فجأه يغتنووون وينقلب الحال الى غنى وشهره

وننفتح على العالم ويعرفونا يشمون ريحتنا البعااد يطمعون فينا يدشون

ويتسللون بينا ، حروب مفتعله ... يمصون نفطنا مص بوق منا وفينا

طمع جشع بذخ فتره من الزمان وينتهى النفط ترجع

هالدير بالتدريج تنشف ماكو فلوس وترجع تصير فقيره ويتخلون عنها

الطامعين ويغزونا الدول الصديقه الى حوالينه ونرجع على حالنا فقر بفقر بفقر تبرز الطبقه الغنيه فقط
ياغنى يا فقير ماكو نص ، الى عنده استعداد يشتغل عند الغنى والا تصير فقير ولا اتهاجر !!

والبحر نشف وما فيه شى ينصاد والتجاره للتجار وللاغنيه والى باقوا نصيب الاسد

ويالله كل واحد يختار مكان يهاجر له ، ونتفكك ونطشر الشكوه لله

نتغرب عشان نكسب عيشنا ونكتب بالتاريخ عن طفرة هذى البقعه دول النفطيه من الارض

ياااالله سترك ، كانت ضحك المسأله بس يااانى قااامت

بديناها ضحك وانتهينا صخه كل وحده تفكر ابيييه عسى ما يصير صج :(

.. فالواجب علينا ان نؤمن مستقبلنا خارج الكويت

اللهم بلغت اللهم فشهد



مودى عود واذا قلت عود يعنى عبادى الجوهر

منى لكم اقرب الاغانى لى

كل الوفا شفته على ذاك الرصيف


43 comments:

NewQ8 Bride said...

واااااي يبييله شوكلت بار حده

و الله صج كلامج من ادخل البيت ما اقدر اتحرك و الله

تهقين البنك يضعف ؟؟؟

ما احب افكر بالمستقبل تصدقين وايد اخاف مادري شنو بيصير بالدنيا

احب بلوقج يدفي :)

Anonymous said...

أخاف افكر بالمستقبل
حد افكر شبسوي باجر وبس
لكن يبالنا نفكر يعني مثلاً لو باجر صدق خلص النفط شلون بنعيش ؟؟
عجبني البوست الغالية
وتسلم إيدج غناتي ..

PearL said...

كاريزما موضوعكم حده قوي

صح كل كلامكم .. واحنا ماشالله ديرتنا ماشية عالبركة

صج اهم شي الواحد يأمن مستقبله بره الديرة


ختمتي الموضوع بأغنية صح

Najmah said...

الللللللله جوكلت باار

انا شفت الصورة سرحت مادري شنو قريت

:P

البرد يوكل :\

مانقدر نتحرك طول الوقت مجابلة الدفاية متلحفة وآكل
:d

اجار الدين كشمش said...

على ذمتج

كريزما انا باكل بنك

مشوقني هالايام


ابي اضعف شويه اوازن فيه

رهش عبود الحلواجي

فمالله

جنون إحساس said...

أولا عليج بالعافية يا جوكليت يا انتي
;)

السياسة كل ما انييب طاريها أتحسف واتذكر زمان أول, تغير حال هالدنيا

شبيصير فينا بعد؟
الله أعلم

--

عيل آنا نازلة
4 كيلوات
بأسبوع

طريقتي يا محفوظة السلامة
شربي ماي بارد وامشي حافية
سيدة بلاعيم وتصومين صيام رباني

;P بايعة روحها
اسم الله عليكم من المرض

Reflections said...

Weh weh weh

Falkoooom ma Gubalnaaaaaaaaaaaaah

3n eltekherre3 tarana mo naGseen eSallem 3umrech :S

3aSa allah e'amenna fe aw6annaa.. o e7afeth lena Deratna eb kheerhaa.. o Yallaah el3afoo wel3afyaaaaa..



o 3ala 6ary eGhneyat abady, kaho emQableena On Q8FM.. Shay 3ajeeeeeeeeeeB..

Ghanna NaSsay 3ala el3ood,, BaGheet aS3ad elraSeef wana Asma3ha;~//

Selezya said...

weeeh

فال الله ولا فالج

الله يخلي ديرتنا لنا ولا يحرمنا منها ويمحي الشررر وكل الحاسدين منها

لوول خررررررعتيينييي
خخفت على ديرتي والله

esTeKaNa said...

يا صباح الجوكلت بار والله
:)
بما اني كنت يوم السبت هناك
واعرف الفونودو اشلون يحرك المشاعر
ويخليج تيبين السوالف من كل صوب فاقدر هذا البوست الكاكوي
:pP~
يالله ياربي تحفظ ديرتنا
يدي الله يرحمه قبل اذا صرخنا على الخدم زفنا
!!
ترا الدنيا دواره
باجر تدور الدنيا وتردون تخدمون عليهم
:(
واااااي كريزما على طاري انه بعدما تيين البيت مالج خلق تطلعين انا ياني بيات شتوي
منقلبه النومه لا ادري شنو اليوم ولا التاريخ
يوم رحت البارحة الافنيوز ياني احساس بمشي واسلم ولهت على الناس
LOOOOOOL:))

vancouver said...

اول شيء ممكن لحسه لو سمحتي من الشوكليت لافا اللي حاطته

وييييييي بس للشوف
مو للمس
ما هقيتها منج كرموزتي
هههههه

خووووش طريقة رجيم البنك
حده اسم جذاب
ريجيم لوس انجيلوس
وريجيم البنك
انته اختار ولا تحتار
لوووووول

بالنسبه للفصله اول شيء عليج بالعاااااافيه انتي والمحظوظين اللي تمتعوا بصحبتج معاهم
على يمعتكم الحلوة
بس كرموزه
ترى اللي قلتوه
هذا بالضبببببببط اللي بيصير
يعني شنو تتوقعين
لا وابشرج
يمكن قبل لا ينشف نفطنا
بنفتقر
لان الغرب قاعدين يوجدون بدائل للطاقة
وان طاحوا على البديل المنااااسب
رحنا وطييييي
والكويت يا بعد عمري ماراح يكون فيها غير طبقة وحدة
الفقاااااره
اللي عنده بيزتين بيهج
الاوليين قعدوا فيها لانهم ما جربوا العز
بس بالمستقبل منو بيقعد بصومال الخليج
وجيرانها
نيجر الخليج
وبنغال الخليج
الخ الخ
وهوه قادر يعيش مع عياله
في سويسرا او لندن
او حتى استراليا وكندا

ما نعترض على حكمة ربنا
بس دايما الدنيا تدور
ومثل ما الفقر ما يدوم
هم العز اللي احنا فيه ماراح يدوم
بس الاهم انه ربي يحفظلنا كرامتنا
مثل الاوليين
ونقعد بديرتنا صج فقاره بس بكرااامتنا
ولا نتمرمط بالدول الثانية

سؤال
ليش الكويتيين
موووووو عاجبهم حر الصيف
ولا برد الشتا
لوووول
اشتبون
؟؟
انزين اشرايج انتعلم صنعة تفيدنا
ايام الفقر
لوووول
؟؟

`~MnO YeNSa! ~` said...

chocolate Bar !!!! :( ابي
الله يســـــامحج فصلت بالدوام احن ابي اروح :) و الله لا اغير علينا

7osen said...

بالعافيه عليج

:)

charisma said...

new bride:

حلا شى شوكلت بار بالبرددد
:))

جربى وحتدعيلى هههههههه اتغدا بال 4 وما اتعشا واذا يعت اكلت بنك
اف يسسد سددد ما تشتهيين تاكلين
انا عن نفسى ضعفت عليه

ايى والله بس هالكلام مو لنا حق الاجيال القادمه مساكين
://

حبيبتى انتى وبلوقى يحبج
:)


pink girl:

اى والله صاجه المستقبل ما يبشر بخير وهذا حال الديره
الله يستر علينا

الله يسلمج حبوبه
حياج الله

charisma said...

pearl:

حقيقه مره
الله يستر على الاجيال القادمه ولا احنا يمكن ما نلحق على هالكلام
:/

احب هالاغنيه قريبه منى
:*



نجمه:

لووووووووووووول
ما الومج

بس جنه هاليومين الجو بدا يدفى وكسر البرد شوى
هههههههههه
عليج بالعاافيه

charisma said...

اجار الدين كشمش:

اكل بنك وادعيلى
:))

ما اشتهى البنك الا بدرجه حراره تحت ال 10
احلالا شى برررد وبنك ودوه وخيمه
ويمعه حلوه ولا وجه حسن انت عاد كيفك
وشوف المود شلون يصيير
هههههههههه

انا هالشتا ما جربت من الرهش صااده عنه بهذلنى العااام مت منه
:/

عوافى يا اجار الدين

charisma said...

جنون احساس:

حبيبتى انتى
الله يعاافييج

حراااام عليييج
ليش اتسويين جذى
هههههههه
سلامات وما تشوفيين شر وما نبى ضعف المرض جنون احساس
الله يحفظج
ههههههههه

4 كيلو
والله حلوين ها
هههههههههههه

charisma said...

رفلكشن:

هههههههههههه
اسم الله عليج من الخرعه
امييين

مو لنا هالكلام
بعد تو الناس
هذا للاجيال القادمه

انا هم سمعة المقابله وانا بالسياره ما رديت البيييت
مريت وحده من الحباييب خذيتها وقعدت افتر معاها ليين خلصت المقابله
عجيييبه الاغانى كانت

هههههههههههههه
بدعتى هذا مو منج من الاندمااج
:))

:**
حافظج الله

DiLLi O MiLLi said...

يااااريت ترجع الكويت مثل ما كانت أيام أجدادناااااا

راحة بال
أماااان
صلة الرحم
ذمـــه
ضمـــير
بســاطه
حب وألفه
صــدق
نـــزاهه
ماكوو مظاهر كذابة
أكوو غِبطة ... موو حســد
وطنيـــة .. مصلحة البلد أكبر من المصلحة الشخصية
و .. و .. و .. و .. ألــخ

بــــس
أشطاري عليكم هالموضووع يااااحافظ !!؟؟
قاعديين في شوكوليت بار
وتفكرون في الكويت قديماً !!؟؟
:)

ماااال كل واحد يتخيل روحه في باريس
أو روما
أو كان (يااااازينها) :)....ء

خووو .. أنتوا قاعديين تاكلوون كاكاو
موووو قبووط !!؟؟
:)

بوستج يعكس شخصيتج
مريــح
وخفيف طينــــه


:)

charisma said...

selezya:

ههههههههههه
الله الحافظ
حلم حلم
;p



استكاانه:

لووووووووووووول
محد حاس فينى الا انتى
هههههههههههههه
:**

اميين
اى والله واهو الصاج ما يندرا فعلا الدنيا ادور

لووووووووووووول
انا عيل اتينى الدوره بالافنيو
ههههههههه
ما الومج
انا غنيمه حرم سليمان بو الريييش
لووووووووووووول
كل ما اذكر اموت ضحك
هههههههههههه

عجيبه انتى
:**

charisma said...

فانكوفر:

هههههههههههههه
يختى يا ربى يا حبى لهالبنت
بقول بنت مو مره
;p

ههههههههههههههههه
ههههههههههههههههههه
هههههههههه
موتنينى ضحك
بيمشى سوقه ترى البنك فى لوس انجلس بطلعين طلعه
:))



بعد عمرى انتى يا فانكوفر

ابيييه ودج صج

يا حسرتنا :(

بديناها ضحك والله بس الله العالم

هل بيكتبنا التاريخ وفعلا احنا طفره

://

لووووووووووووول
الجييراان
هههههههههههههه
صومال ونيجر وبنقال الخليج
لووووووووووول

الشكوه لله

اى والله اهم شى كرامتنا
نشتغل بره ماكو مشكله بس بكرامتنا
://

لا لا الموضوع يقمت القلب


ايى والله ما يعجبنا العجب
بس انا حدى مستمتعه بالبرررد ونااسه

لووووووووووووووول
صااااااااااااااجه

ابرك لنا والله انتعلم شى يفيدنا

بس فانكوفر هالحجى مو لنا للاجيااال القادمه
:p

:***
الله لا يحرمنى من هالطله

charisma said...

منو ينسا:

طلعى من الدوام وروحى هناك تغداى وحلى
:))

اميين


حسين:

الله يعاافيك ويخليك
:)

charisma said...

ديللى وميللى :

هلا بالشراحه كلها هلا
:**

اييي والله صدقتى
راحت وراحت ايامها معاها
://

ههههههههههه
اى بعييد عنج اذا الواحد تمخمخ تبدى الفصله واذا بدت الفصله تروح الفكره وتى السكره
هههههههههههه

لووووووووووووول
الله مشتهيه قبووط

يا حبيبت قلبى انتى
بعض مما عندكم
:** الله لا يخلينى

5roofa said...

سلااااااام حلوه

بالعافيه ياربيي

و انشالله يارب بس ليش عاد بشوكلت بار و جذي تقمتون عمركم

يارب يخليل لنا الكويت و خيرها يارب

مشكوره على لابوست سويوي

salamz dear...

TReSTeN said...
This comment has been removed by the author.
charisma said...

خروفا:

هههههههه الفصله يت جذى شنسوى
ههههههههه
امين الله لا يغير علينا


ترستن:

من صجك ترستن ولا تتغشمر
انا مصدومه!

ارجع اقرى البوست مره ثانيه
ضحك وقشمره ما كان جد
الحين هذا رايك فينى صار

الله يسامحك وايد ضيقت خلقى

الزين said...

check ur gmail plz

:**

الزين said...
This comment has been removed by the author.
Kuw_Son said...

عسى ما يصير صج !!


فال الله ولا فالكم !

qesat_5ayal said...

:)
مرحبا



كريزما
أكيد الفوندو مو حاطين فيه شي؟
:P

شي مؤسف أن النظرة تكون هكذا
وليس نحن السبب او من ينظر بتلك النظرة

لكن الاحوال تدعو لتلك النظرة




خلينا من هذا
الحين رجعتيني لشتا 2007
بالبرد اللي ما يرحم
تحت مدفئة
مع ككاو وقهوة
اجتماع يلفه مجموعة
من الفاصلات عن كل هم وكانوا يضحكون على أتفه سبب
وكان الوضع فيه ضغط لبعض
:)
كله على ضحك


الله يسعدج

charisma said...

يا زين هالصباح

زوزوتا:

صباح الورد

الله لا يخلينى منج
:**



كويت سن:

اهلا وسهلا
:)

الله يحفظنا من كل شر
ماكو الا العافيه انشاءالله




قصة خيال:

صباح الخير حبيبتى
هههههههه
اتهقين بالفوندو شى
:)

الله كريم وانشاءالله ماكو الا العافيه

ويحفظج ويسعدج انشاءالله
:)

بـابـل said...

مساء الخير


والله تفكيركم ميه الميه

وكل شي له نهايه

بس انا اعتقد كل شي وله بديل

وأنشاء الله تضل الكويت مثل ماهيه

والله لايغير علينا

والرزق بيد الله مو بيد الأغنياء

!!!وليش الهجرة

الكويت حلوة بكل حالاتها


وحتى ظلامها يجنننن

شكرا كاريزما وبالعافيه عليكم


وبس


بابل

فراوله said...

مساالورد والجوري
غاليتي الحبيبه
اول شي عليج بستين الف عافيه
:)
وثاني شي اذا رجعنا لين قبل شلون بنكون بذمتج مع بخانقنا...والجلحه
ولملحه
اكيد حدنا
نشوق
:*
بس الله لايقوله انشاءالله
والحمدلله علي كل حال
وعبادي مووود ثاني
عجييييييييييبه حدها
:*

charisma said...

صباح الخير


بابل:

اللهم امين
لا ادقق وايد الموضوع كان ضحك
محد بيهاجر اسم الله علينا
:)


فراوله:

ههههههههههه
اتهقين بنصير انشوق
:))
يمكن راحه نفسيه اكثر بنصير

عبادى عجيب موده

منوره يا فراوله

Fahad Al Askr said...

أشوة اللي ما عزمتوني، ما أحبه، ولا ودي أكسر بخاطركم، ومالي خلق سياسة، ما طافني شي

charisma said...

فهد العسكر

لا ماطافك شى
كانت اليمعه على السريع ما مدانه انكلمك
;p

J Daily said...

ماتشوفين كل واحد باق بوقه
جم مليون برا الديره (:
عشان يضمن مستقبل عياله لما تروح الكيكة
بعد ما يتقاسمونها

الكيكة = الكويت (:

charisma said...

يعقوبوو

اتهقى جذى الطبخه !

الله يستر علي هالديره بس

مسكينه يالكويت

Sara said...

فال الله ولا فالكم .. الله يحفظ ديرتنا الغالية ويحميهاا


ساعات افكر ان ممكن الزمن يرجع فينا لي ورا بس من غير هجرة وفراق وتشتت

ديرتنا تينن لو مو النصابين اللي فيها واللي للاسف مو عارفين يديرونهاا

بالعافية عليكن احلى جوكو من يومين ماكله فوندووووو :)

SHAHAD said...

شوقتيني ع الشوكلت باار
وبعدين ليش تفكرون بالمستقبل وتعورون رايكم
إذا بيصير هالشي بيصير بعد 100 سنة
يعني ماراح نلحق لول
الله يحفظنا يارب ويحفظ ديرتنا ويحفظ مستقبلنا بعد : )

kuwaitya_7saweya said...

صج المستقبل يخرع
خصوصا بالاوضاع اللي تمر فيها البلد شي عجيب
والله يستر والله الحافظ

charisma said...

ساره:

اميين يا ساره
محد يتمنى هالشى والموضوع كان قشمره وضحك

عسانى ما نشوف هاليوم الله يحفظنا باهل الخير والطيب الى بديرتنا
اهم الى حافظينها

الله يعاافيج مشكووره
:)

charisma said...

شهد :

يحلوها والله الى فاهمتنييي
هههههههههه
كلونييييي
حلم حلم ما راح يصير باجر هالشى
فوق ال100 سنه بعد اذا ما قامت القيامه
استغفر الله الواحد مو ظامن عمره دقيقه جدام

الله يحفظنا يا رب ويحفظ ديرتنا

لا يطوفج شوكليت بار بالشتا عجيييب

مس يو شهد

charisma said...

كويتيه حساويه:

الله الحافظ ماكو الا العافيه دير

:)