Monday, March 3, 2008

لحظات مؤلمه....




لحظات حلوه تجمعنا بناس ما تتخيل بيوم ممكن تكون معاهم


اهى لحظات يمكن ترجع ويمكن ما ترجع !! بس تبصم بالذاكره مع ابتسامه على الويه لما تذكرها

.

.

.


المؤلم لما الطرف الثانى تكون هاللحظات عنده مالها اى معنى ولا لها اى اثر ..يعنى عادى اوكى مستانسين بس عادى

ماتكون لها معنى

.

.

.


احلى وامتع اللحظات انك تسترجع ذكرياتك مع صاحب الذكرى نفسه تكون السوالف عن ذاك اليوم وذيج اللحظه ممتعه وكأنك اتعييد تحييها من اول ، تستشعرها من قلب
.

.

.


بس المؤلم لما تلاقى ويها امبلم ومو فاهم انت شقاعد تقول مع ان اهو صاحب اللحظه

.

.

.




دائما الشتا عندى متميز بكل شى ..... حتى بعلاقاتى ... دائما تنولد لى علاقه حلوه بالشتا



ولكم بحياتى
...
كنا باواخر الشتا

48 comments:

shakshaka said...

عااااد هالي مبلم ثقيييل طينه اصلا اصلا هالنمونه انسى ان كان معاهم ذكرى بس على قولتج هالناس اللي يكونون مستانسين بس الوضع عندهم عادي هذي وااايد تصير فيني وانا المشتطه فشله هاهاهاها واي بعد عمر عمرناااا :P

loco said...

loool a7san shay bel denya el thekrayt !

NewQ8 Bride said...

اصلا ما تحلا السوالف الا لما نقعد نسولف عن ايام راحت
مرات تمر عليج حتى الريحة الا كنت موجوده

بنت الشاميه said...

يا حلو اللى يعيش ويستعيد معاج

الذكريات ......ويبى ترجع مرة ثانيه

بس المبلم او المبلمه .....اذبحه واصلا ما ارد اكلمه مول
اختيار الاغنيه عجيب

Barrak said...

حتى الشتا اللي نحبه وننطره نطره قام يوصلنا وفيه غبار

بالله هذي حاله

`~MnO YeNSa! ~` said...

الله احب هالاغنية


الذكريات حلوة مؤلمة

و ايضا عندما تكون مع صاحبها

ايضا

ذكريات حلوة مؤلمة

Kuw_Son said...

الله يزيد اللحظات البهيجة و الممتعة ..

بعض الناس فيهم برود إحساس بسكل مو طبيعي .. لدرجة إنك تكون مستانس من أمر معين مر عليك من زمان وهو ولا جنه كان في ذاك اليوم أصلا معاك !!

هو فعلا صعبة بين الرجال أن يستذكرون الأحداث الحلوة و المرة و يسولفون عن مشاعرهم مثل الحريم .. لكن يظل فيه تعبير مميز على الوجه يبين فعلا أنه مهتم بالأمر أو لأ !

Reflections said...

مادري ليش غورقت عيني

charisma said...

شكشكاااا
:)))

لوووووووووووووووووووول
اتصدقين عاد يحرووون
ههههههههههههههههههه
الموقف بكبره لوعه لوعه ودج تكفخين الى جدامج اكبر ما عندج
او تبجيين هههههههههه


loco:

ee walah 7lwah el thkryat :)

charisma said...

new bride:

الله
اى والله وانتى الصاجه
:)


بنت الشاميه:

هلا وغلا

حبيبتى انتى والله
:**

ههههههههههههههه
يختج مرات فى ناس عديمين احساس
والله مساكين محرومين من نعمه الاحساس

انتى العجيبه
:**


براك:

هلا ابراك هلا
://
الشكوه لله

charisma said...

mno yensa:

الذكريات الحلوه تظل حلوه صدقينى
كافى انج عشتى اللحظه وحسيتيها
:)


كويت سن:

:)
امييين

اي اى باخصه هالنوعيه زين اعرفها
:))

الاحساس احساس واحد مراه او رجل

تعيشه وتحسه لما تتكلم فيه عيونك نضحك مجرد انك تتذكره لحظه حسيتها وفرحت فيها
وين الصعوبه فيه
احساس نابع من الداخل

بس وين الى يفهم

اهو محروم ويخرب عليك بعد اللحظه بعد

يعنى لا يرحم ولا رحمة الله تنزل

ههههههههه


رفلكشن:

اسم الله علييج
:***

فتى الجبل said...

اللي ما يهتم فيني ليش اهتم فيه؟

فراوله said...

مساالورد والجوري
غاليتي الحبيبه
اغلا كريزما
سبحانه الله اي لحظه تمر بحياتنا سواء كانت سعيده او العكس
فهي لها ذكري حلوة بحايتنا
بس الاهم انها ماتاثر علينا
بصورة سيئه
والمبلمين خليهم عنج
;)
دمت بدفء وعذوبه
ابدا
تري وحشتيني
:**

Aldenya said...

صعبه جدا
أصلا ممكن أعصب وآخذ من الطرف الثاني موقف
يعني لحظات حلوة
واستمتعنا فيها
أستغرب أنها تمر مرور الكرام من الذاكرة

والشتا
أخييييي
قوليلي منو مايحب الشتا

ولد الديرة said...

التوقعات المسبقة هي المصيبة

قللوا توقعاتكم

ترى الكويتي بشكل عام

مردم

و لا تشيشون علي يا ربعي

اعترفوا بالحقيقة :P

كل الشكر

charisma said...

cفتى الجبل:

:)
اهى ذكريات يا فتى الجبل
مشاعر حلوه تجمع اثنين
بس طرف يحس وطرف يمكن يحس بس مو فاهم
:))


فراوله:

مساء الحب
هلا بفراوله

صح كلامج حبيبتى
الذكريات لها طعم خاص الزين والشين

بحفظ الله
وانتى اكثر
:*

charisma said...

الدنيا:

شفتى شلوون اتحرر صححح
://

وايد ما يحبونه يالدنيا
:)


ولد الديره:


والله يا ولد الديره جنك تدرى
كل مره وفى اغلب المواقف الى ما ابى اندقر فيها اقول بقلبى لا اتوقع شى زين ولا احط توقع لشى عشان لا اندقر ولا اتكدر
خبرك انا بسرعه ينكسر خاطرى واندقر
://

وتعااال عاااد فجج بعدين
هههههههههههههه
كله جذى
://

ادرى فيهم هالكويتيين بس شنسوى قلوبهم طيبه ومالنا غناة عنهم
والله لا يخلينا
:)

حياك الله

الخيلاء said...

حلوه الذكريات و الاحلى انه تلقين شخص يشاركج فيها منج كلمه و منها اتذكرين الموقف جنه توه يصير

نايس بوست :)

vancouver said...

حبيبتي كرمووووووزه

ساعات اكره فيني هالخصله
اني احففففر بعقلي وقلبي لحظات مع ناس واهمه ولا هامهم حتى اللي مشاركهم فيها



ليييييييييييش احنا جذيه
؟؟

قولي امين ربي يسعد قلبج ويزيد من هاللحظات الحلوه
مع اللي يبادلج فيها نفس الشعور والاحساس

طبببببببعا الشتا غير بالكويت
تطلعين الصبح بالسياره تحسين الشوارع تبتسم
اشلون ما ادري

يازينج ويازين بوستج
:*******

طائر بلا وطن said...

يا مزاج اليسا
:)

أحيانا يا كاريزما استعادة الذكريات مع
من نحب تكون أجمل من الذكرى نفسها

و غالبا ما تُدرك الأشياء الجميلة بعد
مرورها لما تاخذ مكانها على أرفف الذكريات

لما تصير ماضي .. لما نفقدها

حتى احساسنا فيها يكون عالي ساعة ما نتذكر
يمكن أكثر من اللحظة نفسها بذاك الوقت

مو؟
:)

جنون إحساس said...

شاللي يسلينّا غير الذكريات أصلن
^.^ الله, ولو أكون نايمه
أحس اللحظات الحلوة تشاركني أحلامي

.
.

أما ع البرود ما صادفت أحد بارد
:)

Almas said...

يايكم الصيف يايكم

طبعا آنا من مناصري الصيف

لأن خفيفة الحركة فيه وملابسه ظريفة

يا بعد قلبي يا كروزة

أصلا إحنا عايشين عالذكريات

لو تلاحظين أحيان كثيرة نلجأ للكتابة عن الماضي والذكرى الحلوة لأنها تبعث فينا سعادة وسرور

وبالنسبة للحالة إلي ذكرتيها
إذا ما كان بالطرف الآخر استشعار بحلاة اللحظة

يكفي إنها كانت لحظة حلوة

فلننظر للجزء المملوء بالكباية

موضوع جميل وفكرة مميزة

ياينا القيظ ياينا

عاااااشوا

:)))

charisma said...

الخيلاء:

اتفق معاج
فعلا لحظات ممتعه تصير
:)



فانكووفر:

هلا بالى لفانى يا هلا به :**

هههههههههههههههههههه

نفسيييييييييييي

ما ادرى ليش احنا جذى ما ادرررررررررى
://

امييييييييييييييييييييين اجمعين حبيبتى انتى
:*

وياا زينج ويا بختى فيج وفى قلبج العسل وروحج الى اموت فيها
عسانى ما انحرم
:**

بحفظ الله

charisma said...

طائر بلا وطن :

هلا بطائر منورنى
:)

فهمتنى صح
بالضبط هذا الاحساس الممتع الى نحسه باستعاده الذكريات مع اصحاب الذكرى
فعلا كلامك عدل

مو مو بس وحده
مو
مو
مو
:))

charisma said...

جنون احساس:

فعلا مسليه وحلوه وممتعه
:)


المااس:

هههههههههههههه
ادرى تحبيين الصييف والحررر
وين مع حرنا تزهديين عمرج استغفر الله
ما تستمتعييين فيه ابدا
لا بحر له طعم ولا طلعه اتونس
لوااهيب اتلفح فيج من كل صوب

الله يرحمنه ويخفف عنا لواهيب جهنم
://

Purplecious said...

كريزمااااااااا
:******

أول شي أحب أبدي اعجابي بالصورة
زووووووغه اتيننننننن
عجييييييييييبه
وايد حلوه

اوكي بربل خلاص وصلت المعلومه
ههههههههه

شوفي هو طبع بالانسان

يعني اكو ناس احساسهم قوي و عاطفيين
شفافين مثلج
و مثلي و مثل فانكوفر


لاحظتي رزة الويه
هههههههههههه

فهل احنا عاطفيين زياده عن اللزوم و هم اللي صح؟

أو هم باردين و مبلمين و احنا صح ؟ مادري


و بالنسبة للذكريات أحس وايد منها انمسح و اندثروا بمخي لأني ماني لاقيه اللي يشاركني و يستعيد معاي هالذكريات بنفس حماسي

بالاضافة الى فقدان الذاكرة المؤقت اللي عندي
لوووووووووووول
والله ساعات يذكروني بأشياء كلشششش ما اذكرها
و ساعات بالعكس
أنا أذكرهم بشغلات محد ذاكرها

الظاهر مخي يبيله فورمات يرتب الملفات القديمة و الذكريات
هههههههه

و مثل ما قلتلج التبلم هذا يا طبع في الانسان يا صار عشان التوقيت ما كان مناسب مثلا
أو الحالة النفسيه ما تساعد

:)

و بالنهايه يا كريزما كل واحد له طريقته بالتعبير يعني عدم تفاعل البعض مو معناه انه هالذكريات ما لها معنى عنده بس يمكن خانهم التعبير او مو عارفين/ ما يبون يظهرون مشاعرهم


الله يبعد عنج اللحظات المؤلمه يا احلى كريزما
و يجعل كل ذكرياتج كلها سعيده
:**

Q8DOLL said...

شكلج مثلي عشقتي أغاني أليسا الاخيره
ماشيل السيدي ولا اغيره في السياره

احساسج مررت فيه
دائما أقول
لو الشعور والاحساس ينشراااااااا
كنت شريته لناس وايده
مشكله لما نكون حساسين زياده وعنده فيض مشاعر
وعايشين وسط ناس بليده او بخيله المشاعر

ما تلاحظين نشارك بعض ببعض الاحاسيس؟؟
الظاهر شعور أنثوي بحت

Q8DOLL said...

شكلج مثلي عشقتي أغاني أليسا الاخيره
ماشيل السيدي ولا اغيره في السياره

احساسج مررت فيه
دائما أقول
لو الشعور والاحساس ينشراااااااا
كنت شريته لناس وايده
مشكله لما نكون حساسين زياده وعنده فيض مشاعر
وعايشين وسط ناس بليده او بخيله المشاعر

ما تلاحظين نشارك بعض ببعض الاحاسيس؟؟
الظاهر شعور أنثوي بحت

وردة حب said...

والله جنج تتكلمين عني:(:(:(

اثري كل الناس مثلي لووووووول

مشكوورة حبيبتي عالبوست عورتي قلبي خو بروحة مومترقع:(

7osen said...
This comment has been removed by the author.
7osen said...

والله ياكريزما ضحكتيني من قلب

أي والله صدقتي

ناس تعيش معاها لحظات تكون تعنيلك شي كبير بينما بالنسبة لهم مجرد لحظة حلوة ومرت وخلاص

على قولتج ويهم مبلم

الله يعطيج العافية على هالتعبير الحلو

والله ضحكت وإنفرجت أساريري
ههههه

أجمل تحياتي لج ولمزاجج الشتوي الدافي

Najmah said...

ياحلاته الشتا
مع انه كسرنا هالسنة
وكان جاف
لكن يظل طعمه حلو
:)
عسى كل لحظاتج حلوة وبدون الم ياكريزما
:*

J Daily said...

واجمل لحظة.. بعد ما يتركك شخص.. بعد ما تتعذب تتألم تبكي.. بعد ما تصحى من الصدمة التي وقعت بها.. يأتيك ولا تهتم له وترميه..
تراه بمكاناً عام و تمشى كأنك لا تعرفه (:

david santos said...

Excellent!
Have a good weekend

charisma said...

بربل:

واااااى بربل ردييت على كومنتج فى بوست ثااانى من طوووله
وانمسسسسسسسسسسسسسسسح
:((((((((((((
واااااى وااى مت حره
://

اكره اعييد كلامى اكره
ما راح يطلع مثل اول مره
:(


بيربل يا بربل
تعالى بلمج اول شى لانى ولهانه عليج ويمكن اتخف حرتى
هههههههههه


الصوره لونها بنفسج هههههه يا بنفسج انت
لا بس صج ما تحسين ان الصوره تعكس كل انثى رقيقه المشاعر والاحساس
والثلج الى حواليها ما قدر يجمد روحها ولونها
:)
حسيتها معبره وناطقه الصوره
صح؟؟


ولا يا بربل ما ادرى منو الصح احنا ولا اهمه
والله اهمه المرتاحين
:))


مو شرط يا حبيبتى اتلاقين احد يشاركج الذكرى
كافى لو بينج وبين نفسج تتذكرينها وتقولين الله يذكرهم بالخير ولا الله لا يردهم ههههههههههه
:)


لووووووووووووووووووول
فقدان الذاكره المؤقت سالى شكشكا عنى فيه
ههههههههههههههه
عادى يا حبيبتى عاادى


ولا ادافعييين عنهم لالالالالالالالالا
اهم الى ما يحسون وعديميين احساااس
:)))

:***
يا حبيبتى يا بربل
وان شاااءالله ايامج كلها فرح وسعاده وذكريات حلوه تشرح صدرج يا رب
:**

charisma said...

كويت دول:

هلا وغلا
عجيييب الشريط
انا لى الحين ما وصل سيارتى بس داما من ادش النت اشغلهم يجرخون على راسى
:))

ههههههههههه اظاهر جذى
شعور انثوى بحت

عاد والله يحاولون
بس ما يقدرون مو فاهمين المساله ولا راح يفهمونها صدقينى
حاولت وايد
://

:*

charisma said...

وردة حب:

الله حلو الاسم
:)
حياج الله عزيزتى

هههههههه سلامة قلبج



حسين:

:)
ان شاااءالله دوم هالضحكه يا حوسن

حسييت باحساسى
بالذمه ما يحرون
:))))


نجمه:

صاجه ناشف وغبار يانه بهالشتا
:))
بس هم حلو
بنفقده والله
الله يجمعنا فيه السنه اليايه على خير يا رب

حبيبتى يا نجمه
اجمعين
:*

charisma said...

يعقووبوو:


:)

دنيا

david:

thnx

AseeL said...

هممممم

آنا أحب الشتا أكثر

بس مع الناس... احب الصيف أكثر :)

Selezya said...

داشه البلوق اساسا وانا قاعده اسمع هالاغنية :)

--

هالنوع ما يبيله تذكرينه اصلا :)

صبا said...

مساء الورد والحب

خوش بوست

وكلامج صح

ماتعرضت لهالموقوف بس حسيت فيه من خلال احساسج

والمبلم عطيه طااااااااااف

تحياتي يالغاليه

DiLLi O MiLLi said...

هههههههههههه
ويهه مبـــلم

شوفي حبيبتي
أصابع ايدج موو مثل بعض
الناس تختلف
في المشاعر
في الأحاسيس
في ردود الفعل
حتى في الذاكرة
كل واحد وشخصيتة
اللي بوصله .. أن كل أنسان له قياس لمشاعرة في موقف معين مر عليه

أنتي مريتي بموقف واثر فيج وااايد
الطرف الثاني مر فيه واكيد اثر فيه بس موو بالطريقه اللي اثرت فيج
موو معناته ان هذا الموقف ما استمتع فيه
حتى اذا كان ناسيه موو معناتة ما كان له اثر عليه
أنا لما انسى عيد ميلاد انسان عزيز علي
موو معناتة ما احبه
النسيان واااارد بكل الحالاااات


:)

charisma said...

اسيل:

هلا باسيل
هههههههههه
ما فهمت

:**


سيليزيه:

هلا حبيبتى

لول شلون ما اذكره واهو داش بكل ذكرى حلوه

charisma said...

صبا:

هلا بصبا
:)
مساء الحب
ههههههههه والله يبعدج عن هالشعور البايخ

نعطييه طاف افا عليج
:)

charisma said...

ديللى وميللى:

هلا وغلا بالزين كله
اييييييييييي ايييي مبلم ويحر بعد
وتخيلينى انا بكل احساس استعيد لحظه قمه بالرومانسيه
وتخيلى الصعقه الى يتنى
شراايج بالله!!

ديللى اشدعوه ما يحسون
بس اهم عندهم هالامور اووفر ريااكشن مبالغه برده الفعل
ويقولج شدعوه شدعوه ما كانت واو اللحظه لى هالدرجه الى عايشتها
يخلييج اتحطميييييييين
لول اااخ يا قلبيييييييي


النسيان هذى سالفه ثانيه
يا لييت يقولون والله نسيت
ولا يحرق ذكرى حلوه
ويقتل اللحظات
://

تصبحين على الف خير ونومت العاافيه
:**

احلام سعيده

5roofa said...

هاااااااااااااااي

امبي كرزمااا اشتقتلج والله

و مدام الذكريات معاج شلون ما تصير حلوه
و الي يبلم اكيد تبليم على جمالج الخلاب بس مستحي يقول لوول

شرايج فينيي
:p

ارفع المعنويات افا عليج
اشقتلج واايد

طمنيني عليج حلوة

salamz sweetee...

charisma said...

خروفاااااااااا

حبيبتى انتى ولكم باااك
فقدناج يالغاليه

لووووووووووووووووووول
اتهقين التبلم على جمالى
;pP
ههههههههههههه

نورتينى
:*

Shaima'a Alkandari said...

لحظه موحلوه كلش انج تذكرين صاحب الموقف بالسالفه نفسها اللى صارت بينكم ويسوي نفسه مايدري شسالفه

في ناس ذاكرهم ممسوحه ومايذكرون شي ولي قلتى لهم جذي جذي وذكرتيهم يقولون لج متى مااذكر

فعلا شي يعور القلب