اخطيت يوم اني طلبتك حنانك
لاصرت فاقد شي وشلون تعطيه
مهما نطق لي بالمشاعر لسانك
شيٍ بدون احساس ما اقتنع فيه
احساسك المصنوع خنته وخانك
جاملتني به وانت تجهل معانيه
مني نصيحه تنفعك في زمانك
إلا شعورك لا تبيعه وتشريه
كانك تقدر قيمه الحب كانك
اللي يودك لا تحاول تعنيه
يا كثر ما حبك فوادي وصانك
مع كثر ما تبعده كنك تناديه
غيرك امانه خوف والخوف امانك
ما كل من راعاك تقدر تراعيه
حتى لو عليت بالقلب شانك
ابقى يتيم الحب جرحي اقاسيه
اعذرك لاحطيت نفسي مكانك
لا صرت فاقد شي وشلون تعطيه
سعود بن عبدالله
49 comments:
من كثر ما حبيت الابيات ما ابى اكتب بالبوست نفسه!!
مثلوا باى شى تبونه الا تمثيل المشاعر
كون صادق بشعورك مع الناس
كون انت بكل بساطه
لا ادوس على قلبك ولا تحمله اكثر من طاقته
خلك مرتاح ، خل الحب يدش بالراحه وعلى سعته
.......
.........
الله الله اللـــــــــــــه
ما اقول الا :
يالله عسى .. ما تغفى كل المشاعر
ويالله عسى .. ما ينصِدِم يُوم ظنِّي
______________
جاي تسألني عن مكانك!!هو بقى فيني مكان؟؟
الله يرحمهاالمشاعراللي كانت لك رهينه
قلت لك قلبي (مدينه)فيهالك حشمه وشان
لكن أنت ألحين أغرب شخص في هذي المدينه
احمد الصانع
لا اميل للشعر الشعبي
وان كان تركيب الكلمات احيانا جميل والمعاني عذبة
اي والله ياكريزما كل شي إلا تمثيل المشاعر !
كلمات ولا اروع
حدج ذوق
تسلم ايد الي كتب ونقل
مشكورة كاريزما :)
مابين ذوقج
وذوق سالفه قلبي
انا بديت صباحي الوردي
:)
صباح الخير
ابيات قمة بالصدق
حسيتها تعبر عن قناعتي
احساسي
ورغبتي ان يكون الشئ الصادق اول واهم من كل شي
:*
تسلمين على هالذوق
المصيبه مو التمثيل مو على المشاعر
تمثيل على النفس يعني يجذب على عمره ويجذب جذبه ويصدقها...
حب كل الناس بدون حدود
اللي يقدر الحب حياه الله واللي مايقدره الله وياه
تحياتي
يسعدلى صباحكم
صباحى اليوم غير مع طلتج يا نور قلبى انتى
:)
الله يرحمهاالمشاعراللي كانت لك رهينه
قلت لك قلبي (مدينه)فيهالك حشمه وشان
لكن أنت ألحين أغرب شخص في هذي المدينه
الله على هالابيات
الواحد يلملم مشاعره وما يطلعها الا للى يستاهل يا سالفة قلب
:**
محسد:
مرات الكلام الى ما نميل له يفرض نفسه خصوصا اذا انت عايش الحاله بهالوقت
شهد:
حبيبتى انتى
مشكوره يا شهد
:*
sweet revenge:
حبيبتى الله يسلمج من الشر
:)
استكانه:
يا صبااح الحب والطيبه كلها
:**
الصدق موجود فينا
بس وينه من الناس ؟!!
تدرين
ماتوقع في اشي اصعب من تمثيل المشاعر
بالنسبة لي مستحيييييييييييييل
انا واحد من الناس اذا شخص ماحبه
والله حتى الاعمى يشوف على ويهي هالشي
وهالنقطة اكبر عيب بحياتي مو قاادر اداريهاا
خوش كلام .. بالصميم
ak-47:
الله يسلمك ما قصرت
terkwaz:
عاد هذى مشكله ثانيه
صح السانج
حياج الله
:)
ترستن:
لو مو صعب تمثيل المشاعر ترستن بهالزمن!!
بالعكس خصله حلوه هذى
انك ما تعرف اجامل ولا اتمثل بمشاعرك
سيكرت:
اى والله بالصميم
وين الى يحس ويفهم يا سيكرت
:/
افا!
الكل فاهم افا عليج لا تخافين
:)
يا عيني
خووووش كلام ..كاريزما
:)
البساطه اهم شي بالشعور ... والحب قمه الشعور .. عيل الحب هو البساطه
عثمانى:
نبى الاحساس بالكلام طال عمرك
:)
لوطن اجمل:
المطلوب الصدق فيهم
ممكن اشياء وايد بحياتنا نجذب فيها لسبب او لاخر
الا المشاعر الحب و الكره مافيهم تمثيل
تدرين منو الي يمثل و يخدع بمشاعره الي ماعنده قلب على قولتهم قلبه ميت عديم الاحساس لما يكون الواحد قلبه ميت يمثل بمشاعره
وساعات تلاقينه مسكره بستمية الف قفل
و قفل و مانع اي شي
و الانسان لما يكون صادق مع نفسه و يعرف اهو شيبي راح يغمر الاخرين بأحساسه سواء كان حلو ولا لا و هذا شي زين لانه تعرفين الانسان الي جدامج شنو فيه مو مجرد علامة استفهام كبيرة
مسفر الدوسري يقول في احد قصائده شكرا على أيام هواك
======================
شكراً على أيام هواك
هاللحظه مكتوبه تكون..
آخر محطاتي معاك
ودّي اقول:
شكراً على أيام هواك
شكراً على أحلى عُمُرّ
قضيته ياعمري معاك
خَلّيْتي وقتي من ذَهَب
خَلّيْتي أحلامي ذَهَب
خَلّيْتي كلماتي ذَهَب
مسَحْتي عن عين النجوم
في ظَلمتي
كل الَّتعَب
خَلّيْتي مُوتي فـ الحياه
عمْر انكِتَب
واصبح جديد
خَلّيْتي كل لحظه تمُرّ في عمري..
عيْد
أَهْديْتي لعْيوني الفرَح
وكان الفَرَح قبْلِك..
بعيد!
شكراَ على إني عَرَفْتِك فـ الزمن
لو ليلتين
شكراً على إني بقيت..
أنا حبيبك فـ الهوى..
لو لحظتين
وياك عَرَفت..
أروع مواعيد الوَصِل
ردّيت معاك
بَعْدي طِفِل..
أطارد اسْراب الحَمَام..
وما أمِلّ
خَلّيْتي حِلْمي يكتمل
ويَّاك عَرَفْت
شْلون يصير
قَلب الثواني من حرير
وانسى..
واسامح الزمن.. على اللي صار..
قبل هواك
واللي بيصير!
شكراً على ايام هواك
صار الفَرَح
ينام تحت رمش العيون
صار الزمن.. ويّاي حَنون..
تصَوّري..
هاللحظه مكْتوبه تكون..
آخر محطاتي معاك
بسّ هَمّْ أقول:
شكراً على أيام هواك
شكراً على أحْلى عُمُر
ياللي العُمُر
ويَّاك ..فِداك.
مسفر الدوسري
ياسلام على هالاختيار المميز
والغير
والرائع
والحلو
هالقصيدة هذي انا من زمان احبها وايد
من زماان حيل
وحافظها
ودائماً أردد بدايتها
اخطيت يوم اني طلبتك حنانك
لا صرت فاقد شي وشلون تعطيه
فعلاً لا صرت فاقد شي وشلون تعطيه
اصعب شي بالدنيا انك تنتظر شخص يعطيك شعور اهو ما يملكه
شي صعب جداً
dandash:
صح السانج يا دندش
والله على كلمات القصيده
وايد حلوه
تسلمين حبيبتى
حسين:
انا بعد وايد ارددها
.
.
اصعب شي بالدنيا انك تنتظر شخص يعطيك شعور اهو ما يملكه
انا اشهد
الا شعوووورك لا تبيعه وتشتريه
!!
اي والله
الا المشاعر
اهم شي تكون صااادقة
التمثيل سهل
تصفيف الكلمات سهل
لكن ماله اي صدى بالقلب
لانه فااارغ من الاحساس الصادق
لكن الشعور اللي يطلع من الروح
يسكن القلب مهما كان بسيط
انتي دايما روعه باختيارج
هلا بنجمتنا
:**
اى والله قلتيها الكلام سهل وتصفيف الحجى ماكو اسهل منه بس وين التطبيق ووين الاحساس بالكلام
الا المشاعر مو مجال لعب كلش
ولا مجال تجارب
اختيار رووعه
:)
حبييييييييييييييييييت
امبي كلمات رووعه
ذوق ياربي هالبنت ذوووووووووق
miss u waaaaaaaaaaayed
:*
salamz 7elwaaa....
السلام عليكم ورحمة الله وبركاته
------
أبيات مؤثرة ماشاءالله واختيار جميل
أختي كاريزما أمر المشاعر هذي غريب
تحبين ناس من الله وتبغضين غيرهم من الله
وتلتمسين الصدق من ناس والتمثيل من البعض
وخاصة التمثيل .. برغم تمكن البعض منة بعد التمرس فيه
-------
لكني أأيد التمثيل في بعض الاوقات وخاصة الحالات اللي يكون فيها البوح صعب !!
فصعبة ان الواحد يبين مشاعر البغض مثلا لشخص من الاشخاص لمجرد ان ما ارتاحله ؟؟
اراها نظرة قاسية وان كانت صادقة
لهذا أأيد التمثيل في هالحالة أو حالات مشابه واللي أقصدة تمثيل القبول ، فالبشر مالهم سلطان على مشاعرهم لكن لهم سلطان على تصرفاتتهم
--------
فأعتقد ان مو حلوة انكون صادقين مع مشاعرنا وأنفسنا وما نجامل ويكون ناتج هالصدق ان نخسر أشخاص حكمنا عليهم غلط
--------
اما مسألة التمثيل المتعمد في المشاعر واللي قد يصل للجذب والنفاق ففي هالحالة
أجزم ان التمثيل هو الخاسر الأكبر في لعبة المشاعر
لأن التمثيل لا يمكن يدوم فلغة الجسد أصدق وأوضح وخاصة العيون تفضح صاحبها مهما كان
وصدق من قال " الكلام اللي يطلع من القلب يوصل القلب "
-----
الله يرزقنا وياج المشاعر الصادقة اللي نحس فيها قبل الكلام :)
-----
وسعيدة بمروري الأول في مدونتكم الرائعة
واسفة على الاطالة
:) و تسلم ايدج على هالابيات الجميلة
صباح الخير
هالشهر مو راضى يخلص
فجينا
:/
الخيلاء:
هلا بالخيلاء
تسلمين حبيبتى
:)
خروفا:
اهليييين
هلا بخروفا ان شاءالله تكونين بالف خير والحمدالله على سلامتج
ولهنا علييج وفقدناج من غير شر
ولكم باك
:*
مبدعه:
هلا فيج
وعليكم السلام ورحمة الله وبركاته
:)
انتى تكلمتى بشكل عام وصح كلامج
ما ارتحت له اكيد ما اكشر بويه اعامله باخلاقى
انا اتكلم عن الى عاشرتيهم وقربوا منج باسم الحبابه باسم الصداقه
الى يمثلون واهم مو حاسين بنفسهم وتمر الايام وانتى اتساحلين نفسج واتحايلينها لما توصلين لى مرحله ليش هذول موجودين بحياتى واهم مو حاسين فينى ولا يشاركونى لا فرح ولا حزن
وموجودين كأصدقاء وحبايب!!
ليش؟؟؟
اما الى تطرقتيله بعلاقاتج مع الناس عامه اكيد فيها نوع من الذوق والادب واكيد بنتحكم على انفعالاتنا معاهم
لان مالنا شغل فيهم
ناس تردين تشوفينهم وناس ما يردون يمرون علينا
ومهم جدا الانسان يتعب على الذكر الطيب
والله يجعلنا من الناس الى ينذكرون بالخير دايما
:)
سعيده ابمرورج وحياج الله
لا تقولين اسفه
واتمنى انى رديت عدل على تعليقج
الصبح شوى استيعابى بطيئ
:))
وجاان زين اعرف اعبر واكتب مثل هالكلام :))
وايضا صديقه حبيبه احبها حيل هالبنت سبحان من حط محبتها بقلبى
ترقت وصارت مديره :) حبيبتى انتى الله يوفقج ومنها لعلى تستاهليين اكثر
mashkooooooooooooooraaaaaaa :**** ba3ad 3omriii ma itga9reeen hatha min 6eebich oo 7ata ana amooot 3alaichhh oo kela agoool 7ag mamlooo7a enich ityanineeen :) thank you sweetttyyy alot oo inshallah bs yefta7 il new branch agoolich 3ashan itzoreeeni oo yetibarak feech :*
مساالورد والجوري
غاليتي
كروووووووزه
الحب له تاثييير كبير بحياتنا
وبدونه مانقدر نتعامل مع اي شخص
من اللي حوالينا
بس
يازينه اذا يه بدون مقدمات
بدون مانحس فيه
بدون مانرتب له
ياحلاااااااااته
بيكون هو مفتاح سر الوجود
تحياتي يالغلا كله
:**
warda:
هلا هلا هلا وكل الهلالالا
هههههههههههههههه
حبيبتى انتى يا ورده
لا تشكرينى ماا سوييت شى فرحتلج
لانج تستاهلييين، تعبتى وايد
وحبيت اذكر هاليوم ولا انساااه
:)
بعد عمرى ان شاااءالله
والمكتب متبارك بصاحبته يالغاليه
:**
فراوله:
:)
هلا بفراوله
يا حلو كلامج بس
:*
لاحول ولا قوة الا بالله
مستمرررررررررون بالبكاء
شعر جدا راقي .. من يكون كاتبه ؟
أقصد من يكون في هذا العالم ؟ وين عايش ؟ شوية معلومات لو سمحتي
وايد دخل قلبي الشعر
شكرا
لي ذكريات مع هذي الكلمات بصوت عبد اللة الرويشد
ألبتي المواجع يا كرزومة
فعلا لا صرت فاقد شي وشلون تعطية
ابيات رائعة
و اختيار اروع
مانتوفاني
انتى فيج بلا انا متابع صارلي فترة
روعة روعة روعة
mok:
هلا فى موك هاا نقول الحمدالله على السلامه؟
:)
مواطن:
كثير اردد هالكلمات وايد احبها
عندى مجموعه من اشعار الشاعر السعودى
سعود بن عبدالله
اغلب اشعاره من الاغانى المحببه عندى
علمنى امسح دمعتى
وحشتنى سواليفك
فمان الجرح يا ذيك السوالف
ما اوعدك من يضمن ظروف الزمان
العنا وش هو العنى
ابكتب رساله حب
هلى ذكرتهم كلمات رووعه
وعنده المزيد
http://www.3bir.com/63/
والصراحه معلومات عنه ما اعرف بس شاعر حساس ومبدع
حياك الله مواطن
حسافتج يا كويت:
ان شاءالله ما من مواجع يا حسافتج
:)
mantovani:
شكرا
حياك الله
مشارى:
:)))
ما فينى الا العافيه
كش ملك:
:)
حيااك الله
كريزمااااااااااا
لييييييييش رديتي البكله مره ثانية؟؟
ههههههههههههه
نغرت حتى أنا رحت غيرت صورتي
مو اتفقنا نغير صورنا مع بعض؟؟
اش هالخيانه يا كريزما
لووووووووول
كل شي عليج حلوووووو يا حلوووووو
حبيت أم الأزرق أكثر من أم الأسود
أم الأسود حسيتها قاعده بمحكمة
هههههههههههههههه
Post a Comment