Monday, December 15, 2008

سوالف وتحلطم :/


بدش بالسالفه من اخرها لين اولها



الحيين سيارات الاسعاف الى بديرتنا الحبيبه معقوله ما فيها



Navigation aw GPS



يوم الوقفه ام صديقتى طاحت عليهم ، اختبصوا ودقوا على الاسعااف الاسعااف خذت ساعه وربع ما شرفت !!! لم اتصلوا الاهل ويين



الاسعااف الالالالالا الاسعااف ضايعيين مو داليين البيييييييت وترى الاسعاف تابعه للمستشفى القريبه من المنطقه !!



الحين اوصلت الاسعاف بالسلامه تقول صديقتى اركبت مع امها ، امها خلالاص مو قادره تتنفس يقولها مسكى حق امج



الكمام على ما اطلع عدتى !!! ويسالها اهى الوالده شفيها بالضبطططط !! ياااا سلالالام عليكم يا سلالام



الاخ الى يسوق يدوح بالمنطقه يفتر يفتر تقولى دار راسىى يا كريزمااا ، جان تقوله صديقتى شفييي هذا لى الحين نفتر بنفس المكان جان يرد اختى يا ريت اطلعينا من هنى



الا الحبييب مو صايد المخرج من المنطقه ، البنت اتصلت بخوهاا واخبصته لان المسكيينه ما قالت له ، ويا جدامهم



يطلع الاسعاف



بختصاار نموت بالاسعاف !!!



السالف الثانيه



اليوم رايحه استقبال وحده من الاهل فى رويال حياة واهى مستشفى بالجابريه ، وصلت يم المستشفى الا نااار وادخنه ابيييه المستشفى



تحترقق !! لم قربت الا المدرسه الى مقابله المستشفى فيها سيااره شاابه ناار من جدام المكيينه تااكلت ويمهاا اكثر من ست سياييير يعنى اذا



وصلت النار البانزين شبت كل السيايير اتوقع



انا خفت امر قلت عسى ما تنفجر قمت دقيت 777



دشييت المستشفى وبسطت سوالف شربت جاى، شربت جاى اخضر ، شربت ماى بين كل استكانه قول بو ربع ساعه



لوووووووول اى اى بسطت وحلييت وشربت قهوه وطلعت الالالالا السياره لى الحييييييييين تحترق ما رديت من نفس الطرييج غيرت



مسارى هقوتى انفجرت



ههههههههههه



المطافى ما شرفت ولالالالالالا المصييبه متيمعيين حواليها هنود وبنقاليه ما ادرى ليش !! شكله مشروع انتحار



والله طول هالمده عبالى عندنا نافجيشن بالاسعاف والمطافى انا اقوول ليش يطولووون



هالسالفتيين نرفزونى لان عواقبهم وخيمه ، تطرق للموضوع الزميل





تحدييييييييييييييث

ما اقدر ما احدثثثثثث ابيييه

رحت المستوصف جدامى 40 واحد قلت ارد البيت ارتاح وارجع

رديت البيت غيرت وكتبت بوست ونزلته

رحت المستوصف الا صديقتى نفس الحال وجدامها 15

قتلها تعالى دخلى معاى جود انا قرب دورى

دشينا انا ارتزيت يم الدكتور اقوله الى فينى وابى مرضيه !! انا التفت على صديقتى الا زهيوى وراها على

الطوووووووووووووفه شكببببره ، صرخت صرخه الدكتور نقز ( الدكتور ريال كبير ونظاره نازله على الخشم يالله

يشوف المسكين) جان يزفنى قالى شنو داينصور !! اقصااه زهيوي

دكتوررررررر بلييييييييييز طقه ، الزهيوى نزل على الارض يفتر وانا افتر ورا الدكتور وافر كرسيه لوووووووووول والله

بدون لا احس هههههههههههه

قالى ما اطقه حرام ما سوالى شى كافى ان سوا جو خلانى اضحك الساعه الحين 10,30 وانا من اللاربع

هنى اكرف !!! يعنى انا ارقوز!!! قتله دكتوور هذا مستووصف

شنو يعنى زهيوييييييي

صديقتى قالتلى انا متعوده على هالحال طلعى بره انا اييب اورقتج !! طلعت انطرها بره

اليوم عجييب سالفه المستشفى والحين الزهيوى خل يخلص اليوم على خير العاده انا اثلث

الله يستتتتتتتتتتتر

53 comments:

Mok said...

كريزما

وانت ما تدخلين الا بمعمعه

ما يصادفج شيء حلو؟

بس said...

كريزما

مسيك بالخير وراحة البال


لاحوول الله يعينا على اللي نشوفة و نسمعة بهالديرة

:(

جنون إحساس said...

بالنسبة للسالفة الأولى, الخليج آخر الدول اللي تهتم بالصحة والتقنيات الصحيّة المتطورة

والسالفة الثانية
ابتسم انت في الكويت

THE BOSS said...

فيه احد ما يدل بشوارع الديرة

وعطني ولعه

mtfa2el said...

هذي الدولة لما تنهار
يسري الإنهيار في كل جزء فيها
ولا عمرج شفتي ديرة ينباق فيها غطى
البواليع و انتي بكرامة

Q8EL5AIR said...

الظاهر يبيلهم " طقطاقي بوعليوي "

بدرب الزلق .. عشان يدليهم !!


بس مع هذا كلمة حق لازم تقال .. انا صارلي اكثر من موقف .. والحمدلله ان الاسعاف ما كانت تطول اكثر من 5 دقايق ..!!

فالامر مو بكل الاسعافات .. الاغلب يمكن !!

من باب احقاق الحق !!


وتحياتي ..

ويسلموااااااااااااااااا :)

الخيلاء said...

لووووووووووول

والله مت الضحك على سالفه الزهيوي ولا الدكتور ايقول مسكين و سجين هذا زهيوي قذر حق الامراض

Яeema said...

loooooooooooooooooooooooool!

لا لا لا مو صج
هاهاهاهاهاها


عجييييييييييييييييبة السالفه!؛

Eng_Q8 said...

وهذي شهاده

ارواح الناس لعبه حسبي الله عليهم

--

اما سافلة الديناصور قصدي الزهيوي عجيبه ولازم يستجوبون وزير الصحه :p

charisma said...

الحمدالله على كل حااال يا مووك
الله لا يوريك معمعه بدنيااك مثلى
لوووووووووول

ربااااااااه
وييينج يا ديييللىىىىىىىىى
لحقى على وخيتج
://

charisma said...

بس:

يمسيك بالنور والسروور

ويااامه بنشوووف
يعيين الله يا بس

:(

charisma said...

جنون احساس:

شى يضيق الخلق والله يا جنون احساس
ما عندنا غير التحلطم
يا رييت فى صوت يسمعنا
:(

charisma said...

the boss:

وياا ريت منطقه يديده جان عذرنا
ترى الى اتكلم عنها منطقه قديييييمه جدا
تخيييل

:/

charisma said...

متفائل:

نورت متفائل
:)

نعممممم
ينبااااق !!

صججججججج
شيبووون فيهم
مأساااة

charisma said...

كويت الخير:

حياك الله

هههههه
اظاهر سايق وسايق
:))
حظك يا نصيبك

هم نقول عساهم على القوه

حياك الله :)

charisma said...

الخيلاء:

الخيلاء يقولى صارله مده يطلع ويختفى
يقولى انا مخليه يتمشى ليش اذبح مسويلى جو !!

تخيلىىى

charisma said...

ريما:

ههههههههههه
اعطييج الديتييلز
ما خفي كان اعظم شايله وايد من السالف انا ههههههههه

charisma said...

eng_q8:

حسيت بوستك يكمل بوستى
:))

اييي اييي خل يستجوبونا عندى شهوود
;pP

ولا يقولى شايفه من زمان خلييه يفتر مسويلى جو

ما يبى يذبح
:/

Fahad Al Askr said...

خف طينة البوست

وخف طينة أكثر توقعج إن الإسعاف والماطفي عدهم جي بي اس

يحليلج

هذه الكويت مو أمريكا

JooJ o MaJooJ said...

لووووول والله ذكرتيني بسالفيتين صايريلي
الاولى عن الاسعاف نفس سالفتج تقريبا..
مره امي اتعبت علينا دقينا على الاسعاف تيي.. يت الاسعاف
الريال واقف متنح
اقوله قعدها يقولها يمما قعدي!!!
قتله والله صج؟؟؟؟؟
ويوم نزلها ما نزلها بالسرير
يقول خل تمشي احسن
معنها المسكينه كانت غشيانة وداير راسها
لما ركبنا الاسعاف
يسألنا اللي يسوق :اشلون اطلع على الاميري؟؟؟؟؟؟؟؟؟؟
مع انه بيتنا بالديره ومايبيله دلاله

والسالفه الثانية هم الشرطة 777
سوينا حادث.. دقيت على الشرطة وقالولي انشاءالله الحين نييج
انطر... انطر... انطر...
تالي لقيتها يت وصفطت بعييييد يعني يمكن مسافة كيلو
دقيت على 777 مره ثانية اقولهم ما يت وصافطة بعييد..
يقولولي رووحيلها!!!!!!
يعني اشلوووون؟؟ آخذ السيارة معاي واللي داعمني وانرووووح؟؟؟؟
والله تشوفييين بلاويي بهالديره
بس الحمدالله على كل حال
بس يعطيج العافية على هالموضووع فعلا شي ينرفزززززززز

Majooooooooj

الزين said...

لووووول


كاريزما يعلج العافية


سالفة الزهيوي خلتني افصل على الصبح


مت ضحك


:**

Sweet Revenge said...

كل شي قابل للمفوضة الا الصحة مرات توقف علي دقايق علشان تنقذمريض
مو هذول جنا طالعين زوارة

بس كل كوم والسيارة الي تحترق وحوالينها هنود كوم
خبرج بعد الدنيا برد يتدفون مساكين

والف سلامة عليج :)

الدســتور said...

دكتوررررررر بلييييييييييز طقه

هههههههههه

شـــــكو

بخور السوق said...

لووووووووووووووووووووووووووووووووول
كارزما وانتي كله أكشن .......
ظحكتيني والله يا حلو سوالفج ومواقفج عاد مو مال بوستات ابي اكحل عيوني فيج يالله متى....
ميته من الوله على سوالفج
ههههههههههههههههههههههه

Amphibious said...

شوفو فلم سمير غانم احنا بتوع الأسعاف
قبل نضحك عليه واللحين صار واقع عندنا
اما ال777 صاروا مثل الأفلام ما يوصلون لما البطل يطشر العصابة كلها وينقذ حبيبته ويخلص الفلم :)))

ARTFUL said...

الله يعييين

الاسعاف بس شكل

لازم تساعدينهم ما ينفع يسوون كل شي بروحهم

!!!!

ZooZ "3grbgr" said...

هههههههههههههه

ضحكتيني تفرين كرسيه

اكيد ونستيه سويتيله ملاهي

غدا شرج الحمدلله

:")

Fankooshy said...

اسعااااااف ضايعه
عااااااادي
مطافي متاخره
عاااااادي
زهيوي على الطوفة
عااااادي
بس شلون تخطرين الدور وتدشين مع رفيجتج؟؟؟
لول
شكرا

charisma said...

فهد العسكر:

فهد الحيين ابسط سياره تشتريها فيها gps

وهذوول مو اى سياراات ومو لاى غرض
ما اعتقد ىيخفى على المسئوليين هالموضوووع
ما يكلفهم شى الحين جهاز صغير يشترونا ويركبونه ويين المشكله
شبيكلفهم
:/

elq87obi said...

لووووووووووووووول

هههههههه

انتي مو صج

بس تدرين الحلو انج مهما تحلطمتي محد سامع أو سامعين و مو فاهمين أو سامعين و فاهمين و ما يبون يتحركون أو يسوون شيء

بس صج شيء يقهررررررررررررررررررررررررررر من قلب <<< حسيتي فيني شكثر منقهر لووووول

سلامي لج :)

7osen said...

هههههههههههههه
هههههههههههه

والله ضحكتيني

سالفة الزهيوي والدكتور
مو صج
هههههههه

من صجج

هههههههههه

charisma said...

جوج وماجوج:

يااا سلالالام سلم
يعنى مو بس صديقتى الى صار فيهم هالشى
ترى حتى صديقتى بيتهم فى منطقه قديمه مو يديده يعنى المفروض داليين

حتى انا مره اختى سوت حادث دعموها واهى عابره الممشى ييت الاسعاف اهى صاحيا بس اتالم يقولها تقدرين تصعدين السياره !!!!

زفييته زففففففف
قتله لازم الى جدامكم ميت عشان تشيلونه !!


لوووووووووووووووووووول
روحيلهاااااا ابيييييييه هههههههههه
بدع بدع
ابييه والله شر البلية ما يضحك

شنقوول يا اوخيتى
:)

charisma said...

الزين المزين:

:)))
زيون ترى التفاصييل اتموت ضحك اكثر بس صعب اكتب هههههههههه
مختصره ومخليته راقى
:)))))))))))
صار اطردى بالغرفه لووووووووووول
بجييت من الضحك لم طلعت
مو مستوعبه الى صااار هههههههههههه
نسييت نفسى من الخوووف
لان الزهيوى ما كان طبيعى ويطييييييييير عندا اجنحااااااا
://

charisma said...

sweetrevenge:

اييي والله صدقتااى
عاد تدريين ان ام صديقتى كانت جلطه حايشتها تخيلىىى !!

الله ستر عليها قعدت بالعنايه طول فتره العيد المسكيينه بعد عمرى
بس الحمدالله الله عداها ودفعها

الله يسلمج حبيبتى
:)

charisma said...

ابو الدستور:

اهو الريال من بطقه يعني
هههههههههههههههههههههه
شكبرررررررره يوحش قطييعه

Kaadi said...

ويييييييي بلاااج ما شفتي احتفـــال الازهيويه في حملتنا السبيعي بالحج

ما كأن دافعين 1370 دينار للشخص ..

مفعدبننا في شقق تدبي تدبي فيها الزهيويا !!

عادي نتلحف بزهيوي و نتوسد على زهيوي @@

والله العظيم اول الايام قمنا نكفخ !! ويتكااثرون جان يصير وضعنا طبيعي تعايشنا معاهم ويا هالحملة المصخرة ماسوت علينا والله 7 ايام من التعذيب ..سالفتج اهون من اللي شفنااااااه

charisma said...

بخور السوق:

والله ذكرتج وانا اكتب البوست قلت خل اتوسع صدرها لوووووووول


والله انا اكثر حبيبتى بس
انت ضبطى حالج بس
ههههههههه
:P

charisma said...

AK-47:

لوووووووووووووووول
هههههههههههههه
صااج والله

charisma said...

artful:

الشكوه لله
:/

charisma said...

زووز:

لوول ملاهى بس
ما خفيه كان اعظم
زين ما طردني
;P

charisma said...

fankooshy:

لوول لا لا الالا هذى انا احترم النظام
داشه باحترامى بدورييي
لول وسويت واسطه حق صديقتى
:P

charisma said...

الكويت حبى:

شعندنا غر انتحلطم وانتقرطم
ونحتج وننتقد ولالالا حياااة لم تناادييييي

://

الله كريم

charisma said...

حسين:

ههههههه
هذا شى من لا شى طال عمرك
:)))

charisma said...

kaadi:

:(((

لا لا لا قولى غير هالساالفه لالالالا
من صجججججججججج

واااااااااااى الله يهدييييهم ليش جذى
عاد زهاو ييهم اخبرهم
:((((

وااى كش شعر ينبى

تقبل الله طاعتكم والحمدالله على السلامه
تعذيب نفسى هذا
:))

enter-q8 said...

شنو الجديد بالموضع
احنا بالكويت
انزين سمعي الفيلم القوي مال الاسعاف
الاسعاف لها ادارة تايهه
اسمها ادارة الطوارئ الطبية
ضايعة بين الصحة و الدفاع المدني و الداخلية
و ميزنيتها فيلم هندي
و الناس الاداريين اللي فيها اغلبهم مسعفين شكو ما ادري
يعني اللي بالكراج مسعف
السكرتير مسعف
الشؤن الادارية مسعف
شفتي الخمبقة

اخر الافلام
لما كان هناكم نقص بسيارات الاسعاف
و تكلم عنه بو رمية الحكومة شنو سوت
قالت اوكي يالا ميزانية وووو و اطلبوا سيارات اسعاف
تدرين وين اهي اللحين
مقطوطه بالكراج
لأنها ما تنفع
و كان بعضها ما يدش الشوارع اللي بالفرجان
اي سائق سيارة الاسعاف اهو مسعف
و اغلبهم ارفضوا يسوقون و طالبوا بسواقين تدرين ليش
لن اي حادث لو دعمها احد مو اهم اللي ادعموا
يدفعون التكاليف
و ها سيارات قديمة و قطعه يديده و عليك الحسبة
اي و لما قالوا تأمين
قالولهم على حسابكم يالمسعفين
باختصار انا مريت عليهم و شفت حالتهم الكسيفه و سوء الادارة و التخبط

@alhaidar said...

ههههههه

أموت وأعرف سر خوف البنات من السيدالمحترم الزهيوي :P

أما الإسعاف والمطافي أتوقع الواحد يروح مشي يوصل أسرع ..

عز يا كويت !!

charisma said...

enter-q8 :

صدمتنى !!!

شلوون يطلبون سياراات ما تنفع!! على اى اساااس انطلبت

اى والله الاداره التايهه


حااله حاااله

shakshaka said...

واعليه علي ديرتنااااا يا كاريزما .....واااااااي شالزهيويييي! هاهاهاها ان خذيتي نظاره الدكتور هاللي سايحه لي الخشم و كفختي الزهيوي فيها لوول

charisma said...

احمد الحيدر:

لان مؤرف ووصخ ههههههه يلوع الجبد
لو صغير ما ياثر وايد بس هذا كبييير
هههههه


حياك الله

charisma said...

شكشكاا:

لوووووووووووول
واى سكتى شكشكا شى مؤرف والله
والدكتور يرفع الضغط

ميرامار said...

كاريزما شفيج اتحلطمين واتقرطمين

هذي ديرتج هذا الموجود
مو عاجبج هاجري

كل هالميزانية والبيزات وهذي خدماتنا
مالت عليهم من قياديين

مرة سويت حادث بالسالمية
يتني الدورية بعد ساعة الا ربع
قلت اشوة ما يتني باجر

take it easy

S-Q8 said...

LOL.. a7la shay inhom mo gadreen ye6le3oon min el man6eQah!!

LonDonY said...

وانا افتر ورا الدكتور وافر كرسيه لوووووووووول والله
بدون لا احس هههههههههههه
--------------------



هههههههههههه




كاريزما بهدلتي الدكتوووور
اسد مو زهيوي


سالفة الاسعاف

اهي وحدة من الثنتين

يا انه داش القرين
يا انه توه متجنس


والله مرة دشيتها ما قدرت اطلع
نص ساعة احوس
لين ما الله سخر لي واحد
لحقته وطلعت من المنطقة