Friday, May 22, 2009

non stoop ;//




بحياتى ما مر على ازعاج لى درجه التشبع والمقدره على التعايش معاه

شهرين وداشين الثالث انام ونصحى على اصوات المكاين والحفريات بالفريج ، الجماعه بادين قطعه قطعه بالمنطقه

قطع ياخذون فيها شهر واقل ، وقطع لا لالالا يبسطوون بالاشهر


انا ما اعترض لشى فى اصلاح وتعديل بالعكس بس ترى احنا اوادم نحتاج نرتاح مو معقوله شغل متواصل 24 ساعه

نقوم على صوت المكاين تطلع من باب البيت اتشوف ابويهك عماال يخرعووون :( اصبحنا واصبح الملك لله على اكوام

من التراب ادوس التراب واستعسر يدش بريولى وتنتلف عزكم الله النعال حتى مو حاطين ممر نمر منه وقيله وطيين سمنت صخر وصاخه

ومناظر سيايير اول مره اشوفها عن قرب خلاطات ونساف تريله كرافات والنهايه يابولهم جبرات عشان 24 ساعه

يكونون يم شغلهم

بعد ما انعدى التراب ادور سيارتك ويين مقطوطه لازم نعبر شارع ثانى عشان السياره

تركب سيارتك تسكر الباب تحرك اتبعد شوى عنهم تسمع صوت المكاين براسك :((

نرجع من الدوام نبى انام ايضا على صوت المكاين وعلى هالحاال شهرين تقريبا والحين الجماعه شالو قشهم بس المكاين تشتغل

والى يحرنى بالموضوووع يشغلونها بوقت راحه اللاوادم وييك اند الجمعه والسبت ومن الصبح ويسكرونهم بوقت الى

الناس تطلع المغرب وترد تشتغل وقت الى الناس تبى تنام من ال12 بالليل الى الفير

الرحمهههههه ما سوت علينا تصليحاااات بس ما نبى انا راى حتى لو تطول المده بس يوقفون وقت راحتنا

انا لم اعترضت قالولى يشتغلون 24 ساعه عشان يخلصون بسرعه


بس انا اشوف يريحونه وتطول المده وايد ابرك


_______________

مقولة بعيد عن العين بعيد عن القلب

ليش مو راضيه تضبط معاى

:(






31 comments:

حسام بن ضرار said...

قطع ياخذون فيها شهر واقل ، وقطع لا لالالا يبسطوون بالاشهر
----------------------
بوق مقنن

انصحكم تيمعون تواقيع اهل الفريج و تروحون تشتكون على المقاول بالاشغال و تطالبون انه ما يشتغل بساعات الراحه

الله يعنيكم

احنا ذيج السنه اشتغلوا شهر بشارعنا، بس يبدلون الارصفه

عاد الارصفه القديمه شحلاتها ما فيها شي

بس الظاهر تنفيع

esTeKaNa said...

يا مسا المكاين كلها
:Pp~
تدرين؟
قبل وانا ياهل اذا رحت البحر اقعد من الصبح لي تروح الماية فعقبها اقعد يومين اسمع صوت بحر واحس جني بالموي وانا قاعده
!!
فصح انتي شي طبيعي تقومين وتقعدين ويمكن تسيرين على الناس والباك رواند مالج صوت المكاين
يا بعد قلبي قلبج انتي
لا وصيف يعني ماكو بوت كله صنادل وتربه عند الباب؟
حبيبتي حبيبتي ميخالف فتره وتعدي
وانا مع حسام اقولج اشتكو كلكم
شهالحاله ياربي
:(
.....
والمقوله ردها:
البعد هو بعد القلوب
لا ما تباعدنا الدروب
الدنيا ما تغير وفي
مهما بمشاكلها نتوه

احد قالج تصيرين وفي؟
:PP~


الله يحفظج يارب
:**

Яeema said...

لا حول الله!
أمبيييييه من كأن السالفه صارلها وااايد من الشتا؟؟
والله ما أدري شقولك بس شي يحير و مو معقوله محد تكلمن لي الحين!؛

Q80 Blogger said...

في مقوله جذي اصلا !!!!

ولا عمري حسيت فيها .. اسافر اشتاق .. ارجع جنه ماكو شي

فالمفروض
قريب من العين بعيد عن القلب !!!

kuwaitawy said...

بصراحه



الحاله كسيفه

enter-q8 said...

الدوام ما رضوا يعطوني اجازة تهاوشت معاهم
قالولي الناس كلها عندها ظروف اشمعنى انت
قلت لهم اتحدى هالناس الا اذا كانوا ساكنيين بفريجنا اللي الله بلشنا بولد جيران مو مصدق انه اشتغل بالاشغال
يعني كاسب طيب فينا
شال الشارع من عرجه وسفلته مره ثانية
و الا يكتشف الشهر اللي وراه ان الرصيف عالي
قام و نداهم مره ثانية و نوموا الرصيف بدال ما كان طوالي
وراها الماي الصليبي وراها الكهربا
وانا ريال اداوم شفتات
يعني الشغل كله الصبح فوق راسي
اطلع اجازة و الا ما اطلع
المشكله اقتراح السفرة يكون القاهرة و شرم
يعني ابو الازعاج بعد

بنت الشاميه said...

الصبر مفتاح الفرج
ما لج الا الصبر
يمكن عاجبتهم قطعتكم وايد
علششان جذي مبلطين فيها اطو لمده ممكنه
ههههههه
وبعدين لو كل من بعيد عن العين بعيد عن القلب
جاااان محدش غلب ياااا كريزما
هذى الدنيا

خلينا نسمع مصطفى احمد
وايد احب هالاغنيه
مشكووووره

الدســتور said...

مأجورة

قزريها الويك اند
بالموفيمبك

charisma said...

حسام بن ضرار:

شدعوه ما فكرت اسويها بس الجماعه بالبيت ما يساعدووون كلششششششش
كله مدقرين فينى
://

خلها على الله ياخوى الى يحتاج تعديل هاملينا والى ما فيه شى يعدلونه ما ندرى شالطبخه بهالديره

charisma said...

استكانه:

سكتاى يا ستكاانه الحاله كسيييييفه
لا ليلنا لييل ولا نهارنا نهار

صار تشبع لى درجه دوى المكاين على طول اقدر اسمعه الشكوه لله



ايييه يعييين الله
:/

charisma said...

ريمه:

تخيلتى ايييييييي من الشتا تخيلى الحال
!!

charisma said...

Q80 blogger:

ههههههههه
اى فى مقوله جذى
ولا انا اعترف فيها كلش مو ضابطه معاى
:P

charisma said...

kuwaitawy:

حدها كسيفه
:/

charisma said...

enter-Q8:

ههههههه مسكيين مجتهد على غلط ولد الييران
:))))

والله اذا بتسافر سافر مكان هادى
ولا لا تاخذ اجاذه وتقعد بالازعاج

ذكرتنى لم طحت مريضه وخذيت مرضيه
والله تمنييت اداوم لو على نقاله ولا اقعد بالبييت تحت هالمكاين
:(((

charisma said...

بنت الشاميه:

صاابرين يا بنت الشاميه
امرنا لله راح الجايد والله يسهل

:))

حبتج العافيه
استمتعى
:*

charisma said...

ابو الدستور:

وياك انشاءالله

والله خووش اقتراح يبيله نوخر اشوى
:)

جنون إحساس said...

الله يعينج صراحة
إحنا يم بيتنا براحة شكبرها وذابحينا تقحص ما أنااام من أصواتهم

--

مقولة بعيد عن العين بعيد عن القلب عمرها ما كانت صحيحة
القريب من القلب يعميني حتى عن اللي جدامي وما اشوف الناس بس اشوفه
افضل حل الانشغال بمشروع يديد تجاري بسيط يعني أو كثرة الزيارات

صبا said...

اكره شي الازعاج وانا نايمه
:(

يحوشني صداااااع يعذب وما ينفع معاه الف حبة بندووول

الله يكون بعونكم

انشالله افتكيتو الحين من خبصتهم
واذا خلصو اخذي اجازه
ونامي
:)

الله يعينكم
:**

charisma said...

جنون احساس:

الله يعينكم بس شى اهون من شى ازعاج مؤقت ولا ازعاج دائم
حمدى ربج انتى بنعمه ههههههه
:*

charisma said...

صبا:

حالتنا كسيفه والله يا صبااقل شى يسوونا لنا
تعوييض كل بيت اقامه لمده 3 شهور بالمكان الى نختاره
:)))

`~MnO YeNSa! ~` said...

ما عاش اللي يزعج
كريزما

اروووح
ازفهم

:P

فريج سعود said...

الله يكون بعونكم

لو انا جان كل يوم متهاوش

Sweet Revenge said...

يالله شدة وتزول وحاولي احطين سدادات الاذون تخفف شوي من الاصوات

ARTFUL said...

الله يكون بعونكم

صج انها شغله تنرفز

Shaima'a Alkandari said...

الله يعيييييييين لانها صارت عندنا وافتكينااا


امبيه خصوصا الحدايد اللى من الارض طالعه وحاطينهم





يبه سنه ماليه يديده ولازم يشتغلون:)

J Daily said...

لا تتحلطمين على ربع الدوام d-;

-
المقوله بدت تضبط معاي (:

qesat_5ayal said...

صج الله يعينج

انا اقول حاول باللي عندج بالبيت
لان ماهي حالة
;)

charisma said...

منو ينسى:

:)))
يا حبييبتى والله



فريج سعود:

ههههه
يا لييت عندنا نمونتك يا فريج سعود
:P

charisma said...

sweet revenge:

المكينه عند دار النوم
:(((

اى سداداات ماكوو شى يلحق


artful:

الله كريم
:/

charisma said...

شيماء:

هلا والله حبيبتى
اى والله
صااااجه


يعقوبوو:

:/
ما فهمت


قصة خيال:

لوووول
عييزت عيييزت البح
:))

Kuw_Son said...

كل شي ولا وقت الراحة ..

أعرف هالشعور .. صوت مكاين الديزل تطحن ليل نهار .. الله يعينكم