اللهجه الكويتيه
ودى اطرح سؤال فى بدايه البوست!شفيها لهجتنا الكويتيه ؟؟
اتفشل ؟؟ مو حلوه ؟؟ ليش بسهوله نتخل عنها؟
انا ملاحظه هالشى وترى ابدى بنفسى اهو شى يموت ضحك
انا ملاحظه هالشى وترى ابدى بنفسى اهو شى يموت ضحك
بس ليش غالب الكويتيين اذا تكلموا مع غير كويتى ينقلب لسانهم
يعنى انكلم مصرى قلبنا مصرى
يعنى انكلم مصرى قلبنا مصرى
دكتورتى مصريه اذا كلمتها بالتلفون ولا شفتها اتكلم مصرى لووول وحدث ولا حرج !انزين شالله حادنى اى تكلمى كويتى اهى تفهم غصبن عليها انزين ليش احنا نفهمهم ؟؟ اكيد العكس صحيح
واذا جابلنا لبنانى ولا لبنانيه حولنه لبنانى
واذا سورى حولنه سورى
عراقى حولنه عراقى
وحده اعرفها كويتيه تحب سعودى سمعتها اتكلمه بالتلفون ولا الاخت تتكلم سعودى
حتى اذا كلمنه هنوود حولنا هندى
عسى ماشر شفيناااا
والله خير التين اييج والاجيال القادمه عااد الا ما نسمعهم يتكلمون كويتى حتى فى بيوتهم يتكلمون انجليزى
مسكينه لغتنه قاعد تنقرض
اهى من ناحيه دفشه اى خنت حيلى اهى ادفيشه شويه
بس والله يا جماعه لغتنا خف طينه
وقريبه من القلب انا احبها بس ما ادرى ليش نقلب على الموجه
اهى من ناحيه دفشه اى خنت حيلى اهى ادفيشه شويه
بس والله يا جماعه لغتنا خف طينه
وقريبه من القلب انا احبها بس ما ادرى ليش نقلب على الموجه
اليوم الصبح زميلتى اول ما يت اتصلت على المطبخ بالدوام تقوله
الو محبوب جيب كوب حليبه ما ل اناا
عاد ضحكنا وانفتحت السيره
ان ليش الكويتيين يقلبون ويتخلون عن لهجتهم بسرعه؟؟؟
شسالفتنا ؟
61 comments:
كاريزماااا
إتعيبييين علي؟؟
هاهاهاهاها
جييب كوب مال أنا
هذا لا صايد كويتي و لا هندي
ما نينعرفله تشااارة
أول ما رحت لبنان قمت أكلمهم مصري
هاهاهاهاها
بس إتهقين يفهمونا إذا تكلمنا كويتي قح؟؟؟
يعني
يا حافظ و إلا وهونه بس
المشكله إن المفردات غير
فما راح يعرفون
حلو إنتكلم بالنص
كويتي مفهوم إشوي
مو مفرداتج
إنتي
lever 3 kuwaiti :p
i mean kuwaiti level 3
تذكرين صديقتي اللبنانيه لما قمتي إتكلمين معاها؟؟؟
شوفي ويها و بعدين قولي ليش صار كلامنا منكس
خوووووووش سؤال يا كاريزما
بس انا اعتقد انه تواضع منا وطراوة لسان
نقدر نلون حجينا على حسب السامع عشان نساعده يفهمنا
الكويتيين طيبين وكريمين بطبعهم حتى لمن يعوون لسانهم ويقلبون اللغة كل هذا بس عشان يتواصلون مع الطرف الثاني صح
شفتي الكرم
وااااااي
صح صاحبتي كله تقولي حاجيهم كويتي
بيفهمونج
بس ماقدر
لازم لساني يفر
:))))
صج كل الناس تعوي لسانها
الا
امي
:))))))
اقولها ماراح تفهملج
حاجيها هندي
!!!!!!!!!
الهندي يعني لكويتي مال
جيب كوب مال انا
:)))))))
يمكن لان ندري ان حجينا غلج
و ما ينفهم
اللبناني و المصري منتشر اعلاميا فالكل يفهمه مو مثل الكويتي عشان جذي نقلب مصري و نفتك من تفلسفهم ايه؟ ايه؟ يعني ايييه؟
اما الهندي صراحه مادري شسالفتنا صج !
يعني ايوون الهنود ما يعرفون كويتي
و احنا ما نعرف هندي
ليش اخترعنا لغه ثالثه !
كودي !
مدامه بيتعلم بيتعلم خل يتعلم كويتي ليش هاللغه مالت جيب ود بابا مال انا مال اهوه ما يقول ما يسوي !!
مادري من اخترعها
صباح الخير صباح العواصف
هوااا برااا شايل
الله يستر
ريمه:
لوووووووووووووول
ما قلت انت انا لووووووول
ههههههههه
كلنه بالهوا سوا ترى
:)))
لبنان مصرى ليش شكو هههه
ترى يفهموون بس احنا نحس انهم ما يفهمون
تذكرت ويها صديقتج اللبنانيه
لووووووووووووووووووول
اى مسكينه
اتوهق وكله عاقده النونه
:))
zozota:
يا عينى على الكرم الى احنا فييه
:)))
اتهقين هذا التفسير ؟؟
:))
والله ما ادرى
بس انا من اجابل مصرى انعوى السانى مصرى
ومو من حلات لغتى المصريه
مصخخخخره اصير مسكى بطنج وضحكى
عاد ليش
لووول
ملاك:
هههههههههههه
لوووووووووووول
اشوه مو بس انا
:)))
cr8ivia:
ههههههههههههه
انزين مصرى ولبنانى منتشر اعلاميا
بالله والسعودى
والعراقى
احنا حتى مع الخليجيين نقلب
سمع اذونى
ما عليج احنا نفشل من لغتنا
الحين كويتيين مع بعض ويتكلمون انجليزى
هههههههههههههه
صدقينى فى عله
فى سبب ما ادرى شفينا على هاللهجه المسكينه
:)
لوووووووووووووووول
كارزمااااا
ذكرتيني بسالفة بنت خالتي
صغيرونه بأولى ابتدائي
عندها رفيجه مصرية
تحاجيها بالتلفون
خالتي تتسمع لهم
:ما تشوف إلا بنتهل تقول
"دلوأتي أجيبو استني شوية"
خالتي حدها طقتها البوهه على بنتها
جان تقولها: إنتي شلون قاعدة تحاجينها
:البنت فيها لدغة ردت على أمها
"يما إهيا مصوية لازم أحاجيها مصوي علشان تفهم"
لووووووول
لووووووووووووول
ذكرتيني بمسرحية لولاكي قبل جم يوم حاطينها بفنون
لما اخر شي العيال يقلب لسانهم بسبة الخدامة و يسألهم ابوهم :ما شفتوا نظارتي؟
يردون: أنا ما يشوف نظارة
ههههههههههه
هههههههه
لهجتنا اتيننننننن
و لاحظي ترى محد يضبطها الا الكويتينيين بس
حتى الخليجيين ما ايبون الاكسنت عدل
ههههههه
و بالنسبة حق سؤالج ليش نقلب لأن أتوقع اللهجات الثانية أسهل من الكويتية
بس ترى حتى اللبناني ما يحاجونا لبناني قح
معاي وحده بالدوام لبنانية تقول كلمات بصراحة ما مرت علي
و كل مرة بتشيحط عليها احاجيها لبناني تقولي شفييييج كلامج هذا سوري مو لبناني!!! لووووووووول
و اتفشللللللل هههههههه
اقولها شسوي متعودة على السوري من المسلسلات
و بعدين شوفي احنا ما تخلينا عنها تخلي تام
بس مؤقت
خلاص كاريزما انا قلتلج بيي عندج اخذ كورس لهجه كويتية عشان نحافظ على تراثنا من الانقراض
loooooooooool
آنه عبالي بس آنه .. زين الحمدلله في مني نماين :)
شوفي ياطويلة العمر ، بالنسبة لي أحب اتعلم ( لهجات ) الدول الثانية .. طبعاً مو لغات لأن مالي خلق اذية وعوار راس ^_^
بس هم مو مع الكل أقلب اسمالله علي تدرين بعد المود يلعب دور
يعني غالباً تشوفيني اتحجى عادي وإذا حسيت إن اللي جدامي مافهمت قلت المصطلح باللهجه مالتهم أو كلمة قريبه توضح المعنى
--> شرايج فيني ;p
--
والطباخ عيل ماشفتي هاشم -->طباخ يدتي
داقه اختي مره تسأله شلون يسوي القبوط مادري المجبوس .. ومشتط الاخ يشرح
خلي اللحم ينظى وقصري على الجوليئ --> فهمتي شلون تنطق ؟
جوله بس بحجوة العيايز شتصير ;p
وهم مادري اش شرح لها .. جان يقول
موليـّه : من مُوْل
صراحه يبيله جم سنه وبطالب له بالجنسية ;p
والله صاجه! بس غصبن علينا يعني مره بلبنان كنا في مطعم وقلت حق الجرسون بليز ابي قفشه! طبعا اكيد ماراح يفهمني رفعلي حواجبه! جان اقوله ملعقه قالي اييي معلأه! يعني حتى لما قلتها غير عنهم! و اذا استنينا بالحجي وياهم بالكويتي من غير ما اندخل كلمات لبنانيه أو مصريه ما راح يفهومونا خصوصا اللي مو عايشين بالكويت! بس يا حلو حجينا اينن :)
صباااح الخير والورد والنوير
:)
موضوع مهم اعاني منه
تتميز عايلتي بعلاقات متشعبه بره الديره...وعندنا بالبيت مواسم ناس يزرونا
من السعوديه
البحرين
الامارات
مصر
تركيا
واجانب
!!
تعالي شوفي امي الله يحفظها ويدتي اذا انقلب الحجي....ولا عاد اذا قلبو مصري
او اذا صار تشويش وكلمو الاسكوتلنديه مرت رفيج ابوي جنها هنديه وعليه
hehehehe:)
يبيلج يوم اعزمج على يمعه تزورنا الاسكتولنديه اللي يا بعد روحي علمناها البلاليط ومجبوس الدياي والمرقوق مادري ليش
!!
والتركي لانه يتكلمون معاه كويتي ومن عمر مجابلنا والله والله يا كريزما باذوني سامعته يسولف حق ابوي يقوله:
اللي بالجدر يطلعه الملاس
وحلاه الثوب رقعته منه وفيه
تخيلي ..ابيض حمر وعطر ويتحجى جذي لوووووووووووول
ليش قام يتحجى كويتي ؟
لانه ما كلموه الا كويتي فصار يفتهم
لغتنا حلوة ما فيها شي
واذا ما افتخرنا فيه وحاولنا نوصلها بتندثر وتنقرض
ممممممم بعد فيني حجي شنو بقول؟
اي تذكرت....اللغه الثانيه شي حلو ومهم،بس اللي يحرني انه تكون هذه اللغه اهي اللغه الاولى عند ناس وايدين واللي يتكلم كويتي بطريقه عفويه وحلوة يصير هليقي ليييييييييش؟
يهال ما يعرفون يتكلمون
اشلون يقرون قرآان
اشلون يقعدون مع الناس؟
لا رد لا بدل
ما يصير
ولا شرايج؟
بس تعبت انا من القرقه
::))
هلا كاريزما
إحنا نقلب لسانة عشان الغير يفهم
بس عليج بالكويتيين منج و فيج
تكلمينهم عربي يردون عليج إنجليزي
ليش يعني
ألحين ماكو أحد ما يعرف إنجليزي بس فيه
وايد يتفلسفون وأنا ما أشمل إلي
يدرسون بالمدارس الأجنبية بس هالأيام
تقولين ماكو سكروا كل المدارس
الحكومية وصارت كلها أجنبية
والضحك لما تروحين الكوفي شوب تطلبين
بالإنجليزي يردون عليج بالعربي
LOOL
صاججججة .. انا كلّه جذي خصووووووصا مع المصاروة
لووول و كلة عبالي اني ضابطة لهجتهم.. لين ما اصدمتني جولي ان لهجتي مصرية كويتية!! يعني بلحن كويتي لوووول
الله ياني اندقرررت
انا اايد بشدة راي الاخت
Cr8ivia
بالنسبة حق اللبناني والمصري الانتشار الاعلامي
اما بالنسبة للهنود والبنغالية
اعتقد ان اغلب العمالة الهامشية او الخدم من
البنغل او شابه وتعليمهم على قدهم اذا نبي نوصل لهم المعلومة
لازم نحاول نغير الاسلووب
كاريزما .. أيام المتوسطه صفنا كان في ثلاث كويتيين و الباجي كلهم فلسطينيين .. لو تشوفيني شلون أتقنت اللهجه الفلسطينيه .. شي مو طبيعي
اللهجه الكويتيه اساسا خليط لأن الكويتيين من أعراق مختلفه مو مثل باجي الخليج و مصر
انا يا كويتي يا انجليزي
ماله داعي اتكلم غيرهم
بدليات للراس
مالكم امل اتكلم مع مصري مصري او عراقي عراقي
لا انا راح افهم شقاعدة اقول
ولا اهمه راح يفهمون انا شقاعدة اقول
:)
من الملاحه والله والشحاطه إلى فيهم ..!! ولا شحادكم على اللغات تكلموا "كويتي" والناس تفهمكم ..!! وأذا ما فهمولكم راح يسألونكم ..!! من الطرائف التي تحصل عندما يتكلم الكويتيون لغه أخرى ..!! في مره كنا بالقاهره وراكبين التاكسي وواحد من الربع قاعد قاعد يطقطق على السقف مال التاكسي "السياره" ..!! صاحب التاكسي متضايق من هذه العمليه فلاحظه واحد من الربع ..!! فحاول ينبه صاحبه ويكلمه بالمصري .. !!تدرين شنو قال له " متطقطقش على القماره" يكون صايد اللغه المصريه ههههههههه..!!؟
القماره = باللغه العاميه سقف السياره ..!!؟
الثاني من الشطه بيقول حق " الجرسون" صب لنا ماء ..!! تهقين شنو قال له ..!!قال له "لو سمحت عبي لنا الكبابي " ..!! طبعاً "الكبابي" هي جمع كوب ههههههه ما شاء الله عليه يستخدم "جمع مذكر سالم" ...ههههه..!!؟
مساج الله بالخير كاريزما
خووووش بوست ..كالعادة
عاد تصدقين ان عندي مشكلة...انا ساعات شباب من طقتي ما يفهمون انا شقول!!؟
يقولون كلامي مغبر...يهني شسوي اييب خرجة و امشه...انا ما اقول الا لهجتنا اشزينها
hehehhheehehh ;p
الموضوع و الردود عجيبيين !!
ذكرتيني بصديقتي اماراتية ..
لما اكلمها اهي تكلمني كويتي و انا اكلمها اماراتي !!
ليش مااادري !!
ينقلب اللسان اوتوماتيك !
بس مو معناته انا نستحي من لهجتنا بالعكس اللهجة الكويتية تنحب والله ..
بس يعني مثلا كلمة قفشة !!
هذي باي لغة الله يخليج !!
لو تقولينها حق السعودية مو مكان بعيد يخزونج كأنج تتحجين عبري ;p
لما تصير مخيمات بمرتقى يكون في بنات من بره الكويت !
عاد طاعي القواميس الي تطلع و الغير كويتيات يتكلمون كويتي و الكويتيات ينقلب لسانهم !!
و بعدين ترا لاحظي الكويتين من زود ثقافتهم يعني ;p
انهم يتأقلمون مع كل اللهجات و يفهمونها ..
بس لو تروحين دول ثانية لو انتي تتكلمين كويتي ما يفهمونج !!
هذا دليل على مستوى الثقافة العالي بالكويتين ;p
و هم دليل على طيبة قلبهم ..
فيعني انا اشوفه شي حلو ;p
waaay siktay ana atfanan bel ma9ri wilibnaniiii wo badleyatiiii
law sama7t mumkin tekandes? = ya3ni chandis shway LOOOL
bes ma3laich omahatna eshedooon 7ailhom wo yet7achoooon english bes english kuwaity .. refejat khalti etgool 7ag khadamat;haa walk walk walk standup we are there y3nee emshay emshay oo ogfay wo ebtelgaina eb wayhech walk walk walk standup:p
انا اعترف
اني مضيعة لهجتي
صج ما اعرف اتحجى بحريني عدل
حجيي مخلوط من لهجات العالم
لا وداخل فيه انجليزي بعد يعني فجج لا تفجج
بس صج من اشوف احد من ديرة الا وقلبت معاه
ليما اللحين ما اكتشفت السر
اللي يضحك ان بيني وبين نفسي ما اجيد اتكلم اللهجة
يعني لازم اللي يحاجيني بها جدامي والا ما اعرف اتكلم
لكن الاردى ان البحريني وسط هذا كله ضاع
حتى لو اللي جدامي بحريني
اللهجة الوحيدة اللي ماعدت اتقنها
لا تحاتين وايدين مثلج
دومي بحب
تحياتي
لوووووووووول
خوش موضوع
مرة كنت بدبى وتونى واصل باليل وكنت بروحى وركبت تاكسى فقعدت اسولف مع الريال
جان يقولى انتوا بالكويت ليش ما تتعلمون هندى
قتله ليش
؟
قال اكثر اللى يشتغلون عندكم هنود
قال شوفوا الامارتين احسن يعرفون هندى
قتله اخر الشهر يستلم الراتب بالدينار والا الروبية
لما اخذ الراتب بالروبية ذيك الساع اتعلم هندى
ومشكلة لهجتنا مو دارجة نفس المصرية واللبنانية
مشكورة :)
لهجتنا مو دارجه نفس اللبناني و المصري ... و الشي نفسه يصير حق المغاربه معانا او مع غيرنا فيتكلمون فصحى
لكن المشكله الاكبر عندي هي انه اللهجه الكويتيه قاعدين يخربونها اشباه الممثلين اللي يطلعون بالمسلسلات - عيل وحده منهم تقول لي - صوتك واصل نهاية الشارع ؟؟!!
لوول
هي لهجتنا حلوة ومافيها شي بالعكس خصوصا الكلمات الكويتية القديمة
بس نقلب عشان الي جدامنا يفهمنا
اذكر مرة كنت قاعده اكلم السايق بالكويتي شفته تنح
هنييه قلت انا اشقاعده اقول
فعلى طوول قلب كويتي مكسر عشان يستوعب
ذكرتيني بوحده لما تكلم دكتورتها وتبي تشرح لها الحبه اللي طالعه لها بويها تقول لها :
شفتي يادكتوره وشي؟ عند الشفه تحت الحنك طالعالي زي الفقاعه بطلع ميّه.
بالله عليج فهمتي شي؟
انا يا كويتي يا انجليزي
ماله داعي اطلع مواهبي باللهجات الباجية لول
أما مع الهنود فمواهبي كلها تطلع تلقائيا لول
ياربي عجيبة لهجة (جيب كزب مال انا) لوووول
joli:
لوووووووووول
واى زووقا بنت خالتج اتينن
:)))
purplecious:
ههههههه
لولاكى اضحك
اى ولاحظى شى الكويتى لى تعلم لغه يضبطها
ماكو لغه تصعب علينا
نتكلم اللغات الثانيه ونجيد حتى الاكسنت
بس اهمه لا
ملاحظه؟؟
لوووووووووووول
انت نفسى انا لهجه بلاد الشام خصوصا اخلطها مع بعض
:)))
بربل لا يغرج
لووووووووووووول
ترى حدى خواره ووايد بدليات عندى
:)))
relaaax:
لوووووووووووووووول
واى ريلاكس موتينى ضحك
:))))
يحليله لا بس بنعطيه الجنسيه
عجييب الطباخ
:))
engineera:
صااجه
بس ليش كلا احنا الى نتعب ونتعلم
ليش اهمه ما يتعلمون لغتنا
اهمه الى بديرتنا مو احنا عندهم
اصدقين يحروون وحيالله انجنيره
:)
estekana:
يا صباح الفال والجورى
هلا بالزين كله هلا
لووووووووووول
ههههههه
اى اتخيل
:))))
والله عفيا عليكم
انا اعرف مدرسه حضانه فرنسيه اوكى عايشه بالكويت
والله يا استكانه اتكلم كويتى وبطلاقه
دايما الاجانب الغربيين الى مو عرب محترمييين
ويعتزون بهالامور
مو احنا
على اقل شى تبرينا من لغتنا حتى بديرتنا
تقولينلى شرايج
ما بعدج بعد يا استكانه انتى
افا عليج
قرقاى لما يصكج راسج
عسل على قلبى
كادى:
:)))
يختج شنسوى فيهم
قولى الصغار انا احب انى عندهم اللغه اوكى
بس الكبار هذول الى ما ادرى شمشكلتهم
عندنا موظف توا متوظف اوكى
قتره وعقال ويكلمنا انجليزى والله ما يتكلم كويتى
حتى لما يلم حتى لما يشتغل
هو عسى ماشر
ولالالالالالالالالالالالا
عاد لما يا ابو عندنا يعرفا علينا
هم بالانجليزى يقدم ابوه
ولو تشوفين الابو كادى
يحلوه اينن كويتى شعبى مال اول
الى العقال فيه خيط مدندل عقل اول
والغتره فيها تبكيره
والله درب الزلق
عجييب
ما اشباها ابوه الصراحه
:)))
رفلكشن:
لوووووووووول
انت مثلى انا جذى كلى عبالى انا فلته واتوهق لووووووووول
tresten:
اى صح ما قلت شى بس اهمه عايشيين عندنا ومن سنين
ليش اهم ما يتعلمون
ليش احنه الى نقلب عشانهم
راعيها:
واااى من صجك راعيها
شلون قدرت اتقايش هالفلسطن
:)))
ذكرتنى بوحده اعرفها
نفسك تقولى كاريزما ما تكلمت كويتى الا على كبر
كله فلسطينى
اهى نفس حالتك
صاج والله احنا مختلطين بس لهجتنا وحده
على اختلاف عرقنا
pearl:
ههههههههههههه
بيرل الانجليزى ما عليه خلاف هذول اجانب
بس العرب اهنى الضحك
نتعكف وانضحك
:)))
حياج الله
2 u all:
لوووووووووووووووووول
:)))))))))
موتنى ضحك على ما متطقطقش
:))
عثمانى:
والله اشزينها
عادى انت مثلى انا يقولونلى كلامج مغبر ما ينفهم
:))
قياديه:
اممممم
والله كلام منطقى قياديه
:))
بس صاجه احنا نتكيف مع الكل ونتقن لغات الكل لى درجه ما تشكين انا من بلد ثانى
الكويتى عنده القدره ان يتكيف ويتقن اللغه
بس صعب جدا على الغير يتقن الكويتى
منورتنى يا قياديه
:)
شكشكه:
شكشكااااا
اشدعوه يا حاافظ وينج انتى مختفيه ما اتبينييين
ولهت علييج
لووووووووووووووووووول
:))))
حلوووووووووووه
تعجبنى
عيل ما سمعتى صديق ولد خالتى يقول حق دكتورته الامريكيه خربانه سيارتها
am going going
y3ni anaa raye7 ray7 fech aw blayaach t3alay awa9lch
lol
نيومى:
عاد يا حلو ويا زين حجى اهل البحرين
واايد احب اتحلى عليه
:))
اى اشوف الجماعه الاغلبيه جذى
:))
منورتنى يا احلى نيومى
مشارى :
ههههههههه
اى عاد ترى صج اهل الامارات يتكلمون هندى يعرفون
انا مارين لى
صااج مشارى
ابو اسحق:
اى والله صدقت
ويييع ذكرتنى بالممثليين التحف الى بالساحه الفنيه الكويتيه
الا لاهم منا ولا فينا ولا ادرى من وين ياييين
استغفر الله تكره الكويتى منهم
شلون يعنى تقولك؟؟
ما فهمت
بنت الكويت :
هههههههههههههه
اى هنود مو عرب
مرات تطرين عشان يفهمونج
بس احنا ما نعطيهم فرصه
احنا بسرعه نقلب على الموجه
:)))
سالفه قلب:
لووووووووووووووووول
هههههههههههههههه
مسكييينه هالبنت
اتعانى
لول
شهد:
زين اتسويين
ما شفتاى مواهبى بس يا شهد
لوووووووووووووول
charisma
الظاهر انج موسامعة مصطلحة يكوتها
لووووووووووول
تعالي شوفي عندنا بالدوام هالزلمات والمصريين
وشوف اللهجة الكويتية اشصاير فييها
كا
صاارت شكبرها بحلوووجهم
صاارت تطلع معاها قذايف
وهاون
والبدليات صارت بشكل يفطس من الضحك
انا مسوي قاموس حق بدلياتهم
موضوع وايد مهم
فعلا
لغتنا فيها
اصاله
تراث
بساطه
خفة دم
اتذكر كان فيه هندي عند خالي يفرق بين حجي أهل جبله وشرق
ليش ؟
لانه الخال مايحاجيه مثل مااحنا نحاجي خدامنا
يحاجيه باللهجة الكويتية الاصيله
تخلي هندي يقول
غثقه
ba3ad 3umree ewlahat 3laich el3afia;* ana akthar bes loya wiya hal exams 7ata my blog madre 3anna lazem ared eb qowwwa:P
way 3ad hatha anteeeeeeeeka 7abaita;P
وااي كنت ناوية اخلص كل شي
و اكتب بوست عن حوارات شهيرة
مع جنسيات عربية
مع حوسة المشروع مال التخرج
مهندسة سهى بعد قلبي يمكن انا اول شي كويتي تتعامل معاه
ساااعة اشرح لها شنو ابي
و منطلقة و يايبة اليهدة
الطرف الثاني اللي اهيا سوسو ماله نفس حتى .. الوو مهندسة سهى وينج ؟!
واللهي مش فاهمة منك كلمة
@@
وااي قوولاااااااي اقلب مصري
بصي يا حبيبتي .. شايفة التخطيط بتاع الشارع .. بالزبط بالزبط زيييييييه هوااااااااااا بعينوووووووه
@@
الثاني .. داقة عليه
مهندس .. الشغل ضييييييييييييم
ضييييييييييييييييييم
ضيم
يقمت القلب
اللي معاي يا كريزما تضحك علي
@@
بالله فهم ضيم الحين
ترجمتها مأساة بس ما حسيتها توفي المعنى
المهم .. انه شي يونس صراحة
لسانه سهل سم الله علينا
نضبط كل اللهجات .. من بد الشعوب
;Pp
لووووووووول
صج مادري ليش نقلب الموجه
يعني مسكتين نعرف لغات
هاهاهاااي
العام باسبانيا
كنا ضايعين ماادري ندور شي
المهم
لي سالتيهم يرطنون عليج رطينه اللهم ياكافي
ونرد نكلمهم كويتي ونرد ونعيد
بالكويتي
والللله شزينهم فهموا
لووول
تراج صاجه
لاحظت
بس انا عند عمري ما اقلب كويتي كويتي حتى لو قاعده اكلم ايراني
وييييه
لا تشوفين الحالة بالدوام
بما اني مضطرة اني اتكلم انجليزي
اغلب الوقت
بالإضافة الى اللهجات
مصري
ولبناني
فتخيلي عاد
قمت اقط خيط وخيط
ما ينعرفلي
ولا لما احاول اتفاهم مع الأوفس بووي
اييبلي كاباتشينو ولا موكا
لوووووووووول
بس للأمانة يا كاريزما هالشي مو حلو
كلش
ليش اهمه ما يتحجون كويتي؟؟؟
حتى لو يقطون بدليات
ليش ما يكون العكس
المفروض نتكلم بلهجتنا حتى لو محد فهمها
مصيرهم بيفهمون واللي ما يعرفونه بيسألون عليه
:/
tresten:
:))))
امم امم اتخيل الوضع
لوووووووول
مثل ابله عطيات
براك:
لو انسوى مثل خالك
جان احنا بخير
يحليييله هالهندى
شكشكا:
حبيبتى والله
الله يعيينج ويوفقج يا احلى شكشكا
a7la eng:
loooooooooooooooooool
loooooooooooool
شهالحاله يا ربى
بس صدقتى احنا من بد الشعوب اذا اتقنا لغه نضبطها عدل
what will be will be:
اسباان افهموا كويتى
لوووووووووووول
شلووون ؟؟!!!
سنعه ولكن:
يختى والله لانج سنعه
:)
نون النساء:
بالضبط يا نون هذا الى بوصله
ليش احنا ما نثبت على الاقل فى ديرتنا خل اهمه الى يتعبون عشانا ليش احنا الى نقلب عشانهم
واحنه بديرتنا
شوفي اهو من تعلّم لغة قوم
امن شرّهم
قبل كان بيتنا في بيان
وتالي شرينا بيت في غرب الفنطاس
الحين اسمها ضاحية جابر العلي
كانو جيرانه بدو
عجمان
مرّه من المرات
واحد من ربعي ولد بيان
ما يعرف للهجت البدو
توّه موصلني والا هذوول قاعدين بره
حاطين مطارحهم وشايهم والمجلس بالهواء الطلق
قالو حق رفيجي تقهوى عندنا
ولزمت عليه انا المهم قعد
فواحد من البدو قال له
لا تعبت
المفروض يرد عليه
لا ندمت
قوم صاحبي يرد الأهبل
لا والله عادي مافي تعب
:)
غبييييييييييي
ماتو عليه من الضحك
ترى حتى داخل البلد صار عندنا
وايد لهجات
لي قعدنا مع البدو تكلمنا بدوي
مع اهل البحر
بحري
مع الزباره
زبيري
مع العيم
عيمي
:)
الســـ عليكم ـــلام
هذي اول مشاركة لي في المدونة اتمنى انكم تقبلونها مني
بصراحة موضوع يه في وقته
في لغة خاصة بالخدمة
اهي لغة جيب كوب مال انا
هذي اللغة مو بس حق الهنود بعد الاندنيسيات و الفلبينيات و السيلانيات انكلمهم في هذي اللغة
و لاكن الحين انا و اخواني و خواتي و الوالدة في مشكلة كبيرة
ما لها حل
يبنا خدامة انديسية مشتغلة في لبنان
ما اتعرف لغة الخدم الحبيبة تتكلم لبناني
يعني اتقول حق امي مدام و ما بدي
و امي مره كبيرة اشعرفها بمدام متعودة على ماما و ما يبي شنو ما بدي
من كم يوم امي زايرينها حريم الفريج يشربون شاي الضحى
و خدامتنا السنعة داشة حق العاييز اتقول حق امي مدام بدك
coffee
امي اشعرفها بهالكلام
و كلامها كله لبناني احنا في مشكله كبيره مو قادرين نتأقلم معاها
الحل انا انردها المكتب
و نرتاح
و انصحكم لا اتيبون خدم شغالين في لبنان و اسمحولي على المداخلة
بس انا مقهور من خدامتنا
هل انتي مع الجرأه بالبلوقات
شاركينا بتعليقك
ايه والله صدقتي
مع الخيل ياشقرا
بس مرات مايفهون كلامنا فنضطر ان نكلمهم بلغتهم
وحتى لى كلمناهم بالكويتي مايستوعبون فنكلمهم مثل مايتحجون
مناف:
حياك الله اخوى
:)))))))))
والله صااج
بس خلنا احنا الكويتيين ننياز نعرف ان البدو لهم لهجه والحضر لهجه والزباره لهجه والعيم غير و و و
بس لى جابلنا هالاجانب العرب انا قصدى
ليش ننكس الحجى ونتبهذل عشان نتكلم معاهم
لووووووول
مناف ترى تعلمتها منك
تعبت
لول لو انا مكانه برد نفسه
:)))
خسرتنى للابد:
حياك الله اخوى
لووووووووووول
كان الله بالعون
ذكرتنى بصديقتى نفس حالتكم
يايبه خدامه مشتغله فى لبنان ما ادرى شنو اصلها
انا اذا اتصلت تشيل اهى التلفوون وانا ابتلش
ههههههههههههه
اكلمها انجليزى ما تفهم
عربى ما تفهم
لغه جيب كوب ما تفهم
الاخت ثقافتها لبنانيه وانا شدرانى عنهااا
موتتنى ضحك
لالام الله من لامك
:)))
الله يعينكم
dont play boy:
inshalah
شيماء الكندرى:
اى والله مع الخيل يا شقراا
ههههههههههههههه
اذا ما فهمو اوكى انوضح
بس احنااا بدون ما نخليهم يتعبووون
نقلب
ما عليج احنا نستانس انتميلح
وكلا بدليات
وانا وحده من الناس لى قلبت مسكى بطنج وضحكى
:))
انا صح مب كويتيه ..
بس ما اشوف انه شرط نقلب لهجبتنا مع الكل ..
بالعكس عادي ..
انا من النوع اللي احافظ عاللهجة وما اغيرها الا لما احس انه الشخص ما فهمني وبدا يخورها معاي ..
الا الهنود لازم اكلمهم مكسر .. احس علطول مااقدر .. من اشوف هندي كأنه يضغط على زر عشان اتكلم مكسر معاه لوول ..
بس اذا الواحد معزم يظل على لهجته بيظل عليها :)
هذا رايي :)
Thanks for you work and have a good weekend
يا بنتي مافيها شي
احنا ناس نتكلم لغات من زود الثقافه
بعدين بديهي ان اقلد العالم ابلهجاتهم لان احنا ما انعرف الا القليد ... سواء كان زين ولا شين
شوفي احجابات الابني صارت مثل المصريات
ما كنتو اتعيبون عليهم بالاول!!؟؟
والكشيش و غيره وغيره
صباح الخير
عيون الحب:
هلا فيج شرفتينى حبيبتى
صح كلامج المفروض ما نغير الا اذا الى جدامنا ما فهم
:)
لووووووووووول
الهنود مشكله هذول
:))
نورتينى عزيزتى
flirty:
من وين طاالع انت
:))
يا مطول الغيباات يا محامى
اى والله ما نعرف الا انقلد الزين والشين انقلد وبس
://
وبعدين شعندك حاط دوبك دوب هالابنى
هههههههههههههه
ما يتخلوووون
بس عندهم مواهب لغوية
وامكانات محادثة عالية
خليهم يطلعون مواهبهم :p
فعلا ..كلامج 100/100 احنا ليش انحس ابكل هلاحراج ...مع انه لهجتنا حلوه وادي ...هذا مع العلم انه فقدنا شي وايد منها :(
مجرد انثى :
لوووووووول
اى كانا قاعدين نبدع الله يسلمج
ولا انا بالمصرى
اووووه
ابدااع ما حصل
وسعى صدرج بس فينى
لوووووووول
سليمان :
حياك الله
اهى من ناحيه حلوه اى حلوه
بس حق مواليد الكويت
بس ترى صعبه
:))
الكويتى مو سهل بنضبط ترى
بس العكس صحيح وهذى ميزه نستفرد فيها
:))
منور
يا حلات لهجتنا
والله تبرد القلب
تحسين طالعة من الصميم
الشي إلي مو حلو
إلي من بين الكلام يحط كلمة انجليزي
شحقة يعني؟
ماله داعي
الإنجليزي مو مثال التطور والتحضر
بالعكس الشكل مو حلو يصير
اللهجة الكويتية أحلى شي
الماس:
ههههه
اى لهجتنا حلوه واتينن
لان احنا تربينا عليها
بس الحين الجيل اليديد الى يايج يفشلون يتكلمون كويتى
اولد فاشن الله يسلمج صارت
ههههههههههههههه
يحلوهم واالله هاليهال الصغار لى تكلموا انجليزى يشوق بحلجهم
بس يختج يضيق خلقج
جنهم تبروا من اصلهم
اى ونماين كويتى ويقط كلمه انجليزى عندى منهم وااايد
:))
وهم يحلوهم لا انطق
:))))
الجيل اليديد ماعندهم ماعند يدي
والي يعافيكم جيل
CHICKEN NAGGET
HELLLLOOO , GET OUT OF HERE
خلووووووووووووووه الي يقول الحين قاطعين سرهم بالبيت الابيض
وما اقول الا حلات الثوب رقعته منه وفيه ولا شقولكم
اقول ميري انت يجيب مبخر حق انا
كاااااااااااااااع كع كع
كيفكووووون شو أخباركووون
اللهجة الكويتية مككنتني من إتقان العديد من اللغات و اللهجات و تقليدها
و مازلت اعتز بلهجتي و ما افتسشل في استخدامها و التحدث بها
و ما يمنع استخدام لهجة الغير في التوضيح لهم لا غير دون المجاملة و الشحاطة نفس
بعض ربعنا اللي يقطون انجليزي و لبناني
ترى كلنا نسافر و نشوف تلفزيونات بعد :)
ام الحفيز:
اى والله يا ام الحفيز
حلات الثوب رقعتة منا وفيه
صااااجه
عتيج الصوف:
والله يا عتيج الصوف ما ينقد على الصغار
انقد على الكبار انا
معانا واحد بالدوام
امه امريكيه
وحياة ودراستة كلها بامريكا
والله والكويتى علييه يفشل
يموت ضحك
بس عمره ما يا كلمنا بالدوام امريكى
يتكلم كويتى ويتعب بس عشان محترم ان كويتى
سالته لان كاسر خاطرى
قتله تكلم انجليزى فك عمرك
قالى كريزما
ترى انا كويتى
والله فشلت وانطميت
:)))
صج ترا انا سعوديها بس الصراحه احب اتكلم كويتي
Post a Comment