الموضوع الى بكتب فيه اتوقع وايد كتبوا فيه ، كان يصير لى بفترات متباعده بس هالايام وايد قاعد يصير
فخفت يا حسرتى عسى مو انا كنت ميته وحييت ههههههه الشى يخرع الصراحه
السالفه كالاتى:
قاعده مع بنات حبايبى ما صارلى اعرفهم وايد بس دشو قلبى جنى اعرفهم من سنين , المهم قاعدين سوالف وضحك ، فجأه الا فلالالالالالالالالالالاش قوى بالذاكره
واى بسم الله الرحمن الرحييم الا يانى شعور انى عايشه هاللحظه من زمان وقاعد اعيشها مره ثانيه
ابيييه نفس السالفه نفس المكان نفس الناس نفس الحركات نفس الاوضاع اللبس الريحه
انا صخيييييييييت وقعدت اطالعهم ابييه صج جذب شالسالفه !
وحده منهم الى كله عينها على وتحس فينى تقولى كاريزما الووو انتي معانا
قتلها ابيييه يا جماعه ترى كنت معاكم بنفس هالمكان ونفس اليمعه هاذى ووووو
جان اقولهم ديجافوووووووووو
وفتحنا النقاش على هالموضوع شنو يعنى الديجافو ؟
ليش يصير لنا ؟
اذكر قريت كتاب وانا بالجامعه عن هالموضوع بس غريب وايد
طرحته عشان اتشاركونى فيه
واعرف مواقفكم مع الديجافو وشنو ردود افعالكم
والى عنده معلومه يفيدنا فيها لان الموضوع غريب نوعا ما
بعض المواضيع إللي انكتبت عن هالموضوع
.. ديجافو.............
يصادف المرء مواقف يظن أنه قد رآها سابقاً
ولكن لا يذكر أين ؟؟ ومتى ؟؟
هذه ظاهرة حيرت العلماء كثيرا وسموها
بظاهرة (ديجافو) أي بمعنى شوهد من قبل بالفرنسية ,
..
ثبت علمياً .. أن الجنين في فترة نومه في بطن أمه ..
يرى دورة حياته منذ الولاده وحتى مماته ..
لذلك في أثناء ممارسة الحياة الطبيعية .. ..
التفسير العلمي يقول أن سبب هذه المسالة هو عملية نقل المعلومات عبر الشرايين الى المخ ...
فحين تتعامل مع موقف ما يتم نقل المعلومات الى صدغي المخ الايمن والايسر ,
ويحدث أحيانا ان تصل المعلومة الى الصدغ الايمن قبل الايسر فتكون حاضر بالنسبة
لهذا الجزء من المخ (قد وقع ) بينما يجدها الجزء الاخر من المخ غيبا (لم يقع بعد ) ......
ولهذا تكون انت في حالة إرتباك حينها متصورا أن هذا المشهد قد عشته من قبل .....
إهداء
45 comments:
hehehe
يا زين سوالفج والله
ما ادري من وين اتيبينهاااا
:D
سوري ما اطلعت على اللنكز
اللي اعرفه انه في عين اسرع من الثانية
فا توصل المعلومة قبل بثواني
و نحس بهالشي
انت مفسرة شي جذي اخر البوست
بس خاطري اتفلسف
;Pp
cuz u know .. ta'7araaaaaaajt
hehehe .. w feny mooooga ya rabeeeee madree shloon afare'3haa
;D
laa mo 9ij
:*
ترى كايتي قصت شعرها خوش قصة طلعت ويهها
ادري انها ما توصل ربع ملحج بس احس صورها اليديدة احلى
لقاااااااااااااافة
;)
آنه زين ماابجي لأن كل الاسباب اللي قريتها مااقتنعت فيها ;p
والاسباب ياطويلة العمر نفس اللي ذكرتيها
لا وفيه بعد سبب يخرع !؟
ان ارواحنا كانت موجوده قبل بهالاماكن !؟ بس شلون ارواحنا موجوده قبل لا ننولد ؟ لايكون احنا من فصيلة كاسبر ---> بدت تخوره
charisma
Saach allah belkhair
انا الي أعرفه ان الطفل أول ما يطلع من بطن أمه يمر عليه شريط حياته كلها.. نفس لما يموت الانسان و يمر عليه شريط حياته الي عاشها
الله يعطينا وياج طولة العمر و الصحة و العافية
الصراحة المضوع هذا واايد يصير فيني
بس مااحصل له تفسير
عموما انا سالت واايد مالقييت جوااب في جوواب وااحد عجبني بس صعب اشرحهه اهني لانه معقد واايد
بس انا تقريبا اقتنعت فيييه
اهو قريب نوعا ما من سالفة نومة الجنين
وبعديين عجبني التفسير الاخير مال الشرايين والمخ
احسه منطقي حيل حييل
ومشكووورة على الموضوووع الممتع
كريزما
المعلومه اللي انتي حاطتها وايد مقنعه
احيانا لما اقعد افكر اقول هذي الارواح
تخصنا والا اخذناها من غيرنا
جد قاعد اتكلم ادري بعد وفاة اي شخص
الجسد يستقر بالارض بس الروح وين تروح
مقولة ان كل شي يعيد نفسه تحصل
فقط للتاريخ والزعامات والخلافات
او ان حتى الناس ينعادوون مره ثانيه
اقول لج شي تضحكين !! من كثر ما يننّي هالتفكير
قمت اتخيل ان الروح اللي انا عايش عليها الحين
تخص شاعر قديم معروف كل الناس كانت اتحبه
:)
ادري في ناس بتضحك الحين
بس حاب انكم تشاركوني هالافكار الغريبه
:)
موضوع جميل ورائع.. دائماً ما أحبذ أن "أتفلسف" فيه، لما لدي معلومات لا بأس بها عنه ..
كلمة Deja vue
كلمة فرنسية الأصل، تعني شوهد من قبل
ويوجد أكثر من تفسير لهذه الحالة:
التفسير العلمي:
هو حدوث اضطراب لدى الانسان في تلقي الإشارة، فالانسان لديه جزئين في المخ، ويتقدم احد الاجزاء عن الآخر "بروزاً" وكلا الجزئين يستقبل الإشارة في وقت واحد، أما فيما يحدث في حالة الديجا فو هو أن الجزء البارز يتلقى الإشارة قبل الجزء الآخر، ومن ثم ترسل تلك الإشارة بعد لحظات إلى الجزء الآخر الذي يترجمها لنا كصوت أو صورة مما يظهر لنا بأن الإشارة غريبة وجديدة في آن الواحد، غريبة من حيث إنها سبق وأن تم مرورها على المخ، وجديدة من حيث انها معلومة حديثة.
أما التفسير الفلسفي:
يقال إن الجنين عندما يكون في "شهره الرابع" ببطن أمه يمر عليه شريط حياته، فيستذكر ذاك الشريط في بعض المواقف والحالات.
وهناك اعتقاد ديني لبعض الديانات مثل البوذية والدرزية، على إن الانسان كان يعيش في السابق حياة أخرى، ومن ثم عندما يمر بمثل هذه المواقف يستذكرها في حياته الحالية.
وبس..
تفلسفت وايد،، مو؟
تحياتي
هذا سر من أسرار الكون
والله أعلم
حتى هذه اللحظة لم تثبت أية نظرية
علمية حقيقة هذا الأمر
يمكن اللي ذكرتوه صحيح ويكون جزء من الحقيقة
واحتمال إنه الحقيقة شيء ثاني
وهم أقول
والله أعلم
ودمتم بحب وود
:)
توني ادري ان هالشي له اسم ونظريات وحوسة لوول
بس يقولج البوذيين اعتقد مادري الهندوسيين اللي هم !! لوول هم جماعة ذات ديانة بالهند بس نسيت اسمهم لول
إن الانسان لما يموت روحه تنتقل لشخص ثاني حسب اعمالها
يعني مثلا إن كانت زينة وخوش روح تنتقل لإنسان أما إن كانت سيئة فتنتقل لحيوان كفترة تأديبية وعقب تنتقل لإنسان
فعشان جذي ساعات تمر على الواحد لحظات يحس إن مار فيها من قبل وعايشها !!
نفس الفلم الهندي شاروخ وسلمان اللي ماتوا بس الالهة ارسلت ارواحهم لاشخاص عشان ينقذون امهم فهم حسوا بهالشي لووول
ترى قاعده اخربط لا تهتمين باللي قلته
هالشي ما يمس اسلامنا وما يصير نصدقه لول
بس اعتقد التفسير الثاني اللي حطيتيه معقول حيل
ويبقى هالشي سر من اسرار الكون
خوش بوست كريزما
خليتينا نطلع قدراتنا بالفلسفة لوول
اولاً الاهداء وااايد حلوو
،،،
هالموضوع هذا يصير مع ناس وااايد
ومحد لاقيله تفسير
في بعض الناس اللى خيالهم واسع جدا يقولون
ان الإنسان يعيش اكثر من حياة
لكنه مايتذكر حياته السابقه
ويمكن تتراءى له اشياء معينه يحس انه عاشه من قبل ويمكن يكون اهو فعلا عايشها
لكن انا اعتقد كل هذي الاشياء تهيؤات لا اكثر
والله اعلم طبعاً
،،
موضوع وااايد مميز
الله يغربل ابليسج
قعدت احاتيج
على البوست اللي قبل هذا
وفجأه دي جافو
عادي كلنا يصير لنا جذي
يقولون ان العين ساعات تشوف الشي قبل لايوصل حق العقل و بعدين احنا نشوف الموقف جنه شايفينا من زمااان
أاال دي جافو أاال
عجيب الاهداء
;)))
اسمتعت بقراءة البوست والردود
كل رد فيه معلومة
فعلا هالحالة تصبينا
ممكن موقف ممكن حركة ممكن مكان
تحسسنا بسبق حدوث الموقف
يعطيج العافية :>
وشكرا على الاهداء
charisma,
thanx 3la halma3loma,
ana wayed itseer m3ay halsha'3lah bas kila agol akeed ana 7almanah feha 3shan chithi ashofha,
ilmoshkila innah marrat wojoh ash'7a9 agol ana shayfathom min gabil wi amakin marrat adish wi akon 3arfah feha tafaseel wana ma jeetha min gabil,
sij rayya7teeni lama thikarti halshy lianni min ziman afakkir bitafseerha
مساالأحساس والطيبة
مسالغاليتي
كاريزما
حبوبه
ترا كلشي ذكرتيه واقع..وفعلا يخرع!!مادري ليش؟؟
وايد صارت معاي بس مو بكل وقت
نادر ماتحصل..واتوقع هذا اللي يسمونه
توارد أحاسيس؟؟
مابي افتي بس كلشي بعلم الله سبحانه
دمت بحب دائما وابدا
:)))))))
صارت معاي وااااايد
كنت عبالي اني مينون بس لما عرفت انها ظاهرة وفي غيري مرو فيها ارتحت :)
كثير امر بهالشي
وما اعرف له تفسير
مرات اخاف
ومرات اضحك
بوست كثير حلو
والتعليقات بعد
ماااا شااء الله عليج كله مواضيعج عجيبة !! آخر شي كنت افكر في اني اكتب عنه بوست بالرغم من اهميته !!ء
:)
أييي أنااا ياما مريت بهالشعور الغريب !! وأنا أهني أصف مع التفسير العلمي وهو الأقرب الى الواقع
لالالالا .. "صدفة"!! أشدراااج أني أحبهااا!!؟؟ ههههه
الله على هالأغنيه وعلى كلماتها
صدفه ومن بين كل الناس علقني
من يوم شفته وعيني جات في عينه
حسيت شي في عيونه حيل يجذبني
لما ابتسم بانت بوجهي تلاوينه
سلم عليي وجلس جمبي وكلمني
كل الحواجز تلاشت بيني وبينه
اخذ ايديني بايديه وقام يوصفني
ولا تمنيت ايدي تترك ايدينه
قالي كلام بصراحه حلو دوخني
ماقد سمعت بحلاته اه يازينه
معاه احس الأغاني عنه وعني
واجمل اغاني الغزل شعري وتلحينه
----------------------------
من يوم شفته وعيني جات في عينه
حسيت شي في عيونه حيل يجذبني
الله الله هذي العيون وما تسوي
:)
معاه احس الأغاني عنه وعني
واجمل اغاني الغزل شعري وتلحينه
فعلاً في بعض الأغاني يحس الواحد أنها أتكلم عنه وعن الأنسان اللي يحبه
أختيارج لموضوع البووست رائع .. وأختيارج للأغنيه أروع
:**
انا مع كلام الزميل وقار في مسألة اشارات المخ ... لأن الذاكره تنفسم لقسمين هم الشورت و اللونج ميموري ..و في حالة الديجافو الاشارات تتجه للذاكره الطويله بالخطأ بدل الذاكره القصيره فيحصل معانا هالشي
شكرا لج
صباح الخير
:)
احلى انج:
:))
حبيبتى انتى
افا علييج تفلسفى على كيف كيفج
واحنا نسمع
عاد كل شى ولا الخريجات
لوووووووووووووول
ااا يا غالى يا ابو الموقه
ما شفت اخر ستايل لها
خبرى فيها بزواجهم
لول
يااا بعد عمرى انتى
الله يجبر بخاطرج لووووووووووول
انا وين واهى وين
هذى الصوره يا احلى انج حسيت روحى فيها
هذى حركتى انا كله احط شعرى ورا اذونى بدون ما احس
:))
ريلاكس:
هههههههههههه
ريلاكس انا احبج
:)))
والله يجوز احنا من فصيله كاسبر
:))
رفلكشن:
هلا برفلكشن
صباح الورد انا
:)
اممم اتهقين؟؟
امييين بالعفو والعافيه
tersten:
حيالله تريستن
ترى انا بالدوام من الساعه 7 وربع
:(
ايييه الله كريم والله يهنيييييييك على الاجازه
:p
تريستن الله يهديك جان فدتنا
حتى لو طويل خلنا نستفيد
:)
حياك الله
مناف:
مناف ههههههههههه
لا لا جايده شوى
واى يماا استاحشت من نفسى
يعنى روحى اهى مو لى حق شخص ثانى وقاعد تعيد نفسها
ههههههه
لا مناف صعبه اتخيل هالشى
:)))
وقار :
افا عليك تفلسف لما تشبع
بس والله اقنعنى التفسير العلمى انا اكثر من اى تفسير ثانى
!
يا هلا بوقار
سلوقا بلوقا:
ولكم باك يا سلوقا نورتنى
اى والله الله اعلم
بس اهى ظاهره وايد غريبه
اميل انا شخصيا للتفسير العلمى
حياك الله :)
الشهد:
لوووووووووووووووول
هههههههههههههههههه
يحلوج انتى
:)
اهم شى سلمان وشاروخ ماتوا والله ارسل ارواحهم ينقذون امهم
اصدقين مار على هالفلم
ههههههههههههه
شرحتى قلبى من الصبح على هالتعليق
حسين:
يعجبنى الانسان الدقيق
:))
تسلم يا حسين طول عمرك جنتل مان
اى بالضبط الى خيالهم واسع جدا
يقولون ان الروح تعيش مرتين
استغرب من الى يصدقون هالشى
انا اميل للتفسير العلمى الى اذكره وقار
ونعم بالله
what will be will be:
دزيت لج ايميل الى نشف ريجى وانا اكتب فيه
لووووووووووول
:)
ما ادرى وصل ولا لا
حبيبتى انتى
ما فينى الا العاافيه
بس مضايقه على اعز ناسى ومعاصره قصتين شالعييين قلبى
الله يفج ضيقتهم ويفرجها عليهم
وعلى كل انسان مهموم
والله انى مهمومه على همهم
دعيت لهم من قلبى وحبيت اذكر هاليوم فى بوستى
وابى دعائكم لهم
بس هذى قصه الدعاء
كلالالا منهم هالريااايييييييييل
ما منهم اماان
مو الكل لحد يشيش على
:))
والله تفسيرج محتمل
التفسير العلمى اقرب للتصديق الصراحه
حبيبتى انتى
:*
الدنيا:
حياج الله
واسعدنى تواجدج
وفعلا انا طرحته ابى استفيد من فلسفات البلوقيرز
:)
سالفه عجيبه:
اهلا وسهلا
:)
ههههههههه لا حلمانه فيه من قبل صعبه شوى
بس فعلا شى غريب
حبيبتى انتى عسى دوم مرتاحه
منورتنى
فراوله:
صباح الورد يا فراوله
صح كلامج فراوله اهو نادر ما يحصل فعلا
الله اعلم سبحانه
حبيبتى انتى
بوصالح:
:)))
لا اسم الله عليك منت مينون
انا عبالى كنت ميته وعشت مره ثانيه
ذاك اول
الحين
التفسير العلمى اقرب للعقل الصراحه
الوجد:
هيالله الوجد
:)
اى الصراحه يحوشنا مع الدهشه خوف لان ما ندرى شنو تفسيرها
سبحان الله
دلى وميلى :
ترى ولهت عليج على فكره
جنى من زمان عنج ؟؟
:))
نفسى دلى
انا بعد مع التفسير العلمى
واى دلى عمرى ما سمعت اغنيه تمنيت اعيش كلماتها مثل هذى
ما ادرى شسوت فينى !!
معاه احس الأغاني عنه وعني
واجمل اغاني الغزل شعري وتلحينه
يا سلام على هالمقطع
واى ونستينى بالكلمات عاد انا مفكره اكتبها واستمتع بقرائتها
بعد عمرى انتى والله
تسلم اييدج
يا حلو هالكومنت وصاحبته
:)
:**
ابو اسحق:
اهلا وسهلا
صح انا اتفق مع وقار ايضا
حياك الله اخوى
صباح الخير اختي كريزما
موضوع شيق والله
بس ماعندي شي اقوله
هالسالفه صج غامضه
ويعطيج العافيه اختي
الســ عليكم ـــلام
انا بتكلم بصراحة
انا اول ما قريت عنوان الموضوع
حيبتج راح تتكلمين عن عطر او نوع من انواع القهوة
شنو هذا بعد ديجافو
انا اول مره اسمع ان هالاحلام الي اتصبر لنا هذا اسمها
و الله يا اختي العزيزة
الي انا اعرفه هذا نوع من الاحلام اتصير لنا و احنا صاحين يعني لمحة تعبر و بس
اما تفسير علمي ما عندي لها اي تفسير الا انها حلم وبس
بس تبين الصج اسم ديجافو حلو راح اغير النك نيم الى ديجافو
وشكرا
الســ عليكم ـــلام
انا بتكلم بصراحة
انا اول ما قريت عنوان الموضوع
حسبتج راح تتكلمين عن عطر او نوع من انواع القهوة
شنو هذا بعد ديجافو
انا اول مره اسمع ان هالاحلام الي اتصبر لنا هذا اسمها
و الله يا اختي العزيزة
الي انا اعرفه هذا نوع من الاحلام اتصير لنا و احنا صاحين يعني لمحة تعبر و بس
اما تفسير علمي ما عندي لها اي تفسير الا انها حلم وبس
بس تبين الصج اسم ديجافو حلو راح اغير النك نيم الى ديجافو
وشكرا
http://news.bbc.co.uk/2/hi/health/5194382.stm
هذا يا عزيزتي آخر ما توصل إليه العلم بخصوص حالتج
والظاهر انج تسرحين وتغيبين وايد
خففي وبتخف عنج الحالة
بس احب اطمنج
لست وحدك
دومي بحب
تحياتي
وااااااايد تصير فيني هالحالة
كنت دايما اقول حق نفسي اكيد
كنت شايفته بحلم من احلامي لانه
نوعي ينام نوم عميق ، بس لما
مرة شرحت هالشيء حق طبيب قاللي
نفس اللي قلتيه في البوست انه
الاعصاب توصل المعلومة حق جزء
من المخ قبل الجزء الثاني فيصير الخلل اهني
ومرة سالت صديقتي طبيبة نفسية قالتلي نفس الشيء...
فالظاااهر والله اعلم
هذي كل السالفة
موضوع حلو
يحصل معاي وااايد .. وساعااات أقول لنفسي لاااا متوهمه !! لابد أن التفسير العلمي الأقرب للحقيقة
الله على الصدفة أختيار جداً موفق الأغنيه جميلة جداً وأداء يارا الأجمل .. أحنا حياتنا كلها ماشية على الصدفة .. وعندما نكون مع من نحب فعلاً "كل الحواجز تلاشت بيني وبينه"!! لديك ذوق عالي في أختيار الأغاني
أستمتعتُ بقرائة بوستكِ الرائع
:)
أبيـــــه صح !!!
ياني نفس هالشعور قبل جم يوم ..
و أذكر إني ظليت متنحــــة و خايفة بنفس الوقت .. لأني أذكر نفس الموقف اللي كنت قاعدة فيه و نفس السوالف و نفس كل شي .. بس كنت أذكر إن آخر شي موت .. فكنت متنحة أقول لاء لاء لا يموت أحد !!
يعني الوضع اللي كنت فيه قبل جم يوم مار علي .. ليه درجة إني أدري شنو اللي جدامي بيقول جني سامعته من قبل !!
واااي ما أدي شقول .. بس صج شي غريب و مو الكل يفهمه ..
:\
Nice subject :)
السلام عليكم
مشكوره كاريزما على الموضوع العلمي الشيق
اضفتي معلومات مهمه
بشارك بإضافة على الموضوع
أو بالأحرى ملاحظة شخصية متعلقة بالديجافو
هذا شعور مجرب وايد بالفعل
جربته آنا وكذا واحد من ربعي
وأذكر من زمان كنا نتناقش فيه قبل لانعرف الديجافو
لا وطلعنا له إسم كويتي
)حلم الصج(
:)
المهم
الملاحظة إهي إنه (حلم الصج-ديجافو) ماتحصل إلا في وقت معين حسب تجربتي وواحد من الربع على تقدير
الوقت هذا لما نكون سهرانين ودايخين
بس بتأكد ياكاريزما تذكري حلمج-الصجي يوم حصل كنتاي شوي دايسه عليه بالسهر وإلا لا
إحنا سميناه حلم الصج لأنه الإحساس المرافق يكون جنه حلم
مع الدوخه الموجوده
بس فيه ملاجظة
إنه الحدث لما يصير يحس الواحد إنه شافه بس مايقدر يقول شنو بيصير بعد شوي حسب ماأذكر
وعلى أي حال مشكوره وترى هالمواضيع مفيده لأنه تخلي كل واحد يضيف من تجاربه معلومه
يمكن نوصل ونكتشف شي
كله بس مبققين عيونا ونسمع من بره
:)
يلاا آنا عن نفسي ساهمت وسميته حلم الصج
إنتاو كملوا عني البحوث
:)
وشكرا
صبحج الله بالخير اخيتي الغالية كاريزما
انا وايد يصيرلي هالموضوع...الى درجة اني اتوقع الكلام او الحدث اللي راح يصير بعد شوي...بصارحة قمت اخترع....بس تذكرت ان فيني عرج سادة لان يدتي رفاعية...فقلت هذا العرج الرفاعي اشتغل
و سبحان الله ...لازلنا نبحث عن اجابات عن قدرة الخالق فيما خلق
كل التعليقات في كفه
وتعليق
ReLaaaX
في كفه
ههاهاهاهاهاهاهااهاههاهي
واااي
موتيني من الضحك
مو كفايه تحذف الموبايلات
على دريات البلوقرز
بعد هالنوبه
ارواح كانت موجوده
لووووووووول
روحي وروحك التأوو من زماان
مو اكو اغنيه جذي؟؟
لووول
بدعت
ابيه
لحظه لحظه
بعد انتي!! Reflections
لووووووووووووووووووووووووووووووووووووووووووووووووووووووووووووووووووووووول
لامااصدق؟؟
اول يقصون علينا يقولون لنا
ان كلنا انخلقنا مره وحده واللي تشافوا صاروا اهل واصدقاء
شكل ريلاكس وريفلكشن اللي مألفين
هالقصه
لووول
واي التعليقات
:)))))))))))))))))))))))))
صباح الخير كرزووووما
تصدقين أنا مادري ليش يضيق خلقي لما يصيرلي
Deja vu...
أدووووخ
و يدور رااااسي
بس ولا مرة حاولت أدور بالأسباب العلمية للموضوع
intresting el9ara7a :)
صباحكم ورد
سليمان:
صباح النور والسرور
خلك مع التفسير العلمى
انا اقولك اهو الصح
هذا والله اعلم
خسرتنى للابد:
:)))
مو حلم
لالالا شى غير الحلم الى اتكلم عنه
بس اضاهر انك ما مريت فيه
لحظه تمر عليك تحس انها تكررت
جنك عشتها مره ثانيه !!
لووووووووووووووول
والله خوش نك نيم
توكل على الله
:)
نيومى:
شكرا على الافاده يا نيومى
والله اسرح اى اسرح
وايد اسرح انا
:))
حبيبتى حياج الله
vancouver:
بس هم شى يخرع ان الحلم يكون حقيقه وتعيشينه ترى !!
لا مو حلم انا اتفق مع التفسير العلمى
وصح كلام الدكاتره الى سالتيهم
حتى العقل يصدقه
والله اعلم سبحانه
منورتنى
hush:
حياج الله بزيارتج الاولى
:)
والله الكل اجمع على التفسير العلمى
يصدقه العقل منطقى نوعا ما
صدفه
ليارا
اغنيه عجيبه الصراحه وكلماتها مع لحنها
مشكوره حبيبى ما قصرتى
:)
breeze:
:)))))
واى انت زوقه
اى بالضبط نفس شعورى
:)))))
حياج الله
صباحوووووووو
أما الموضوع هذا بكوووووووووم
و التعليقات بكوووم ثاني
أهم شي إللي يفتووون
يا حلوهم والله يا زينهم هالبلوغيرز
والله أمر بهالمواقف بس بما إني كل مو مثبته
ف حتي الديجافوو مالي ما يثبت نفسي
هاهاهاهاهاها
بس ما يندري وين الصح
جاسم:
حياك الله بزيارتك لمدونتى
هههههههههههه
حلوه حلم الصج هذى اعجبتنى
:)
بس صح كلامك ما ندرى شبصير بس احساس قوى ان عشت هاللحظه من قبل
امممممم
ما اذكر حالى يوم حسيت بهالشى
بس كانت يمعه غدا وكنا فى مطعم
عادى اسولف واضحك
فجأه يا دكتور جاسم يانى هالاحساس
:)))))))
ما ادرى ليش حسيتك دكتور نفسى
لوووووووول
الله اعلم يا اخوى بس التفسير العلمى اقرب للعقل
:)
عثمانى :
هلا بالطش والرش
هلا بخوى عثمانى
لازم انت تتميز
ضميرى مانبنى لى الحين
:))))
اففف صج عثمانى ؟؟
لا الديجافو عندك قوى جدا
ولا مره توقعت الى بيصير
بس احس ان هاللحظه معيوده
بس ما اتنبا شالى بصير
ترى احساسك خطير من صجى اتكلم
ههههههههههه
اتهقى من عرج الساده
:)))
بروح حق الرفاعيه بسوى بحث بينهم عن الديجافو
وارجع اقولك النتيجه
:))
ونعم بالله
صبحج الله بالخير يا كاريزما
انا بعد يتني فترة اهتميت بهالموضوع وايد
لأني امر بمواقف احس فيها اني انا عشتها من قبل
وتصدقين اعرف الحوار اللي بيصير مسبقا
بس انا سألت شيخ دين وقلت له شنو اللي قاعد يصير بالضبط
وشلون الدين فسر هالظاهره
تدرين شنو قال لي
قال ان الإنسان يمر بنوعين من الموت
الموت الأصغر وهذا يحدث اثناء النوم
والموت الأكبر واهو بعد عمر طويل نهاية العمر
الدي جا فو يحصل اثناء الموت الأصغر
لأن ارواحنا تغادر اجسادنا مؤقتا
وتحوم بالفضاء
وممكن انتي لما تصحين من النوم ما تتذكرين شي
بس روحج تجولت بره جسدج
ويمكن راحت المستقبل الجريب
ويمن راحت البرزخ
والتقت بالناس اللي ماتوا
وهذا تفسير انج تحلمين بأحد مات قبلج وتشوفينه بالحلم
يكلمج
او حتى تعرفين حالته الحين مرتاح تعبان يبي شي بيعطيج شي
عشان جذيه يقولون لين حلمتى بالميت ترى انتى شفتيه صج
المهم الموقف اللي انتي تحسين انج مريتي فيه معناته انتي فعلا عشتيه بس وانتي نامه لما روحج سافرت للمستقبل
وصدق الله العظيم لما قال سبحانه الروح من سر ربي
وعمرنا ماراح نعرف شنو قاعد يصير باجسادنا ولا ارواحنا في اللحظه اللي نغيب فيها عن وعينا
اللهم احفظنا واحسن خاتمتنا يارب
spoiled royality:
هلا والله
:)))))))))))
اى شفتيهم عجيبيين
ريلاكس ورفلكشن
شى شى
وسعو صدرى
ههههههههههه
ولا فصيلة كاسبر
:)))
روحى وروحك التأو من زمان
ماره على نعم نعم
:))))
عساج دوم تضحكين
قعدت اضحك على ضحكج
:)
جولى :
اسم الله عليج
ما الومج اهو شعور يخرع على غريب
التفسير العلمى قريب للعقل
الله اعلم
:)
ريمه:
ههههههههههههههههه
هههههههههههههههههه
ههههههههههههههه
الديجافو مالج ما يثبت
:))
واى موتينى ضحك
شفتيهم التعليقات
مفتيين درجه اولى
عجيبيين
اهم يفتون وانا اتحلى عليهم
ولا كاسبر
ههههههههههه
عجيبه ريلاكس اتينن
الصح التفسير العلمى ريمه
منطقى
والله العالم
zozota:
زوزوتا
وااى
صججججج
معقوله ان ارواحنا تحوم وتفتر وتعيش نفس الحظات الى نعيشها
شى يخرع الصراحه
الله العالم
الله يحفظنا ويحسن خواتمنا
حلم فى الميت يتعبنى انا
الله يرحمهم ويقمد بروحهم الجنه
ويرحم حالنا
امين
مشكوووره على هالمعلومات الى اضفتيها
ضفتى معلومه يديده
:)
ريماااااا
كل من البوهه الطايرة
عندنا و عندج خييييييير
لوووووووووووووووووووووووووول
لوووووووووووووووووووووووووووووووول
ههههههههههههههههههههههه
ههههههههههههههههههههههه
انا هالحالة كثييير تصير فيني ..
اقعد اقول لحظة لحظة هالموقف صار من قبل .. لوول ..
واضحك واقول سبحان الله ..
بس ماكنت اعرف انه اسمها ديجافو بصراحة ..
بس اعرف عن سالفة المخ الايمن والايسر سامعة فيها ..
بس شعور غريب وحلو بنفس الوقت لول :)
عيون الحب:
هههههههههههههههه
اى سبحان الله شى غريب
ويخرع بنفس الوقت
حياج الله حبيبتى
Post a Comment