سؤال طرح فى يمعه مع صديقاتى
هل ممكن ينولد حب بدون تواصل ؟؟
يعنى هل ممكن الواحد يحب وحده وتتولد مشاعر تجاها بدون ما يشوفها ويكون بينهم تواصل
يعنى يلتقى فيها ويتبادل النظرات معاها او ان يحس بوجودها او على الاقل جات معاها
يتعرف عليها عن قرب يعرف شلون اتفكر
تاركه لكم الاجابه بعرف ردود الافعال
______________________________________________________
كل واحد فينا يحب يسمع كلام حلو وخصوصا من حبيب
يعنى كلام الحب ممتع للطرفين
بس لازم نعطيه قيمه
ان انترجمه بالافعال
وننطر اى فرصه تمر عشان نثبت كلامنه
واذا مرت الفرصه ولا استغلها الحبيب
فهذا تنبيه
ان الكلام الى ينقال كلام فاضى ولا له معنى
_____________________________
احس كل ما اكبر كل ما ينرفزنى كلام الحب
ما ابى اسع ابى اشوووف
ابى احس
ابى فعل
عشان اصدق واستمتع بالكلام واقدره
وارجع اذكر عمرى واقووول
طاااااااب خاطرج يا كريزما لا تنسيين ان طاب خاطرج
40 comments:
ممكن ليش مو ممكن
فيه عن طريق المراسلة أو حتى عن طريق النت
تلقين القلوب تتجاذب لبعضها
تحن ,, يصير فيه شوق ولهفة مابينهم
ومن شدة التجاذب ينولد حب من دون تواصل بصري
لكن مثل ماتدرين
أغلب هالحالات مهدده لنهاية القصة بأي وقت ولأي ظرف
وسلامة خاطرج يا عسل
ربي يرزقج باللى يسعدج ويهنيج
قول وفعل
:>
intresting post
/; يا حبي حق هالسوالف
..شوفي حبيبتي، بالنسبة لسؤالج الأولي
(الحب بالتحبب)
(البعيد عن العين.. بعيد عن القلب)
،برأيي
أكيد الواحد يحتاج يسمع
و يشوف و يحس بالحب
أما الحب بدون تواصل، فأتوقع هذا ينوجد عند المراهقين و السذّج عاطفيا
(حلوة مني سذّج)
لوول
و طبعا دايما خير الأمور الوسط
حلو القول و الفعل بالحب..
بس المشاكل المنتشرة الحين بين الأزواج
ان أغلب الرجال يظهرون حبهم بالفعل بدون كلام حلو
و النساء بطبيعتهم يحبون و يحتاجون الكلام الحلو و الحنية
أنا برأيي.. لا افراط ولا تفريط
لا بس حجي و لا بس فعل
و لا يطيب خاطرج
its NEVER too late! ;)
وسلامتج
حب بدون تواصل شلون ؟؟؟ بس شات , لا ممكن يكون اعجاب لكن حب هذا وهم .
#####
الكلام يطلع من شخص علشان يجر الثاني له , الافعال اهي تثبت حقيقة الشخص
#####
الحب ماله عمر والحب متجدد
انا شخصيا اعتقد ان الناس يخربطون وايد بين الحب و الاعجاب..
و برايي ان الحب ما ينولد الا لما الواحد يعاشر الانسان و يعرف طبايعه و يكون تعلقه بالشخص تعدى حاجز الشكل و المظهر
صباح الخير
:)
الدنيا:
صباحج فل
امممم ممكن صح مثل ما قلتى بس اتوقع ان هذا اسمع انجذاب واعجاب قوى
بس حب ما اعتقد
حبيبتى انتى
هههههههه
امييين
رفلكشن :
هلا وغلا
رفلكشن عندى ياا بختى
:))
مس يو
البعيد عن العين بعيد عن القلب
هذى ما اتفق معاها
احب وااايد ناس وما اشوفهم الا ويين وويين بس معزتهم بقلبى يمكن اكثر من الى اشوفهم كل يوم
اصدقين عاد!!
هههههههههههههههه
السدج عاد
لوووووووووووول
حررام
:)))
صح المراه فينا تحب تسمع
بس بييج عمر يا رفلكشن ما تبيين تسمعييييييين
تبين تحسين وتشوفين
اتهقيين يمدى ؟؟
ههههههههههه
:**
nice:
يا صبااح الورد
:)
اتفق معاك ممكن اعجاب قوى بس مو حب
والله يا نايس يا حلو الكلام اذا صار قول وفعل
مو بس من حبيب
حتى بالعلاقات والصداقات
احس بقرب الصديق وصدق مشاعره تجاهى بافعاله ومواقفه معاى
وفعلا الحب متجدد
وترى رحمه من الله ان الحب متجدد
او قاابل للتجديد
حيالله نايس
نعناعه:
هلا بنعناعه
اتفق معاك بكل كلمه
وهذا رايى بالموضوع بالضبط
:*
اولا...
تصير يا عمري وانا جربتها شخصيا...حتى اني قمت احس بالطرف الثاني من يعيد بينا مسافات ... وجربت اوصل احساسي بالتفكير بالطرف الثاني وفعلا وصل...:)
ثانيا
واي انتي شنو؟؟
قريت البوست اللي طاف والحين هالحجي جنج معاي امس ؟؟؟ قاعده اسولف بهالحجي كله...:)
ساعات تحسين بالشي من الافعال مو شرط بالكلام بس انا برايي ان الكلام بعد مهم ...بس ساعات الطرف الثاني طبعه بالفعل ( مع ان الكلام مهم جدا جدا عندي ) بس دام اني واثقه من الفعل وعارفه ان طالع من حب نابع من القلب...فهالشي يكفيني...واحمد ربي بعد..:)
ثالثا
هههههه يا حلوج والله...الله يعطيج على قد نيتج..:*
هلا كاريزما
ممكن ليش مو ممكن
قريت التعليق اللي كاتبته اخيتي كويتية
وايد اايدها في كلامها
لما ننتظر رسالة من شخص مجهول بالنسبة لنا .. و ننتظرها بفارغ الصبر
و نحس ان الدنيا ممكن تنتهي اذا ما وصلت هالرسالة ...اقدر اعتبره هذا حب
الفقرة الثانية كاريزما ...يبيلها توضيح
من وجهة نظرج .. شنو الاثبات على الحب!!؟
بالنهاية ... عسى خاطرج دوم طيب ... والله يخسف باللي يكسرة
أأأمين
:)
أحس ان الحب الحقيقي ماله حدود
بمعنى شفت اللي أحبه والا ماشفته هم يبقى مكانه بقلبي موجود
ورغم كل ذلك يستحيل ان نحدد مقياس للحب..الحب مثل السعادة والفرح والحزن أشياء حسية مو مادية وتختلف من انسان لي الانسان الثاني ومن زمن لي زمن
كويتيه:
معقوله
يمكن اعجاب قوى
بس لا تقنعينى الشوفه غييير
اصدق
صح كلامج مرات اتحسين الفعل طالع من القلب
يا حبيبتى يا كويتيه
:**
عثمانى :
هلا بعثمانى
:)
اممممممم
معاك صح تتاثر وتتفاعل ةاتحس بمشاعر اتحركك تجاه شخص ما
بس اعجاب انجذاب
خل يتحقق على ارض الواقع
ما اعتقد يستمر
الا ما ندر
الحب عشره عمر مواقف وقت وزمن
اصدق عثمانى اول ما كنت افكر بهالطريقه
مشاعرى ارهيفه
الحين ما ادرى شقصتى
احس قلبى جسى وصعب
:/
راجعتلك بالجزء الثانى
خلص الدوام
:)
ليش ما نعكس الجملة
life is love
أعتقد إن الحياة هي الحب
أكثر شمولية من
الحب هو الحياة
ودمتم بحب وود
امسيج بالخير يا كريزما
هي نعم.. ممكن ينولد هالشي بين الطرفين لكن مايكون حب نقدر نقول عنه اعجاب
اتوقع الحب اذا عاشرنا هالشخص وعرفناه نقدر حزتها نقول حب
ثاني شي
الماشي هالايام اتوقعه حب الكلام بس ماشي حب الفعل
يعني حجي ميمع تعال وتسمع ووقت الجد يصير الكلام هباء منثورا
والله يحققلج كل امالج
ما اظن ان ينوجد هالنوع من الحب ولو اني بديت افقد ثقتي بوجود الحب اصلا لاني ليلحين شكبري ماحسيت بشي
فيه شي اسمه
chemistry
http://hamasatmasmoo3a.blogspot.com/2006/07/love-chemistry.html
لكن الحب لا يأتي الا بعد ان يتم التوافق بعد هذه الشرارة
مع التواصل
مع العشـرة
مع الاتفـاق
مع الانسجام
والاهتمام
وهذه الشرارة تذوب ان سقطت هذه الأمور وانعدمت
هذه هي وجهة نظري
وسلمت روحك
* * * * *
Reflections:
البعيد عن العين بعيد عن القلب
لا اتفق معك... فالحب لا يذيبه فراق ولا يقتله هجير بعاد.. الغالي غالي مها بعد العمر كله
فتي الجبل:
أتفق معك
من ناحيتي انا اعتقد انه بهالحاله مايكون حب ممكن يكون في حماس ونشوه كبيره بس مع مرور الايام تلقين هالشغله تختفي شوي شوي اذا العلاقه ماتطورت
لانه اكيد الحب يحتاج لشي اكبر من جذي
--
الله يعطيج على اللي تبينه انشالله :*
فديت هالرقه اللي فيج كاريزما
انتي ماشالله فظيعه
احس تتكلمين على لسان الكل وعن احساس الكل
تصير يا كاريزما تصير
وانا لمستها بنفسي
يعني ممكن تشوفين شخص بكليه او عمل
مافي بينكم اي كلام
لكن في شي غريب يتملكج بس يمر
وهو نفس الشي
وبمجرد ما تصير الخطوه الثانيه وهي المكشافه
تلاقين احساسي عظيمه وكبيره يمنها لج هالشخص مع ان كلمج حتى
____
انا تعبت بعد
فعلا الكلام اذا ما تزين بالافعال راح ايي يوم وينكشف ويطير مع الهوا
ملينا نسمع نبي افعال
صح لساااانج
بس يبقى الكلام ضروري ضروووري اذا ماكان يوجد واقع يثبت عكس هالكلام
:*
صباح الورد عالحبايب
عثمانى
الجزء الثانى :
;P
الاثبات عن الحب يا سيد عثمانى بسيط وقوى بنفس الوقت
يحس فينى بالضيقه
يفرح لفرحى يزعل لزعلى
يهتم فينى
يحاتينى
يتنقصلى
يذكرنى بمكان حلو
اذا مرضت القاه موجود يمى
يشاركنى اهتماماتى ويهتم فيها
يسمعنيييييييي اذا تكلمت يعطينى من نفسه شوى
:/
يفاجأنى بورده
بكرت حلو
لو بسطرهم ما اخلص
اذا تبى اكثر قولى
هههههههههه
وعسى خاطرك دوم طيب بعد يا عثمانى
هههههههه لا حرام
:))
سعيده بتواجدك
حياك الله
فتى الجبل:
صاج يا خوى
فعلا الحب شى حسى من روحنا نحس فيه من داخل
ويختلف من واحد لى الثانى
اتفق مع هالنقطه
سبحان الله
سلوقا بلوقا:
امممم
يمكن من وجهة نظرك
بس انا اظل اقول الحب اهو الحياة بالنسبه لى
ودمت بحب وود يا سلوقا
:)
الفجر البعييد:
يا مسا الانوار
وصبااح الخير عزيزتى
اتفق معاج
كلام كلام
تشبعناا وتعور ترى اذا يا الموقف وما لقيتييه موجود
:/
ويسعدج ويحقق الى تبيينه يا الفجر البعيد
Ic:
Happy New Year
thank you
حمودى:
:))
بييك يوم وبتحس
احلى ما فيها انها تصير فجأه
بدون مقدمات وتنعفس فوق تحت
الحب موجود والدنيا بخير
الله يعطييك الى فى بالك ويسعدك
اسيل :
هلا باسيل صباح الفل
:)
ما يفتح اللنك بالدوام
مسكريين علينا البلوقات
:/
افتحه بالبيت ان شاءالله
لكن الحب لا يأتي الا بعد ان يتم التوافق بعد هذه الشرارة
مع التواصل
مع العشـرة
مع الاتفـاق
مع الانسجام
والاهتمام
وهذه الشرارة تذوب ان سقطت هذه الأمور وانعدمت
هذه هي وجهة نظري
ووجهة نظرى بالضبببببببببببببط
اعجاب وتقبل والحب ياتى او لا ياتى!
يسلم روحج من كل شر
selezya:
هلا وغلا
يكون في حماس ونشوه كبيره بس مع مرور الايام تلقين هالشغله تختفي شوي شوي اذا العلاقه ماتطورت
لانه اكيد الحب يحتاج لشي اكبر من جذي
بالضبط
:)
اميين ويعطييج الى تبينه حبيبتى
كويت دول:
ياا حبيبتى انتى يا كويت دول
احس فيكم يمكن
:))
مو منى من الى فييينى
اغلب البنات نفس المعاناة
:/
اكييد نحب نسمع بس نوعى واقعيه
مجرد ما احس ان بس كلام
ما احب اسمع مره ثانيه وتبدى حالتى تسووء مع الكلام
:/
:**
صباح الخير ..
الحب من غير مقابلة .. اممممم
أوافق في انه يكون إعجاب و انجذاب قوي.. أو توقع حياة و أمل بالحب على نمط و فكرة معينة ما أظن تكمل مدة من الزمن
إلا .. أن يكون في الطرفين على قدر من القوة أنهم يثبتون الخيال و الحلم
- - - -
و أقول ..
الكلام يظل مجرد حروف حتى يقترن بفعل يثبته
:)
إهداء
http://tarb.net/download.php?action=lsn&id=18155
آنا أعقتد أن صعب يكون في حب حقيقي
حب بمعناه السامي والصادق بدون تواصل فعلي
ممكن يكون أعجاب وتفاهم ومتعة بالحديث بين أثنين من الجنسين
بس حب صعبة جداًً بدون تواصل
**
ليش طاب خاطرج
في أحد يطيب خاطره من الحب
وأنتي إنسانة رومانسية حساسة
الحب موجود
وأهو إللى يخلينا نستمر بالحياة
بفرحة وبأمل
تستاهلين كل الحب الصادق
اتمنالج كل السعادة
من دون تواصل ما في حب
مستحييل شلون بتحبين انسان انتي ما تعرفين عنه شي
اعتقد بالتواصل ولو بسيط ممكن يكون في حب مو شرط عشق بس في حب
فيني طبع ما احب اقول لاحد انا احبك واصفصف الحجي واذكر سالوني مره ليش
قلت لهم يكفي انكم تفهموني من افعالي من اهتمامي ومن حرصي يعني الحب مو بس كلام نقوله وينتهي من دون اثر اعتقد الفعل يثبت هالشي اكثر
لا تقولين طاب خاطرج
انتي قلبج كبير وفيه امل
عشاني جذي كوكه ما يطيب خاطرها ولا يقدر مخلوق يكسره
:)
هل ممكن ينولد حب بدون تواصل ؟؟
الجواب: انا لا اعتقد (:
Momken !!
o 3la il maw`6o3 il thani inna tbeen fe3el tben tshofen be3yonich , agolich hal mathal ( il eed me`3raf il galb )
y3ni itha il shakh9 9ej y7eb o gool o fe3el fe be sure inna gd il 7ub .. o itha laaa ,, faa 6aaaab kha6erna kilinaa..
By the way .. sema3t mraa bil radio inna il7ub ysabeb il `3aba2 lilshakh ille y7eb b gowa..
fa ihnii agolich dam `3aba2 fa magdoor 3aleh o n7amel net2aglam ..
Bs `3era .. , Brooo
صباح الورد
tulip:
ممكن اعجاب قوى وانجذاب
واصعب شى تحقيق الحلم او الخيال
:/
لا بد من تضحيات اخرى لتحقيق هالامور
الكلام يظل مجرد حروف حتى يقترن بفعل يثبته
اوافقج
ومشكووره على الاهداء لى الحين ما اشتغل عندى
بس اتوقع اغنيه حلوه
:)
شكرا لتواجدج
منورتنى
حسين:
هلا باخوى حسين
:)
اتفق مع كل كلمه قلتها
الحمدالله على كل حال
حسين !
اصدق مانى عارفه شلون ارد على سؤالك
:/
وانا اتمنالك كل خير
مجنونه:
هلا حبيبتى انتى
:*
ههههههههه
ترى انا مثلج
ما اعرف اصفصف حجى الا اذا فعلا احس فى من داخل يطلع
يعنى لو اعجاب ولا انجذاب
ما اعرف اتكلم الا اذا دق قلبى
وعااد نطرى لما يدق قلبى
لوووووووووول
بالفعل انا موجوده مع حبايبى الحمدالله
هالجانب موجود وبقوه
كل عزيز على قلبى اكون موجوده اذا احتاجنى بالى الله يقدرنى عليه
ياا حبيبتى انتى
:**
يعقووبوو:
:))
ولا انا اعتقد
what will be will be:
هلا بالى على اقبل
هلا وغلا
امممم صج عام ممكن ؟؟
الله
من زماان مو سامعه هالمثل
الايد مغراف القلب
صااجه
اى والله طااب خاطرناا
المصييبه محد فاهم هالموضوع
لما توصلين لى مرحله اليأس من الطرف الثانى
لا حياة لمن تناااادى
شنسوى بهالحاله ؟؟
نقول طاب خاطرنا ما نبى حب ولا قول ولا فعل
مو غصبب
اصدقيين ما اعرف اجبر احد على شى
حلاته ايى من نفسه ولا اكره نفسى انا بعدين
:/
لوووووووووووووول
حاله حاله
:*
kel shay e9er eb hal denya la tay2eseen
ان ممكن ليش لأ !!!
انا واحد من هالناس اللي أحب وحده لا تدري عن هوا داري ولا شافتني او شفتها و لكن مع ذلك احس ان في توارد خواطر و مشاعر
كل ما أووله عليها ألقاها بالأخبار أو موجودة بالجرايد جدامي !!
Queen Rania... is my LOVE :D
اكو بوست انشال ليش ؟
يعني رواية ضعيفة
ايه مبين عليها من قريتها قلت فيها صواريخ لكن حيائي منعني اصرح فيها
والله المستعان
مرة ثاني يبيلج مصحح روائي ومفتي يقررلج هذا صحيح ولا لا :-)
loco:
ee walaah wenta el 9aaj :)
عتيج الصوف:
لووووووووووول
اى اخبرها حبك الاول والاخير
قلت عنها مره من المرات
هههههههههههه
نايس:
بس حق الشماته يا سعد
زااهب عاد انت
يعنى انا مألفتها بالله
شدرانى يتنى ايميل واستانست عليها
فرحت هههههه
والله كش شعر ينبى منها
وحطيتها شدرانى انها خواره
:/
تبرع انت صير المصحح الروائى قبل لا انزل اى روايه طال عمرك
هاااي كارزماا عيدج مبارك يالغاليه
و على ساؤلج في تره في حب تواصل صدقيني
الحب بالقلب مو بالعين مادري يعني الي يحب بعينه قبل قلبه ما احس انه حب حقيقي لانه جذبه المظهر قبل الجوهر
شفينيي جولييت
لوول
و على اخر شي تبين تحسين و ماكو كلام
ما شتوفيني انا طايحتله قصص
لانه هالشي الي صج يخليني احس بالشي و على قولتج ملينا نشوف نبي نحسسسس
كلام الحلو احلى كلام
يخليج تحسين بلحظة جنج انولدتي من جديد
انه الدنيه فجاه من شي ظلمه لي شي كله نور
شعور حلو انه كل كلمه تنقال كانها تنقال لج بروحج
كل همسه لج و محد يسمعها و يحس في و فمعناتها غيرج
:(
مشكله اني عايشه بجو اني ابي حب لوووول
الله يستر من هالشعور
salamz sweetee...
i dont think so
this is for ur question
i missed u 2
i was away and am back
:****
ولو أني ما حبيت بعدني
بس ما أظن انه ممكن
لان الحب مثل الوردة تحتاج للرعاية وإذا ما كان في حد يرعاها بتذبل وبتموت
والحب اللي بدون تواصل نفس الشي
يعني بالعقل كيف ممكن أحب انسان بعد عني وما اقدر اسمع صوته او اعرف اخباره
المسألة صعبه شوي
وثانكس الغالية عالبوست ^_^
تساؤلك قد يتحمل السلب والإيجاب
فأحيانا قد نتفاعل مع أناس لا نعرفهم ولا نسمع أصواتهم ولا حتي نلتقي بهم ونجدهم يشاركوننا يومياتنا بفرحها وحزنها فيصيرون جزءاً منا وبعدها نتسائل هل هذا حقيقي ؟ هل هذا الصديق أو الحبيب صادق أم أنه يتلاعب بنا ..فنحن نعلم أن هنالك أناس يعانون من مشكلة الفراغ فيتقمصون شخصيات لا تمس لهم بصلة ويتصنعون أفعالاً لا يعرفونها أبداً..
ويظل خوفاً توسعاً فنحن نخاف أن نتعرض للكدجب والخديعة ..وإحساسنا وعواطفنا تقودنا للتصديق..نريد التصديق ونحن في قرارة أنفسنا نحمل 50% من الشكوك المتعلقة بالشخص الأخر
كثيرون يحبون ويتحابون عبر الإنترنيت وقد يخترقون أجهزة الحبيب أو الحبيبة خوفاً من تعرضهم للخيانة أو الكدب ويتملكون هذه الروح ويرفضون تبادل أي نوع من الرسائل بينها وبين الأخرين كأنهم يرديون عزل الأخر عن العالم
أما عن كونكِ سئمت سماع كلام الحب والغزل وإنك تريدين عملاً..
فدعيني أضم صوتي لصوتك..
بدأت أصاب بالملل عندما أتعرف بشاب ما ..ومن البداية تزداد كلمات الغزل والشوق والحب في التساقط في أذني ..ولحسن حظي أنه لا يراني وقتها فعلي وجهي ترتسم علامات عدم التصديق والذكاء..
فهو يبيع كلماته طمعاً في الحصول علي أشياء أخري
أين الرجال أصحاب الفعل أين الرجال الذين يتكلمون قليلاً ويفعلون كثيراً
أين الرجال الذين يثبتون حبهم بالعمل والكفاح للحصول على بالحلا كزوجة وحبيبة وصديقة وأم لأطفال المستقبل...
مشكورة أخيتي
تحياتي
صباح الخير ومساء الخير
اولا : ابدي اعجابي بالمدونه التي لا تحتاج مديح .
ثانيا : سؤال الموضوع والنقاش ردي كالاتي :
هنا عزيزي القارئ ندخل بنوع الحب الرغبي وهو الحب الذي نريده كيفما نريد وهو حب النوايا الصادقه والذي يترفع ويتنزه عن كل الشوائب والمصالح الماديه والخ والخ ..حب الاتصال الروحاني والاتصال العقلي ,, حب محسوس لا ملموس , وكل احاسيسنا تكون بلحظاته هي عالمنا الواسع وهذا العالم الواسع موجود في صدورنا وعقولنا ,, حب عنيف وقوي وجبار لكنه شايب شعره ابيض ,,نعم يوجد بهذا النوع من الحب لاننا نصنعه بخواطرنا وشجوننا واعصابنا وعواطفنا وارواحنا ,,
عزيزي القارئ هذا الحب هو حب تتويج الاحلام المخلوطه بالامنيات ,, كل رجل منا لديه فتاة احلام وكل فتاة لديها فارس احلام ,, هذا الحب هو الذي يقدم لك هذه الفتاة وفارس الاحلام ,,
اعتقد اتضحت لك الرؤيا عزيزي القارئ ..
انه حب حقيقي وحقيقي جدا اكثر من الحب المتداول بين الناس لان الحب المتداول فقد مصداقيته وضاعت هويته .. واصبح حب صور وحب اجساد والخ ,, الخ ,, .
الحب لغة يتحدثها القلب لا نسمعها اللا بعد فوات الاوان
الحب لغة روحانيه لا تستوعبها اللا بعد فقدانه
الحب حديث العقل لا يفقهها اللا المجانين
كريزما لا تطفئي كل الشموع اتركي لنفسك شمعه على الاقل
تقبلوا تحياتي واحترامي
اخوكم بالله
مدير شبكة وطن
Post a Comment