Sunday, December 2, 2007

منسيه منسيه





فينى طبع احب اغنى ، واذا الاغنيه حلوه حتى لو مو حافظه الكلمات
اغنيها لحد يسالنى شلون




تصير كلماتى والحاان الاغنيه




المهم ما ادقر عمرييييي واغنى




وطبعا هالمود ما ايينى الا بمكانيين




مكان مجهول صعب اصرح فيه




والمكان الثانى بالسياره




عادرى ما ارد على تلفونى عشان مندمجه بغنيه عااادى




زيي الورد




وهالايام طاريه على اغنية منسيه حق عايشه المرطه الله يرحمها




وااايد احبهاا هالاغنيه كلماتها تعور القلب وادندن فيها هالايام بزوده لانى حاسه انى منسييييه




اغنيها بروحى بس اليوم وانا اطقطق بالاب توب طرت على قلت خل اسمعها






اناا سمعت كلماتها الا انا عاافسه الدنيااا الكلمات بشرق وانا اغنى بغرب




لوووووووووووووووول




والله فشله فشله اكتب الكلمات الى كنت اغنيها




اغنيها وكل مقطع .. اقول يا بعد عمرى واتفاعل ومرات احس بالكلمات جنها عنى




مرات احس انى منسيه وانا بوسط حبايبى اتوقع الكل يمر بهالشعوور




الحيين مو هذى سالفتييييييييي




سالفتى انا الكلمات الاصليه مو تعور القلب لالالالالالالالالالالا




اتبجييييييييييي

بكتبها عشان الكل يعرف شكثر عاانت هالكاتبه او الكاتب الى كتب هالكلمااات





لا حرام واايد جذى على الوحده تتحمل




والله




يالله اخذو الكلمات وحكموا
وايييييييي




واول مره ادرى ان الكوراال مو كورال مع عايشه المرطه الكورال مساعد مطرب




لان الكورال بغنيه منسيه يكمل الكبليه ما يكرره ولا يعيده
بيربل بتفهم شقاعد اقوول
لوووووووووووووووول




ههههههههههه




عجييبييين ضرورى تسمعونها




والى تعبانه نفسيا ما انصح تتفاعل وتسمع الاغنيه بتتعب




اليي تبى اتوسع صدرها وتاخذها ضحك وتستمتع بالطرب وصوت عايشه المرطه




خل تسمع




ويااحلوها من بساطه ويا حلوها من كلماات ويا زينه من لحن




حتى بكلماتهم بذاك الزمان عفوييين




بسييطه اللهجه عاميه كويتيه بحححته وقريبه من القلب حيييل بالصميم اييك المقطع





منسيه منسيه




يا عونت الله ولا لى عندكم طارى




منسيه منسيه




ولى الله هو الى عالم ودارى



اناا كله يتراولى انى بدنيتى بروحى



لا لى خل ولا والى يشاركنى الهوى روحى



منسيه منسيه منسيه



شوقى غنه ..وصف ايام الصبر




شوقى جنه .. يامر اقليبى امر



تامرنى انا تامرنى الاشواق




انا الاشواق اتحدنى على التفكير



قلبى عز عليه الفراق




لو عنى جاة احاتى



قااال اهوه.. كنت اتمنى انا الجيه




قلت اشوه يعنى انا مانى منسيه

الله يانى نسيت الى حصل




:(




خنقتنى العبره حراااااااااااااام
قص عليها بكلمه طارة من الفرحه



؟؟.!انا قلت ولهانه
.. انا من الاول .. قلت ما وصل



قلت انشد انا انشد انا ..واسولف له عن الاشواق والحيره




ويسمعنى وانا اوصفله شسوت فينى الحيره





قال اهوه انا كنت اتمنى الجيه



قلت اشوه يعنى مانى منسيه



منسيه منسيه ولا لى عندكم طارى



ولى الله هو الى عالم ودارى











اييييه لك الله يا كل محب اتعب الكلماات

بييلز قولولى خداى اول مو موجود الحين فى بناتنا وشبابنا صح؟؟؟
ماكو بنت جذى الحيين
ترى بزعل وايد اذا فيييه






47 comments:

DiLLi O MiLLi said...

يااااااااربي عليج ياااا كاريزمااااا

وأنتي على طريف
أي كلمة تعور قلبج
قلبج قلب طير

شوفي أنا لو وحده ثانيه غير المرحومة عايشة المرطه مغنيتها جان ما اثرت فيني كثر عايشه
يمكن عشان سالفة نظرها



ومقطع
اناا كله يتراولى انى بدنيتى بروحى

تروالي مافي أحد ما مر عليه هالشعور



وعلللللليه تقول انه : كان أهو يتمنى الجيه
ومصدقته !؟
خنت حيلي
:(



هههههههههههههههههه
ترى بزعل وااايد اذا فيه بنات فيهم خداي أول
هههههههههههههه
عيل بتزعليييين واااايد حبيبتي
الله يكووون بعونهم




بوست
حزين
راقي
حنون
وخفيف طينه

مثل صــاحبته
:)
:**

DiLLi O MiLLi said...

اييييي ... الصورة عجييبه
يحليلها رشيقه
ولاحظي البدله شفافه من تحت
ومبينه نزاكة شحاطتها
:)

الله يحللها ويغمد روحها الجنه

esTeKaNa said...

تسئلين في احد في خداي اول؟
!!
اشوة انه بوستي شطوله كاتبته واخر شي كاتبه عن روحي خدايووو
:)))

كريزما ليش ليش منسيه
واي هالاغنيه كانت في لها مشهد في بالي
عيوز كبرو عيالها وعيال عيالها وماحد يزورها
وطول اليوم تغني هالاغنيه
:((
مادري ليش جذي كنت اتخيلها



وتعور الللللللللللللقلب الكلمات
احس الكلمات كويتيه قح قح
واعليه يارها الله
عادالصورة تينن
نزااااااااكه الدنيا

اله يرحمها بعرس خال امي قاعده تغني والناس تصفق وترقص
مادري منو حذف شي على راس عايشه المرطة
ويا بعد روحي جان تفتر الباروكه مادري طاحت
عبالج الناس وقفو؟
احد حس على دمه وسنع المرة؟
لا استمرو يرقصون وواحده من اللي وياها سنعتها يا عوينتي
واي كل ما يسولفون لي هالسالفه تكسر خاطري
:)



عيل تغنين كرزيما بالمكان المجهول والسياره
لوووووووووووووووووووول
ذكرتيني بعمتي
ابد تاخذ راس الاغنيه والباجي ترتجله
تغير الاغنيه وعادي تدشش لج ثنتين ببعض
بس اهم شي اللحن موجود
:))

واي بسي قرقه بس تذكرت شي
في محل اول على البحر حق ملابس المتان اسمه المرأة المنسيه...اسمه كان يضحكني
يعني فشله تشترين بدله من منسيه
مو حلوة
!!

Orangina fadidra said...

LOOL I LUV THAT WOMAN!
gr8 pick of the song.

charisma said...

صبااح الفل
احلى شى ان الواحد يداوم متأخر
:))


ديللى وميللى:

صباحج ورد وفل وياسميين

لوووول لا والله ديللى مو جذى بس بذمتج بذمتج عيشى الدور مو شى يعور القلب
كسر خاطرى خدايهاااا
قاص عليهاا واهى معصوره علييه

:/

اييييييييييييي اشكره نصب

لووووووووووووووووول
اتهقين ديللى اكو منها وايد
:((


ياا بعد عمرى انتى
:**
كافى اللجه الى سويتها لج انتى وسالفه قبل لا انزل البوست
ههههههههههههههههه

حبايبى الى محتوينى ومتحملينى
والله الله لا يخلينى منكم
:**

charisma said...

ديللى :

احلى صوره شفتها لهاا
ذرررربه وصااجه حد النزاكه

امين يا رب


استكانه:

يااا صباح الحب

لا لا ما اخليج مخديه انا ما اهدج
هههههههههههههههه

شوفى الخداى وارد وحتى عندى

بس مو مثل اغنيه منسيه

يعنى ناسيج وكاشت فييج وانتى الى تروحين وانتى الى تشكين الفراق
ويرد يقولج اى اناااا كنتتتتتتتتت بييج

نعممممممم

وترد تقول اشوه !!!!!!!

مو ما ذبااح

ههههههههههه

استكاانه شرايج بالله؟؟


لووووووووووووووووووول

انا كل ما حسيت انى بروحى ومحد فاهمنى وحاس فينى اغنيهاا
اول شى تطرى على بالى منسيه
:)))


الصوره انتيييكه
اتينن انا وايد عاجبتنى الله يرحمها
نازكه بهالصوره


ههههههههههههههههههه
هههههههههههههههههههه
هههههههههههههههههه
ما اصدقققققققققق من صجج
وعليييه ولا احد عدلها
://

حرااام


:)))
عيل عمتج من ربعى
لوووول
اى انا جذى ابهذل الكلمات بس المهم اغنى
:)))))))))))



ابييه مار على المرأه المنسيه
ايي صح صح
هههههههههههههه


واى استكانه موتينى ضحك
الله يوسع صدرج دنيا واخره
:**

charisma said...

orangina fadidra:

:))

ومنو ما يحبها الله يرحمها
هههههههه

مشكوره حياج الله
:)

Kuw_Son said...

شلونج حجية كاريزما :)

الكل الحين مفتح باللبن و مافي خداي .. هذاك أول !!

Cr8ivia said...

اوووول مره اركز بالكلمات

بس السؤال
نبي الكلمات اللي كنتي انتي تغنينها مو الاصلية :D

شلونج كاريزما؟

عثماني said...

كاريزما ...خوش بوست

اغاني فترة الستينات و السبعينات كانت الفترة الذهبية للاغنية الكويتية

الكلمات و الالحان كانت من صميم الثقافة الكويتية

منشان هيك ... اغاني ذيك الفترة صج اغاني ثقيلة و تكانة

عن نفسي تستغربين اني ما اسمع الا اغاني ذيج الفترة ...القى نفسي فيها

و اخيرا .. من قال انج منسية !!؟

لكي يخرب بيتو اللي بينساكي

:)

Q8ya said...

ههههههههههه والله ذكرتيني قبل جم سنه كنت كلا اغنيها وادندن واسرح مع كلماتها اي والله ;\

اي والله مع ان في ايامنا هذي الكل امفتح بس ترى ليلحين في خدايوووو واااااايد

فتى الجبل said...

يا يبه غني على راحتج واستانسي
بس أهم شي يكون صوتج حلو

charisma said...

kuw_son:

اهلا وسهلا كويت سن

انا بالف خير ولله الحمد

:)

اتهقى ؟!!والله اتمنى ان ماكو خداى
هههههههه



كريتيفياااااااا:


مااا اصدقققققق
انتى ويييينج حبيبتى
هلا هلا وغله
اتمنى تكونين بالف خير حبيبتى
:*

والله فرحتنى شوفتج وولكم باك
:)

ماانى راادتج بقولج كلماتى
لوووووووووووووول

كلماتى سلمج الله تقول

منسيه منسيه يا عونت الله ما عندى حد يرعانى
انا كله يتراوالى انى بدنيتى بروحى

لا لى خل ولا والى اشكيله جروحى

لووووووووووول

ما ادرى ليش اشكيله جروحى
والباجى الله يستر على
وسعى صدرج بهذول

:P

قلتهم عشان انت كريتيفيا ترى
ههههههههه
وعشان ولهانه علييج
ولا ما اصرح بكلماتى
:**

charisma said...

عثمانى :

عثماانييي
يابتك عايشه المرطه
لو ادرى من زمان حاطتها
:))

يا حالله

والله صدقت
فعلا تستمتع بالاغنيه وما تنمل
اغانى هالوقت مهما كانت حلوه تملها

اتفق معاك


لووول
لا منسيه ومنسيه ومنسيه بعد

://


كويتيه:

هلا حبيبتى
:)

ههههههههههههه
المخدى ايينى انا اعلمه واصحى قلبه
لوووووووووول
انسوى دروس ما عليج
:))

charisma said...

فتى الجبل:

هههههه
لا اتوصى حريص مو داقره عمرى فتى الجبل
:))

اصك على نوال الكويتيه
لوووووووووول

Barrak said...

بالنسبه للمكان المجهول انا عرفته
واحب اغني فيه
لانه فيه صدى


منسيه

اتمنى تسمعينها بصوت انغام

الله يرحمك ياعايشه المرطه

7osen said...

منسيه
حلوة الإغنيه


بوست عجيييب

صج حلو

بس ودي أعرف شنو الكلمات اللى كنتي تغنينها

:)

وليش تحسين إنج منسية
؟؟

Purplecious said...
This comment has been removed by the author.
Purplecious said...

LOOOOOOOOOOOOOOOOOOOOOOOOOOL

واااااااااي كريزما

ههههههههههههههههه

ابييييييييييه بموووووووت من الضحك

لوووووووووووووووووووووووووول

قاعده أتابع محظوظه و مبروكه بفنون
و هالاغنيه تذكرني بالحلقه اليوم(شوفوا الإعاده بكره الساعه 3 العصر)لما يصيرون طاقاقات و لما يتوهقون بالعرس و مبروكه مادري شيصير فيها و قومي يا محظوظه غني بدالها

و تغني منسسسسسسسيه منسسسسسسيه بالعرس
!!!!!!!!
أحد يغني منسيه بعرسسسسسس؟؟؟؟؟؟؟؟

لوووووووووووووووووول
لووووووووووووووووول

هههههههههههههه

واااي واااي وااااي


اي شنو بعد

اي

جني شفت اسمي مذكور بالبوست؟

:))))))

طبببببببعا أكييييييد فااااهمتج يا كريزما عدلللللل مدلللللل (بس ليش أنا؟اشمعنه؟؟؟ بيني و بينج ها لا تقولين حق أحد) هههههههههههههههههه

وااااااي الكلمات تذبححححح


شوقى غنه ..وصف ايام الصبر
شوقى جنه .. يامر اقليبى امر

الشوووووووووووق يا كريزما الشووووووووووووووووق
يسوي الهوايل


كاريزما
المكان المجهووووووووول
لوووووووووووووووول

بس كاريزما مو زين تغنين فيه حبيبتي
وينها عنج سالفه تدري و ساكتتلج
!!!!!!!!

اي اي اي بخرعججججج
ديييييييييييري بالج
بسم الله الرحمن الرحيم
سكنهم منازلهم

و على قولة "ريفلكشنز" حقوق الطبع محفوظه
"أوووووووععععععععجججججج"
تسوينها مره ثانيه

بالسياره و بسسسسسس

ههههههههههههههه
هههههههههههههههه

:****

PearL said...

كاريزما

حرام عليييج

كأبتيني

شالاغنية الكئيبة

يعقووبوو said...

شوقى غنه ..وصف ايام الصبر



شوقى جنه .. يامر اقليبى امر


تامرنى انا تامرنى الاشواق



انا الاشواق اتحدنى على التفكير


قلبى عز عليه الفراق

احلى شي
---
والكمنجات شي خطير (((:

charisma said...

صبحكم الله بالخير

براك:

:)))))
ههههههههههههههه
تقريبا

اصدق!! ما ادرى ان انغام مغنيه منسيه !!

ضرورى اسمعها بقرب وقت

الله يرحمها



حسين:


حلت دنياك
:)

كتبت كلماتى حق كريتيفيا
هههههههههههه
مو بعيده وايد عن الاصليه
:))
ويووز عنى
هههههههه


والله وايد احس انى منسيه
:(
صعب اقول ليش
احساس يراودنى بين فتره وفتره


:/

charisma said...

بيربل:

هلا بالى لفانى يا هلا به
ههههههههههههههههههه
وااى قبل لا اقرى مت ضحك ترى لى الحين ما ادرى انتى شكاتبه ما قريت
:))))))))))

محضوضه ومبروكه لما صاروا طقاقات بدعوا من احلى حلقاتهم
لووووووووووووووول



ياا حظييييييي ياا حظيييي
هههههههههههههههه
ادز لج ايميل شسوى فييج بعد
:))))))))



الكلماات اتعببببببببب
اييي والله الشوووق اهو الشوووق يا بيربل
ههههههههههه



قاالج برااك فيه صدى
والصدى مع الصوت يحلى الصوت النشاز الى مثل صوتى
لوووووووووووووول

بيربل
احلى احلى الاغانى ما اذكرها الا بهالمكان
لووووووووووووول

لو اخلى يمى ورقه وقلم واقولج شغنى تتعجبييين
هههههههههههههه

لا سالفه ما تدرى لوووووووول
:))



يماااا

لا اتخرعينى بسم الله الرحمن الرحيييم
اى والله سكنهم مساكنهم
بس ترى ما ائذيهم بيستمتعون بصوتى الجهورى
:P

:))

:**

charisma said...

pearl:

ياا بعد عمرى اسم الله علييج من الاكتئاااب

عاد ما كنت مكتئبه بس حسييت انى بروحى ومنسيه جان تطرى على هل اغنيه وانصدمت بالكلمات
لووووووووول

بغض النظر بيرل
قوييه الكلمات
:)

:**
سووورى على هالشعور الى خليته يحوشج من بوستى
:/



يعقووبوو:

فاهمنى صح
:))

الله احلى المقاطع


هههههههههه
لا متعوب على اللحن
:))

نون النساء said...

اول شي ما تشوفين شر
قريت بوستج مال 15% من الأوادم

مو القرادة ما اتصيب إلا الناس الحلوة
هههههههههههههه


لوووووووووووووووووووول
شوفي هالأغنية ماتطري على بالي إلا لما أسوي لقيمات برمضان

طبعا تعالي شوفي لقيماتي
خراااااااااااااااااب


يحليلها عواااااش
الله يهداها امي
لما اقعد اجابل الكمبيوتر وانا لابسة نظارتي اتعيب علي اتقوللي نظاراتج مثل نظارات عايشة المرطة

ألحين انا نظارتي قاعة بطل ؟؟؟؟؟؟؟؟
@@




ههههههههههه ميخالف

shakshaka said...

charisma akeeed entay em2alfa el kalemat wela naseet;hum?:P

عتيج الصوف said...

هذا الطبع موجود فيني ايضا ان اغني الأغنية مهما كانت صعوبتها و غرابة لحنها مو مهم عندي الكلمات او اللحن المهم انني منطرب معاها
و لا تسموعني لما اغني لبناني او مصري ابدع :P

Selezya said...

شهالموود
ماخذج الطرب ياكريزماا
مبين عليج مببدعه باغاني خلق اللله
لوول
حبيبتي منو ينساج انتي؟
اللي ناسيج ترا ماعنده سالفه صدقيني
شحلاتج عسوله والله

كلمات الاغنيه حدها تعور القلب صراحه
:(

5roofa said...

كااااارزمااااااااااااا

لييييييييييش

مادري شقول وااااي بجيت بجييييييييي

بصوووت
مناحه الله يهديج تونسينا باول البوست و تقلبينا باخرته بس كلمات روعه

لاااااازم انزلها لازم لازم روعه الكلماات

يسلمووو يام احساس راااقي و اختياار احلىىى

صج روعه

برد اقراها و ابجي مره ثانيه

salamz sweet sis...

joy said...

اناا كله يتراولى انى بدنيتى بروحى


لا لى خل ولا والى يشاركنى الهوى روحى


منسيه منسيه منسيه

i alaways sing that song so that makes 2 of us

Ony said...

i love this post!

physio-80 said...

أتوقع إني عرفت المكان المجهول لأني أحب أغني فيه
:p

اغنية منسية عجيبه بس أنا أحب أغنية أبشري يا عين
صج عجيبة

يعطيج العافية

a7La eNG said...

hehehehehehe ...

مع الاغنية بكلماتها بكل شي فيها
اييب القامت و اقرب مالها الياثوم من انها اغنية

بس ذكرتني بوحدة من كثر ما امها حاقرتها و لاهية كانوا خالاتها كل ما يتهم غنوا لها منسية هههه شريريييين
بس كانت ياهل


الله يا انها صارت شريرة لما كبرت
يمه يمه يمه
@@

وينها وين المنسية الصجية بالاغنية

يا حلووج والله من وين مطلعتهاااا
:D

صبااااااح مو منسي ابد
:***

Aldenya said...

ويييه

عيل ما سمعتيها بصوت الوالدة
صوتها وايد حلو
دايما نقضبها انا وخواتي
ونقول لها
يمه غني لنا
وتغني هالأغنية
ويا حلو صوتها مع هالكلمات الشجية
شلى مذكرج فيها يا كروزه

Shaima'a Alkandari said...

الاغنيه حدها عجيبه وانا مثلج احبها
واللى حببني فيها بزود امي كله تغنيها فحفظتها


صح مرات لمن تعجبج اغنيه تقومين تألفين على كيفج كلماتها
بس حدث ولاحرج حزتها


ماعليه اهم شي انج تغنينها



بوست ممتع يالغاليه

يعطيج الف عافيخ

ReLaaaX said...

looooooool


بلى فيه :)

فراوله said...

مساالورد والجوري
غاليتي الحبيبه
احلا واغلا كريزما
شقول غييييير الله يعين قلوبنا
الرهيفه
خنت حيلي من كلمة صغيره العيون تدمع
والقلب الله يعينه
):
صج نكسر الخاطر
بس والله
الاغنية روعه
دمت بدفء وعذوبه
ابدا
;)

Q8DOLL said...

ياحلوج
ابي اشوفج وانتي مندمجه هههههههههههه
بخاطري والله

في بنات جذي؟؟ خدايوووه
اي
هين

لا لا جد
في بنات مساكين يكسرون لخاط من كلمه وحده وي عليه عليهم تعلقوا ورسموا احلام لا وسموا اسامي عيالهم بعد

يعورون قلبي

حمودي said...

نا مثلج االف بالاغاني وخاصه بالسيارة او المكان الثاني
وابدع بالثاني
:)

Fahad Al Askr said...

متني منسية

جان زين لو حاطة ياهل الشرق مروا بي على القيصيرية

3ateeja said...

مكان مجهول صعب اصرح فيه

ما يبيله

الحمام

منسية غنتها ام عادل الله يرحمها عن نفسها في فترة من الفترات نسوها الناس والكل فغنت هلغنايا حتى لو تلاحظين تسجيلها تحسين انه يديد ...مو مثل درب السنع ولحاج الله ..لاتذكرني بعايشة المرطى لأني صج احبها الله يرحمها ...بس من نعم الله عليها ان رزقها زوج كان يحبها واااايد وكان ملك جمال الله يرحمه وولد عايله بس الله ما رزقها عيال فاطررت انها اتبنى وراحت عليها ام عادل
ويييييييه عتيجه قصت لج قصة حياتها
وخري عني ترى شوي وابجي

charisma said...

صبحكم الله بالخير

نون النساء:

هلا وغلا
:*
لووووووووووووول
شفتى حظى
طلعت من ال 15% هذى انا ههههههههه
يااا بعد عمرى انتى
والشر ما اييج يا احلى نون
والصوره اليديده عجيييبه
صج فقدت سعاد حسنى بس هاذى اتينن
:))

لا داشه على قوى انتى
ههههههههههههه
اموت على انى اسوى حلو برمضان بس ما عمرى فكرت باللقيمات ادرى صعبه
انتى كشخااااااااا داشه بقوه

لووووووووووول
:)))
صعب ادخل بالحوار الى بينج وبين امج
ههههههههههه

ما علييج اطفرج
:***




شكشكاا:

هههههههههههههههههه
هههههههههههههههههه
يوزى عنى ياا بنت

:**


عتيج الصوف:

:))
الحال من بعضه

charisma said...

selezya:

هلا حبيبتى

لوووووووووول لا مو وايد مبدعه عل خفيف بس
;pP

ياا بعد عمرى انتى تسلميين لى والله لا يخلينى من محبتكم
:**


خروفا:

هلا هلا
شفيييييييييييييييج


وليين
ياا حبيبتى يا خروفاا انا قتلكم الى بيقلبها دراما لا يقرى الكلماات
الحين انا شسوى بعمريييييييي

اعوضج فى بوست فصله
بس نطرى عاد متى افصل

هههههه

يالله عاد جدامى مسحى دموعج ولا تبجيين يا وييلج

charisma said...

joy:

هلا دير
ايييييه الله كرييم
عجيب هالمقطع واهم شى منسيه منسيه منسيه
:))
بالثلالاثه
:)

منورتنى وحياج الله


ony:

يا بختى
:)
شكرا جزيلا


physio_80:

هههههههههه


الله
احبها ابشرى يا عيين

عجيب ذوقك

charisma said...

a7la eng:

لوووووووووووووول
والله اهى اتكدر صااجه ولما تعيشين ادور بس تقمت قلبج بس
هههههههههههه

:**


الدنيا:

:)
الله يحفظها
ما ادرى ليش جنى معاكم اسمع صوتها
هههههههههه

والله ذكرنى الى فينى
بس انا وايد احي هالاغنيه ارددها وايد
:)



شيمااء الكندرى :

هلا حبيبتى انتى
ولكم باك
:)

ايي كل الامهات يحبونها
:))

منورتنى يا شيماء
سعيده بعودتج

charisma said...

ريلاكس:

هلا هلا هلالا
:**

هههههههههههه
انا اصحى قلبها الى فيها هالخداى
ييبيها لى بس
:))))))))))


فراوله:

الله شمييت ريحه حلوه من سلامج
:)

ايي والله نكسر الخاااااااطر

حبيبتى انتى



كويت دول:

هلا وغلا

هههههههههههه
حدث ولا حرج
ابدععععععع
مسكونى المايك بس وشوفو
هههه
:**


خليييهم يا كويت دوول الى صحى قلوبنا يصحى قلوبهم
زمانهم كفيلهم

والله يحفظ القلوب الرهيفه ويرزقها الى يستاهلها

اميييييييييين

charisma said...

حمودى:

ههههههههه
الحال من بعضه


فهد العسكر:

اييييه يا فهد ايييييه
خلها على الله


الهوى ودانى لى منسيه
لى دار مره ثانيه اروح صوب القيصيريه

;P



عتيجه:

هلا بعتييجه
يا مطول الغيبات

ولهنا عليج وعلى كومنتاتج


لووووووووووووووووووووووول
يعنى موديل المستحيه

:P

تدريين انى استمتعت بالنبذه
ما ادرى انها ام عادل وما تييب عيال
:(

تونى ادرى

ببجى معاج
:(

الله يرحمها