Thursday, April 17, 2008

سامحنى خطيت وخانى التعبير

اتحداك إذا تقدر تخاصمني


اتحداك



ما تقدر تخاصمني ولا أقدر أنا انساك



اتحداك . . .


في عيونك أشوف أشواق تكلمني




تقول لا يمكن أنت في يوم تخاصمني



وسطورك لما تبعثها بحنين وحب



تذوّب كل شيء بيننا



يصد الحب وتتحدى الزمن


بالشوق مثل ما انا اتحداك


تقول انساك


وانت اللي قضيت جنبي ليالي


ما عرفها الحب من قبلك ومن قبلي


تقول انساك وانت اللي تعيش الحب في عيوني



ومن اجلي ماتقدر تخاصمني



ولا اقدر انا انساك



اتحداك.





الشاعر فايق عبدالجليل





ترى شروة الخاطر ما اتكلف

اذا تحب شخص وغلطت عليه لا تتركه

اشتريه بالكلمه الطيبه

اشتريه بانك اتبين غلاه وقدره

قول اسف انا خطيت

اتوقع مو صعب !




36 comments:

DiLLi O MiLLi said...

لو تقول اسف حبيبي
ماظن انها تفيد
ماظن العذر ينفع
العذر ماهو طبيب

لا تأسـف لا تندم
لا تقول ولا تعيد
روح بدموعك تراها
لا تودي ولا تجيب

منقول
:)

أشرايج بهالشاعر المستعسر ؟
ههههههههههه





صــــح ألســـانج حبيبتــــي
لا ماااا تكلف
واللســــان الطيـــب ما يتعّــــب
وأقـــووووول أأأأســـف أذا خطيــــت

:)


بـــوووســـت كلــــه طٍيِبـــه
مثـل اللي كاتبتـــــة


:**

مُحَسّدْ said...

لا نملك شجاعة الاعتراف بالخطأ والاعتذار

vancouver said...

لااااااا والله كلش مو صعب
بس المشكله لما المخطي ما يهمه
ويعطي الطرف الثاني طاف
:\

---

تذكرين اغنيه نبيل القديييييمه
يبغي السماح
ترى كلاااامها عجيب
ما اذكره عدل
بس يقول فيها
والكل منا يعز عليه يعترف بغلطته
والكل منا يعز عليه تنزل الارض كلمته
يبغي السماح وابغي السماح
...
المهم بالنهايه ولا واحد تنازل
وظلوا متزاعلين
اشراااايج
:|

charisma said...

يا مسااء الحب على الحبايب

ديللى وميللى:

لا لا لا مسكييين هذا ماكل تبن منها
الى مو قادر يغفر لها
وعليه شوفى شمسويه فيه

مستعسر عدل
;pP


يا بعد عمرى انتى
الطيب باصلج يا ديللى

وهذى لج

فى الدنيا قلوب عنها ما نقدر نتوب
تتعبنا وتخجلنا برقة الاسلوب
صعب اختفى من عيونهم
وصعب انسى صوتهم
وصعب افارق ضحكتهم
وصعب اعيش بدونهم
يا ربى نور قلوبهم
ولا تحرمنى من وجودهم

اميين
:**

charisma said...

محسد:

صح كلامك
بس لى وصل عند ناس تغليهم صدقنى بتقدر
:)

حياك الله محسد

charisma said...

فانكووفر:

هلا بالطش والرش هلا
ان شاااءالله تكونيين بالف خير
والله يوفقكم يا فانكوفر ويردكم بالسلامه
:**

هذا المخطأ بايع
وصدقينى اهو الخسران
خصوصا اذا عطاج ظهره ومشى!

الله معاه!
ترى اتحز بالخاطر
وخصوصا اذا رد يتعامل معاج وعطى الموضوع طاف !!



افااا هذى النهايه
ههههههههههههه
لا والله ما اذكر كلامها
بدورها واسمعها

بس كلمات عبدالكريم فى سامحنى خطييت
اففف عجييبه بالصميم

ولا لما يقول

اعترافى لك مو معناته ضعف
اعرافى لك من ذوقى ولطفى

انا اشهد وترى تردين اقوى للى شاريج وشارى خاطرج
ما تنسين هالموقف له ابدا
ترتفع اسهمه بقلبج

:**

فراوله said...

مساالورد والجوري
غاليتي الحبيبه
كروزه
بالنسبه للشعر فهو قمة بالروعه
كفايه انه من فايق عبدالجليل
:)
والله الانسان تمر عليه حالات عجيبه زعل...حزن...فرح
بس بالنهايه المفروض ماينسي اقرب الناس له
واذا غلط بحقهم لازم يعتذر خصوصا اذا كان يغليهم ولهم مكانه بقلبه
مثل مكانج انتي بقلبي
:***

5roofa said...

انا اسفه

انه يعني خرعتج و ضايقتج و سويت سالفه

:*
على راسج يا اغلى كاريزماا

الاغنيه روعه مثل صاحبتها

مشكورة على كل شي كارزما بس سوريانتي قلتي دزيتي ايميل و ما وصلي شي سووري

love u sis

slamz...

MANAF said...

عسى الغلطه مو جايده هالمره يا كريزما



:))


ولو انها ما تطلع منج العيبه


..

7osen said...

صباح الخير على الناس الغير

تسلمين على هالإختيار الروعة

وشنو أحلى من فايق

***
الإعتذار وكلمة أسف تنقال للناس إللي تستاهل

لكن في ناس بالفعل ماتستحق الإعتذار

**
تحياتي لج عزيزتي

charisma said...

فراوله:

مساء الحب هلا بفراوله

فايق احساسه عجيب بالكلمه وايد احبه

الله يرحمه

صح كلامج الغالى والى بينج وبينه عشرة عمر صعب نسيانه
بس فى فرق بين الناس الى تبيع وبين الناس الى تشترى


حبييبتى انتى
تسلمين يا احلى فراوله
:*

charisma said...

5roofa:

هلا وغلا
لا تقولين اسفه حبيبتى انتى
بس بوستج زوغ قلبى عليك
عورتى قلبى
يالله الحمدالله على كل حال
هذى الدنيا يا خروفا محد مرتاح

وى وى وى بعد راسى انتى يسلم راسج يا خروفا
:)

هااو ويين راح ايميلى يا حسرتى
لووووووووووووول
ادوره بالسند ايميلز وارد ادزه لج

love u 2

:**

charisma said...

manaf:

يا مطول الغيبات
اهلا بالسيد مناف اهلا
:)

ههههههههههه
اذونى يا مناف اذوونى

بس مشكله بقلبى ما يقدر يبيع حبايبه
والى يبين غلاى ارجع له
:/

هههههههههه
محد خالى من العيوب

:)

charisma said...

7osen:

هلا وغلا بحسين

اى والله انسان قمه بالاحساس الله يرحمه


تستاهل ولا ما تستاهل الى يغلط لازم يعتذر يبين غلطه الا اذا فى شى ثانى !!

حياك الله دير

حسافتج يا كويت said...

لا واللة مو صعبة


و عيوني فدوة للحبيب

وفدة لج عمر وكل اللي تبينة

عين خلج ماتشوف ألا انتي زينة

لا يازينة لا يازينة الزعل جايد علينا


والبوست وايد حلو

Snow White said...

أحيانا في ناس حتى لو تعتذرين لهم ما يتقبلون اعتذارج قلبهم قاسي :/

وفي ناس تقدرينهم وتحترمينهم ومع هذا يعاملنوج معامله سيئة !

عن نفسي أحاول أنسى وما أشيل بقلبي

بالنهايه الناس معادن فيهم الزين وفيهم الشين

دمتي بخير :)

charisma said...

حسافتج يا كويت:

يا سلام عليك انت
الله لا يخليك من حبايبك ولا يجيب الزعل
امين


وجودك الاحلى يا حسافتج

خوش كومنت فرحنى
:)

charisma said...

snow white:

هلا فيج عزيزتى

الى قلبه قاسى خليه له شعليج منه
خيره :)

اهم شى انتى ريحتى ضميرج حبيبتى

صح الناس معادن بالضبط

حياج الله
:)

بـابـل said...

مساء الورد

الله يرحم فايق

كان قطعة إحساس ومحلى الكويت بمشاعرة الحلوة

الزعل ملح المحبة


بس الرضا أحلى


والأعتذار مو إهانة لنا إذا كنا غلطانين


بوست حلو


وبس



بابل

charisma said...

يا هلا فى بابل
مسااء الخير
:)

اى والله انا ااشهد
الله يرحمه

وجودك الاحلى
تسلم يا بابل
منور

الزين said...

:(

I will get back 2 u

I have alot to say

laaaaaaater

:**

Mishari said...

انتي عجيبة الصراحة
1- لانج حاطه الصرعاوي
2- لان الاختيار لفايق عبدالجليل وهذا اروع شى ممكن ينحط :)

صباح الخير :)

charisma said...

زيوووون

لا تحطيين لى ساد فيييس

:***

حبيبتى انتى دشيلى والكشره من هنيي لى هنا
;)

ناطره الدرر يا الزين المزين انتى

:*

charisma said...

مشارى:

:)))

يا بختى

اول شى الصرعاوى يستاهل من يحطه
عمرى ما عرفت انسان بمعنى الكلمه مثل ما عرفت هالانسان
صعب اتكلم عنه

وفايق غنى عن التعريف
كتله احساس الله يرحمه

شاكره مرورك مشارى
:)

Q8ya said...

اااااااااااالله ...:)

والله انج ذوووق احب هالاغنية وااااااااااااايد ...سامحنييييييييييي خطييييييييييييييييت

كلمات فايق عبدالجليل شي مو طبيعي انا توني بديت اقرا له والله انه عجيب بشكل مو طبيعي...:)

طول عمرج احساسا وذوق ..:)

p.s

walhana 3alech...;**

charisma said...

حبيبتى انتى
هلا وغلا بكويتيه نورتينى
وانا اكثر ولهانه علييج
بس انتى وقفتى تدوين ما اتبينين
:**

الذووق والاحساس عندج انتى
منورتنى يا كويتيه
اسعدنى وجودج والله
:)

Najmah said...

الله

تدرين شكثر انا ارتحت من بوستج اليوم

كريزمااا

اي والله شروة الخاطر ماتكلف

ليش في ناس يستخسرون كلمة طيبة
كلمة حلوة
مع انها تسوي واااايد

شكرااا :)

Barrak said...

ليش ياوخيتي سامحني خطيت

رديتيني سنين


دائما اتهرب من هذه الاغنيه

لكنك رديتيني

Mok said...

مساءك سكر:)


الى متى عايشه في الاحزان ؟:)

حكمت من خلال البوستات الحزينه

الخيلاء said...

كريزما

رقيقه الكلمات
وايد ناعمه


و اذا اهما عزيزين اكيد خاطرهم ينشرى باغلى الاثمان

:)

charisma said...

نجمه:

هلا وغلا

حبييبتى انتى عسى دووم مرتاحه

تدرين وين المشكله؟؟
ان الى يزعل الطرف الثانى يحتاار ويمكن يصد وينحاش عشان مو عارف يبدى بالاعتذار
ما يدرى ان كلمه طيبه وكلمه حلوه ترد وتعيد الى كان وتصفى القلوب

عفوا يا احلى نجمه
:)

charisma said...

براك:

وى وى
السمووحه يا براك اذا قلبت المواجع
://
يا ربى رديتك لسنين حلو يا رب

:/

charisma said...

mok:

مساااء الورد
اهلا وسهلا
:)

ههههههههههه
اسم الله على لا ما فينى الا العافيه
بس تمر على مواقف من اهنى وهناك احب ادونها للذكرى بس
:)

charisma said...

الخيلالاء:


يسس صح كلامج
:)

منوره يا الخيلاء
:*

فريج سعود said...

مزعلة منو ولا منو مزعلج ولا شسالفة ؟

charisma said...

صباح الخير

فريج سعود انا ما ازعل احد ترى
ما اقدر
:/