![](https://blogger.googleusercontent.com/img/b/R29vZ2xl/AVvXsEhEK7V8NKFcRRFP_lhJribYfDHWtf9dd2J0_fOjVhbO2W_UrVzpT-HKfiiT7Ox0fQKedjB7dXb2frw83TjQ-iH8kYJ5zLUrQ2YwqXRSMvQwddgw0QVlfDZaqSj5sWWqVv3oJIngjznAlTlg/s320/why.jpg)
لا اتصدق من حكى لك من حكى لك يحكى فيك
لو هو بالظاهر بدالك طيب وخايف عليك
والى قاله فيى غيابى قاله عنك وانت غايب
لا تامن لا تصدق الحذر بالحب واجب
طيبتك خلها بحدود لا ترخى ولا تشد
لا تجامل باى وعود حط للواشين حد
يا ما غيرك صدقوا وانتهى حبهم وراح
اصبحوا بس ما لقوا غير ونات الجراح
وماهى كل مره تسلم الجره
ولا اتصدق من حكى لك من حكى لك يحكى فيك
حبيبى حبيبى لا تطاوعهم بعضهم وياك وبالخفى ضدك يا حبيبى
حبيبى حبيبى لا تطاوعهم بعضهم وياك وبالخفى ضدك يا حبيبى
حبيبى حبيبى رد واجهم لو صار ما صار اثبت ابردك
حتى لو هم قالوا يا سيدى افرض
لو قالوا ما قالو امتنع وارفض
تطمن يا حبيبى تطمن
تأكد يا حبيبى تأكد
بعدى مثل ما انا حبيبك المخلص
وان كان على شوقى يزيد ما ينقص
وماهى كل مره تسلم الجره
من الامور الى اضايقنى وايد بدنيتى هالسالفه
امس قعدت مع وحده تعز على وتشكى من هالسالفه
والله انا من صجى تعبت من هالسوالف والله الناس صايره تاكل فى بعض ليش
وانا ما احترم اى شخص ياخذ انطباع عن شخص بدون ما يعرفه بس من حجى ناس يوصله
لا تكونون انطباع عن شخص وتظلمونه قبل لا تعرفونه ترى حرام جذى
وانتى يا حبيبتى يا بعد عمرى يا ارفيجتى وكلى امرج لرب العالمين
وايد طرت علي كلمات هالاغنيه مع هالموضوع
صدقت يا بو خالد
من الامور الى اضايقنى وايد بدنيتى هالسالفه
الى يمسك الناس ويشوه بسمعة خلق الله
ادش وتعاشرهم بكل حب وطيبه ، ومن وراج تتكلم بظهرج تشوه سمعتج
ليش لانها ما تحبج او محتره منج او تغار او لانها كانت صديقتج وتهاوشتو
فا على وعلى اعدائى
امس قعدت مع وحده تعز على وتشكى من هالسالفه
ان وحده تعرفها زين تمشى واطلع حجى مو زين عنها
لى درجه خلت خلق الله يوخرون عنها المراد انها عرفتها بالنهايه
تقولى كريزماا مانى مصدقه ليش تمشى واتحجى فينى ما بينى وبينها شى
تقولى كريزماا مانى مصدقه ليش تمشى واتحجى فينى ما بينى وبينها شى
علاقتى فيها زينه وطيبه!!! ليش قاعد اتبلى على تقول اشياء ما صارت ليش انا شمسويتلها
والله انا من صجى تعبت من هالسوالف والله الناس صايره تاكل فى بعض ليش
دعوا الخلق للخاااالق ، الله يستر على الجميع ليش كل وحده اطلع خياس الثانيه يهاال ؟؟
وانا ما احترم اى شخص ياخذ انطباع عن شخص بدون ما يعرفه بس من حجى ناس يوصله
انت ما تعرفه ولا قعدت معاه تشين النفس وتكره ليش؟؟
لا تكونون انطباع عن شخص وتظلمونه قبل لا تعرفونه ترى حرام جذى
وانتى يا حبيبتى يا بعد عمرى يا ارفيجتى وكلى امرج لرب العالمين
خل يحشون وخل يكرهونج ما يروح عند رب العالمين
واحسن ترى تخفيف ذنوب
:)
من كل قلبى شكر خااص للى ساعدنى و عطانى كلمات هالاغنيه
عسانى ما انحرم
شكرا جزيلا
:)
55 comments:
الإحساس عند البعض بالنقص وعدم الثقه في الناس
يخلق منهم غول نميمه
وغير هذا عندهم إستعداد
يتسلقون على رقاب الخلق حتى لو كان الدافع
مصالح جدا صغيره
إحساسك فيه ألم
الله يبعد عنك وعنا الهم
i always say.. "Don't judge before you get to know the person"
فعلا لأني وايد انقرصت من هالشي
فما لازم نحكم على أحد بسبب ان أحد تكلم عنه أو شي.. اذا ما شفت بعيني.. ما أصدق
تسلم ايدج كاريزما على هالبوست
الناس قامت تاكل بعضها بعض
التنبش ليييش يعني
بس ما عليج
قولي حق رفيجتج إن الله وياها
وبيي يوم و بتكلمون عنها ناس
يختج الحريم بلشه
ولا هالنوعيه
مال يجوون لسانهم
تقول شي ما فيها
مصيبه والله
يا ربي لا إتطيحني وياج علي أوادم من هالنوعيه
اي و الله يا كاريزما
وايد ناس يسوون جذي
اذا حبتك عيني ما ضامك الدهر
يوصلونج سااااااابع سما
و يسوونج يا دهينه لا تنكتين
و ان كرهوج عاد شيفكج من حجيهم
انزين انتي ما تحبين هالانسانه وخري عنها
قطعي علاقتج فيها
ليش تتبلين عليها
اللي يتصرف معاج تصرف ممكن ما يتصرفه مع احد ثاني
بس ايضا كاريزما ما ننسى حسن النية
يعني ساعات واحده تكون عارفة هالانسانه و خابصتها عدل
مافي مانع تحذرج منها عشان تبتعدين قبل لا تقربين اكثر من اللازم
موضوع صعب صراحة مادري الشكوى لله
تصدقين سوها فينى واااااااااايد
بس طبيعتى اسكت واقول ميخالف
يقولون مسوى نفسه مثالى
يقولون مغرور
يقولون مليون شغله
ولا يهز شعرة من راسى
بكل بساطة مقتنع انى بشر
ومانى ملاك وطبيعى راح اخطأ ولكن عندى يدرى شنو اللى بقلبى
yello
hmmm, awal shai thanx 3ala el post
men 3omr el dinia oo fi awadim chithi 3a6aliya ba6aliya omahaat malyoon wayh ..
ana men na7yiti ata3amal ma3a el maw'6o3 eb 2 ways, 3ala 7asb el ademia/adimi elli jdami ..
ya a7rijha jdam lawadim elli ehya met7achyatlohom ni'6am " et9adgeen flana ygolon eni ray7a wila msawya wila elli ohwa ( el7achi elli gaylita) ..." o hatha wayhi en ma insam6at
lestiratigiya ethania ya eni a36eha theech enafs men '3eer ma ata7acha or eni akoon ma3aha 7adi mo nice ila 7ad el nice 3ashan ashakikha eb 3mrha (6)
oo as for el nas eli ta7achat lhom ... elli may3arkif maythamnik so why would i care ?
elli 9adgaw 7acheeha ohma 3ala shakilat'ha itha arda..
chini hathart wayid :P
yalla nshoof wishoko be'7eer
;7osh post , liked it big time
الناس
هاليومين متروسين بالعقد النفسية
وكلهم عقد ليس لها تفسير منطقي
خصوصا الحريم صراحة
ودون تجني عالمكم مع بعض
واااي شنو صعب
تعملك مع بعض ملئ بالعقد
والبريستيج الوهمي
فعلا عالمكم متعب الله يعيينكم على انفسكم
فعلاااااااااااا
كلامج صصصصصح
طبعا كلماااااااات الاغنيه روعه
و ناهييييييييج عن الايام الي كانت اتذكرنا في هالاغنيه لما كنا يهال
بسسسسسسسس صج
شنووووو يعني ناس تنقل حجي
ليشششششش؟؟
شالمستفيد يعني
غيره؟؟
حقد
؟؟
انزييييييييييييين الرفيجه الي اطلع عن رفيجتها حجي
لش رافجتها اصلا ؟؟
والله عقووووووول مو صااحيه
قولي حق رفيجتج ما عليج من احد
لووووووو ما اهي بتموت منج و الا ما جان تمشي و تتحجى
و الناس الي تعطي اذنها حق الناس
تركها ترا افضل
في وايد بنات للاسف ما عرفوا يكسبون حب الناس الا بالحجي
يعني بذمتح يا كاريزما
حب الناس ماكو اسهل منه
شي من الله
الواحد لما يكون صادق و زين الناس غصبن عليها بتحبه
لانه يدرون صادق وياهم
ما عليييييييج من الي يتكلم في الناس
لا تسمعيهم و زين سويتي بردتي قلب رفيجتج
لا خلى و لا عدم
طووووووووول عمرج مبرده القلوب
يدادلج
صبحكم الله بالخير
الذيب:
حيالله الذيب
اى يبتها بالضبط
الاحساس بالنقص وعدم الثقه يخلق منهم غول نميمه
اى والله صاج
اميين اجمعين
تسلم
رفلكشن:
انا بعد انقرصت مثلج بس حيا قلبى مانى الاوليه
الله يسلمج حبيبتى
ريمه:
ولالالا ريمه يايتلى انا
الى انا ناااضيه مستويه من هالسوالف
هههههههه
لو شايفه ويهى وانا اسمع لها وابتسامه على وريهى
بقلبى اقول
بس بس بس بسسسسسسسسسسس
بس لازم ابين الكير لانى احبها
اااامين يا ربى
بيربل:
هلا وغلا
اصدقين على قولت يوصلونج سابع سما
دايما اذا كنتى بالعلاقه ما تكتشفين الى معاج الا بعد فرقاه
لان يطلع على حقيقته
يطلع المعدن على اصله
فى ناس وجودهم بحياتج حبايب وحتى لما تتركينهم حبايب
وفى ناس العكس وجودهم يظهرون انهم حبايب ولما تتركينهم يطلعون على حقيقتهم
صاجه حسن النيه بالناس واجب
بس ما نصير مغفليم بيربل
زمانا ما يمشى فيه حسن النيه
لازم تكونين صاحيه ولا تروحين فيها
الحمدالله على كل حال يا بيربل
مشارى:
هلا بمشارى
الدنيا ادور يا خوى
والايام تثبت لهم اكيد انت شنو
تعجبنى ثقت الانسان بنفسه
الله يكملك بزينك
the voice within:
:))))
منورتنى باول زياره
وكلالامج شى شى
هههههههههههه
باخذ كورسات منج بكيفيه التعامل مع البشر الى من هالنوع
عجبتينى الصراحه
:))))
اي والله محد يسلم من الحجي خاصة بمجتمنا بس اتصدقين كاريزما كل مل حجووو الناس فيك كل ما الله كبر حظج انا هالشي مؤمنه فيه
tresten:
احلى كلمه قلتها
البرستيييج الوهمى
صح السانك
الله يعين
المصيبه كل وحده تشوف نفسها الزينه
محد يتواضه ويتنزل يفهم غيره
مصيبه
لوير:
حيالله لوير
محد علق على الاغنيه وكلماتها غيرج
انا واايد كنت احبها
وما ادرى من قررت اكتب الموضوع طرت على كلماتها
قعدت احوووس ادورها امس عشان اسمعها واذكر ايامها الحلوه
ليش رافجتها اصلا ؟؟
لانها ما تدرى عنها
لو تدرى اكيد ما رافجتها
اى والله صاجه كلامج صح
طوووووول عمرى عاد
:))
لا لا غلطانه
مو طوووول عمرى
وبعدين مو يداادلج
لالالا
ايددالج
;)
شكشكا:
هلا وغلا
اى والله انا اشهد
كل ما حجو الناس فيج كل ما الله سبحانه كبر حظج
ونعم بالله
الحمدالله ان رب العالمين عالم بالنيات
لوير:
تونى انتبه
ادااادلج
والله ياكريزما هذول هم فيهم طبع التقزيم اللهم ياكافي !؟
الله يعينهم على روحهم
ربي لك الحمد والشكر يااااارب
وأدري إن اللي يتحجى لي
- ينقل لي الكلام -
شي طبيعي يتحجى فيني
لا وابشرج بعد يزيدون بهارات من عندهم
والله اليوم مادري شفيني سرحت بموقف صار له فتـــره بس استغربت من الانسانه هذي ؟ والمشكله عبالها إنها انسانه صاحية والا بكامل قواها العقلية
ماقول غير يالله لا تبلااااانااااا
ريلاكس:
اى والله يا ريلاكس ييزيدون بهارات
وعلى قولت ريمه بهارات تلسع
شوفي يا كاريزما
ما ينحذف بالحصا إلا الشجرة اللي فيها ثمر
واللي بيته من زجاج لا يحذف الناس بحجر
كلنا فينا عيوب منها اللي الله ساترها ومنها اللي الله فاضحها
فلا نقعد نيود على بعض الغلطه والهفوة ونعيب في بعض
محد منا خالي من العيوب
وبالنهاية ما يبقى إلا السيرة الطيبة
والكلمة الطيبه مهما كان اهي اللي تترك أثر مثل البذرة الطيبة
تطلع احلى الثمر
موضوعج حلو
كاريزما
تخيلي بس ان الرسول صلى الله عليه واله وسلم
يقول:
والله لا يؤمن احدكم حتى يحب لأخيه ما يحبه لنفسه
..
صدق رسول الله
...
لما نبعد وايد عن ديننا
يصير فينا جذي والعن
ما نختار ربع سنعين
ونقصر في حق نفسنا وحق ربنا
تقسى قلوبنا
ونقطع صلة الرحم
والله يزيدنا فقر
وهم
....
لا حول ولا قوة الا بالله العلي العظيم
..
الرفيج اللي ما يعدني فايده
ما اعدّه راس مال
الله يكفينا شر الحكى
هالأيام كاثر بالديره
مساج الله بالخير اخيتي كاريزما
المشكلة يا اخيتي الواحد شسوي مع هالنوعية!!؟ ماكو الا الوحد يطنشهم لان هذول الناس مو كفو الواحد يحط لهم اعتبار ..و الغيرة و الحسد تارسة الديرة...و المسألة بالنهاية احساس بالنقص عند هالفئة
اختي كريزما ...مرحبا
الموضوع تنحسدين عليه :P والاخطر منه هذي الاغنيه المعبره جدا جدا عن الفكره
حجي الناس مايخلص ..وكثير منهم مايعطون خير :( ولا يحبونه حق غيرهم .
انتي نقيتي عبدالله الرويشد ,,وانا راح ارد عليج بكلام محمد عبدو
مهما يقولون مهما صار مهما تم
انت البدايات ,,واخر ساحل ومينا
من هرجت الناس للعذال لا تهتم
لو هم يحسون فينا ما حكوا فينا
***
حجي الناس مايخلص والشاطر اللي يحقرهم وانتي بعد حيلج فيهم :)
موضوعج وايد معقد والخوض فيه اوصلج الى نتيجة عقيمة .. كل واحد في هالدنيا اكيد انقرصت من اللي حواليه ماكو احد خالي .. بس انا اشوف هالشي من ناحية اجابية قوليلي اشلون؟؟لان لو ما انقرصتي من الناس اشلون كنتي بتعرفين الزين من الشين اشلون كنتي ابتكسبين خبرة في تعامج مع اي صداقة جديدة... انا وحدة من الناس تعلمت ان اعامل اللي جدامي بما يرضي ربي وهو كفيل بانه يبينلي الزين من الشين..
وصدقيني صفي نيتج وشوفي ربج الكريم اشلون يكشفلج الناس ( الله ما يجمع اثنين على شر) واكو مقولة تقول ... اذا ركلك احد من الخلف فاعلم انك في المقدمة
ولازم اتعرفين ان صبرج على اذى الناس لج كله اجر وتخفيف ذنوب
ادري مستغربة من اني علقت عندج!! بس لان موضوعج يهم كل واحد وقلت يمكن احد يستفي من كلامي
الكلمات تطلع من هالناس سم و سجاجين ... الله يكفينا شرهم
شكرا لج
صباح الخير
:)
zozota:
اذا موضوعى حلو فكلامج احلى يا زوزوتا
صدقتى محد خالى من العيوب
مناف:
عليه الصلاة والسلام
صح كلامك مناف
الله يرحمن برحمتة يا رب
جاى حليب:
امين يا جاى حليب
:)
عثمانى :
هلا بعثمانى
اى والله انطنشهم
بس مرات تحتر اتحس ان يتبلوون عليك
فعلا احساس بالنقص
ماكو انسان سوى وقلبه نظيف يسوى جذى
سليمان :
هلا بسليمان منورنى
اى الاغنيه يت فى محلها
وانا اكتب الموضوع ذكرتها
ما تتخيل الحوسا الى صارت عشان اتذكر الكلمات عدل
:))))
تعبت بالكبليهااات
تعبت
:)
الله وايد احب هالاغنيه
ان شاءالله
:)
نينا:
اول شى تنورينى بكل مشاركه
وحياج الله
وكلامج عين العقل
وصح لو ما ننقرص ما نتعلم من هالدنيا
وعلى قولتهم كل طراق بتعلوم
لا بالعكس
صج اسم يديد
بس تسعدنى مشاركتج
حياج الله
ابو اسحق:
اميين يا رب
حياك الله يا بواسحق
كلمات الاغنيه وااايد حلوه
لايقه مع الموضوع
اختيار متميز
قريتها وقمت اغنيها علقت معاي
:)
تصدقين انا اعتقد ان الاشخاص اللى يسوون جذي مرضى نفسيين ويعانون من عقد
يعني هذا شي اكيد
والمشكله الناس اللى تصدق
ما نقول الا
الله يعينهم على انفسهم
خالد الفيصل يقول:
كل يعود لأصل جده ومرباه... راعي الشرف يشرف والأنذال يهون
.
لا تامن الخوان لو زخرف حكاه...من خن بك مره يبي باجر يخون
.
الله يكافينا وياكم شر:"كل هماز مشاء بنمين"
اللهم أأأمين:)
حسين:
هههه
بعض مما عندكم
شكرا شكرا
انا بعد اعتقد جذى
ان فيهم مرض نفسى
محد سويى يسوى الى يسوونه
الله يبعدهم عنا ويكافينا شرهم
بوغازى:
الله على خالد الفيصل وكلامه
امين يا بو غازى
هالنوعية تلقين يعانون من شي داخلهم !
مادري يمكن حالة نفسية !!!
يحبون يتكلمون بالناس
ويخربون عليهم
يبون يلفتون النظر والانتباه لهم
فـ يتكلمون بغيرهم حتى لو بالجذب
الله يكفينا شر هالنوعية
واللي يحر أكثر إنهم جدامي يكونون عسسل
ووراي يتكلمون فيني !!
صج منافقين !!
الله يعينا عليهم ويكفينا شرهم
والله يعين صاحبتج يارب
مساالسعاده الدائمه
لكريزما الغاليه
والله يالغاليه منو منا ما واجه هالمشكله
يمكن الغالبيه العضمى منا واجهوها
وتاذوا منها بعد
بس شنقول
عسى كل واحد بنهش بلحم وشرف انسان ماله ذنب
يلقى جزاه عند رب العالمين
قولى آميييين
دمت يالغاليه
:))))
حاسفه صار الحش والتكلم عن ناس متعه تجتمع عليها البنات والحريم وهم الريايل
الناس صار ماعندها الا تسولف عن غيرها ونادر ما يكون بالخير
صار العياب والتطنز من اهم صفات المتحدثين
:s
charisma;
تصدقين ،، مرات اسكر الاف ام واغني هالاغنيه وخاصة مقطع:
"بعدي مثل ما انا حبيبك المخلص
وان كان على شوقي يزيد ما ينقص"
عموماً..
سوالف الحجي والحش والتقرض، مريت فيها وايد.. فيني طبع إذا واحد تحجى عن فلان احط عليه اكس،، حتى لو كان الكلام صحيح لأنه الطرف ثاني غير موجود عشان يبرر موقفه ويرد على الكلام..
مره من المرات.. طلع حجي علي وخلوني "كافر" والله ليش؟ لأني تناقشت ويا واحد من الشباب واختلفت وياه وقال إن فلان طب بالقرآن .. طبعاً الحجي كله صار من وراي وانا مادري وفجأة دريت عن طريق اثنين من الشباب اللي كانوا موجودين وماصدقوا الحجي وحبوا يعرفون السالفة مني.. وضحتلهم وكل شي.. بس هم الفكرة للحينها عند غيرهم، يعني لي درجة صورتي عندهم صارت سلبية جداً جداً جداً.. فما لقيت حل إلا اني اقضبهم واحد واحد وابررلهم واوضح لهم كلامي.. وانقلبت الآية وتغيرت الفكرة
بس المشكلة إني ما طبقت كلام بو خالد
لما قال:
"حبيبي حبيبي رد واجهم
لو صار ما صار اثبت ابردك"
وطنشت وقلت طاف..
المشكله مابيني وبينه شي وللحين رفيجي :P
قرقت وايد "مو"؟
تحياتي
:P mnawir el blog eb wojodich :P
eljomla fiha shai '3ala6 3adi badliat :P
wala taben el 9ij ? el6ayib weli 3ala niyata may3eesh eb mojtama3na wala eb i mojtama3 thani
so what the heck ?
u've got to fight back :P
salamz :P
صباح الخير
شهد :
صح كلامج يعانون بالضبط
فيهم بلا
امين حبيبتى وياج
فراوله :
هلا وكل الهلا بفراوله
اى والله صدقتى كل منا مر بحياتا من هالنوع
منا الى اكتشف ومنا الى الله يعلم شنقال وحجى
اميين حبيبتى انتى
سنعه ولكن:
والله يا سنعه انى ما القى راحتى النفسيه الا عند الناس الى ما تتكلم وتييب طارى فلانه وعلانه
وهم مع الاسف نادرين
واتصدقين دايما هالناس الى كافه عافه
تلاقينهم مو مختلطين بالمجتمع لهم حياتهم الخاصه !!
غريبه
اى الرياييل تعالى شوفيهم عندنا بالدواام
ويييع ما احب ريال يحش ويقرض
عندى البنت تهون
:/
وقار:
هلا بوقار
اى الاغنيه عجيبه اذكرها زين واذكر زمانها
وبينى وبينك اغانى رويشد القديمه ترى خطيره
مع مغيب الشمس وبجو هادى
ابتدينا بهمس وانتهينا بهمس وافترقت الايادى
بقى خوف يهز الروح وجروح اجر اجروح ينادى لا لا تروح مع مغيب الشمس
وقاار
كلا منك ذكرتنى
انا اسكر الاف ام اغنى هالاغنيه
:)
هذا موقف من المواقف الى انت مريت فيه
وتخيل ان ما وصلك الحجى ومحد قالك
بتصير منبوذ وكافر على قولتك وانت مو قصدك !!
سالفتك من السوالف الى اقصدها
وصدقنى الى يو قالولك قالو لان يعرفونك ولا يبون ياخذون عنك فكره ويعزونك
الله يبعدنا عنهم امين
حيالله وقار
وقار
لا ما قرقت وايد بيتك ومكانك يا خوى
the voic within:
hhehehhehhehe
la t7aten fahamt qa9dech aw 3alajt bdleyatch
estw3bt qa9dech
:))
ee walaah el 6ayeeb malah mukan
lazm ye7yaah glbch laazm
mnawrtnii :)
كروزتي الحبيبة
ياختج الناس ما تخلي الناس
الحقد والحسد بينهم أكثر من الهوى
على أقل شي يحسدون ويحقدون.. بس ما يدرون كلن في قلبه شقى إلي له
ومثل ماقلتي .. زيادة حسنات لرفيجتج .. وماتدرين يمكن رب العالمين بيرفعها لدرجات أعلى
الله يكافينا هالناس إلي ما شغلتها غير الحجي والتعذرب بالناس
الله يكافينا الشر
والله يهديهم
الماس:
حبيبتى انتى
اى والله كل شى خيره من رب العالمين
الله عالم بالنيات يا الماس
قتلها
:)
المشكله لما احنا ما انتعلم .. في ناس ايقولون لك دير بالك .. بس غير سالفه كل ما قعدت مع واحد اتدير بالك !! مو وناسه جذي !
و ايقولون : لا تمدح واحد بعدين اتذمه .. لانه جذي لعيب يكون فيك .. فكر قبل لا اتقول شي .
وااي كاريزما صج الموضوع يحر
ومنتشر واايد
حسبي الله عليهم من ناس
مايخافون الله
انزين ماتخاف من الحوبه؟
افففففف استغفر الله
الواحد حلاته مايعطي الناس ويه زياده عن اللزوم
اكو نوعيه من الناس مايفيد معاها الا الجعام والتدقر والحقران
والله يصيرون خوووش ناس ويحترمونج ويحسبون لج الف حساب
وهذي النوعيه انا معاشرتهم وقراب مني
ونصحيتي ترا بس هذي الطريقه اللي تفيد معاهم
اتفق مع كلام what will be:
ما لازم نعطي الغير اكثر من حجمه
ولازم تقييس عقله وفكره عشان تعرف شلون تتحجى معاه
لأنه اذا سولفت وياه بشغلات فوق عقله .. راح يتحجى عنك فيها.. والسبب شنو؟ انبهاره.. مثل ما حصلي
واهم شي اهم شي
لابد من المواجهة
على قولة القايل
إن لم تكن ذئباً شديد القوام ،، لـ.... عليك الثعالب
تحياتي
ياختي ديره تحب القرض والحجي وتربط العصاعص انا بحياتي ما شفت
ياربي الدنيا دين وحساب وعقاب اتعيظوااا من الي قبلكم...سبحانه يخسف بعباده الظالمين...ومايصح الا الصحيح ولو بعد حين
والله يهدي الجميع
لو كل شخص
يحط جدام عينه هالآية الكريمة
ما راح يكون في مثل هالشي
إذا مو خصلة حميدة وخلق كريم
على الأقل خوف من الله
الله سبحانه شبه النميمة والغيبة
من شدة قباحتها بأكل اللحم الميت
قال تعالى: "ولا يغتب بعضكم بعضاً أيحب أحدكم أن يأكل لحم أخيه ميتاً فكرهتموه"
المشكلة صارت ان البعض يستسهل هالشيء
سواء اللي قاعد يقول أو الشخص اللي قاعد يسمع..
احيانا لما تحاول وحده تقول عن انسانة
حتى لو ماكنت اودها كلام مني مناك
أقطع السالفه واقولها
مالنا شغل فيها..
لييش التنبش
والحفر
واسلوب الأقنعه في التعامل مع البشر
اففففففففف
sailor:
التعامل مع الناس صار صعب
الناس ماهى مثل اول
صاروا يخرعون
عاد اصدق
كل وحده او واحد عرفت وقالولى ديرى بالج
ولا اسمع الكلام
اكلها بعدين!
حياك الله
what will be will be:
يمكن كلامج صح
بس انا من الناس الى ما اعرف ادقر احد ولا اجعم
ما يطاوعنى قلبى لو هو شنو
:(
الله كريم
الى يقرى الكومنت بيستفيد من كلامج
sailor:
التعامل مع الناس صار صعب
الناس ماهى مثل اول
صاروا يخرعون
عاد اصدق
كل وحده او واحد عرفت وقالولى ديرى بالج
ولا اسمع الكلام
اكلها بعدين!
حياك الله
what will be will be:
يمكن كلامج صح
بس انا من الناس الى ما اعرف ادقر احد ولا اجعم
ما يطاوعنى قلبى لو هو شنو
:(
الله كريم
الى يقرى الكومنت بيستفيد من كلامج
وقار:
عجبنى شى انت قلته
فعلا طريقة لاالتعامل مع البشر لازم تكون جذى
ان تدرس الشخص الى جدامك عدل
عشان اتعرف تتكلم معاه ولا يفهمك غلط
هلا بوقار
ام الحفيز:
هلا بام الحفيز هلا
والله يا ام الحفيز لو كل واحد فينا يحط الله جدامه بكل شى جان مو هذا حالنا
الله يرحمنا برحمتة الواسعه
امين
نون النساء:
هلا وغلا بنون
صدقتى يا نون
بس هذول البشر شتسوين
الله يكون بعونا
وتحسين الموضوع متعب
والتعامل معاه متعب
اقصد مع هالنوعيه من البشر
والله نون انا بديت اصفى معارفى
ولا اخلى الا المريحين نفسيا ويعرفونى زين
مو اتعاملين على نياتج وتنصدمين انج تطلعين بالشينه بعدين
الله يسامح الجميع
منورتنى يا نون
تصدقين
قبل
مستحييييييل ادقر احد
واجامل
واحط على نقسي
لما صكت صكايكها لوول
تعلمت عدل شلون اتصرف مع اغلب نوعيات الناس
تعلمي والا ترا بعدين ان لم تكن ذئبا اكلتك الذئاب
المراد من كل هالكلام وعلى قولة الاوليين
"كلمة مادري ريحة واحد ٍ يدري"
الســ عليكم ــلام
الله الله الله على هالاغنية كريزما انتي من وين متذكرتها
ضعفاء النفوس قلة و الغيرة و الحسد و الحقد
هو الدافع الوحيد للوشاية
صدقيني الدنية حلوة و فيها ناس طيبين وايد و ما يحبون الغلط ولا الكلام في الناس ولا اعراضهم
و الحاقدين و الحاسدين قلة بس مشكلتنا احنا انا ما عندنا شغل فعلى شان جذي نسمع لهم
مسكينة صاحبتج الله يكون بعونها
وقولي لها ان الله في يوم من الايام راح يفضح رفيجتها و يبين للناس الحقيقة
الله يهديهم و يصلحهم
واسف على الاطالة
بنتظار موضوع عن اغنية هذا حال الهوى
كلام صحيح وهذا مايحدث الان
يعني الشخص قاعد معاك وبينك وبيه عيش وملح ويقرض فيك
يتحجى بهذا وذاك
فلاتآمن فيه لانه مثل ماتكلم عن غيره بيتكلم عنك
عن نفسي اسمع من هنى واطلع من هني مااحكم على الشخص من اللى اسمعه
ولو باخذ كلام هذا وذاك بجد جان ماخلصت
ولاتهتم وايد بكلامهم اهم شي انها ماتتحجى عن احد واذا كلش كلش لاتسمع لهالاشخاص
والله الاغنيه وكلماته شي موطبيعي
what will be will be:
:)
صاجه يا حبيبتى صح كلامج
لازم الانسان يكون حذر من هالنوعيات
الله يسهل
لا اتصك صكايكها
ههههه اعجبتنى
:)
ام الحفيز:
تقصدين كلمه ما ادرى اريح ما ادرى ؟؟
خسرتنى للابد:
وعليكم السلام والرحمه
حياك الله
لا اطاله ولا شى كلامك صح
ومشكور وايد على مشاركتك
وعلى هالكلام الطيب
اى الاغنيه وانا اكتب البوست ذكرتها
احب الاغانى القديمه
وخصوصا الثمانينات
:)
شيماء الكندرى :
منورتنى
صااجه بكل كلمه
قتلها نفس كلامج
الاغنيه كلماتها عجيبه
اخدمت بوستى الصراحه
:)
Post a Comment