شوفت الدمعه تذبحنى ما عمرى قلت تعودت على فلانه كله تبجى
شوفت ايا كان يبجى يعور قلبى ، احس قلبى ينعصر وبدون ما احس القى عيونى اتغورق
دمعت الفرح اتعورنى ودمعه الحزن اتعورنى
استغرب من الناس الى ما تهزهم الدموع
ردود الافعال غريبه مع هالمنظر
دمعت الفرح اتعورنى ودمعه الحزن اتعورنى
استغرب من الناس الى ما تهزهم الدموع
ردود الافعال غريبه مع هالمنظر
اهلى مثلا لما يشوفون وحده فينا تبجى ردود الفعل تصير اضحك
يعنى الوالد يدش على الدار يلاقى دموعى اربع اربع يصرخ اشفيييييييييييت لوول
تلاقونى انبرص حتى الدمعه اتحجر من الخوف ههههههههه
بعد قلبى ابوى ناشف ما يعرف يعبر عن مشاعره صح
مع ان فيه حبابه وحنيه ما حصلت بس ما يتحمل يشوف دموعنا يبينا كله نضحك
بعد قلبى ابوى ناشف ما يعرف يعبر عن مشاعره صح
مع ان فيه حبابه وحنيه ما حصلت بس ما يتحمل يشوف دموعنا يبينا كله نضحك
ورياييل مجرمين دمعه المره ولا تحرك ساكن فيه
ورياييل يقولك الحريم ادعل بس يبجون فتعود على هالمنظر
اذكر مره مسكتنى صديقتى وقالتلى عزى دموعج خليها غاليه
مو على كل شى تنزلينهم!
اقعد افكر يا ربى مو بيدى صعب انسوى كونترول على دموعنا
وناس اتلقط دموعج دمعه دمعه عشان لا يطيحون بالارض
ناس تغلييج ما تهون عليها دموعج:(
حلوه الدمعه تغسل العين والقلب وتريح
ومو عيب الانسان يرتاح ، كل ما كبرنا كل ما تحجرت قلوبنا وصرنا صعب نبجى
________________________________________________
انصدم من الناس الى ادارى خواطرهم واحبهم وما القى المقابل
مرات الكلمه الطيبه تنهى اى موقف سخيف وبايخ او اى سوء تفاهم مرات
الانسان ما يبى يسمع اسفه كثر ما يبى يحس بغلاته عند هالشخص
---------------------------------------------
امسح الدمعة ترى ضعفك قوي انهزم قدام ضعفك ياغلاي
امسح الدمعة بعمري لو تبى عطني احزانك وخذ مني هناي
امسح الدمعة قبل تقضي علي دمعتك تغرق صباحي في مساي
خالد الفيصل
30 comments:
9ba7 al5er
6arat 3ly hal'3nyah
http://song.6arab.com/rwaished..dam3at-elmag-hoor.smil
ابجي ونزلي دموعج ولايهمج احد... بس شوفي
لاتنزلينهم الا للي يسوى
ولو ان دموعج اغلى بس فيهم تعبير عن قلبج الطيب وحنانج على الكل
عورتي قلبي وانا حدي زاهبه
نفس الشعور اللّي تحسّه .. أحسّه
ونفس الكلام اللي تقوله .. أقولـه
_______
تصدق يا بحر توقعتك تشيل الهــم ..
لكني انصدمت انك غرقت بدمعهـ من عيني
بوصالح:
هلا فى بوصالح
:)
صباح النور
اسمها يعور القلب دمعت المقهور
يا سااتر
بسمعها واشوف
تسلم
wee 3ayalll madaraw ana our house maid et7ernee masawat shay 3adil ma7ib asarikh dmoo3i ehya sarkhetee etsadgeen? ay a7ad ezefnee ma3aref arid seeda takhnegnee el3abra! marrrat lasima3t hab esa3ad galbi yerga3 azyad mn el3arooos welbachwa 3la 6raif hehe
سالفة قلبى :
حبيبتى انتى
تدرين انج الوحيده الى ابجى من غلاها بقلبى
:*
الله لا يحرمنى منج
شكشكا:
هلا وغلا بالى شوفتها اتسرنى
:))
ولهت عليج
هههههههههههه
ما الومج
يا حبيبتى انتى
حساااسه يختى والله
:*
ذكرتينى بموقف صار بالمطار
ننطر اختى توصل وقاعدا اشرب قهوتى بستاربكس
لا يباااب ونون وورد وتلملم
فجأه الا انا دموعى اربع اربع
طلعت اختى اخترعت
تقولى هااو اشفييييج كل هذا ولهانه على
لوووووووووووووول
وانا من النون واليباب بجييت
ما ادرى شالسالفه
ما ادرى ولدهم تخرج ما ادرى ياي من علاج
بس عورو قلبى
:))
فرحتهم تعور القلب
:/
بعد عمري يا ضحكة القلب
كل شي ولا دموعج يالغالية
لكن اذا البجي يريحج
ابجي وارتاحي
وبعدين يالغالية
لا تنصدمين ولا شي
اصابع ايدينج مو وحدة
ومو كل الناس مثلج يالحبيبة تداري وتحب من قلب وتخاف على مشاعر اللي تحبهم
ريّح عيونك حبيبي لا تبكبيها
لا تذرف الدمع ويــبل الهــدب موقه
أرحم جمال النواعس لا تشقيها
حزنك يقطع وريد القلب وعروقه
منهم خدوده تبات الدمع يغشيها
وأنا ضلوعي عليه تبات محروقه
أمسح دموعك دخيلك لا تجريها
من قال عين المها للدمع مخلوقه
والله البجى غسيل قلوب
بس صج فى ناس ادعل البجوة على الفاضى والمليان
لا وفى بنات تلقينها تتغصب البجية يعنى انا ناعمة :))
اتغشمر ترى بعد مو تحسبين صج:)
صباح الورد
ما عليج من الرياييل كاريزما
ترى البجي يريح و أهم محترين لأنهم ما يقدرون يعبرون عن مشاعرهم بالدموع
لوووووول
اللي ما يطول العنب يقول حامض
So
وسيلتهم في الدفاع عن نفسهم اهو التعذرب
هذي مشاعر ما نقدر نتحكم فيها و إذا حبستيها بقلبج تتعبين
ارتاحي و ما عليج من الناس
و عساج انشالله دايما بفرح و ما تحتاجين غير دموع الفرح
:****
انا دمعة الفرح تهزني أكثر من دمعة الحزن تصدقين؟؟
اذا شفت أحد دمعت عينه من الفرح ما أقدر أمسك نفسي بس بالحزن أحيانا أقدر أسوي كونرول بس يبين على ويهي
بس تصدقين توني أفطن
أمي تتبع اسلوب
إن دمعتها غالية و ما تنزل بأي وقت
لكن أنا أشهد إن سلاح فتاك
تستخدمة كآخر وسيلة
"بس وسيلة على قولتهم "ما تخرش الماييه
لي دمعت عينها طلباتها أوامر لووووول
لووووووووووووووووول
صبحج الله بالخير والورد والنوير
:)
انا يالغاليه صايرة بحاله غريبه
شفتي الواحده اذا تثاوبت جدامج اشلون لا شعوري تتثاوبين وياها؟
عاد انا صايره جذي مع البجي
اليي يبجي
على طول رده فعلي ابجي وياه
اشماله؟
ما كنت جذي والله كان قلبي اقوى
مادري شهاللي جرا علي؟
طبعا رده فعل الريايل انا وياج مناقشينها ما عليها خلاف:))
لا تنصدمين من ناس ما ردو لج مقابل
الطيب طبعج وصدقيني له ثمر اذا مو اليوم باجر
وانا مثلج استغرب اذا كلمه طيبه تنهي مشكله ابادر فيها وما افكر بشي غير اني انهي الجفا
وفي ناس اللهم يا كافي يعفسون الدنيا ولا ينطقون بكلمة ولو جبر خاطر
الله يحفظج بطيبج وترا الدموع راحة وانا اخيتج
صباح الورد اليوم مكبره المخده شوى
;)
الملح وقبله مملوحتى:
لا اتوصين حريص حبى انتى
ههههههه
اى وانت الصاجه
كل انسان وطبعه
بس اتحز بالخاطر بس عادى شبيدنا
مو معقوله انخلى كل الناس نفس اطباعنا
الله عجيبه الكلمات مملوحه
:**
مشارى :
ههههههههه
ترى صح كلامك
بس يبين الى يتقصب من الى يبجى صج
واااضحه
جان انتو يا الرياييل ما تعرفون
هذا شى ثانى بس يبين
واصدق هم فلا رياييل نفس الشى يبجون عشان يوصلون حق غرض معين
مروا على هالنماين
:/
صباح الورد
اسمحيلي حتى الريال ينزل دمعته
ومثل ماقلتي حلوة الدمعة تغسل العين و القلب و تريح
العيب اذا كابرنا
دمعه الفرح حلوه
دمعه التشره والعتب معقوله
دمعه الفراق لا لا هذي تعور شوي
بس دمعة القهر هذي اللي عاد تذبح ذبح
وحتى السجين ارحم منها،خصوصا اذا يت من
شخص اغلى من العين
joli:
هلا وغلا
صباح الخير
هههههههههه
اتهقين
:))
حبيبتى انتى
ايييي انا مثلج لازم اتغورق عيونى بالعرس على هب السعد
وكتبت حق شكشكا قصتى بالمطار لول
قعدت ابجى على فرح مانس ما اعرفهم جولى افشل
هههههههه
وانا على خطا امج بمشى
لازم اروض دموعى
:))
:*
استكانه :
هلا بالزين كله هلا
لووول
وييييي الله يعينج شهالحاله
هذى قعدت البيت وما اتسوى
:))
انا ما عمرى ما نطرت المقابل
لانى اعرف من اعطى وادارى
من جذى انصدم
لان معدودين الى اداريهم بزياده
فيخيب ظنى فهمتى قصدى
بس عادى الناس اطباع
:**
الاستاذ بلاليط:
هلا فيك صباحك فل
:)
صح السانك
دمعه الريال احترمها واحطها على راسى من فوق
بس مو اى ريال!
سليمان:
اهلا وسهلا
:)
صباح الخير
كل ما قربت العلاقه كل ما كانت الدمعه منهم اتعور القلب
ودمعت القهر تشلع القلب صاج
بس دمعه الظلم اتحطم اكثر
:/
الله يبعدنا عنهم يا خوى
امين
دايما اقول يابخت اللي يبجي
لانه البكاء يغسل الروح
اول تعليق لي في مدونتك
احب اهنيكي على كتاباتك
واتمنى تقبليني صديقه جديده في عالم البلوق
كريزما
الدموع اغلى من انها تنزل بكل وقت
حافظي عليها وقوي قلبك
الدنيا تبي قلب قوي
وبنفس الوقت يكون طيب
براك:
الله يعينكم انتو يالرياييل
صعب بكاء الرجل
دموعه ماهى سهله
من جذى الريال لى بجى دمعته غاليه
وفعلا يا بخت الى ما عنده مشكله ان يعبر ويبجى
همسه التحنان:
عزيزه يا اختى حياج الله اخت وصديقه بينا
:)
فعلا كلامك صحيح
بس صعب التحكم فيها
:/
هذى المشكله
صرااااع يصير عشان اقدر اسوى كنترول
ترويض هههه
:)
منورتنى
صباح الورد على الحلوين
البجى فيه فوائد وايده وفيه حكمه تقول ...ابكوا .....تصحوا
بس عسى ما نبجى على غالى......البجى بالفرح ان شاء الله يكون اكثر
ولا اذا كبرتى ماكو اسهل من البجى ...ابد الدمعه كلش مطرفه
تنزل بروحها ما يحتاج تنزلينها
لووووووووول
بنت الشاميه :
منور بلوقى
هلا وغلا :)
ابكو تصحو
انا اعرف صومو تحصو
بس عيل شورج وهدايت الله مدام من ورا البجى صحه
من يعافى :))
اى صاجه اشوف الى حوالينى الكبار قلوبهم ارهيفه خنت حيلى
عسى دموعنا يا بنت الشاميه كلها دموع فرح
امين
موضوعج وايد حلو
الدموع تتكلم
في ناس ما تبجي الا اذا كانت في مصيبة
وفي ناس على كل شي سخيف يبجون
الدموع انواع
في دموع فرح و دموع حزن و دموع تأثر و دموع قهر
انا شخصيا بسرعة اتأثر
وبسرعة دموعي تنزل وماقدر امسكها
اذاا شفت موقف اثر فيني او سمعت سالفة أثرت او شفت حتى فيلم
بس بنفس الوقت بالمواقف الشخصية اللي تصير لي ماحب ابجي جدام اي احد
لان احس دموعي غالية ما لازم ارخصها الا عشان الغالي
انا ابدا ما اعتبر الدمعة ضغف مثل ما الكل يعتقد ..
من احس اني اريد اصيح وماعلي من احد ..
اهم شي ارتاح ومنها اغسل عيوني وروحي ..
والله ما بمسك دموعي وبنقهر في داخلي عشان يقولون قوية ولا من هالقبيل ..
ولا بكابر على حساب نفسي ..
من حسيت انه دمعتي عند الباب فتحتلها بصراحة ..
والطيب لو بينتظر مقابل من احد بيتعب ..
خليها على الله .. وان شاء الله نلقاه مقابل هالطيبة باجر :)
بوست راااااائع :)
مرحبا
:
الدمعه أقوى سلاح
أنا بالنسبة لي أكثر شي بالدنبا أيأثر فيني الدمعه
لما اشوف أحد يبجي أتعاطف معاه بطريقة جنونيه
لأن ما أعتقد إن في أحد يقدر يمثل بالدمعه
:
اختيار الابيات رائع جدا
بيرل:
هلا وغلا فى بيرل
وايد عجبنى تصنيفج
وانا مثلج
وصاجه فى مواقف وخصوصا من ناس ما تستاهل تنزل دمعه جدامهم
عيون الحب:
حبيبتى انتى الاروع
ما ادرى ليش بس حسيت فيج شفافه قبل لا اقى تعليقج
والحين تاكدت ان قلبج طيب وشفاف
سعيده بمعرفتج حبيبتى عيون الحب
حسين:
هلا بالعزيز حسين
لا والله يا خوى فى وايد ناس يمثلون الدمعه
مع الاسف
تسلم
كريزما
عجبني تفكيرج
صاجه احيانا ما نحتاج نسمع كلمة اسف او اسفه
كثر ما نحتاج انه نحسها
والكلمه الطيبه تنهي اكبر الخلافات
...........
بالنسبه للبجي
دايما اقول لنفسي
الحمدلله اني اقدر ابجي
هذا دليل انه ضميري حي
واللي ضميره حي
ما ينخاف منّه
:)
عدل
مساالورد والجوري
غاليتي كريزما
وغلاتج ودي لو يوم واحد اقدر اسوي كنترول علي دموعي
وسبحانه الله انا مخلوقه عيوني امغورقه خلقه حتي بدون بجي
بس والله ان البجي نعمه يريح القلب...ويمسح علي الخاطر ويخلي الواحد يقدر يتنفس من يديد
دمت بحب وود
ابدا
وبدون دموع
آمين
:)
العبره ..
الله سبحانه ما خلق الدموع كي نغرسها بين أسطر القصائد ..
ما خلقها كي تكون للطفل ..
ما خلقها كي تكون محصوره للنساء..
جعل الله الدموع لكل مخلوق على وجه الأرض
الدموع فيها تجديد للحياة..
فيها غسل القلوب..
في راااااحه بعد نزولها بشدّه..
الدموع.. الدموع.. الدموع ....
أعرفها أكثر من معرفة نفسي
أحبها أكثر من حبي للضحك ..
لا أقول رجل ولا أقول امرأة ولا أقول انسان
بل أقول كل المخلوقات تبكي ..
حتى الحيوان له قنوات دمعيه
((يكرم القارئ))
وللدموع نوعين ..
دموع فرح .. ما أذكر جربتها.
دموع الحزن ..
وأحب أذكر :
ان من اللذين يظلهم الله في ظله يوم لا ظل الا ظله ..
عين بكت من خشية الله
يعني نقدر نقول ان من الدموع لما يهبط من خشية الله ليدخلك الجنه .
آسف عالاطاله وشكراً ..
Post a Comment