Friday, November 2, 2007

أعز النفس




بقول شغله بسيطه بالعلاقات الانسانيه والصداقه



العلاقات ما توقف طول ما احنا على قيد الحياة حتى لو نقول بس ما نبى نتعرف وانكون ربع فجأه تلاقى نفسك داش


بعلاقه بدون ما تحس



لى متى ؟؟ ولى وين ؟؟



ودى افهم شغله بالعلاقات هذى



اذا انحطيت مع شخص ما تتوافق معاه



ليش اتكمل ؟ليش اتعمق بالعلاقه معاه؟



ليش الجذب وتمثيل المحبه والتقرب اكثر واكثر وانت مستصغر هالناس



او تشوفهم ما يتناسبون مع مستواك الاجتماعى !!وانت عندك نظره بختيار صداقاتك والناس الى تبيهم حواليك



محد طقك على ايدك وقالك خلك كلووز ! هذى مشاعر وعشره عمر مو لعبه ترى !! تمر ايام واشهر وسنين تتولد فيها مشاعر واحاسيس حب وولفه وتعود




وتكتشف بعد هذا كله ان الى دخلته حياتك ما يبادلك نفس الاحساس و ينظرلك بنظره استصغار او تقليل من احترام او يتكلم من وراك غير ما يظهر لك بالواقع



فى ناس قلوبها بيضه ونيتها صافيه ولا عندها عقد مع البشر



ناس معشرهم ذهب ومكسبهم ذهب ناس عندها ثقه بالنفس ما تحتاج اجامل واتنافق عشان اتقرب او تكسب احد



ناس اتعامل معارفها نفس المعامله من الصغير ليين الكبير الى له صيت والى ماله بختلاف طبقاتهم ومراكزهم ومذاهبهم



عمرى ما لزقت بحد على وضعه اللاجتماعى اوحسب ونسب ‘ لما اقول فلان صديق يعنى شفته من داخل شفت طيبة قلبه معدنه احترامه للغير تواضعه ، شفت موقف وقف فيه يمى او بتعامله مع الغير ، انسان احس بوجوده يريحنى
اضحك من قلبى انسى الدنيا افضفض يشيلنى ينصحنى يخاف على
هذى الى يبهرنى بالانسان ويخلينى اكسبه واتمسك فييه بيدى وريلى بعد واعطييه وسام الصداقه صديق العمر مو يوم




الى بقوله
الكلمه الطيبه الكلمه الحلوه التواضع القلب النظيف حضور النيه الصافيه ، ترى انت انت ما راح يغيرك احد



مو معرفه فلان وعلان بزيد او تقلل من قدرك




عمرها هالامور ما عمرت صداقات ولا ريحت ناس



وان طالت بتنتهى وبجرحك انت قبل جرح الناس الى عرفتهم



محد يقدر يعيش طول عمره بنفاق وجذب



دنييييييييه



ولهت عليكم ، سفرة ويك اند وراجعه الاحد ان شاءالله


35 comments:

uaeee said...

"
كانت وحيده.. حزينه..
عرفتها..
معرفة عابرة..
بعد لقاءات
وتبادل أحاديث..
اكتشفنا مدى توافقنا
هناك الكثير من الأشياء المشتركة بيننا..
كانت اقرب من أختي لي..
وكنت كصديقتها الخيالية في طفولتها..
هكذا كانت تصفني..

لكن
وكأي علاقة..
أصابها الفتور..
ودون أسباب..
انتهت.
وعدت..
وحيده.. حزينة
"




كلماتك لمست جرحاً قديماً

أشكرك على البوست
وإجازة نهاية أسبوع سعيدة

DiLLi O MiLLi said...

كاااريزمااا .. أأأشلووونج ؟؟؟
:)

صـــح ألســــــانك


لا صد عنك من توده وجافاك
خله
وجازه بلجفا مثل صده
خللك عزيز النفس
والعز مأواك
وكلن عطه تفصيل ثوبه بقده
خص الرفيق اللي إذا
جيت .. حياك
وان غبت عنه
ياصلك بالموده


:**

Reflections said...

انتي الذهب والله

للأسف يا كريزما هذا مجتمعنا الحين
حتى الصداقة صار فيها شروط
حالها حال الزواج

و الناس تبيج على فراغتها
و وقت مصالحها

أعوذ بالله من هالأشكال

جد هالموضوع وايد أفكر فيه
خصوصا من بعد ما كبرت و تخرجت.. وعيت على الدنيا
تفتحت عيوني على نماين غريبة و عجيبة


و بالفترة الأخيرة صايرة كللللش مالي مقاقة أجامل
عندي أجابل وحدة تحبني من قلبها أسولف معاها بدون تكلف
ولا اني اقعد مع وحدة و مادري شنو تحت راسها
جدامي ويه و من وراي ويووووه

وعلى طاري سالفة الاستصغار
يا جماعة ترى والله محد يبي من أحد شي
الكل بخير و نعمة
الواحد يبي الكلمة الحلوة الي طالعة من قلب صافي و نظيف



واي جني هذرت، عاد بهالموضوع فيني حجي وايد بس خليها على الله

على فكرة، أهنيج على هالذوق بالاغنية
عسى دوم راسج مرفوع ولا يحوجك لأحد
:)

5roofa said...

تروحين و تردين بالسلامه يالغاليه

ولا تعبين نفسج و تحرقين اعصابج في ناس مو كفو و سوري على الكلمه
و صدقيني الناس الي تفكر هالتفير فيها مرض استغفر الله

و الحقد و الكراهيه وااي ساليني علييها قبل جم يوم باجيه بهالسبه

استغفر الله على قولتج يا وخيتي دنيييييييييه

انشالله تستانسين و تغيرين جووو سويتي

salamz love
:D

Unknown said...

العلاقة الانسانية دائما امثلها باقطاب السالب والموجب

والاضداد تتجاذب يا كاريزما
:)
وتردين بالسلامة

shakshaka said...

charismaaaaaa awal shay trooo7een wo tirji3een lena salma enshalla (K)


thany shay ana wallah hal mawthoo3 magam ye2ather fene awal a7tar wo 7alty 7ala ..shallah 7adny ekteshaft ena halnas mareetha wo sadgeeeni ehya bainha wo bain nafs;ha mo mesteqera matadree shtabee telgain eb wagt;haa etkoon 7abitich wo zaina wiyach wo te3teqed enech perfect weyaha m3a elwagt shafat a7ad thany e6begat weyah etnaaagiz mn wa7da lai wa7da ehya nafs;haa me 3arfa shtabee el7emdela 3la kil 7aal e7na nas mesteqereeen nafseyan wo ejtema3eyan wo 3aqleyan:P hehehe wallah el7emdela willll shikirrr winshalla doom enkon mesteqreen wo 3arfeen shnabyy ;****


walhana 3laich:)

esTeKaNa said...

يا صاحبه القلب النظيف
واللسان الي يقطر عسل
تروحين وتردين بالسلامه
:**
استمتعي بهالسفره واتركي الامور تمشي على سجيتها،الحياه ما تمشي مثل ما نخطط لها ،اي انسان لابد يعتبر نفسه المركز ويحيط نفسه في دوائر كثيرة
الدائرة الاولى هي لخاصه الخاصه امج وابوج وشخص شخصين غالين بس

الدائره الثانيه دائرة اكبر فيها ناس تحبينها وتعزينها
وجذي كبري الدوائر لي توصلين حق دائرة هي علاقات العمل والدراسه والناس اللي تنجبرين فيهم من دون اختيار
وكل دائرة لها اسس بمعاملتج لها واحترامج لهم
الخلاصه...لازم ننزل كل ناس بمقامهم بوضعم اللي يستحقونه


شي ثاني...لاحظت هاليومين شي غريب
واحده تسولف لج عن صديقه وتقولج اسمها واسم امها بالسالفه مع انه الاسم ما راح يزيد ولا ينقص
:)
عقده نقص؟
ترا انا رفيجاتي بنات فلان وفلان؟
احس كل يوم يمر وكل علاقه تمر علينا نخلينا نشوف اشيا اكثر ونتعلم اكثر


:)
اتمنى بهاللحظة انج كونين مستانسه
انتي وكل من تحبين

ReLaaaX said...

ياااااااحلوج والله ياكريزما وياحلو قلبج

ووالله العظيم يابخت اللي يعرفونج
تدرين ليش ؟
لأنج من الشخصيات اللي نادر الواحد يلقى مثلهم بهالزمن


--

تروحين وترجعين بالصلامة ياربي ياحبيبي وتقر عيونا بشوفتج

جنون إحساس said...

تعيشين وتشوفين نماذج غريبة عجيبة
تعكس لج مفهوم الصداقة اللي انتي مفتخره فيه , آنا بعدي ما طلعت من مجتمع الزمالة الدراسية المؤقتة وأشوف أشيااااء الله لا يوريج

ما تتصادقين إلا لحاجة
..

بس الحمدلله عندي من يسوون
هالناس كلها,

علاقة عابرة تصير صداقة قوية
أو وحدة ما تتخلينها فجأه تصير جزء من اهتماماتج
مو شرط يكون فينا نفس الاهتمامات
بس كافي التوافق الوجداني

:)

كــويـت الـيـوم said...

كلمات جميله
واجازه سعيده

SHAHAD said...

محد يقدر يعيش طول عمره بنفاق وجذب
اي والله صدقتي
الأيام كفيلة تكشف زيف هالناس
حلو الواحد يصادق الناس لمعدنهم الطيب وبس
تروحين وترجعين بالسلامة :)

Unknown said...

رافق رفيق لا تضايقت يشفيك
ولاتنفع الرفقه على غير فزعات
وإلا الردي عند اللزوم يخليك
لا نافع نفسه ولا منه منفعات
خله ترى له طاري غير طاريك
لك نيه وحده وله عشر نيات


أنا صديقك " لا قسى الوقت وأكفيك"
ولاني من اللي وقت المصالح يجونك

أعزج " دنيتي بكل مافيج"
ومن كثر ما أعزج صرت أعز اللي يعزونج

أفتخر" لي قالو إني مخاويج"
يا منبع الطيب أصلج والصفا بعيونج


:)))))

SolaimaN said...

الزمن لا صار ضدك واحتوى درب المصايب
لا

تحاول تنكسر له لاتزيــــــد الطينة طينه


للزمن حكمة غريبة تحكم بدرب الصعايب


وياكثر من ضيع الفرصة وهي فرصة ثمينة


عز نفسك في زمانك لا تقول الحظ خايب

وسق عمرك للمعالي واكسر النفس الحزينة


كريزما،، بعض الناس البعد عنهم غنيمه لا تشغلين بالج

have fun sis

وبالسلامه انشالله

:)

Barrak said...

ترحين وتردين بالسلامه


دائما راقيه ف تناولك للمواضيع الانسانيه

7osen said...

بالسلامة إن شاءالله

اهم شي تستمتعين

:

بوست وااايد حلو وموضوع اكثر من رائع

Q8DOLL said...

ياحلو طيبتج ي كاريزما
انا عبالي اللي مثلج خلصوا بالهزمن !!
رتوحين وتردين بالسلامه

Purplecious said...

7beeeeeebty ta3alay balimich

[[[HUG]]]

atwaqa3 we9altay elyoum

el 7amdellah 3ala elsalamah :**

حسام بن ضرار said...

اذا انحطيت مع شخص ما تتوافق معاه


ليش اتكمل ؟ليش اتعمق بالعلاقه معاه؟


ليش الجذب وتمثيل المحبه والتقرب اكثر واكثر وانت مستصغر هالناس

----------------------------

الجواب بكلمتين:

المصلحه و التمصلح

Selezya said...

اليوم الاحد :) انشالله تكونين راده بالسلامة

ماتتوقعين شكثر محتاجه اسمع هالكلام

واكيد كلامج كله صح .. مايهم الحسب والنسب طول ما الانسان اخلاقه ومعدنه نظيف ومايتكرر وجوده


اشكرج على البوست الحلو

Anonymous said...

الصديق الصدوق
قليل في هذا الزمن
يتم لنا في بعض الناس حيز من المحبه
والصداقه المبنيه على الخير وتلاقي الأرواح
كاريزما
البوست يعور القلب

charisma said...

BAAAAAAAACK
:)

uaeee:

يا هلا ويا مرحبا
سووورى اذا قلبت المواجع سامحينى

هذى الدنيا عزيزتى
ما توقف على حال
والبشر احوالهم احوال

مشكوره وايد
:)



ديللى :

هلالا وغلا
انا بخيير دامج بخير يا ديللى

صح ابدنج

وكلن عطه تفصيل ثوبه بقده

بالضبط هذا الى بيصير

:**
الله لا يخلينى


ريفلكشن:

واااى ولهانه علييج حبيبتى انتى

يا حبيبتى كلامج درر وما يطلع منج الا كل زين يا حلوج يا رفلكشن
الله يحفظج ويقرب منج كل من يعرف قدرج

:*

charisma said...

5roofa:

هلا بخروفا
يا حبيبتى انتى لا والله مو حارقه نفسى وما فينى الا العافيه
بس هالناس الى جدامى
مر على موقف وحتريت على هالسالفه وكتبت فيها
ما ادرى هالناس لى وين شوفت الحال
ما ردنا مسدحين بقبورنا يم بعض
من الفقير لى الغنى
بس وين الى يفهم

حبيبتى
كانى رديت طلعت من جبدى هالسفره
لوووووووووووول
الحمدالله على كل حال
:)


مشارى:

ههههههههههههه
اتهقى
:)

يسلمك من كل شر عزيزى


شكشكاا:

واااااى وااى يا فرحتى بهالشكشكاا
:***

هلا بالبسمه كلها هلا
تشرحين صدرى يا شكشكا

الله يسلمج كانى ردين بالسلامه

كلامج عدل
تبين اتعرفين الى تامنين لها
الى عندها ربع من سنين ثابتين
هذى عرفى انا معشرها ينشرى بالذهب
لكن الى لها كل يوم صديقا خافى منها

والناس مشكاهم لله

وانا اكثر يا الغاليه
:**

charisma said...

استكانه:

يا بختى اذا منج طالع هالكلام
ما علييج زود يا ستكانه
بس لا تقولين جذى اتوهق ترى
اخوره ما ادرى شرد
:)))
من طيبج يا انطع استكانج جاى
:))

الحمدالله رديت بالسلامه
كانى جدامج جنى ينيه
:)

عجبنى تصنيفج
اى والله صدقتى يا استكانه
دايما كلامج يطخخنى ويفيدنى

لوووووووووووووووووووووول
لووووووووووووووووووووول

ازيدج من الشعر بيت
عندى وحده من البنات لى سولفت تقولى حتى رصيدهم بالبنك وجم يملكووون
لووووووووول
انا شكوووووووووو
الله يزيدهم
:)))

مصخره هالاوادم يا ستكاانه
تافهيين وسطحيييين
ويقلبون الجبد
ولا اتزعل ليش ما تقعدين معانا
ليش اقعد بالله

حاااااله

بهاللحظه مستانسه لانى ارد على كومنت استكانه
:***

charisma said...

ريلالاكس:

الحبايب تحت بعض
الله لا يخلينى منكم

:**

هلا بريلاكس هلا

يا حبيبتى والله ما عليكم زوود انا المحضوضه وربى يحبنى الى خلانى اعرفكم واحبكم وتحبونى

الله لا يخلينى

انا رديت لعيونج انا رديت ولج حنيت مثل ما يحن حمام البيت
:)))

:***


جنون احساس:

هلا بالاحساس كله
:)

الحمدالله والشكر يا حبيبتى
صداقاتى ثابته ومن سنين صديقاتى ما ايينى منهم الا كل خير

بس ما نوقف عندهم
الحياة الاجتماعيه مو بس صديقات
فيها المعارف وفيها الزمالات وفيها الى ما ادرى من وين ايون
وفيها المفاجااة

ما نوقف
الله يعينا بس
:)
وانت الصاجه
:)

charisma said...

كويتى:

تسلم يا خوى
حياك الله
:)

شهد :

هلا وغلا

الله لا يحوجنه الا لرحمته يا شهد
الله يسلمج حبيبتى من كل شر
:)


نيناا:


الله الله الله
الزين ما يطلع منه الا كل زين
:***

صح السانج واهديها لج

charisma said...

سليمان:

هلا بسليمان هلا

كل امر يصير خيره من رب العالمين
وعمرى ما تحسفت
دايما اقول خيره

ويا علهاا خييره يا سليمان
;)


brrak:

الله يسلمك من كل شر يا خوى

بعضض مما عندكم
:)


حسين:

هلا بخوى الغالى

الله يسلمك من كل شر ومشكووور على السؤال يا حسين فيك الخير

تسلم عزيزى

charisma said...

q8doll:

يا حبيبتى انتى من طييبج والله

ما قصرتى
الله يسلمج من كل شر
:*


بيربل:

كااانى فتحت ايدى على مصراعيهاا بالاحضااان يا احلى بربل
:***

الله لا يخلينى

الله يسلمج من كل شر وصلت الاحد
من المطار لين المستشفى سكتاى
لوووووووووول
الحمدالله على كل حال
:**

charisma said...

حسام بن ضرار:

صح السانك يا حسام

الله يبعدنا عنهم

selesya:

هلا وغلا
:)

رديت بالسلامه ولله الحمد
:)

نفس الكومنت انا وانتى
نفس ردت فعلى مع بوستج ترى
:))

واشكرج على وجودج
:)


الذيب :

الذيب عندى
يا هلا ويا مسهلا
:)

تلاقى اللارواح هذا خطيير
:))

كلامك صحيح يالذيب

الصديق الصدوق اذا ما طلع معاك من اول ما تلاقيه هلايام

سلامتك من كل شر
منورنى

nadeyah said...

صح لسانك عزيزتى

وهذى الدنيا وياما تشوفين اشكال وارناق من هالنماين وبعد ترى بيزيدون

والطيب مع الطيب تجاره
والطيب مع الردى خساره

والاغنيه حلوه كلماتها اول مره اسمعها :)

nadeyah said...

حمدلله على السلامه وما تشوفين شر ان شاء الله احسن الحين ؟

الزين said...

الحمدالله على السلامه

شلون السفره

ان شاء الله غيرتى جو

الزين said...

هذاك التعليق عشان اتحمد لك بالسلامه

وهذا عشان اقول راي وباختصار

اففففف

العلاقات الإنسانية صارت صعبه

تقعدين تستثمرين فيها من وقتج وطاقتج ومشاعرج

وبالنهاية بح

مادري الناس تتغير

ما دري احنا احتياجاتنا تتغير

مادري احنا ما شفنا بعض عدل من البدايه

موضوعج يكتب فيه مواضيع يا كاريزما

:**

Reflections said...

الحمدلله على السلامة و العقلان ;**

انشاء الله استمتعتي بالرحلة

5roofa said...

hiiiii

ليش ليش لوول لا انتي لازم نقره علييج

عين ماصلة على النبي خو انتي جان سافرتي بعدين قلتي انا سافرة

حاطتلي اعلان على الملا
لوووول ماتدرين منو صكج عين اهني مني مناك
;p

tara ana gelt mashala looool

7amdela 3ala el salam love wev missed u

salamz..

charisma said...

nadeyah:

هلا بنجديه

والطيب مع الطيب تجاره
والطيب مع الردى خساره

وانت الصاجه


الله يسلمج من الشر
والحمدالله وايد احسن
مشكووره على السؤال حبيبتى
:)


zozota:

الزين كله والحلا لو يشوفون
هلووو

السفره زييينه يالزين
اطلعت من جبدى
لوووووووووول
الحمدالله على كل حال
:))

بعد قلبى الاففف طالعه من القلب
:))

على قولتج
ما ادرى منا ولا منهم
احنا الصح ولا اهم
:/

يا ستدى
عساهم سعيديين وبعيدين
:**


reflection:

هلا وغلا
برفلكشن
:)
الله يسلمج من كل شر حبيبتى

الحمدالله على كل حال
:)


5roofa:

هاااييين
هلا بالرومانسيه كلها هلا

وااى خروفاا وين رايحه انا كلها وييك اند والبحرين
ومنو الحين واقف على سفره
شدعوه العين
:))
حدهم متفرغين الى مطالعينى على سفره البحرين
لوووووووووووول

عاد اذا اهى عيين فيابتى صح
بغييت اموووت
:(
الله ستر

:*
مشكوره على السؤال حبى