يومى حافل اليوم ما رديت البيت ارتحت
من الدوام لى غدا برا لى طلعه مع الوالده الله يحفظها لفت فينى بمحلات الاثاث لين صكنى راسى
دشيت البيت الساعه ثمان بالليل
!! وانا هذى قعدتى من الساعه ست الصبح وااايد
دشيت احس الدنيا تفتر فينى ما ادل دربى من التعب شور واندعست بفراشى
بس تو الناس على النوم اخذت حبه الهلوسه الى واصفلى اياها دكتور الحساسيه ،
وحطيت الاب توب قلت اطقطق لين ادوخ وانام
ما ادرى ليش اشتهيت اكتب سرحت مع نفسى شوى
ليش مرات اينى احساس ان محد بالدنيا فاهمنى ، هل لى هالدرجه تركيبتى صعبه
مرات ما اقدر اصرح بالى بنفسى لاحد اخاف انفهم غلط
احب احتفظ فيه لنفسى ، وسبحان الله اذا لقييت الشخص المناسب ما الله يكتب انى اخطى خطوه معاه
اكون مجمده اطالع من بعييد وابتسم
مرات الدنيا اتييب الشخص المناسب لى عندى وعلى طبق من ذهب بعد
بس بعد فوات الاوان
او تييب الشخص المناسب الى تلقيين راحتج بين ايده بس تصير ظروف تبعده عنك
ودايما وابدا احس بحفظ الله واحس بالخيره مع كل علاقه تمر بحياتى
الحمدالله على كل حال
وانا اكتب البوست كلمات خالد الفيصل اشوفها جدامى
خـــــــــــــــذاك الــــزمـن مـــني وتـــــرك لـــي أشــــواقي
ليته خذا ذكراك من كل أوراقي
الصهد ولع حياتي ليتها لمعة قمرتذكر أيام القمر؟
كيف السمر أصبح سهر؟ كيف الأماني اصبحت شكوى عمر؟
ليه انطفى فيك الزمان؟ ليه اختفى فيك الأمان؟
خذاك الزمن مني
يا روعة الماضي ولوعة حاضري
ياا بهجة الخافق ومتعة ناظري
تذكر الحب الأمل؟ قبل يصبح ذكــريــات
تذكر الفرحة ولهفاتي عليك؟ أسبق الموعد إليك
لحظة الشوق الكبيروالخفوق اللي من الفرحه يطيرورقصات الدقايق عند الوعد
وهمسات الحقايق قبل وبعد ليه انطفى فيك الزمان؟
ليه اختفى فيك الأمان؟ خذاك الزمن منى
يالله على وقت مضى فيه الرضافيه العيون تعانق أحباب العيون
فيه الخليل اللي على خله يمون
حتى الظنون ما تختلف فيه الظنو ن
فيه الهوى نشوان فيه ابتسامات الزمان
أحكي الهوى واشكي النوى وأساهر القلب الأليم
بعد الهنى بعد ما كنا سوى ليه يا حبي العظيم؟
ليه انطفى فيك الزمان؟ ليه اختفى فيك الامان
خذاك الزمن مني
39 comments:
أحس باحساسج
وايد احس فيه
الابيات ضيعت كلماتي وفتحت باب الدموع :(
صج حدها عجيبة
الله يعطيج العافية كاريزماوعساج عالقوة وعسى ربي يلون كل ايامج بالافراح
b7okom mazajety almofre6a
7etta alshakh9 al9a7 ma abee
Yemkin al7en 3ajebny , ma3a alwagt taghayar
Dawam al7al min almo7al
The most importent thing in life is : what do you want
And if you know ur target
Malaktay nafsich ;)
شوووفي حبيبتي
أنتي تركيبتج
#%^&#@*ّ@#%$
وأهيا تركيبة لاهي معقدة ولا شي
أنتي بس عبالج محد بالدنيا يفهمج
وقلبج الطيب ما يخلي الناس تفهمج غلط
الشخص المناسب .. راح تلاقينه في يوم من الأيام
وماتدرين يمكن أبتعادهم خيره
وعسى أن تكرهوا شيئ وهو خير لكم
وأنا متأكده أن بدل هالشخص
الله راح يعوضج مكانة عشر أشخاص
:)
اللـه على أختيارج للقصيدة
ذوووق رااااقي
مثل صاحبتة
ويـا قلبــي لا تحــزن
:***
ليش مرات اينى احساس ان محد بالدنيا فاهمنى ، هل لى هالدرجه تركيبتى صعبه
مرات ما اقدر اصرح بالى بنفسى لاحد اخاف انفهم غلط
هذا الاحساس اللي وايد قاعدة احس فيه بالفترة الاخيرة
بوستج روعة
ويعطيج الف عافية
ليش مرات اينى احساس ان محد بالدنيا فاهمنى ، هل لى هالدرجه تركيبتى صعبه
مرات ما اقدر اصرح بالى بنفسى لاحد اخاف انفهم غلط
هذا الاحساس اللي وايد قاعدة احس فيه بالفترة الاخيرة
بوستج روعة
ويعطيج الف عافية
انتي قلتيها .. كل شي خيره
وحتى لو ما تكلمتي للشخص المناسب صدقيني بتكون خيره
خلي الدنيا تمشي جدامج شوفيها وين توديج :)
وبعدين طول ما انتي عايشه بخير وعافيه ومرتاحه لا تهمج مثل هالشغلات .. غيرج وايد اللي يتمنون هالصمت
مع هذا ما انكر ضرورة البوح وللشخص المناسب .. طول ما انتي ما تكلمتي معناته اللي جدامج ماكان مناسب ولو ظنج قال غير هالكلام :)
حلوة القصيده :*
وعساها نومة العافية اللي نمتيها :)
اخ ياكرزمااا حالتج مثل حالتي الحين فرييييت مع الوالدة وحدي دايخة بس قلت ادش اسلم واشوف شعندكم ماعندكم لووووووووووول
دمتي بحب
مرحبا عزيزتي
سلامتج من التعب إن شاءالله
موضوع وااايد يثير الشجون
لكن هذي اهي الحياة
صعب نلقى اللى يفمهنا عدل ويحس فينا
ويمكن تكون المشكلة في داخلنا احنا
لكن تظل العلاقات مع الناس اللى نحبهم اهي اهم شي بحياتنا
القصيدة روعة
اختياراتج دائماً متميزة مثلج
تحياتي عزيزتي الغالية
اختى العزيزه
انا من زمان ما حسيت بهالاحساس ...ان محد فاهمنى....لانى صعب ان اعبر عن اللى فينى.....ومنها اتخذت قرار ان ما افكر هالتفكير.....يكفى انى الوحيده المتفاهمه مع نفسي....وما احتاج احد يشاركنى بنفسي
منها بديت اتصالح مع روحى واشكى لها وتشكى لى...... تصدقين وايد ارتحت
ليش نطلب من الاخرين يفهمونا
ما علينا منهم...يكفى نفسي تفهمنى
ترى كل شيئ سهل وبسيط...اذا بسطناه احنا .....وما كو الا العافيه
يعطيج العافيه
أهم شي لا ياخذج الزمان و تتغيرين على أحبابج :)
كلمات جميلة :)
سبحان الله وايد احس هالإحساس
مرات احس اني انولدت بزمن غلط
بس الحمدالله
انشالله يارب تلقين الشخص اللي يفهم انتي شنو و ترى ما راح يكون انسان كامل
حبيبتي سلامتج
و احب بلةقج وايد
يا مساا الانوار
نجمه:
حبيبتى انتى
مرات الدموع اتريح القلب
واداويه وتعبر عن الى ما نقدر نقوله
اميين واجمعيين يا احلى نجمه
:)
ريمه:
توأم روحى
اى والله صدقتى حالنا مو ثابت
يوم نبى ويوم ما نبى
حتى الهدف يتغير مع المود والمزاج
:**
ديللى وميللى:
:)
يا حبيبتى يا دللى
والله ما اقول الا الله لا يخلينى من قلبج ولا روحج ولا حسج
حبايبى انتو
:***
دام مثلج وشرواج بدنيتى فانا بالف خير ونعمه
الحمدالله رب العالمين
بيرل:
بيرل احسج قريبه من تفكيرى
من زمان احسج من الناس الى تفهمنى
وجودج الروعه
:)
selezya:
والله كلامج صح وعلى عينى وراسى
وفاهمه الى تقولينه
بس اهو احساس حاشنى بهالليله كتبته
اكييد ماهى همى الحمدالله على كل حال
وحرام اظلم بختى
فضفضه وعدت
:)
عاليه:
:))
الله لا يخلينا منهم
نومت العافيه عزيزتى
حسين:
هلا بحسين
الله يسلمك من كل شر
فعلا حسين والله صدقت
مرات تكون المشكله فينا احنا
بحفظ الله
مرحبا كريزما
شوفي إنتي تركيبتج مو صعبه
بس اللي حولنا صايرين صعبين !
ومن الصعب إنه نلقى من يفهمنا
إلا نادرا
عشان جذي إن لقيتيه تمسكي فيه لأنها فرصة ما تضمنين ترجع !
الله يسخرلج منو يفهمج ويقدر قلبج الطيب
.
.
أما كلمات خالد الفيصل
فـ حدها خيالية
حبيتها :)
يسلم لنا ذوقج
بنت الشاميه:
صح بنت الشاميه بس مرات تبين من يشاركج ويسمع لج يشاركج تفكيرج ولحظاتج الحلوه
ما ادرى
انا فاهمه نفسى بس انا مانى بروحى
لازم احد يشاركنى حتى لو كنت فاهمه نفسى
الحمدالله يا الغاليه
وانشاءالله ماكو الا العافيه
منورتنى
كويت سن:
انشاءالله ما اتغير على حبايبى ولا يتغيرون على امين
حيالله خالد
new bride:
:)
احب الى يفهمنى
هههههههههه
بعد عمرى حبتج العافيه
يا حلو سوااااااالفج يا كريزما
الله لا يحرمنا
:*
القصيده روعه روعه روعه
الله يرزقنا وياج يا كريزما توأم الروح اللي يفهمج بدون لا تتكلمين
أنا جولي مرات تصير توأم روحي و مرات تخوره الله يهداها مادري ليش
هههههههههه
ولهانه عليكم واااااايد
:****
hellooooooooooooooooooooooooo
واايد حاسه بلويتج لانه انا من رديت من السفره و انا شغل و لويه مو طبيعيه ارد البيت الساعه 10 و اطلع 6 الصبح يعني صج كراف
لوول اظاهر يدرون مسافره قالو خل انطلع السفره من خشمها
شعور انج ضايعه تبين الصج ايلي وايد
احس لو منو قلتله مابيفهم شنو صج فيني او انه اذا قلت ما اتوقع اني اوصل الي صج قاعده احس في
سلامات اليغاليه ما شتوفين شر
Missed U :D
salamz...
لا تجرفك الايام معها
وفقج الله لما يحبه ويرضاة
تركيبج عاديه الكل جذي
بس هذه هلوسة تالي الليل مو سوالف ليل (:
:>
كلمات الفيصل رائعة بكل معانيها
ويا كريزما يالغالية
أحيانا أحنا اللى نصعب على الناس إنهم يفهمونا
فتلاقينهم يبتعدون لأنهم ما اقدروا انهم يوصلون لجوهرنا
ان شاءالله تلقين اللى يفهمج من النظرة
:>
charisma...
الكل يمر بهالحال.. اللي الواحد يحس ان محد فاهمه و ان بروحه بهالدنيا حتى لو في ناس حولينه
بس ان شاء الله فترة و بتعدي
و حبيبتي كل شي قسمة و نصيب و كل شي يتم بوقته
wish you all the best from all my heart
:)
حبة هلوسه ؟؟؟
تر بديت اخاف منج انا ؟
مره افغانستان ومرة هلوسه
لا ومغيره الصورة بعد
ربنا يستر
mmmmmmmm...
3ad lgetaw athath ?
awen o kilin ya7seb inne a`3ane
3alel o kilin ya7seb inne mdawee
Keep Searching .. lazem ako a7ad yefhemich !!
تلاقينه يناجي روحه بنفس الكلام الحين.. يطلع ويبان في يوم...
كل صبح له شمسه
وكل مركب له مرسى
:)
يعطيج العافيه يا الغاليه
احس مرات اصدق الاحاسيس تيينا وقت التعب والمرض اسم الله عليج وعلينا
!!
كلامج اليوم ياني بالصميم
والشعر ياي بمكانه
لا لا كريزما كل يوم افتري بمحلات الاثاث عشان نقرا هالحكم
:))
صباح الخير
:)
شهد :
ههههه
والله يا شهد قمت احس انا انا الصعبه وان انا الى ما ادرى شبى
:/
لا اتعلث بالناس
خوفج من هواجس الليل وسوالفه
:)))
تسلمين من كل شر حبيبتى
بيربل:
هلالا بالى لفانى يا هلا به
والله يا حلوج انتى ويا حلو قبلتج
الله توأم الروح يا حلوها من كلمه
لوووووووووووول وااااى وينها جولى مختفيه عن الساحه
الله يحفظها ولا يخليكم من بعض
احنا اكثر
:**
خروفا:
ولكم بااك حبيبتى
:)
وااى دواامه مرات احس فيها من هاللويه
تحسين ودج اتصرخين
://
الله يحفظج يا خروفه
مى تو دير
:)
طلال:
مشكور اخوى وما قصرت
وحياك الله
يعقووبوو:
لوووووووووول
اصدق ايي
انا من بديت بهالحبوب وانا زايده الهلوسه عندى
هههههههههههه
الدنيا:
هلا حبيبتى
والله صدقتاى
مرات انا احس نفسى ما ادرى شبى
انا الى اصعب نفسى
:/
تسلمين يالغاليه
نعناعه :
هلا بنعناعه
ما تتخيلين اشكثر استانس لما اسمع منكم واحس ان الغالب نفسى ويحس الى احسه
حبيبتى مشكووره والله لا يخلينى من هالمحبه
ويحفظج من كل شر
:)
حمودى:
ههههههههه
لووول
لا بس بعدى بكامل قواى العقيله
صج ان الدوا مصنف من ظمن الادويه الى تصرف لللامراض العقليه
بس ما ينيت بعدى صامده
لووووووووووووووول
ليتك شايف ويهى والدكتور يوصفلى الدوا ويقولى ان ما يصرف للطبيعيين
لووووووووووووووووووووووول
ااخ يا قلبى
حمودي
محد فطن الا انت لووووووووووول
الكل عداهاا
هههههههههههه
عدهاااا
what will be will be:
انااا اقووول بلوقى زايد نوره
هلا وغلالا
:)
مس يو والله يا وت ول بى
منورتنى
ايي لقينا برادى ستاير
والله يعينا على الباجى
:/
اكره افتر على تأثيث
:(
احب اطمش اى بس ما اأثث شى لى
يا حلوها الصدفه لى يا بتلج الى يفهمج لى عندج
ويا حلوه من قدر اذا لعب لعبته
ما احب ادور
خليها على الله سبحانه
ما تتخيلين اشكثر ونستنى زيارتج
:)
اسيل:
هلا باسيل هلا
هههههه
اتهقيين
:))
كل صبح له شمسه
وكل مركب له مرسى
الله وايد حبيتها
اي والله
:)
استكانه:
هلا بشيخة البنات هلا
وااى لا تعالى انتى افترى مع امى
ههههههه
استكااااانه وااااااااى ودى اصرخ من قمة راسى بهالمشواار
ههههههههههههههههه
لا اذكرينى
حبيبتى انتى
:**
تذكري دائما
أن تعقبي كل ذلك
و كلما ذهبت بك نفس
إلى ذكرياتك و إلتفاتاتك لحياتك
بإبتسامة
:)
:
ذائقتك راقية جدا
للشاعر و القصيدة
على حد سواء
صباحك خير
و هاف نايس ويك اند
يا "كاريزما"ا
:p
كاريزما
فقط ثقي باحساسك
و بالطقاق باي شيئ اخر
نعيش الحياة مرة واحدة ...لا مرتين
لست مندفعا او طائشا لاقول هذه الكلمات... اقولها لاني عشت حتى بلغت عمري هذا محروما من الكثير
لا تكوني كذلك
القصيدة تينن حدها :) 00 تركيبتج طبيعية م ما فيج الا العافية بس عشان مثل ما انتي ما تقولين الي بداخلج هم بعد في ناس ما يقولون اللي بداخلهم وهذا اللي خلاج تقولين تركيبتي صعبة بس عادي هذا حالة و تمر صج انها تضيق الخلق بس اتطلع الابداااع (؛
مساالورد والجوري
غاليتي الحبيبه
احلا كريزما
اول شي بالعافية علي الغدا
وثانيا يارج الله علي الفراره علي الاثاث
والله يحفظ الوالده
آمين
وبالنسبة للبوح عن خلجات صدورنا
فهي غاليتي لعبة الاقدار
فللاقدار شكل كبير بتغير مسار حياتنا ومستقبلنا
فقد نتلقي بشخص ونرتاحله...بس فجاة
يروح ويبتعد عنا
فبالنهاية
هي لعبة الاقدار
دمت بدفء وعذوبه
ابدا
:)
سووورى نسيييت لا ارد
:/
طائر بلا وطن:
الله يا طائر
مرات من كثر ما تتذكر امور تعصر قلبك ما تقدر تبتسم
ما احب اذمر وايد
الحمدالله والشكر يا ربى على كل حال
وهذى
:)
يسعدنى تواجدك طائر
لا تقطع
عثمانى :
هلا وغلا
من شفتك قلت اكييد نزل الحلقه الثالثه
ههههههههه
يا هيا ياا هياا
اااخ يا عثمااانى اااااخ بس
يااا لييييت اقدر اقوول بالطقاااق
يا رييت
عورت قلبى ترى
اول شى توك صغير ولك طوولت العمر استاانس يا اوخيي وعيش وسو الى ما قدرت اتسويه
ونصيحتك اقولها لك
:)
منورنى
glass fabric :
اول شى حياج الله ومنورتنى
والله اكيد فى امور كثيره تمر بالانسان ما يقدر يصرح فيها
اكيد
اى والله الكبت يطلع المواهب
:))
فراوله:
حبيبتى يا فراوله ما قصرتى
:)
اى والله اهى لعبه الاقداار فعلا
بحفظ الله
Post a Comment