TAAAAAAAAAAAAAG

el tag wama adraaak ma el TAG

2 u all 3shaank bs aw 3shan ma aby aredk hehehheheh bs 10 waaayd shgool aw sha7chyyy

بتكلم عن 10 امور بحياتى الخاصه والله المستعااان وبطلوا سوالف التاق :)

1- طبع خايس فينى اوصل لى مرحله الانهيار من الخوف

2- مانى قد افعالى ، واذا تدودهت يوقف مخى ما عندى سرعة بديها

3- حساسه لى درجه اللوعه

4- رومانسيه لى درجه محد يفهمنى ويستوعبنى وميننا ربعى بهالسالفه ، اذا ما كو رومانس بحياتى انا اخلق لى رومانسيه

5- اذا حبيت شى ابالغ فى وصفه من حبى له

6- اذا يانى صداع احب اطق راسى براس اى واحد جدامى وايد ارتاح ، ادربييه

7- احب البحر ، البحر شال بلاوى منى ، البحر سكينه ، البحر ريلاكس ، البحر صديق ، البحر ومنظر الغروب يقتلنى

8- حاسه الشم وايد قويه عندى امشى واشمشم

9- احب الفصلات والينون احب اعيش طفوله مع ناس معينين ، احب اتجرد من شخصيتى مع ناس معينين

10 - ام دمييعه ، دمعتى على طريف ابسط الامور اتبجينى ، صديقتى اتسولفلى عن عيال اختها بالمدرسه ان عندهم حفله ويغنون اغانى وطنيه ويرقصون ، فا اهى اتمثلى شلون يرقصون ويغنون جان اقعد ابجى

لوووووووووووووول ليش ما ادرى بس اليهال نقطه ضعفى

11 - بزيد وحده هههههههههههههههههههههههههههههههههه

ما احب اعاشر يهال

اموت عليهم بس من بعيييد ما اتحمل البجى والصراخ والحنه

بس غرامى ريحه اليهال وخصوصا اول ما ينولد

:)

طوارىء مستشفى مبارك

الى بتكلم فيه ملينه واحنه انعيد وانزيد فيه ، اكيد هذا مو اول بوست ينكتب بالمستشفيات الحكوميه

بس انا الاسبوع الى فات مريت بتجربه مع هالمستشفيات اللانتيك الى بديرتنا

مرات يحدك الزمان ويقطك عليهم ، الله هم لا اعتراض

اختى سوت حادث واهى تمشى بالممشى دعمها واحد واهى عابره من شارع لى شارع

اتصلوا فينا من موبايلها وقالوا ترى البنت بالمستوصف عشان الاسعاف تاخذها المستشفى

رحت انا اول وحده المستوصف الا اختى بغرفه الممرضات ويمها الدكتوره ننطر الاسعاف اتشرف من مستشفى مبارك

يت الاسعاف بعد نص ساعه

ركبت معاها الحلوين المسعفين يسالونها تقدرين تركبين بروحج ولا انركبج يالسرير !! هذا اول الخير

بدا يرتفع ضغطى ، قتلهم تسألون وحده مسويه حادث هالسؤال !! البنت مو قادره تتكلم ودمها ترس ويها

قتلهم انت صعدوها يمكن نزيف داخلى فيها يمكن شى !!

ونفس السالفه واهى تبى تنزل !! ها اختى تقدرين تنزلين ولا انزلج !! لا يناو

دشينا المستشفى ، قالى انت سوى اوراق الدخول ،قلت له اخوى حادث سياره قالى لازم بطاقه مدنيه !! نعم !!! اخوى

البنت من الشارع ماخذينها !! والصراجه ما قلت حق اهلى انا ييت معاها ولا عندى بطاقه ، قالى اتصلى على الاهل يجيبون البطاقه !!

شنو يجيبون وما يجيبوون !! خليته يقرق ودشيت ورا اختى الطوارىء

اهنى تبدى البلاوى الى اتخلى الانسان يبجى على الكويت والكويتييين

دشيت الا جنا عنبر !! الطوارىء عباره عن غرفه كبيره وسراير محذفه بدون تنظييم وكل اجانب

ادور اختى وينها الا محذوفه باااخر الدار ولا حواليها ولالالالا دكتور والبنت داشه حادث سياره ! يعنى المفروض الف دكتور حواليها

قمت اصرخ من قمت راسى وين الدكتووور اختى مغمى عليها ولا اكو احد يمها

ترد على السستر الهنديه بكل برود

انت لا يصرخ الحين دكتور يجى !! يا عينى عليج ، قتلها انا اناديه وينااا

شرف الدكتور بعد ربع ساعه من دشينا

الدكتور مصرى ، قتله دكتور الحقنى اختى سوت حادث وراسها كلا دم اخاف نزيف داخلى دكتور

جان يزفنى ، قالى انا اشوف شغلى مش انت اتعليمينى

انطميت وسكت ، صحت البنت اتألم واتون ، جنها من قلبى الونه انا قمت اصيح ، جان يقول تتحول اشعه

نطرنا ربع ساعه ثانين عشان ايون البورتر يوصلونها الى دار الاشعه

سوينا الاشعه

وين الدكتور ؟؟؟ نطرى لما اى

وننطر نص ساعه على ما يوصل الدكتور يشوف نتيجه الاشعه والبنت اتألم

يا الدكتور طااااير على حاله ثانيه قتله دكتور النتيجه !! قالى عندى حاله غيرها ؟؟؟

مر على حالتين وبعدين يا حق اختى ، الا انا ناشف دمى

شاف قال لا مافى نزيف بس رضه قويه

وباجى الاشعه مش من اختصاصى ما اقدر اشوفهم

نعم ؟؟؟ عيل من اختصاصه

قالى دكتور عظام !! قعداى نطراى على ما يشرف دكتور العظام!!

انزين عطوها مسكن البنت تتالم قالى لا لازم ما تتخدر عشان انعرف وين الالم

وننطر نص ساعه على ما يشرف دكتور العظام

ولما وصل يفتر على الاجانب اول بعدييييييييين الكويتيين

اهوه يفتر وانا امشى وراه جنى اطر منه يقولى اوكى انا قاى !! اى تعاااال يقولى حالتين وقاى

هاو هذا حادث مو لعبه !! الى قاعد يفتر عليهم ما فيهم شى موجودين من زمان مو حوادث سياره !ااه يا قلبى

لما وصل وشاف الاشعه جان يقول اااه مسكينه كسر بالكتف وشلخ بالرجل

والبنت تتالم طول الساعه ونص

يعنى لو من الاول شايفينها مو جان وفر هالالم على البنت !!

شهالحاله الى احنا فيها ، ليش جذى

وغير الوصاخه بالغرفه غير الاكل الى بقصادير يفترون فيه على المرضى

غير الخموره والريحه الخايسه غير السراير الوصخه

كلا اجانب واحنا يعاملونا بنزره وازفت معامله

انا بس ابى اطلب طلب واحد ! الكويتيين خلولهم طوارىء بروح مو مع الاجانب

ويصير لهم ستاف خاص لهم غير الاجانب

بعدين طوارىء دكتور واحد بس!! ما يصيير ما يلحق

يعنى حاله ادش حادث سياره تعاملونها مثل الى ياى بطنه يعوره من بيتهم !! شهالحاله الى احنه فيها

وبالنهايه لما يينه ناخذ الدوا دفعونا 5 دنانيير عشان ما عندها بطاقه مدنيه!! والبنت مجبسه وداشه حادث سياره

لا تعليق

رحت أسأل

من الصبح وانا اغنى هالاغنيه هههههه لازقه فى عقلى ليش ما ادرى

لا كليمات لا لحن لا اداء بس اطططططططططرب عليها ولا الى يموت ضحك حافظه كلماتها عدل هههه لان حافظتها من صغرى

على وقتى ما كان بالساحه الكويتيه الا رباب ونوال الكويتيه

بس ليش كنا نحفظ مثل هالكلمات شكووو بالله كل وحده فينا هالطول وجنا سحر حافظين هلاغانى هههههه

كتبتها بدون ما اشغل الاغنيه لانى حافظه ، الا فى جم بيت كانو غلط

ابيكم تضحكون على الكلمات الى كاتبها او كاتبتها الشاعره

الى كنا نطرب عليها ههههههه

من حرتى كتبت ورديت على المقطع لانا ينرفززززز

وفي مثلها بذاك الوقت وايد وهم كنا نحفظ هههه

مثل عبدالله رويشد ثلاثه رايحين الصالحيه

هههههههههه ليش حافظينها ليش

كلمات الاغنيه تقول :

لنا بالعاده انتلاقه كل خميس

حلو
لى حبيبى وسيدى ما يا هالخميس

مو الا اتعذرله
رحت اسال واتحرا وينا وين

غلطانه
قالو محبوبج يا فلانه عريس

انتى الى يبتيه لنفسج
هى اشاعه او صحيح الى يوقال

خنت حيلى
ولا انها جذبه ابريل وخيال

افصلت المسكينه
ما اصدق هذا من رابع محال

لا صدقى هذول الرياييل ما منهم امان
واهو ما يرتاح مع غيرى جديد

قاص عليج
قلت ما اصدق وانا لالالازمن اروح

ليش عاد ليييييييييش ليش اذلين نفسج
شفت بعينى زينه من فوق السطوح

أول الخيير قلعتج شمطيرج
قمت احس بقلبى كلاته جروح

ليش رايحه ليش
بالفعل حظى بهالدنيا تعيس

حطمنى هالبيت بعد عمرى
رحت ابارك له ما دام انى عنيت

دام انى عنييت !! شهالتخلف حرتنى يعنى اهيى موتا موتا هههههههههه
وابتسم له ويعلم الله ما خفيت

ليش ليش زين ما اغمى عليج
قلت له مبروك اول ما حجيت

المفروض مو مبروك المفروض شى ثانى ينقال
والحزن والجرح فى قلبى حبيس

لا تعليق

ابيه ترا هبيت فيها هبه اول ، ولا كنت افهم معناها لى درجه راسخه بمخى

بس عندها اغانى حلوه

احتمال

واحتمالاتك خطا

انت بديت

تحيه لج يا رباب

وسلامتكم وتعيشون

سلام يا وطنى أمان يا وطنى

سلام يا وطنى امان يا وطنى

يا ساكن الوجدان يا سيد الاوطان

يا اجمل وطن يا نظرى يا نظرى

انت الكوييييييييييييييييييييييييت

يا عشقى بالصغر يا عشقى بالكبر

أنام بحظانك وتنام بحظانى

اعيش على صوتك يا صوت انسانى

والله وحبيبى يا وطن والله وحياتى يا وطن

يا عالى الرايه يا عالى الرايه

يا ساكن الوجدان يا سيد الاوطان يا اجمل وطن فى نظرى انت الكويت

وطنى وطن النهار انت النهار يا وطنى

انت الامل لى هل وانت النهار لى طل

اه يا وطن يالى انولدت من جديد

انت محيط الارض يا موج البحار وطن النهار
وياك عبرت الزمن الله اشكثر يا كويت يا كويت

قلبى خفق يا كويت شلتك بيوفى وطن وطن

انت الوطن بس انت انت الاصل بس انت انت الحياة بس انت

غصبن على الالام ترجع وطن من جديد

الله الله يا شمس الحياة يا كويت يا كويت يا نبض الحياة

الله يا كويت انت الحياة

انا كويتى انا اكويتى انا كويتى

انا النظره انا الفكره انا كويتى انا كويتى

انا الهمه اهى الكلمه انا كويتى انا

الله الله يا ارض اهلى واجدادى الله يا افراحى واعيادى

حره وما تعرف صعب حره حره حبها بالقلب انكتب الكويت الكويت

يا حب ما يعده عدد يا شوق ما بعده بعد

منصورة وبالصوره والحافظ الله يا كويت

ما لقيت كلمات المست صميم قلبى فى حب هالديره مثل هالكلمات

تدمع العين لما تسمع هالكلمات

اعشقج واحبج يا ديرتى يا حبيبتى يا الكويت

والله يحفظج من كل شر ويخليج لنا ذخر

وكل عام وانت بخير يا كويت

رجعنا أغراب

أطلق العنان لحواسك

غريبه الحواس الى نملكها ، اكتشفت ان الحواس تعشق بعضها وتحب بعضهاوفي تبادل قوى بالمشاعر يسبق حتى تعارفنا لبعض

كأنها اتمهد الطريق للتقبل والتعارف
السمع

التذوق

النظر

الشم

اللمس

مرات الإذن تحب صوت شخص ما من تسمع صوته ترتااح وتذوب ومرات يصدف ان لم

يتم التلاقى بينكم بس الإذن اسبقت

وحبت وتعلقت بدون لا تشوف صاحب الصوت

وكأنك اكتفيت بصوته

العين ترتاح لمنظر معين مثلا منظر الكعبه المشرفه

مجرد النظر لها يشرح الصدر ويهدى النفس ويحسسك بالطمأنينه

منظر البحر لما العين تشوفه ،عشقتا من كثر ما عيونى تحبه هالبحر

العين تعشق النظر لشخص ما وترتاح وتهدى نفسك

اعرف بنت احب اشوف ويهاااحب

اقعد اجابلها حتى لو ما نتكلم ، اتفائل بشوفتها وترتاح نفسى بحظورها

الشم

هذا مشكله الى ريحته حلوه وخنينه يا سااتر

انا من الناس الى احب اتنشق احب

النظافه والريحه الحلوه حتى لو الى جدامى جييكر وما ينبلع بس نظيف ومهتم يعطى اشارات موجبه للراحه والتقبل

اللمس

ايدى لما تمسك ايد س من الناس ، بدون ما تحس تلاقى روحك معجعج اى وخر وخر الزقت الايد ماكو فكه !! تحس براحه من تلامس الايادى

يمكن هالموضوع يعرفه الكثير بس انا حاليا امر بنوع من هالانواع الى ذكرتها وفى ناس دشت قلبى وبالصميم بعد عن طريق حاسه من هالحواس
نقدر انسميه عشق الحواس ؟؟

توافقونى الراى ؟صح كلامى ولا غلط

I`m lonely in my life

ما أجمل ان يمتلكنى رجل وألا أمتلكه

غريب هالشعور الى أحس فيه

بيدى ومو بيدى

معاى ومو معاى

حاضر بس غايب

معاى بكل لحظه بس مو موجود

مع مغيب الشمس

فى ناس تطلع بحياتك بالوقت الغلط وبالزمان الغلط

مع انهم الناس الصح ومع ان كل شى فيك يركب عليهم

واتحسين لو كان موجود من زمان كا ن وكان وكان

ما كل ما يتمناه المرء يدركه تجرى الرياح بما لا تشتهى السفن

الله يذكرك بالخير

رحت البحر

نزلت من سيارتى ونزل من سيارته ، قعدنا على

كرسى طويل جبال البحر، قعدت وقعد يمى شفنا غروب الشمس بصمت بهدووء ولالالالالالالا كلمه نطق ولالا كلمه نطقت

اثنينه متنحين على الغروب كل واحد بيده مق فيه الكوفى الى يحبه من ستاربكس

اول مره استطعم واستلذ بطعم القهوه الى بيدى مع انى كل يوم اشربها

بس كانت غير ، كانت وايد لذيذه الى اشرب واطالع الكوب امممممم نااطعه

غابت الشمس

تكلم طلع كل الى بقلبه ، دمعت عينه

تكلمت طلعت كل الى بقلبى ودمعت عينى

ودعته

ركبت سيارتى ومشيت

مع مغيب الشمس وبجو هادى ابتدينا بهمس وانتهينا بهمس وافترقت الايادى

بقى خوف يهز الروح واجروح اجر اجروح

ينادى لا لا اتروح مع مغيب الشمس

اهديكم هالاغنيه

Real love massari