Love is life

سؤال طرح فى يمعه مع صديقاتى

هل ممكن ينولد حب بدون تواصل ؟؟

يعنى هل ممكن الواحد يحب وحده وتتولد مشاعر تجاها بدون ما يشوفها ويكون بينهم تواصل

يعنى يلتقى فيها ويتبادل النظرات معاها او ان يحس بوجودها او على الاقل جات معاها

يتعرف عليها عن قرب يعرف شلون اتفكر

تاركه لكم الاجابه بعرف ردود الافعال

______________________________________________________

كل واحد فينا يحب يسمع كلام حلو وخصوصا من حبيب

يعنى كلام الحب ممتع للطرفين

بس لازم نعطيه قيمه

ان انترجمه بالافعال

وننطر اى فرصه تمر عشان نثبت كلامنه

واذا مرت الفرصه ولا استغلها الحبيب

فهذا تنبيه

ان الكلام الى ينقال كلام فاضى ولا له معنى

_____________________________

احس كل ما اكبر كل ما ينرفزنى كلام الحب

ما ابى اسع ابى اشوووف

ابى احس

ابى فعل

عشان اصدق واستمتع بالكلام واقدره

وارجع اذكر عمرى واقووول

طاااااااب خاطرج يا كريزما لا تنسيين ان طاب خاطرج

يوم متميز من فجره ..

سبحان الله فى الصبر.... مو كل انسان له القدره ان يصبر
دايما اقول شلوون فلان صبر كل هالسنين على هالمصيبه ، فى مصايب تهد جبال ويتحملها العبد المسكين
الله يبلينا بهالدنيا عشان يختبر صبرنا
وَبَشّرِ الصّابِرينَ (155) الّذِينَ إذَآ أصَا بَتتهُم مُصِيَبَةٌ قَالُوا إنّا للهِ وَإنّآ إلَيهِ راجِعُونَ (156) أُولئِكَ عَلَيهِم صَلَواتٌُ مِن رّبِهِم وَرَحمَةٌ وَأولئِكَ هُمُ المُهتَدُونَ ... البقرة 155-157
واجر الصبر كبيير الله يضاعف اجر الصابر لا يعلم اجر الصابر الا الله سبحانه

الله يجعلنا من الصابرين ، حبيت ابدى بهالفقره عشان كل واحد فينا مبتلى خل يكون على يقين الله معاه وان له اجر كبيير من وراء هالابتلاء وانها بتفرج ، الامل حلو وبيى يوم وبتفرج وانت المستفيد لان الله معاك

اليوم انا بقمة السعاده صبرت 9 سنين وفرجت اليوم تاريخ 6 /12/2007
من احلى ايام حياتى صاار باخر هالسنه ، عاد من فتره كنت افكر باحداث هالسنه من دش حياتى ومن طلع منها

والاحداث اى صارت بهالسنه واذكر هالبلوه واقول الالا هالبلوه على قلبى قاعده

تعبت واشتكيت وتذمرت ويأست وبجييت واحترييت من قلبى وانقثيييت حيييل وقعدت ادعى ربى من قلبى واتحسب ،

واحاول افك نفسى واستعين بالناس وسبحان الله بالخيره وكل ما اقول تفرج ترجع وتقفل مره ثانيه

واقول يا ربى انت اعلم وارد اذكر نفسى صبرى يا بنيه ان الله مع الصابرين، والخيره ما ندرى شصالح فيه بس ابن

ادم عجول صبر سنين يذبح وهنى ربى يختبر قوه الانسان بالصبروقوة الصبر تختلف من انسان للاخرالله يرحمنا برحمته

ويارب اكون من الصابرين :(

بس فرجت وما تتخيلووون سعادتى :)

واليوم غير كان غير بكل شى كان متميز من صبحه ليين مساه كان غير

من امتع لحظاتى لما اخفف على حبايبى واواسى حبيب بضيقته واقدر ارسم بسمه على ويهه واتحلى على هالويه المبتسم

من امتع لحظاتى لما اسوى فعل بعفويه والقى مردوده كبييير وانا سويته بعفويه ولا عملت حساب ردة الفعل هذى اهنى تخنقنى العبره

من امتع لحظاتى عيون اطالعنى بحب بدفى بتقدير ما تبى من وراى الا روحى الصافيه وقربى

من امتع لحظاتى مسج غير متوقع من انسان غير متوقع يقولج الله لا يحرمنى منج ، ويحسسج انتى شتعنين بحياته

من امتع لحظاتى كسر حاجز حقير فرضته علينا الحياة واوصل لدنيا ما يعلم فيها الا رب العالمين

من امتع لحظاتى لما اعيش روحى بدون قيود

من امتع لحظاتى لما احس بغلاتى عند حبايبى

من امتع لحظاتى قعده صافيه من ناس قريبه من قلبى هدوء وراحة بال

من امتع لحظاتى حلم احلم فيه من سنين ويتحقق بلحظه

من امتع لحظاتى لما القدر يجمعنى وبحب كبييير مع ناس كنت اشوفهم من بعيد وابتسم ولا كنت افكر بيوم انى ممكن

اتعرف عليهم ولى كل هالمعزه هالحب منهم

من امتع لحظاتى قعده مقابل البحر اكلمه واشم ريحته

من امتع لحظاتى حظن دافى احس ما ابى اوخر عنه واحس براحه وامان فيه

فينى واايد بس كفايه لى هنى

الله لا يحرمنى من كل حبايبى من قلبى احبكم وعساكم دوم مرتاحين ومبتسمين

____________________________________

you made my heart sing and my soul dance

for you.....................

اهتم فيني
حط بالك علي

سكني بروحك و عينك و قلبك

حافظ على اهل القلوب الوفيه
مو كل يوم تلاقي واحد يحبك

♥♥♥

لو قلتلك زعلان
جبلي هديه
لو قلتلك مابيك
قولي احبك

لاتزعل ان كدرت جوك شويه
قلبي طفل و يحب يلعب بقلبك

♥♥♥

انا لك و ودي تكون انت ليا
يا شين غيباتك
و يازين قربك

ابسط حقوقى
انك تحس فيا
و احس اني
في كل الاوقات جنبك

الله لا يحرمنى منك

منسيه منسيه

فينى طبع احب اغنى ، واذا الاغنيه حلوه حتى لو مو حافظه الكلمات

اغنيها لحد يسالنى شلون

تصير كلماتى والحاان الاغنيه

المهم ما ادقر عمرييييي واغنى

وطبعا هالمود ما ايينى الا بمكانيين

مكان مجهول صعب اصرح فيه

والمكان الثانى بالسياره

عادرى ما ارد على تلفونى عشان مندمجه بغنيه عااادى

زيي الورد

وهالايام طاريه على اغنية منسيه حق عايشه المرطه الله يرحمها

وااايد احبهاا هالاغنيه كلماتها تعور القلب وادندن فيها هالايام بزوده لانى حاسه انى منسييييه

اغنيها بروحى بس اليوم وانا اطقطق بالاب توب طرت على قلت خل اسمعها

اناا سمعت كلماتها الا انا عاافسه الدنيااا الكلمات بشرق وانا اغنى بغرب

لوووووووووووووووول

والله فشله فشله اكتب الكلمات الى كنت اغنيها

اغنيها وكل مقطع .. اقول يا بعد عمرى واتفاعل ومرات احس بالكلمات جنها عنى

مرات احس انى منسيه وانا بوسط حبايبى اتوقع الكل يمر بهالشعوور

الحيين مو هذى سالفتييييييييي

سالفتى انا الكلمات الاصليه مو تعور القلب لالالالالالالالالالالا

اتبجييييييييييي

بكتبها عشان الكل يعرف شكثر عاانت هالكاتبه او الكاتب الى كتب هالكلمااات

لا حرام واايد جذى على الوحده تتحمل

والله

يالله اخذو الكلمات وحكموا

وايييييييي

واول مره ادرى ان الكوراال مو كورال مع عايشه المرطه الكورال مساعد مطرب

لان الكورال بغنيه منسيه يكمل الكبليه ما يكرره ولا يعيده

بيربل بتفهم شقاعد اقوول

لوووووووووووووووول

ههههههههههه

عجييبييين ضرورى تسمعونها

والى تعبانه نفسيا ما انصح تتفاعل وتسمع الاغنيه بتتعب

اليي تبى اتوسع صدرها وتاخذها ضحك وتستمتع بالطرب وصوت عايشه المرطه

خل تسمع

ويااحلوها من بساطه ويا حلوها من كلماات ويا زينه من لحن

حتى بكلماتهم بذاك الزمان عفوييين

بسييطه اللهجه عاميه كويتيه بحححته وقريبه من القلب حيييل بالصميم اييك المقطع

منسيه منسيه

يا عونت الله ولا لى عندكم طارى

منسيه منسيه

ولى الله هو الى عالم ودارى

اناا كله يتراولى انى بدنيتى بروحى

لا لى خل ولا والى يشاركنى الهوى روحى

منسيه منسيه منسيه

شوقى غنه ..وصف ايام الصبر

شوقى جنه .. يامر اقليبى امر

تامرنى انا تامرنى الاشواق

انا الاشواق اتحدنى على التفكير

قلبى عز عليه الفراق

لو عنى جاة احاتى

قااال اهوه.. كنت اتمنى انا الجيه

قلت اشوه يعنى انا مانى منسيه

الله يانى نسيت الى حصل

:(

خنقتنى العبره حراااااااااااااام

قص عليها بكلمه طارة من الفرحه

؟؟.!انا قلت ولهانه

.. انا من الاول .. قلت ما وصل

قلت انشد انا انشد انا ..واسولف له عن الاشواق والحيره

ويسمعنى وانا اوصفله شسوت فينى الحيره

قال اهوه انا كنت اتمنى الجيه

قلت اشوه يعنى مانى منسيه

منسيه منسيه ولا لى عندكم طارى

ولى الله هو الى عالم ودارى

اييييه لك الله يا كل محب اتعب الكلماات

بييلز قولولى خداى اول مو موجود الحين فى بناتنا وشبابنا صح؟؟؟

ماكو بنت جذى الحيين

ترى بزعل وايد اذا فيييه

منسيه

..............

حاشتنى حساسيه بالدم فى اخر سفرة ما ادرى من شنومن اكل او من شى ثانى الله اعلم

دست على نفسى لين الكويت من كثر ما زادت الحاله على وتأزمت من الطياره لين المستشفى المواساة

شافنى الدكتور قالى هذى حساسيه بالدم ماكله اكل ما تقبله جسمج يابلج حساسيه حكه شديده وضيق تنفس لان نفس الحاله الى

ظاهره بالجلد هم داخل على الرئه من جذى تحسين بالاختناق

المهم علاجى كرتزون 20 يوم وحبوب حساسيه ، عطونى ابره والباجى حبوب اكلتهم لما انتفخت من الكرتزون بهذلنى

استغفر الله لاعت جبدى ، تحملتهم لما اليوم 15 بعدين اعرف دكتور باطنى قالى حذفيهم ولا تكملينه

قمت وحذفتهم انا حذفتهم من هنى وانتكس نكسه وترجع لى نفس الاعراض ، يعنى مو معقوله بعيش على الكرتزووون

المراد رحت حق دكتورى قالى مالج الا مركز الراشد لامراض الحساسيه فى الصباح يسوونلج تست اختبار دم

ويعرفون بالضبط من شنو دمج متحسس

امرى لله رحت مركز الراااشد ، المركز عباره عن مبنيين قديم ويديد

ويشحططون المرضى بين هالمبنى وهالمبنى

شافنى دكتور كويتى شحليله متفهم وجابلنى وعرف الحاله قالى هذى اسمها ارتيكااريا وتحوش 15 % من سكان العالم

وانت وحده منهم لووول يا سلالام وهذى مو معديه ولا شى مثل اى حساسيه تعاملى معاها مرات تكون مزمنه ومرات لا

تاخذ وقت وتروح ، بس ما تحتاج انج تاخذين كرتزون مو مستاهله المسأله حبه حساسيه الصبح ووحده قبل النوم وماكو

الا العافيه ، بس لحبوب يسطلون يعنى كله دايخه ويحوشج خمول بالجسم

ومالت الليل خطره لا تسوقين فيها اخذيها ونامى على طول ، بتقومين الصبح متكسره وتعبانه بس شربى قهوه وماكو الا

العافيه وسويلى تحليل دم اشوف دمج شفيه

خير انشاءالله حطلى موعد مراجعه عشان اشوف نتيجه التحليل مشكور دكتور سلام وعليكم ومشيت
اليووم يوم مراجعتى رحت

وقفت عند شباك المواعيد عطيتها الورقه قالت موعدج اليوم قتلها اى والله اليوم قالتلى روحى ييبى ملفج

قتلها نعم قالت ييباى ملفج من المبنى القديم !! بلعتها ومشيت رجعت المبنى القديم ولا يوحش ويخرع واظلم

وهالفرارييش مسدحين بالممرات وريحت حزوره على خموره ويييع جبدى قامت تقلب

المهم ولا مليون شباك وكل الشبابييك مكتوب عليهم مقفل

جان اقول بقلبى معقوله سكروا !! توا مأذن الظهر يه ! اطالع ساعتى توها 12 الا ربع جان اكلم وحده من الفراشات

منسدحه على الكرسى قتلها وين اييب الملف ما ردت على حقرتنى

جان اتينى وحده متينه وطااايره ماما ماما الى اهى اناا

لوول قتلها نعم ماما جان تقولى تبين ملف قتلها اى والله ، قالت رووح منى وتأشر على ممر اشطوووله رحت حق الممر

مشييت فيه الممر يخرعععع وكله رياييل هذول البورتارات اقولهم وين اييب ملف قالو روح داخل

قلت اوكى داخل داخل بس مييته خووف يعنى لو يحكرونى محد درا عنى

المهم وصلت لى براحه بعدين باب مسكر
رجعت قرى بطلع من صجى خفت ولاهذى الفراشه الى تنادينى ماما لوووول

تقولى ادخل داخل الباب اكو نفرات يجيب ملف

قتلها وييين عصبت قتلها من اكو داخل قلت اكييد هذول عصابه وبيستفردون فينى

ما وعييت الا يايه فتحت الباب ودخلتنى داخل
الباب انصك مالى غير رب العالميين

غرفه كلها ارفف طوااال ليين السقف وكلها ملفاااات
ثلاجه ورا الباب وما اشوف جدامى الا ارفف رفيعه وملفات واسمع صوت حريم يسولفوون

واشم ريييحه اكل خايس استغفر الله وضحك عالى هااا !! وينى فييه ادورهم ما القاهم بس اسمع صوتهم

الا تينى فراشه قلت زين يتنى وحده ولا موووقه ما تعطى ويه

قتلها ابى اييب ملف قالت روح داخل
هاااو ويين داخل انا داخل جان تقولى امشى

وتسحبنى بيين هالارفف رف ورا رف فجأه جاااان تطلع لى برااحه صغيره فيها طاوله مدوره ومليون كرسى

انا الى عينى شافته كلهم سوااد اعبى سوده شفت 7 حريم

اثنين يتمكيجون وحده تحط حق الثانيه مكياج

ووحده تقمس فول ما ادرى شنو المهم اتقمس بخبزه

وحده تاكل فلافل فرديه بالايييد

ووحده بيدها ورق عنب اتفلييه ماادرى اتلفه حق غداهم الله لا ياثمنى ما ادرى شتسوى فيه بس ماشفت جدر لا جدر ما شفت

ووحده تحييك على الكرسى وريلها فوق

تبوووووون وحده فيييهم التفتت عليييي

وحده فيهم حست ان فى اادميه غريبه يتهم ولالالالا همهم عمك اصمخ

الحين انا مو مصعوقه لا ولا مذهوله بلييز اذا فى شى اقوى قولولى

انااا مو مستوعبه الى اشوفه ابى اتكلم مو قادره

قتلهم السلالام محد رد السلالالام والله العظييييم

جان اقول لو سمحتاااو ابى ملفى بنبره عاليه شوى

جان تقول وحده ويييه يعنى ما ناكل

قتلها عفوا بس خلص دوامكم

جان تقول لا بس نبى نرتااح

جان تقولى من قالج الدكتور موجود
قتلها موجود مو موجود انا ابى ملفى الحين شلووون

يعنى انا اطلعه !! يت وحده بتقوم جان تقولها صديقتها حشى يا بعد عمرى ما قمتى

كملى اكلج انا اقوم اطلعه

يااا سلالام يتعازموووون !!
يتلى الحلوه بيدهاا فلالالالافل جان تقولى وين الورقه قتلها انا انقلج الرقم

جان تقولى ما يصير عطينى الورقه

وريحتها اتييب اليهد عطيتها الورقه وانا حدى متنرفزه بس خفت منهم يوحشوووون وشكلهم ماكو مستوى بالحوار

عادى يطلعونى ابجى لانى ما اعرف ارد اتوهق

تمنيييت فى هاللحظه انى اطلع ملسووونه وابهذلهم افففف

والله ثوانى ما خذت الا يايبه الملف عطتنى اياه

جان انا اقول مشكوره وسورى انى قومتج من اكلج

عطتنى ظهرها ومشت ما ردت على

احتريييت على نفسى والله احتريييييت

رحت حق الدكتور اشكى قتله الى صار

قالى اصدق ترى

تدرين هذول جم يصفى من معاشاتهم ما يصفى لهم الا دينارين من لفت النظر والخصومات

مو هامهم شى ولا هامتهم شكوا ولا يعبرون احد

قتله خل يفنشونهم وييبون عماله اجنبيه مو معقوله هالحااله

باقى على الدوام ساعتين وحاطين مقفل وياكلوون ويلفون دولمه شنو يعنى

لا تعليق ابى اكثر تخلف واكثر هلاقه

البووست قد ما اقدر مختصره فيه والله لو اقول الى شفته بهالمراجعتين ما اتصدقونى

جنها مستشفى طب نفسى مو صاحيين وربى متخلفيين كل الستااف الى يشتغل وعادى فراشه تلحقنى لول لما صرخت

قتلها ليش تمشين وراى شتبيين ههههههههههههه لا لا مصخره الوضع

وايييي بعد ، شيشت الدكتور والله شزينه ومرتب وولد ناس قتله شمقعدك اهنى قالى ناطرين الكادر

ولا يايله عرض من دبى معاشه ثمان الاف دينار كويتى بالشهر وقاعد

قتله من صجك دكتورعندك بيت زوجه وعيال قال لا قتله روح ولا اطول وكل ويك اند تعال قريبه دبى

ههههههههه

مأسااة

دع الخلق للخالق

الكلمات منسوبه للإمام الشافعي رحمه الله

وهو في ديوانه ، قال رحمه الله تعالى

إذا رمت أن تحيا سليماً من الردى **** ودينك موفور وعِرْضُكَ صَيِنّ

لسانك لا تذكر به عورة امرئ **** فكلك عورات وللناس ألسن

وعيناك إن أبدت إليك معايباً **** فدعها وقل يا عين للناس أعين

وعاشر بمعروف وسامح من اعتدى**** ودافع ولكن بالتي هي أحسن

*********

ما أكثر ما نشتغل بعيوب الناس ، ناسين أو متناسين أموراً مهمة :ء

ء

الأولى : أنهم بشر مثلنا ، وأنهم يقعون في الخطأ ويقع منهم الخطأ

الثاني : أننا مُـلئنا عيوباً لو اشتغلنا بها وبإصلاحها لأشغلتنا عن عيوب الناس

الثالث : أن من تتبّع عورات الناس تتبّع الله عورته ، فالجزاء من جنس العمل

الرابع : أننا أغرنا على الإنصاف فقتلناه غيلة ! فنظرنا في سيئات أقوام

وأكبرناها وأعظمناها وكتمنا حسناتهم

وقديماً قيل :ء

ء

أرى كل إنسان يرى عيب غيره *** ويعمى عن العيب الذي هو فيه

وما خير من تخفى عليه عيوبه *** ويبدو له العيب الذي لأخيـه

روى ابن جرير في تفسيره عن قتادة في قوله تعالى :ء

ء( بل الإنسان على نفسه بصيرة ) قال : إذا شئت والله رأيته

بصيراً بعيوب الناس وذنوبهم غافلاً عن ذنوبه

ومن كان كذلك فقد تمّت خسارته ، كما قال بكر بن عبدالله : إذا رأيتم الرجل

موكلاً بعيوب الناس .. ناسيا لعيبه .. فاعلموا أنه قد مُـكِـرَ بِهِ

وكم هو قبيح أن ينسى الإنسان عيوب نفسه

وينظر في عيوب إخوانه بمنظار مُـكـبِّـر

منقول

سوالف ليل

يومى حافل اليوم ما رديت البيت ارتحت

من الدوام لى غدا برا لى طلعه مع الوالده الله يحفظها لفت فينى بمحلات الاثاث لين صكنى راسى

دشيت البيت الساعه ثمان بالليل

!! وانا هذى قعدتى من الساعه ست الصبح وااايد

دشيت احس الدنيا تفتر فينى ما ادل دربى من التعب شور واندعست بفراشى

بس تو الناس على النوم اخذت حبه الهلوسه الى واصفلى اياها دكتور الحساسيه ،

وحطيت الاب توب قلت اطقطق لين ادوخ وانام

ما ادرى ليش اشتهيت اكتب سرحت مع نفسى شوى

ليش مرات اينى احساس ان محد بالدنيا فاهمنى ، هل لى هالدرجه تركيبتى صعبه

مرات ما اقدر اصرح بالى بنفسى لاحد اخاف انفهم غلط

احب احتفظ فيه لنفسى ، وسبحان الله اذا لقييت الشخص المناسب ما الله يكتب انى اخطى خطوه معاه

اكون مجمده اطالع من بعييد وابتسم

مرات الدنيا اتييب الشخص المناسب لى عندى وعلى طبق من ذهب بعد

بس بعد فوات الاوان

او تييب الشخص المناسب الى تلقيين راحتج بين ايده بس تصير ظروف تبعده عنك

ودايما وابدا احس بحفظ الله واحس بالخيره مع كل علاقه تمر بحياتى

الحمدالله على كل حال

وانا اكتب البوست كلمات خالد الفيصل اشوفها جدامى

خـــــــــــــــذاك الــــزمـن مـــني وتـــــرك لـــي أشــــواقي

ليته خذا ذكراك من كل أوراقي

الصهد ولع حياتي ليتها لمعة قمرتذكر أيام القمر؟

كيف السمر أصبح سهر؟ كيف الأماني اصبحت شكوى عمر؟

ليه انطفى فيك الزمان؟ ليه اختفى فيك الأمان؟

خذاك الزمن مني

يا روعة الماضي ولوعة حاضري

ياا بهجة الخافق ومتعة ناظري

تذكر الحب الأمل؟ قبل يصبح ذكــريــات

تذكر الفرحة ولهفاتي عليك؟ أسبق الموعد إليك

لحظة الشوق الكبيروالخفوق اللي من الفرحه يطيرورقصات الدقايق عند الوعد

وهمسات الحقايق قبل وبعد ليه انطفى فيك الزمان؟

ليه اختفى فيك الأمان؟ خذاك الزمن منى

يالله على وقت مضى فيه الرضافيه العيون تعانق أحباب العيون

فيه الخليل اللي على خله يمون

حتى الظنون ما تختلف فيه الظنو ن

فيه الهوى نشوان فيه ابتسامات الزمان

أحكي الهوى واشكي النوى وأساهر القلب الأليم

بعد الهنى بعد ما كنا سوى ليه يا حبي العظيم؟

ليه انطفى فيك الزمان؟ ليه اختفى فيك الامان

خذاك الزمن مني

Have A Nice Weekend

I used to think that I could not go on

And life was nothing but an awful song

But now I know the meaning of true love

I'm leaning on the everlasting arms

If I can see it, then I can do it

If I just believe it, there's nothing to it

I believe I can fly

I believe I can touch the sky

I think about it every night and day

Spread my wings and fly away

I believe I can soar

I see me running through that open door

I believe I can fly

I believe I can fly

I believe I can fly

See I was on the verge of breaking down

Sometimes the silence can seem so loud

There are miracles in life I must achieve

But first I know it starts inside of me

If I can see it, then I can do it

If I just believe it, there's nothing to it

I believe I can fly

I believe I can touch the sky

I think about it every night and day

Spread my wings and fly away

I believe I can soar

I see me running through that open door

I believe I can fly

I believe I can fly

I believe I can fly

Could I believe in it

If I can see it, then I can do it

If I just believe it, there's nothing to it

I believe I can fly

I believe I can touch the sky

I think about it every night and day

Spread my wings and fly away

I believe I can soar

I see me running through that open door

I believe I can fly

I believe I can fly

I believe I can fly

اليوم مودي هالأغنيه وأهديها لكم مع هالجو الحلو