Saturday, May 19, 2007

سوالف الستينات والسبعينات واول الثمانينات





ما قدرت اعدى هالايميل بدون ما اتشاركونى فيه وااى ضحكنة ضحك ، والى عاش هالايام بيحس بالى اقوله ههههههه





وطبعا مواليد الخمسينات داشين معانا بالحسبه

تذكرون لما اييلك واحد مليق من العايله اكبر منك ويقولك تبي اسويلك ساعه وانت تمدله ايدك ويقوم يعضك ذيج العضه اللي توارص منها.



تذكرون لما كنا نصور فوري عند مصور الجمعية وطبعا غصبن عليك الخلفيه زرقه مو بكيفك ولازم تمشط شعرك بالمشط اللي عنده كله شعر وبعدين يقصلك الصورة بالآله اللي عنده ام ذراع والاطراف مشرشره يعني يكون حركه.



تذكرون ايام حصة الموسيقى قبل كان الدرس لمدة سنه عباره عن تــــــــــافــــــــــــاتيــــــــــي فـــــــــــي تاتي والصفقه بصبعين بس .... صج كان منهج صعب.



تذكرون لي شفت واحد عنده سيارة مرسيدس كان يحوشك فضول الا تبي تعرف شنو اكو بالصيدليه اللي ورى بالسياره ونقعد انطلطل بالسياره واخر شي يطلع( بلاستر وباندج)



تذكرون اول يوم دوام بالمدرسه كانوا يسلمونا الكتب كلهم مع بعض وصافينهم من الكبيييييييييير لي الصغير وطبعا الكبير كتاب العلوم وكانوا يربطونهم بحبل عشان ما ينفلون مع 6 كشاكيل-



تذكرون المعجون الصغير اللي ريحته تبط الراس ومعاه عود لونه احمروكنا نبطله بالمقلوب ونرعصه ونلف العود عليه وننفخ عشان نسوي
تفاخيه وطبعا لاتفاخيه ولا قالها الله لين تطلع بلاعيمك منه.



تذكرون لما كانوا الاولاد يلعبون كره مبارات بالفريج واذاكان واحد من الفريق ناقص لاعب بعد ما يبيله قولجي دفاع هجوم ماشاءالله قرندايزر مو قولجي وطبعا كان اللعب لــــــي اذان المغرب اول ما يقول الله اكبر


تذكرون لما كنا نشوف افتح ياسمسم وانتأثر بكعكي اللي ياكل بسكوت ونشتري بسكوت كاكاو ونقعد ناكل مثله والوالده تصارخ من قمة راسها قطيــــــعه شنو هالشفاحه من لاحقكم خخخخخ.



تذكرون يوم الجمعة ... نقعد من الصبح علشان نسمع أغنية في عالم الشعوب قصائص لا تنتهي وعالم حلو بهي يسكن في قلوب في قصص الشعوب.



تذكرون لما كانوا بالصيف يسبحونا من الطشت والمغرافه الزرقه او الحمره لوول وانت تتنافض من البرد وتنطر متى يكتون عليك ماي اي بطل الدوش وفك عمرك....ياسلام على سياسة ترشيد المياه منذ القدم.



تذكرون تيلفون بوقرص اللي يخيب ثناك وانت تتصل وياااااااويلك يطلع الرقم مشغول لان مافي ريدايل والله يعينك لي بغيت تدق مكالمه حق
خدامتكم تلاقي اصابيعك اتعربك.....صج كانت معاناة بالعيشه.



تذكرون لما نرجع من الزواره كنا انتناجر منو اللي ينسدح ورىبالسياره صوب الجام ويطقها نومه لي البيت لالا ويتحرش بخوانه ينزل ريله عليهم يعني يكون حارهم لوووووول



تذكرون لما كنا نربط الشرشف او الفله على رقبتنا يعني يكون سوبرمان ونصعد فوق الكبت وانط على الدواشق واخر شي طاب غلط ومنكسره ايدك....

تذكرون شريط الشراغي الاحمر اللي اذا اخترب المسدس ماله مايبيله كلام حًول على كعب الوالده وكمل عليه بالكاشي والا على عتبة الباب اخر شي الوالده مكمله عليك بالكعب لووووووول


تذكرون لما كنا نحط قوطي السانكست بالفريزر عشان يثلج مع العصير الطوالي بونصين وكل ماتروح تبي تاخذه تلاقي الوالده منزلته تحت وماثلج.....راحت الفرحه.



تذكرون لما كان الاولاد يغسلون الحوش بالويك اند قمة الوناسه يمسك المساحه يعني يكون بيساعد واخر شي طايحله سكيتنج على الكاشي لوووووول وبالليل رايح الاميري.


تذكرون لما كنا نستقبل الحجاج عند الحدود من زود الفرحه واللهفه على الصوغه واخر شي جم مسواج وقحفيتين والكاميرا الحمره وسياده والبنات قطعه خام مالت هنود وساعه مينتها صغيييييييره.


تذكرون لما كنا نحب عبدالرحمن العقل ونروح مسرحياته السندباد والزرزورر والف باء تاء ولما الحرامي يكون وراه نصرخ من قمة راسنا ورااااااك وراااااااك واهوا يقول وينه وينه يميييييين يميييييين....ياعيني على الاستهبال.



تذكرون عزايم قبل والصماط المفروش على كبر الحوش اللي علىصورة ميوه ( فواكه ) وريحته لازم ريحة مطبخ وقاعدين على المده اللي لي قمت تلاقي ريلك كلها شخوط من المده....ياخي شنو هالزهد بس.


تذكرون لما هبينا في اغنيه البحريني سليمان الزيمان ولييييييييي في ربوووووووع الشمال غرام حي وزنبقه طاهره وحاطين المسجل على قاري منتزه الخيران وحد الصوت العالي وطيحله فراره بالمنتزه



تذكرون لما يبلشون الشباب يدخنون زقاير كل واحد حاط باكيت بمخباته ولافه بكلينكس عشان ما يبين من الدشداشه الصيفيه ولي شاف واحد من الربع يدخن يسأله السؤال المعهود (ها فلان تكنها ولا ما تكنها ) لووول شدعوه شي زين عاد ..وكان لازم مالبورو احمر شعار الرجوله.


تذكرون ايام الدراسه قبل يعني يكون بنشد حيلنا بالدراسه ونشتري قلم فسفوري اصفر ولا برتقالي عشان نظلل على الشي المهم اخر شي مظللين
على كل الكتاب وين الشي المهم مادري لوووول.


تذكرون ايام الكشخه قبل كانت عباره عن سيارة هوندا بيضه اكورد باب واحد ولازق على الرقم من ورى شعار نادي الكويت يعني كووول وولد العاصمه والمشط بالدرج اللي على قبضة يد حق الجاكسون وحاط بالمسجل فرقة الدانه ولا عبدالكريم.

تذكرون لما تطوروا الشباب بالطلعه عقب سوق الديره والعماره البيضه قاموا يروحون الصالحيه ويدشون محل محل ويتطمشون حجي هذا بجم وهذا بجم) لين يطردهم راعي المحل لما يعرف ان المخباة مافيها الا 1.500 حق الرده يا بالتاكسي ولا وانيت.



تذكرون اول ما يبوق الصبيان سيارة الوالد كانت الريل اليمين على البانزين والريل اليسار على البريك من الثواره .... ولازم طبعا يمر على الربع بالفريج ايتشيحط عليهم....واديلوووووو بريك وبانزين


تذكرون لما كانت جائزة البيبسي سياره بالمغاطي مالت البطول كنا الظهر نروح الحوش الوراني ونبطل السحاحير كلها وبعدين نرد نسكرهم اي كلام جود الغازات كلها طايره ومتبخره وصاير ماي مايوه.



تذكرون لمايقول الاستاد ان هذي الصفحات ملغيه ايوااااااااااا تعال شوف التشخط اللي على الصفحه من فوووووووووق لي تحت ولا انشقها خير شر من الكتاب.....شدعوه هالحقد عاد......


تذكرون لما اتهاوش مع ولد جيرانكم وتقوله وخرعن بيتنا وعن رصيفنا يقولك مو رصيفكم هذا رصيف الحكومه
كلام منطقي الصراحه , لووول ويقعد يحوس جبال بيتكم ويمر يمك ويقولك ماحشتك ماحشتك خخخخخ.



تذكرون كمبيوتر صخر 170 لما حنينا على الوالد عشان يشتريه عشان يساعدنا بالدراسه اخر شي محولين على لعبة الاميره ام الخواتم ورامبو اللي يطير الطياره ولي دش الوالد حطينا شريط بنك المعلومات يعني استفاده لوووول.


تذكرون لما يروحون الصبيان السوق مع الوالد يشتري لهم خامات حق العيد ..اخر شي شاري طاقه كامله نفس اللون وتشوف باول يوم العيد من الوالد لي الاخو الصغير نفس الدشاديش (تقول فرقة التلفزيون لوووووووووووووووووووووووووول.)



تذكرون لا بغوا الشباب يشيلون حديد قبل يعبون قواطي نيدو اسمنت ويحطون بينهم بايب حديد وهووووووووبا واخر شي منكسر ه ظهورهم....
لووووووووووول.


تذكرون المسجله السوده مالت استاد الانجليزي لي دش علينا فيها قمة الوناسه اليوم ليسيننج يعني مافي اسئله ورووووح سكشن فايف.....
ترررررن تررررررن سكشن فايف.....هاي سوبر فالكون ههههههههه.



تذكرون السشوار البيج بو جنطه بيضه تقول لاب توب مع الهوز جنه خرطوم طياره ( تشغله قبله بيوم عشان يصير حـــار.)..لوووووووووول


تذكرون الكشكول الادعم اللي في صوره بابا جابر الله يرحمه ومن ورى صوره بعير والمسجد اللي بالضاحيه .


تذكرون لما نقلد رقص مايكل جاكسون ونسوي حركه الرجعه وحركه الايد اللي على الجام ونغني بيييييييييييلييييييييييه بييييييييييلييييييييه شنو بيله مادري لووول.





وااى تسلم اييد الى كتب الايميييل وسعت اصدورنااا




46 comments:

Яeema said...

شنووو هذااا!!!؛
يحليل إللي كاتبه مو مخلي شي

المسجله السودة و السشوار

العضه والساعة

---
تذكرون المعجون الصغير اللي ريحته تبط الراس


عيالي قاعدين يستخدمونه
موجووود و يا التفافيخ علمتهم يترسونهم ماااي




واااي كلشي كلشي




تذكرت السانكست
صج صج تنبط جبدي لما أمي تنزله من الفريزر



الكمبيوتر صخر و أميغا أول مرة إنشوف فلووبي ديسك مستانسين
هههههه


واااااي رجعني 50 سنه ورة
looooooooooooool

charisma said...

ابى اعلق

هههههههههههههه

واى العضه ام ساااعه
عمى عمى كان يسويها لنا
لول

الفضول الا انعرف شكو بالصيدليه هاذا مار على
لول

قصص الشعوب
الله

الطشت والمغرافه الزرقه
لوووووووووووووووووول
حتى بالغزوا ردينا عليهم
:(

النومه بالسياره انا كنت ملكة النومه بالسياره ورا يم الجامه
هههههههههههههه

الشراغى الاحمر المدور مال المسدس الى ما ينطق بالمسدس نقلبه بكعب امى
طااخ طااخ لما انطلع مصارينه

ههههههههههه

المسجله السودا مالت ابلة الانجليزى
:)))

من تقبل فيها نستااانس
حق الاغانى
:)))

السشواار بو هوووووز
لوووووووووووووووول
يااامه مقط شعورنا
لوووول

يحلوها من اياام
وااى حدى سرحت بذييج الايام

ااه يا قلبى

ام الحفيز said...

كريزما
حسبي الله على ابليسج موتيني من الضحج.....يازين ذيج الايام البال رايق والنفوس شفافه الله يردها لنا وتصفى نفوس هالعالم

سالفة قلب said...

تــــــــــافــــــــــــاتيــــــــــي فـــــــــــي تاتي والصفقه بصبعين بس ..

ههههههههه ماحبها مااحبها
كنت اوقف والأبله المصريه من قلب اتطلعهاتااافي تييييي
واخذي عاد الرشاشات المائيه

كنت دايما انخش ورا وحده من البنات عشان اسلم


تذكرون لي شفت واحد عنده سيارة مرسيدس كان يحوشك فضول الا تبي تعرف شنو اكو بالصيدليه اللي ورى بالسياره
هههههه صح صح يننا ابوي وامي على هالسالفه

ههههههههههههههههههههه
اقرى واقول اي والله واضحك
شرحتي صدورنا الله يشرح قلبج ياكريزما

كادي said...

هلا كاريزما
الله رجعتينا حق أيام زمان ايام الطفولة البريئة والمراهقة البسيطة صج ألحين لما نشوف أصور قبل نبين شلحان ملحان بس وقتها عند روحنا نهبل بس تدرين الي بالخمسينات ألحين أول كانوا إذا بصورون بالبيت كانت الخلفية يا زولية فيها مليون نقشة معلقة على سور البيت او شرشف معلق عالحبل والله لا يوريج الكشخة يا دشداشة فيها بقع او الحلوين مصورين بالمكسر واليهال بالداخلي خبرج اللستربتيز كان دارج عندهم بسصج كانت أيام حلوة
ومشكورة على أيام الأسود والأبيض

Chai-7aleeb said...

كاااااااااك


أحلى شى لما كنا نمسك المثلث فى حصة الموسيقى اللى ما له سالفه و لا صوت لما ندقه

Cr8ivia said...

LOL

واي كاريزما هيضتي المشااااعر و الذكريات

العضضضضضضه اذكرها المشكله يعوووور بس كله في سبيل الساعه!

تاافااااتيفي وااااااااااااااي لما ادش حصة الموسيقى كنت جني خروف العيد صبح العيد


هههههههههههه اما المرسيدس كانت سيارة امي بس من ذرابتي الزايدة و حياي عمري ما بطلته و لا سالت شنو فييييه بس اتساءل بيني و بين نفسي


انا ما لحقت على الدفاتر مع الكتب بس اعرفهم


ههههههههههه الكره كنت هجوم و انا اللي اقسم الفريق اللي يغثني و ماحبه احطه قولجي هههه


طشت !!! اول مره اسمع ههه


ما كنا نتهاوش على قعده ورا حق النومه
الهواش على جدام :P

اشتهيت ساااانكيست مثلججججج

و عبدالرحمن العقل الف صورة مصورين معاه كل مسرحيه

واااي كمبيوتر صخر و المسجل الاسود

الا ليت الطفوله تعودو يوما

7osen said...

احلى شي هذي الفقره
:
تذكرون لما كانوا الاولاد يلعبون كره مبارات بالفريج واذاكان واحد من الفريق ناقص لاعب بعد ما يبيله قولجي دفاع هجوم ماشاءالله قرندايزر مو قولجي وطبعا كان اللعب لــــــي اذان المغرب اول ما يقول الله اكبر

:

واذا كان في واحد كبير مايصير يتعدى نص الملعب

هههههههههههههههههههههه

والله ذكريات

الله يعطيج العافيه ضحكتينا

:))))

كادي said...

مساء الخير مريت مرة ثانية على مدونتج وما كنت منتبها أول مرة على صورة الصلال ضحكت ضحك من وين يايبتها يعني شكله يضحك ويخرع ولا نتفت ملح وهلاقه مسكين لو يشوف روحه مع ان الصورة وصف دقيق لكشخت شباب أول بس بدعتي بالصوره
مع اعتذاري للصلال

جوى said...

الله يا كاريزما .. ليت الزمان يعود بنا
إلى الوراء
إلى عهد البراءة والصفاء
عهد الطفولة

هااااهاااا .. أتذكر حصة الموسيقى وتا فا تي في والأصبعين

هااااا هاااا .. كلشي ولا لازق شعار نادي الكويت يعني كشخه

أشياء كثيره مذكوره تذكرنا بطفولتنا البريئه .. للأسف أولادنا لم يحصلوا على طفوله كطفولتنا حيث الأمان والحب والألفه

ما زال الحنين يناديني
وعيوني صوت يصرخ في عتمة المشوار
ويومي روح تحيا في صدى الامس
كم يشدني الشوق الى نسائم الطفولة
وتتوة بي الاحلام على مشارفها
اعود الى احضانها الدافئة
واستنشق شذاها العطر



شاكرة لك هذا البوست الجميل .. الذي أسترجع لنا ذكريات الطفوله الجميلة

bo9ali7 said...

LOOOL
3jeeb
ba3ad fe sha'3la mo mwjoodah

go6i al sankist elli yn7a6 fi tayer al gary o y6ali3 9ot moz3ijjjjjjjjj...ya3ni saykal :P

o altayr lazm mtaybeenah aswad ba9far..tadren qadsaawi :P

o fe ba3ad elli 6al3 feha y7e6 3alam 3aleh haykal 3athmi..ya3ni mhawshchi

TReSTeN said...

لووووووووول
صرااحة مت من الضحك على كمبيوتر صخر

انا ساامع بالكمبيوتر انه يعرف كل شي

وكاتب اسم القادسية وكاظمة
وناطر الكمبيوتر يعطيني النتيجة مالي خلق اطالع المباراة ابي العب

لووووووووووووووووووول
قمة الهبل

charisma said...

صباحو عالحلويين

ريمه:

لوول
اىىى تعبان فيه الى كاتبه
كافى احساسج وانت ترجعين لى هذيج الايام
متتعه
:))


ام الحفيز:

اميييييين
صااجه يا حلو الانفوس ذيج الايام


سالفة قلب:

لوووووووووووووووووول
وييييييييييييييع
ههههههههههههههههههههه
اتخيل المنظر

حبيبتى انتى
عسى دوم يا سالفة قلبى


كادى:

هههههههههههههههههه
ضحكتينى على التصوير
صح صح
لوووووووووووووووول

حياج الله حبيبتى
:))


جاى حليب :

اهلا وسهلا بهالطله

لووووووووووول
اندثر اصلا
من كثر ما ان ماله معنى بالوجوود
اختفى المثلث
ههههههههههههههههههه

charisma said...

cr8ivia:

هههههههههههههههه
يختى يا حلو الذراابه والله
:)))

اى اى يعور القلب نبى هالايام ترجععععععععع
بساطتها حلاوتها نفوسها
زمانها

:(


حسين:

:))

هذى ذكريات صبيان احنا ما انعرفها انتو اخبر فيها
كره قدم
:)

الله يعافييك ان شاءالله دوم تضحك


كادى :

لوووووووووووول
واى كادى حسيتها اهى الصوره الصح فى هالبوست
:))))


جوى:


الله يا جوى
عجيبه الكلمات
اى والله صدقتى اليهال الحين طفولتهم اتخرع
مو قاعدين يستمتعون فيها مثل ما احنا عشناها

العفو يا جوى
ما نزلت هالبوست الا عشان نذكر هالايام وانتشارك بالذكريات البسيطه
بسنه تكلف
حلو الواحد يذكر بساطته وايام كانت نفوسنا نظيفه


بوصالح:


لووووووووووووووووووووول
هههههههههههههههههههههه
اى اى اذكره بس ما سويته
اشوف عيال خالتى يسوونا
:))


علم على هيكل عظمى
ياا سااتر
لوول هههههههههه
لا هذا ما مر على
:)))


tresten:


ههههههههههههه
كمبيوتر صخر
سوا ضجه بذيك الايام


:))

SHAHAD said...

واي حده ابداااع
مت ضحك وانا اقرااه
صج اني ما لحقت على كل شي
بس في اشياء أذكرها لوول
.
.

تذكرون لما نقلد رقص مايكل جاكسون ونسوي حركه الرجعه وحركه الايد اللي على الجام ونغني بيييييييييييلييييييييييه بييييييييييلييييييييه شنو بيله مادري لووول

أما هالحركة أذكر عمي كان هاب فيها لوول
كان يعشق جاكسون لول

Hungry-Healthy-Happy said...

تذكرون شريط الشراغي الاحمر اللي اذا اخترب المسدس ماله مايبيله كلام حًول على كعب الوالده وكمل عليه بالكاشي
والا على عتبة الباب

لوووووووول كنت أسويها واايد مع أخوي لوووووووووول

تذكرون السشوار البيج بو جنطه بيضه تقول لاب توب مع الهوز جنه خرطوم طياره

أما هالسشوار كان عجييب كنت مستانسه إن شعري ناعم و ما أحتاجله لأن شكله يخرع لوووووول

Anonymous said...

انا مواليد السبعينات

charisma said...

شهد:

هلا هلا بشهد

ههههههههههههه
عجيييب ما ادرى منو كاتبه مو ناسى شى
:)))
اما مايكل جاكسون
ههههههههههههههه
عيال خالتى ابدعااو
لووووووووووووووول


joli:

هلا بجولى
:)

هههههههههههههههه
اى اى حتى احنا بدعنا فيه
ولالا كنت احب ريحته
لما يحترق اشمها
ادماان بعيد عنج
لوووووووووووول

السشواار كان اشثقله
:)))

charisma said...

nirfana:

حياج الله باول زياره

الله احلى مواليد واقدع ناس السبعينات

:))

عيل تذكرتاى هالايام عدل
:)

شاكره مرورج

ana_sokkarah said...

تكفين هذا من أي دفتر مطلع خبايا الماضي

لووووووووووووووووول مت من الضحك حتى وآنا قاعده أكتب التعليق مادري شعلّق عليه وشخلّي

ههههههههههههههه يحليله

الله ذكرني بالسانكست اينن واي طعمه عجيب أهم شي يعني مبتكرين شي غريب وعجيب لووووووووووول علينا قبل وهمن في ناس يثلجون لبن كي دي دي الأخضر يحليلهم

اللي مالحّق على هالسوالف طافه لأن هذي أحلى فترة والله

ذكريات حلوة وايد وشكرا انج خليتينا نشاركج بهالذكريات العجيبه

barrak said...

روحي الله يسعد اللي كاتبه ويسعدك دنيا واخره
مت من الضحك
كلش ولاسالفة السشوار الابيض بو حوز كنت احط اذوني عى الفتحات لما يطلع هوا حار
لوووووووووووووول

ام الحفيز said...

كريزما

ويــــــــــــــــه نسيتوا اول بالمدارس لما يحطون المرهم على العيون والعين والرموش ادبق من الدهن
وووووووووووواي صج ذكريات عصفت بي

charisma said...

انا سكره:

والله يا سكره ما لى بالعاده احط بوستات طويله

احس الواحد ما عندا وقت

احرص على البوستات القصيره

بس هذاااااااااااا

لووووووووووووووووول

ما قدرت اختصره اينن بطوله وبكل كلمه فييه

:))))


براك:

ههههههههههه
عسى دووم يالغالى

لوووووووووووووووووووووووول
اى اى صححححححححححححح
تذكرت حتى انااااااااا
:))))



ام الحفيز:

لوووووووووووووووووووووووووول
هههههههههههههههههه
ههههههههههههههههههههه
اى اى اى صاااجه
تذكرت ههههههههههههههه

واى واى ليش ليش كانو يسوون فينا جذىىىىىىىىىىى

هههههههههههههههههههههههه

واى موتينى ضحك
مجابله الكمبيوتر ميته ضحك

:))

shakshaka said...

ana mala7agt 3la kil hal ashya bes mittt mittt mn ethe7ek kooon kel ele dar madari akbar mennni fa 3arfa hasuwalif minhom bes ele katba sejjj mashalla 3laih mo emkhalee shay wala 3ad salfat elnoma wara 3nd el jama hathee le3batna bes atwaqa3 nesa shay...te6efer awal ele endagdeg 3al awadem matwaqa3 ako a7ad mamar feeeha LOL 7ata elbadala yanannaaaahum! :P

عثماني said...

يزاج الله خير ..كريزما... صج ضحكتينا... محتاجين نضحك... يازينها من ايام.. ايام غريندايزر و البطل الخماسي الله يذكرهم بالخير ... ايام مدرس الموسيقى المصري اللي يعلمنا نطق " مرواس" شلون !!؟ مادري؟؟.. ايام تونس.. كبرنا.. و ماكو شي يونسنا

DiLLi O MiLLi said...

يمه أشهالفزاعة طيور اللي حاطتهاااا !!؟؟
شكلة ضضضضيييم وظلاااايم !! الشعر جنه غاسله ابيبسي .. والشوارب جنهم نباطه .. الله على الدلعه .. مووووت !!!ء


بعدين من أي صندوق مبيت مطلعه هالأشياء المغبرة !!؟؟
ودي أقوول ما لحقت على هالأشياء .. بس أدري قويه ما تصدق

وااايد أشياء بس بركز على اللي ألفتوا نظري

الله على معجون التفاخيه .. كان غرامي وكنت شاطرة فيه .. كنت أسوي منظاد مو تفاخيه ههههههههه

أأأأووووه يا سدحة الجامه الورانيه وخاصة عند حدرتنا من الشاليه .. انا شخري ليه البيت .. ساعات آخذ راحتي جني بفراشي فأتشرقد تلقين ريولي .. طرربااااااخ .. براااس وحده من خواتي هههههههههه

هههههههه ... كلشي ولاااا لزقة نادي الكويت عشان الكشخه !! أشوة اني كويتاويه


شوفي يااا كريزماااا .. رجاءً مرة ثانية لا تحطين لنا بوست يفضح أعمارنااااا
:)

:**

S-Q8 said...

LOoooL..so true.. kil shay
3ajeeeeb
تذكرون لمايقول الاستاد ان هذي الصفحات ملغيه ايوااااااااااا تعال شوف التشخط اللي على الصفحه من فوووووووووق لي تحت ولا انشقها خير شر من الكتاب.....شدعوه هالحقد عاد
3ad hathy kanat min galb
o 7arakat superman kina wayed nsaweeha ba3ad.. la o kil mara nghayer el sharshaf! 7asbalna man6eer lana el mshkila bil sharshaf mo feeena!
i miss those days
thanks for this lovely post
u cheered me up wallah

tweety said...

لووووووووووووول

عجييييييييب

بس عاد ليش التحرش أنا ليلحين اسمع سلمان زيمان وأحب اغنية ذكريات


اكثر شي اتذكره
العضة
والعصير
وكمبيوتر صخر
وكشكول بابا جابر
وتافاتي تي وانا كله عبالي شاطرة فيها لووول

Mamloo7a Q8ia said...

ههههههههههههه
يا حلوج وخف طينتج
واااااي مت من الضحك
الله علي ذيج الأيام العجيبة

سالفة غسال الحوش ترى انا للحين اسويها حق اليهال وكل واحد يسوي سكيتنج على كيفه

هههههههههه
السشوار بوخرطوم خالتي للحين هندها مثله
راح اصوره لكم
هههههه
البوست عجيب وسع صدورنا وضحكنا من قلب
عسى الله يونسج بالعافية

الوجد said...

يا سلام على حديث الذكريات ومتعة قرائتها

يا زين ذيك الايام ببساطتها وعفويتها

لك كل الشكر

كثير أستمتعنا بهالبوست

بوغازي said...

كانت أحلى أيام وأجمل أيام... كل شي فيها يونس مهما كان صغير وبسيط... الله يذكر ذيك الأيام بخير.. والله يوسع صدرك مثل ما وسعتي صدورنا..
بس ليش محد ياب طاري آلة (المولوديكا) إلي يطلبها استاذ المسيقى منا بداية كل سنة، ولازم انيبها في كل حصة معانا، بس مومهم انتعلم عزف عليها:)

charisma said...

شكشكا:

يختى والله يسلم قلبها الى ما الحقت على هالسوالف
:)))

سالفة تالتدقدق وتطفر الناس صااجه هذى هبة قشره اذكرها زييين
:)))
بس ما طولت فيها

لوووووووووووووووول
وااى ضحكتينى حتى البداله شكشكاااا
ههههههههههههه
بدعتاو

عثمانى:

حياك الله اخوى
اى والله صدقت

بالنسبه لنا احنا البنات والحريم ما نقول كبرنا
ههههههههههههههه

نقول اى صاج ماكو شى قام يونسنا مثل ذيج الايام
بسسسسسسسسسسس
ما كبرناا بعدنا صغار
:))))

منورنى



دلى وميلى :

لوووووووووووووووووووووووووول
هههههههههههههههههههههههههههه
واى مت مت ضحك دلى

ههههههههههههههههه

بس والله خف طييينه حداا
:))))))

الحين بذمتج تبلعين ولا اجابلين واحد من الممثلين يسوى جذى بروحه واجابلينه؟؟؟؟

واااى اهمه غيييير
ايامهم غيييير
واااى كنا انجابله ونموت ضحك عليه

لا يا عيونى انتى
قويه ما لحقتاى
:)))


ههههههههههههه
من قال فضح اعمارنا
هههههههههههه
لا لا لا اتحاتين
وايد الحقاو على هالسوالف
;)

charisma said...

نعناعه:

اهلا وسهلا حياج الله
:)

اما سالفة سوبر مان انا اعرف واحد صج ربط الشرشف وقط عمره من فوق طاح وتكسر
:)))

عسى دوم مستانسه
:)


تويتى:

هلا هلا هلا

لوووووووووووووووووول
تويتى صح صح
حتى انا عبالى انا فلته فيها
لوووووووووووووول
وهم جم وحده نفس هاللاحساس ان احنا شطار فيها
لوووووووووووول
مصخره
وكلها تافاتيفى تا تى
ههههههههههههه



مملوحتى الكويتيه:

هلا بالملح وقبله

لوووووووووووووووووول

ما استبعد القى عندج شى من التراث اخبرج انتى زيين
هههههههههههههههههههههه

اى اى بليييز مملوحه صورى
وااى خل نشوفه ولهت علييه

:))

charisma said...

الوجد:

:)
حياج الله عزيزتى
غرضى ارجاعكم لذيك الايام
مجرد ذكراها يرسم البسمه ويفرح
:)

بوغازى :

حياك الله

امييين اجمعين يا بوغازى

هههههههههههههههههههه
اى ذكرتها
اسميها انا المونوديكاااا
ههههههههه
:)
صح صح
ذكرتها

واذكر هذيج الثقيله الى نشيلها على قلبنا الاوكورديون
شكبراا نلبسه على الجتف
ويعتتتتتتتتتتتتتتت

ذكرتاا
هههههههههههههههههههه

shakshaka said...
This comment has been removed by the author.
shakshaka said...

eeeh walla shal habbba el gashraa ele 6e7na feha ya charisma la wo lo agolich b3ad habbat enshabek el kh6ooo6 endeg 3la baitan wo nashbekhum wele eshela mn hne wo hnee wo 3ugb yetnajerooon...
na3am khair ent ele dag? ered ethany ana dag? wallaah el3atheem ent ele daaaaaaaaag LOL wi7naa mayteeen mn ethe7ek madre shil wanasa wa3alayaa mara sawaianaha eb yadetee omm oboiy wo yadity omm ommmy shebaknahum weya b3ath tabeen tanajaraw tabeen galaw mn dag 3al thany laa kamilooha suwalif akher shya mn el7arra 6ala3lithom bel khaaa6 solaft weyahum wa3alayaa wala yadroon:P

charisma said...

شكشكا

لوووووووووووووووووول
يماا منكم شهالبلالالاسه
:))))))))))))))))))))

حراام شبكتاو العالم
ههههههههههههههههه

شطانه

بنت الشاميه said...

وااااااااااااااااااى ياحلو هالايام

شفيكم هالايام كله مذكرينا بهذيك الايام


والله يعورنى قليى اتذكر شلون قلوبنا

كانت خاليه ونظيفه....ما فيها الا

العب والدراسه


كلشى كوم والخناق على السدحه ورا

الجامه تهبل هالسدحه .......والخناق على المجلات ...لولو وبساط الريح

وطبعا ميكى ومجلة سمير.....شصار فيهم؟؟؟


مشكوره ضحكتينا وونستينا

يعطيج العافيه وللمطرش لج الايميل

PINKJAWBREAKER said...

LOL ana 80's o athkir salfat Micheal Jackson - o elsaa3a - o el teshe5be6 3ala 9af7aat ay shay cancelled :D.. kint a7gid 3ala 3amy lama e3ithny :| o kaan 3indy 5aala kila tagre9 7inchy :| <-- 6foola mo3athaba

أبو إسحق said...

و الله من زمان عن هالشغلات الحلوه و الذكريات الجميله و من زمان ما ضحكت كثر ما ضحكت على هالبوست\

مشكووووره

Almas said...

رهيييييييييييب

مشالله عليه

بس نسى كريم بيرل كريم مال الشعر

الشعر لازق عالجنب .. يعني كشخة

نسى

حشاج وللحاضرين .. نسى حمامات البر القديمة .. الماي بااااارد

عقبها نركض ركض صوب الدوا
ألحين أرحم

نسى

الحزم الذهبية والفضية إلي كانوا يكشخون فيهم البنات الناضجات مع البدلالت الي فيهم لونين بس كل لون وتخريجه .. والبنات الصغار كبابيس القش البيضا وداير مادايرهم شريطة حمرا .. وطبعا هالكشخة بالأعراس فقط

وغيره وغيره

ذكريات عزيزة

ونستينا ترافجج الفرحة والوناسة وين ما رحتي

QiYaDiYa said...

hehehehheeheheh ;p

نذكر نذكر و نذكر ;p

والله ايااام !!

;p


الي كاتب الايميل عاصر مخه عشان يطلع كل هالذكريات !!

;p

charisma said...

صباحكم خير وفل وياسمين


بنت الشامية:

اى والله يا بنت الشامية
القلوب كانت نظيفه
يحلوها من ايام

اى اذكر هالمجلات
انا على وقتى مجلة ماجد وسعد
:))

pinkjawbreakar:

hehhehehheheh lol
la 6folaa 3nefaa klhaa 3aaath hehhehe

7yach alah 7bebty mnawra
:))

charisma said...

ابو اسحق:

ان شاااءالله دوم تضحك يا بو اسحق
:)

الماس:

ههههههههههه
لووول
واى صح صح
ولالا تذكرين الشرايط
الى نربطهم بروسنا على المرحلة
كل مرحلة لوون
هههههههههههه
الى ما ارجع البيت افل شعرى الالالا راسى يعورنى من كثر ما امى كانت اتعذبنا بالفرق
ههههههههههههههههه

حبيبتى انتى اجمعييين


قيادية:

هلا هلا زارتنا البركه
حى الله قيادية

:)

والله نفس تفكيرى
اشلون قدر يذكر كل هالاشياء

:))

Unknown said...

الصراحة طماشة

العضة تصدقين كنت اشوفهم يسونها وانا انحاش
واروح اسويها حق ربعى :)))

واهم شى رقصة مايكل كنا نصرخ وقف وقف وقفففففففف
وبالنص نسوى الرقصة

ترى كنا ملقققق:))

charisma said...

لوووووووووووووووووووووول

هههههههههههههههههههههههههههه
من صجك
الا حد الملالاقه

بس قارن بين لعبنا اول وسوالفنا
ولعب اليهال الحين

تقول يا حلوها كانت من ملاقه